судијка – Вистина.мк

Боки13-ка ја нарече судијката „хиена и слуга на Заев“: „Господ казнува, не ти“ (ВИДЕО)

Riste Zdravkov — Thu, 07 Apr 2022 11:59:13 +0000

Додека судијката Софче Гаврилова-Ефремова ја образложуваше одлуката за пресудата во случајот „Меѓународен сојуз“, првообвинетиот Бојан Јовановски – Боки 13 бурно реагираше нарекувајќи ја „слуга на Заев“. „Најголемата хиена, слуга на Зоран Заев. Оваа пресуда е доказ дека си слуга на Зоран Заев, но Господ казнува, не казнуваш ти“, рече Јовановски кој во случајот доби 9 години затвор. Судијката, пак, откако еднаш го опомена да не зборува, потоа нареди тој да се изнесе од судница. Со придружба на затворската полиција од „Идризово“, од каде тој беше спроведен и каде ја издржува затворската казна за „Рекет“, Јовановски ја напушти судница. Зборови не штедеше ниту неговиот татко, Миле Јовановски, во неговата изјава пред медиумите. „Дефинитивно денеска умре правдата во Македонија, умрено е обвинителството на госпоѓица Русковска, судството на господинот Џолев и неговите јастреби. Денеска одмазднички пресуди, без никакви докази, тие си ги местат како на нив им одговара. Значи, Македонија нема правда, од дон Заев само пипците уште му се останати“, рече Миле Јовановски. Тој во предметот се гонеше за помагање во делото перење пари и за неовластено држење оружје и за што беше прогласен за виновен и доби условна осуда од 2 години затвор кои нема да се извршат ако во наредните пет години не стори нови кривично дело. Во предметот, осудителна пресуда од четири години затвор доби и Јасна Ерцеговиќ која беше заменик-претседателка на Меѓународниот сојуз, како и асистентката на Боки, Христина Блажевска која беше осудена на едногодишна затворска казна. Поранешната пратеничка од СДСМ и потпретседателка на Собранието, Фросина Ременски, пак, доби ослободителна пресуда.

Судијката која го водеше случајот за старателството над синот Александар ја тужи Северина и бара оштета од 3 000 евра

Христина Ѓоргиевска — Fri, 06 Mar 2020 11:31:39 +0000

Судијката Луција Ласиќ ја тужи Северина поради наводните навреди кои пејачката ги изнела на нејзина сметка. „Не знам зошто се чудим зошто ова се случува кога во оваа држава ни жените ниту девојчињата немаат судска заштита и поддршка за физичко силување. Слично силување поминав и самата на судот во Сплит и тоа во судската постапка за одземање на старателството на синот кај судијката Луција Ласиќ“ се изјавите поради Луција ја тужи Северина, а пејачката ги изјави на концференцијата за медиуми во октомври 2019 година. Луција на 28 февруари одлучила во Општинскиот суд во Загред да поднесе тужба против Северина за нарушување на честа и барала оштета од 3 000 евра. На седницата која се одржала на 19 февруари судијката побарала изземање од случајот, но изеземањето било одбиено. Луција повторно побарала изземање со образложение дека започнала постапка за наштетување против едната странка, односно постапка против Северина. За потсетување, на 28 ноември 2018 година судот во Загреб донесе одлука да и се одзмеме старателството на Северина над нејзиниот син Александар и пејачката веднаш мораше да го предаде синот на нејзиниот поранешен сопруг Милан Поповиќ.

Судијката која и го одзема синот на Северина добила подароци од 330 000 евра

Христина Ѓоргиевска — Wed, 22 Jan 2020 10:43:04 +0000

Судијката Теа Голуб која пресуди синот на Северина, малиот Алекснадар да живее со Милан Поповиќ се најде во центарна скандалот кога беше откриено дека судијката на луксузниот одмор ужива во ист хотел, во кој се наоѓа и Милан. Многумина се прашаа од каде има пари за да ужива седум дена на зимување кое чини како две нејзини плати, па тогаш одлучи да ја покаже својата имтона карта. Со плата во Општинскиот граѓански суд во Загреб од околу 1.700 евра, таа поседува импозантен имот. Меѓутоа тоа не го стекнала, туку го добила како подарок, тврди таа. Во имотната карта на Теа Голуб стои дека поседува стан од 103 квадратни метри во Загреб, вреден 200.000 евра и гаража од 19 квадратни метри, вредна речиси 23.000. За двете недвижнини таа изјавила дека ги добила како подарок. За подарок добила часовник од 4.000 евра и друг накит од 5.500 евра. Во две банки, напишала таа, има вкупна заштеда од 98.000 евра. И тоа го навела како подарок. Многу повеќе поседува сопругот на Теа, а таа не откри како се вика нејзиниот сопруг и со што се занимава. Според имотната карта, тој е сопственик на нива и куќа во вредност од 10 000 евра, куќа од 361 квадрат која вреди 340 000 евра. Под рубриката „извор на стекнување имот“ се наведува приход од несамостојна работа, кредит и подарок. Партнерот на судијката исто така има колекција часовници од 20.000 евра, кои тој самиот ги купил, како и виолина од 6.700 евра што ја добил. Тој исто така поседува акции во три трговски и инвестициски фондови, пишува српскиот портал курир.рс За потсетување, судот во Загреб повторно поднесе пријава против Северина бидејќи наводно го прекршила законот, а не откривајќи за каков прекршок станува збор.

Милан Поповиќ и судијката која му го додели старателството над заедничкиот син со Северина престојуваат во ист хотел

Слободанка Илиева — Fri, 17 Jan 2020 08:34:10 +0000

Хрватската судијка која ја донесе пресудата со која заедничкиот син на Северија Којиќ и Милан Поповиќ му го доделува само на таткото, заедно со сопругот и детето се сретнале во ист хотел во австриски ски-центар со Милан Поповиќ со синот Александар. „Ние стигнавме во хотелот во саботата на 4-ти јануари навечер и не сум сигурна дали се сретнавме истата вечер или наредното утро сабајле во ходникот на хотелот“, признава судијката Теа Голуб и додава дека била со семејството, а тој со детето и со друштво. „Сигурно се поздравивме 4-5 пати бидејќи се сретнувавме во истиот хотел кој има еден ресторан, но никогаш не седевме на иста маса ниту разговаравме за било што, освен што вообичаено од култура се поздравувавме“, потврдила судијката на Општинскиот суд во Загреб. „Скијањето го уплативме уште напролет и што требаше, да си заминеме?“, рекла судијката која потврдува дека во тој хотел бил и нејзиниот колега и адвокат од Загреб, кој многумина го виделе, но вели дека освен што се поздравила со Милан Поповиќ, со него немала никаков друг облик на комуникација, ниту била во друштво во кое бил тој и заклучува дека поголемиот дел од времето била со своето семејство. Свесна дека и колегите судии и адвокатите ја виделе во истиот хотел во кој бил и Милан Поповиќ, Голуб не се ни обидела да негира дека била во истиот хотел.

Србите се надминаа себе си – во реалното шоу „Задруга“ влегува бившата судијка и заменик министер за правда Снежана Илиќ, која сега е под истрага (ФОТО)

Антонио Димитриевски — Fri, 31 Aug 2018 09:05:48 +0000

Новата сезона на реалното шоу „Задруга“ ќе започне на 6-ти септември, а изненадувањето е дотолку поголемо, што судијата ќе се појави за прв пат во овој ТВ-формат! Се работи за контроверзната судијка Снежана Илиќ, која исто така беше и помошник министер за правда, но исто така во моментов е и под истрага.

Снежана во највата за шоуто гостуваше во емисијата „Магазин Ин“ каде што изјави: „Јас бев судија, прв помошник на министерот за правда.Сега сум првиот судија што ќе влезе во пеално шоу како „Задруга“. Се навикнав да бидам прва“ - ќе изјави Снежана во емисијата. Инаку, Снежана е разведена, а нејзината наследничка била шокирана од сознанието и многу тешко го прифатила фактот дека нејзината мајка ќе влезе во ова риалити.

Илиќ прво го потпиша договорот, па дури потоа ѝ кажала на својата ќерка, која верува дека и покрај негодувањето, ќе ја поддржува.