суперхикс – Вистина.мк

„Суперхикс“ празнично ви ја подаруваат – „Како боли“ (ВИДЕО)

Антонио Димитриевски — Tue, 02 Jan 2024 13:23:43 +0000

На неколку дена пред самиот дочек на Новата 2024-та година, позната македонска поп-ска-реге група Суперхикс ја промовираше својата најнова песна „Како боли“ заедно со видеоспотот за истата. Музиката и аранжманот се на членовите на Суперхикс, додека текстот за оваа песна го подготвија Дарко Попов и Борис Минов. Песната е снимена во студиото „Тра Ла Ла“, под продуцентска палка на Мите Димовски. Режијата,камерата и монтажата на видеото ги потпишува Трифун Ситниковски. „Наскоро излегува и студискиот албум, а бендот се подготвува за серија активности поврзани со јубилејот „30 години Суперхикс“, велат од „банда инструмнтале“ како што популарно се нарекува бендот. Какво празнично изненадување подготвиле тие за своите фанови и публиката, погледнете од видеото во продолжение продолжение:

„Суперхикс“ со најава за 30 години кариера

Антонио Димитриевски — Fri, 03 Mar 2023 11:01:57 +0000

Некаде на крајот на 1993 година, од страна на тројца скопски другари била формирана групата “Суперхикс“. Сепак, за официјален датум по кој се води “роденденот“ на групата е земен 03.03.1994 година, денот кога Суперхикс во трио формација го имале својот прв настап во тогашниот дебармаалски клуб The Doors. Сето останато е речиси тридецениска музичка историја полна со интересни приказни. Денес „Суперхикс“ полнат 29 години и почнуваат да ја ситнат 30-ката а по повод големиот јубилеј групата подготвува славје кое ќе кулминира во март следната година со голем концерт и многу гости. Велат дека наскоро на јавноста ќе и ги обелоденат сите детали. – Покрај “централната прослава” ова ќе биде и година на нов албум (се надеваме дека ќе имаме и винил на време), суперхиксовска изложба, акустик сесии, документарец,регрутација на младо членств о (настапи низ училишта) и уште куп други активности. Да не биде не сме кажале на време..имате една година! Ваша Банда Инструментале! – изјавија членовите од Суперхикс. Инаку Суперхикс во континуитет работат цели 30 години и во својата кариера сцената ја делеле со големи имиња од светската музичка сцена, како: Manu Chao and Radio Bemba Sound System, House of Pain, Green Day, Bad Religion, Faith No More, The HIVES, Gogol Bordello, Roots, Inner Circle, Fun Lovin Criminals (twice), Tito and Tarantula, Henry Rollins, Rico Rodriguez (The Specials)), 30 Seconds to Mars, Flogging Molly, Fishbone, Fun Da Mental, Morcheeba, Moloko, Gentleman, Napalm Death, Hladno Pivo, Let 3, Zemlja Groova, Kud Idijoti, Edo Maajka, Atheist Rap, Mizar и многу други. Велат дека не успеваат да ги избројат сите настапи во Македонија и светот, имаат издадено 2 демо изданија (демо касета и ЕП), 5 студиски албуми и 1 компилациски (best of), еден албум во живо, десетици компилациски учества и секако најновиот албум кој ќе пристигне годинава а за кој веќе се пуштени во “промет“ сингловите „Добар Човек“, „Модерна Љубов“, „АНА“, „СКАрантин“, „Крута“.. Суперхикс, во своите 3 децении постоење, имаат добиено десетици награди на разни музички манифестации во Македонија но и регионално за: “концерт на годината“, “бенд на годината“, “сингл на годината“, “група со трајни музички вредности“, “музичка константа“, “албум на годината“ и сл. Им го честитаме роденден на Суперхикс и им посакуваме уште 30 години успешна кариера. Сигурни сме дека ова ќе биде нивна година и дека ќе ги израдуваат своите фанови со многу настапи и со нивната препознатлива хикси енергија.

„Суперхикс“ бараат државата да субвенционира антидепресиви за да бидете -„Добар човек“ (ВИДЕО)

Антонио Димитриевски — Wed, 07 Dec 2022 08:48:49 +0000

„Суперхикс“ го промовираа својот нов сингл со наслов „Добар човек“ и анимиран видеоспот авторско дело на младите Меланија Димоска и Александар Несторовски. Уште еден од неколкуте кои го најавуваат најновиот студиски албум на вашата Банда Инструментале. Песната е снимена во студио „Тра-Ла-Ла“ на Мите Димовски. Tекстот е на Борис Минов и Петар Младеновски, амузикатаи аранжманот ги потпишуваат членовите на „Суперхикс“. Патем, „Суперхикс“ упатуваат апел и предлог до Министерството за здравство и сите останати релевантни институции да се субвенционираат сите антидепресиви и релаксирачко-смирувачки медикаменти. Македонија е рекордер по сите параметри за користење антидепресиви и седативи по глава на жител, па со ова значително им би се олеснило на корисниците, аза жал ги има илјадници.Очекуваме одговор - час поскоро“. Дотогаш, заштедете на пари, а сепак зачувајте ги вашите нерви и психа со „музичкиот седатив“ на „Суперхикс“ и бидете... „Добар човек“ (КЛИКНИ ТУКА):

„Суперхикс“ како музички репрезенти на „Северна“ во Бугарија и Грција

Антонио Димитриевски — Wed, 21 Sep 2022 12:34:54 +0000

„Суперхикс“ - банда инструментале најавија настапи во Бугарија и Грција. Како што соопштија од Суперхикс, прв е целовечерниот соло концерт во култниот музички клуб „Строежа“ на 21 септември, среда, во Софија, по што следи и краток акустичен сет во „Catch A Fire shop“ во Софија. Вториот настап е закажан за во Солун на 23 септември, петок како дел од популарниот „Стрит Муд Фестивал“ каде бината повторно ја делат со легендарните њујорчани „Fun Lovin’ Criminals“ по нивниот заеднички настап на Таксират, 2003 година. Суперхикс ќе се претстават пред грчката публика со свој 50 минутен концерт.

На „Суперхикс“ новата песна им е баеги – „Крута“ (АУДИО)

Антонио Димитриевски — Mon, 11 Jul 2022 12:33:15 +0000

„Суперхикс“ деновиве го претставија првиот од неколкуте нови синглови, снимени во текот на месец јуни оваа година. Необичен наслов за една песна. Снимена е во студиото „Тра-ла-ла-ла“ на Мите Димовски, која неодамна ја здогледува виделината денот со својата промоција на социјалните мрежи и во радиоетерот. Ова песна воедно ќе биде и првата од неколкуте нови синглови на „Суперхикс“, кои публиката со нетрпение ги чека. Во меѓувреме: Петар Младеновски - бас и вокал, Борис Минов - гитара, Дарко Попов - тапани, Александар Спасовски - труба, Симе Златков - саксофон, Бранко Илиевски - тромбон, Гоце Лалковски - грамафони, Стефан Алексовски - клавијитури, сите членовите на скопската „банда инструментале“, како што „Суперхикс“ се нарекуваат, ќе настапуваат на концерти низ Македонија, а тоа ќе биде и одлична шанса покрај палетата свои хитови и песната „Крута“ да ја промовираат пред својата публика во живо. Како звучи „Крута“, проследете во продолжение:

Пеце – „Суперхикс“ во предизборно-политичка СДСМ кампања, а бендот се огради од него: Не е кандидатот за градоначалник на СДСМ – центар добар, туку музичарот има личен интерес ако тој победи!

Антонио Димитриевски — Fri, 15 Oct 2021 09:19:33 +0000

Локалните избори се на прагот, кампањата привршува, на чекор сме од гласањето за нови градоначалници по градовите и оштините. Скопје, секако најпрималиво, а со тоа и најнеизвесно... Или барем така е во поедини општини, кои досега биле за некого сигурни, неосвоиви цврсти тврдини, бастиони на политиката која одредена партија за протежира. Центар е една од оние кои важат за СДСМ-овско гнездо кое тешко се урива, а друго „партиско пиле“ тешко може и да го прелета, а камо ли да се вгнезди. Но овој пат рсе чини работите стојат налку поинакум, па затоа партиската врхушка се потрудила да ја активира целокупната армада на подржувачи, поттикнувачи, агитатори... за да остане на своето центарско прибежиште. Едем од оние кои јасно, гласно и аудиовизуелно и се приклучија на пропагандната предизборна СДСМ машинерија и фронтменот, басист и вокал на групата „Суперхикс“, Петар Пеце Младеновски. Во својот неколкуминутен монолог Пеце ќе го изнафали предложениот за градоначалникк на Центар СДСМ-овски кандидат, небаре му е роден брат! Но дека една ластовичка не чини пролет, а дека сите не мислат исто или умеат и да мислат, поразлично, секако, покажаа неговите колеги од „Супехикс“. Имено, членовите на бендот со свое соопштение или поточно демант на официјалната Фејсбук страница на бендот, јавно се оградија од поддршката на нивниот пејач кон кандидатот на СДСМ за градоначалник на Центар. ...“Вие знаете дека јас никогаш не сум поддржал ниту сум застанал зад некој политичар кога станува збор за нивните кампањи но еве го правам тоа за Горан затоа што го познавам многу долго и верувам дека ќе го направи тоа што го ветува“ – се „правдаше“ се Пеце Младеновски фалејќи го кандидатот за градоначалник на општина Центар како „џамбаз својот коњ“. Но всушност, зад оваа лажна лицемерна мимикрија се крие нешто сосема друго. Нешто што е многу посуштинско и всушност единствената права вистина зошто музичарот толку го го протежира политичарот. Зад целата маскарада се крие лична корист. Не е кандидатот за градоначалник на СДСМ - центар добар, туку музичарот има личен интерес ако тој победи! Тоа веројатно го знаат и членовите на бендот, кои сигурно не се политички истомисленици со нивниот музички лидер, а и сфаќаат што е посреди, па оттаму вака и реагираат! Имено, на листата за предложени кандидати за советници на СДСМ за општина Центар е и сопругата на Пеце - „Супехикс“, некогашната манекенка и модел, денес актерка, раста пејачка и ДЈ-ка, Елизабета Клинчаревска Младеновска, која го завзема местото со реден број 17. Пеце знае дека од таа стартна позиција шансите на неговата сопруга за влез во советничкта фотелја не се баш изгледни, па затоа со сите сили се труди да помогне, да турка колку што се може, за евентуално да се случи чудо невидено, па сопругата да му стане општински советник! Кога сме веќе кај сопругите и музичарите, на советничка листа кај истиот кандидат за градоначалник на СДСМ за Центар, се најдоа уште неколку актуелни, несудени или бивши сопруги на познати македонски музичари и музички ѕвезди. Така на пример, носителката на оваа листа со број 1. Андријана Будимир, беше една од двете „најголеми љубови“ на Тоше Проески и велат, неговата „несудена сопруга“. А и сега е сопруга на човек кој имал многу допирни точки со музиката, како дел од едно познато македонско и скопско приватно радио и менџер на најпознатите скопски ноќни клубови и дискотеки. Кандидат за советник на СДСМ за општина Центар под реден број 11. Маја Серафимовска Борозан е и бившата сопруга на лидерот на дуото „Куку Леле“, музичарот, гитарист и композитор Роберт Саздов, со кого таа беше во повеќегодишен брак, се' до нивниот развод. На ова „естрадно - советничко женско друштво“ може да и се приклучи и кандидатката под реден број 2. Едина Муса, која освен што е позната како кошаркарка и мис боди фитнес дама, се појавуваше во некои музички видеа на македонските естрадни артисти, а чаршијата ја доведуваше во врска и со поедини познати музички имиња, кои јавно не беа ниту обзнанети, а информацијата не беше потврдена. Фото: Социјални мрежи/принтскрин

„Суперхикс“ ќе ви објаснат што е тоа „Модерна љубов“ (ВИДЕО)

Антонио Димитриевски — Mon, 25 Feb 2019 10:30:07 +0000

Групата „Суперхикс“ ќе прослави 25 години од првиот настап во некогашниот „Доорс Дебармаалски“, па токму на истиот ден (3 март 1994 – 3 март 2019). Поточно, цели 14 години по легендарниот концерт, „банда инструментале“ ете гиповторно во МКЦ!

„Најголемите хитови, полна бина гости, специјален амбиент и двочасовно лудило за првата ’25ка! Ветуваме дека ќе продолжиме и по 27-мата“, порачуваат музичарите најавувајќи го новиот сингл што се појави деновиве.

Во пресрет на славеничкиот концерт со кој ќе прослави 25 години од својот прв настап во некогашниот „Дорс“ во Дебар маало, „Суперхикс“ како што ветија, ја објавија песната насловена „Модерна љубов“, на која како автори се потпишуваат членовите на бендот.

Песната и видеото се снимени во студиото „Тра ла ла“ на Мите Димовски кој се јавува како тон снимател, а ги потпишува мастерот и миксот на песната во која за првпат како редовен член на бендот учествува и Стефан Алексовски на клавијатури.

Режијата и монтажата на видеото се на Гоце Лалковски, додека зад камерата биле одново тој и Симе Златков. Како звучи и изгледа „Модерна љубов“ дознајте од „Суперхикс“ во продолжение. https://www.youtube.com/watch?time_continue=26&v=VH8XRS3Q-Bs

Јубилеј: 25 години „Суперхикс“ во МКЦ

Антонио Димитриевски — Thu, 31 Jan 2019 13:05:04 +0000

Суперхикс слават 25 години од првиот настап во некогашен Доорс Дебармаалски! Токму на истиот ден (3 март 1994 - 3 март 2019)! Цели 14 години по легендарниот концерт, повторно во МКЦ Скопје. Недела, 3ти март, 21часот! Најголемите хитови, полна бина гости, специјален амбиент и двочасовно лудило за првата '25ка'!! Ветуваме деќа ќе продолжиме и по 27мата! Очекувајте нов сингл деновиве! Да живеат СУПЕРХИКС - БАНДА ИНСТРУМЕНТАЛЕ!! Билети во претпродажба од понеделник (28.01) САМО на Билетарница МКЦ или online преку bileti.mkc.mk. Бројот на билети е строго ограничен!!!

Голем концерт на „Суперхикс“ во Скопје

Антонио Димитриевски — Wed, 13 Dec 2017 12:35:47 +0000

В петок, 15 декември 2017, скопската реге-ска-рок група „Суперхикс“ ќе ја заокружи годината со голем концерт во ВИП арената „Борис Трајковски“ во Скопје. Под мотото „Изрампарарамизирај се“, нашата банда инструментале подготвува повеќечасовно шоу, а како локална поддршка ќе настапи сè попопуларниот состав „Визија“, како и хардкор-бендот „Смат“, Дејан Сибиновски – Баклава и Сашо Ѓорѓиевски (конги). „15 декември е денот кој ќе му даде боја на секојдневното сивило, 15 декември е денот за РАМПАРАРАМИЗИРАЊЕ и најновото концертно шоу на Вашиот омилен бенд!“, стои во соопштението, а влезниците во претпродажба можете да ги набавите во „Југотон“ и онлајн на нивниот сајт www.jugoton.com.mk Во март годинава, „Суперхикс“ го промовираше албумот „Underground evergeens“, кој во октомври беше објавен и на винил. Како прв сингл од изданието беше објавена темата „Луда главо“, а неодамна стигна и видеото за „Мојот дом“, што е своевиден мини-документарец за нивната турнеја.