судбоносно да – Вистина.мк

Не реагирајте брзоплето: За што се треба да размислите пред да го кажете судбоносното „да“?

Слаѓана Атанасова — Fri, 09 Dec 2022 15:00:21 +0000

Фактот дека можеби имате одредени сомнежи за бракот е сосема нормално, па дури и пожелно. Вашиот инстинкт е тој што ве тера да ги преиспитувате важните работи на кои имате намера да се посветите. Во никој случај не треба да ги потиснувате овие мисли и да се воздржувате да си поставувате некои важни прашања. Прилично е лесно да се каже „Да“ пред матичарот, но многу е потешко да ги исполниш заветите и да останеш во брак. Многумина ја романтизираат идејата за брак мислејќи на гламурозна свадба и меден месец, а многу малку се оние кои се свесни дека реалноста е поинаква. Дали ви се допаѓа таков каков што е сега? Многумина од нас се во врска со личност за која мислат дека можат да ја променат. Можеби размислувате дека „ми се допаѓа, но има некои работи за него што треба да се променат“ или „тој има некои аспекти од неговата личност што не ми се допаѓаат, но тие ќе се променат со текот на времето“. Во двата случаи, не можете да погрешите повеќе. Луѓето не се менуваат затоа што ние сакаме или очекуваме од нив. Во повеќето случаи, личноста со која ќе се омажите останува она што е до крајот на вашиот живот. Дали всушност сакате само да имате гламурозна свадба? Најдобриот совет што можеме да ви го дадеме во овој поглед е: ако навистина сакате да се омажите, организирајте забава за поширок круг пријатели и облечете гламурозен фустан. Зошто? Од едноставна причина што огромен број девојки се опседнати со идејата за „брак“. Она за што повеќето луѓе не размислуваат е што всушност е бракот. Ако свадбата е сè што ве привлекува, треба да почекате уште малку пред да одлучите да се омажите. Затоа што иако од детството сме бомбардирани со „среќни до крајот на животот“, таа среќа бара многу повеќе од гламурозна свадба. Дали планирате да се омажите затоа што „е вистинското време“? Можеби никогаш не сте размислувале во таа насока, но факт е дека бракот е „заразен“. Ако повеќето од вашите пријатели се во брак и на пат да имаат бебе, можеби мислите дека е вистинско време и вие да се омажите. Можеби и малку ќе им завидувате затоа што мислите дека тоа е животот што го сакате. Сепак, би било навистина добро да застанете и да се запрашате: дали е ова она што го сакате СЕГА? Не сакате да се омажите за некого и да се обврзувате до крајот на животот затоа што сите околу вас го прават тоа и ви вршат притисок дека е „време“. Дали се венчате само за себе? Добро, можеби сте на одредена возраст кога бракот е логичен чекор. Вашите пријатели мислат дека треба да се венчте, а вашите родители се венчале на ваша возраст. Можеби и тие ве гледаат со неодобрување бидејќи живеете во вонбрачна заедница. Исто така, може да се случи да сте бремени, па стапувањето во брак е логичен чекор. Да, постојат многу причини кои општеството може да ви ги наметне за да ве омажи. Сепак, дали се венчате за другите или за себе? Дали мислите дека тој е вистинската личност за вас или подлегнувате на притисокот на околината? Дали вашите вредности и цели навистина се усогласени? Повторно нагласуваме, свадбите се забавни, но бракот е комплициран. Клучен дел од успехот во бракот е усогласување на вредностите, целите и традициите на кои се држат двајца луѓе. Затоа е важно да бидете сигурни дека ги делите истите ставови кога станува збор за вашата иднина. Не сакате да фантазирате за основање семејство со некој кој се грижи само за неговата кариера. Сакате заедно да работите кон исти цели. Не би ви било добро да претпоставите дека тој го сака истото како вас. Извор: Попара.мк

Пејачката Теодора Џехверовиќ реши да го изговори судбоносното „да“ на кошаркарот Нино Челебиќ (фото)

Слаѓана Атанасова — Tue, 25 Oct 2022 09:17:47 +0000

Пејачката Теодора Џехверовиќ решила да се омажи за својот избраник, популарниот кошаркар Нино Челебиќ. Џехверовиќ сакала да ја направи свадбата до крајот на годината, но немала време да организира сè, па најверојатно ќе застане на лудиот камен на пролет во 2023 година. - Планирам свадба! Оваа година нема да можам да се мажам бидејќи остануваат уште два месеци, па немам доволно време да организирам се. Јас и Нино сме во сериозна врска и нормално е да се зборува за брак. Одлучуваме што ќе правиме и како ќе направиме, сè уште не можам да откријам детали... Сè уште немаме точен датум, но венчавката дефинитивно ќе се случи. Додека на прашањето дали „ќе се омажи со празен стомак“, кратко одговорила: „Сè уште е рано да се зборувам за бебе“. Пејачката вели дека покрај Нино пронашла сè за што сонувала. - Имам нормално момче. За мене Нино е најубавиот човек на светот, би сакала да бидеме заедно до крајот на животот - вели Теодора. Челебиќ минатата година се пресели во Бразил поради својата кошаркарска кариера. Бидејќи долго време беа разделени, се шпекулираше дека раскинале, но Теодора тврди дека нивната љубов никогаш не била ставена на тест. - Со Нино извесен период одржувавме врска на далечина и тоа беше голем предизвик за нас. Но, штом двајцата не се појавиме заедно на некој јавен настан, се шпекулира дека сме раскинале! Порано полудував поради тоа, но станав посилна, веќе не ме засегаат такви приказни. Има моменти кога се ми оди преку глава, можам понекогаш да излезам сама, имам право и да се опијам, да се опуштам... Работата и животот ми се турбулентни, порано се оптоварував со сè, но конечно сфатив дека не можам да решам се сама, тоа не е здраво. Сега се трудам да имам доволно слободно време само за себе – искрена е поп ѕвездата. Фото: Принтскрин/Инстаграм/Теодора Џехверовиќ

Се венчаа Џенифер Лопез и Бен Афлек: Холивудската двојка конечно го кажа судбоносното „да“ (фото)

Слаѓана Атанасова — Mon, 18 Jul 2022 07:09:06 +0000

Пејачката и актерка го кажа судбоносното „да“ на актерот Бен Афлек, со кого беше верена пред 18 години. Иако тогаш беа на прагот да се венчаат, актерот реши да ја раскине свршувачката само неколку часа пред почетокот на церемонијата. Сега венчавката конечно се одржа но, во најголема тајност, пишува TMZ. Парот се вери пред 3 месеци, а американските медиуми пренесоа дека добиле и дозволата за брак. Афлек и Лопез, гламурозниот пар популарно познат како „Бенифер“, повторно се обединија минатата година, а се верија во април 2022 година.

Ben Affleck and Jennifer Lopez are engaged 💍💚 pic.twitter.com/hGpiy9RFXz
— bennifer tea (@jloaffleck) April 9, 2022

Ова е четврти брак за славната пејачка, а втор за холивудскиот актер. И двајцата имаат по две деца. Фото:Принтскрин/Ројтерс/Инстаграм/Твитер/jlo

Се омажи Миа Борисављевиќ: Пејачката блесна во венчаница, па на јавноста и се обрати со овие зборови (фото)

Слаѓана Атанасова — Mon, 11 Jul 2022 08:05:43 +0000

Пејачката Миа Борисављевиќ го кажа судбоносното „да“ на својот избраник и колега Бојан Грујиќ. Миа блесна во бел фустан, го истакна деколтето, и долгиот превез на главата. Позирала со својата ќерка додека со сопругот досега не објавила ништо на социјалните мрежи. По објавата веднаш следеле честитки и коментари. Таа на својот Инстаграм објави фотографии во венчаницата, но невестата за оваа прилика имала две венчаници. „Денес е прекрасен ден за нас, првиот роденден на нашата Теи, и крштевка, а мама малку се омажи, ништо страшно.“ Се гледаме драги пријатели, другари, кумови“, напишала Миа. Да потсетиме, Миа и Бојан имаат две ќерки Ема и Теа, а сега решија да го официјализираат нивниот бракот. Фото:Принтскрин/Инстаграм/miaborisavljevic/Ч.Вукојичиќ

Атрактивната презентерка го кажа судбоносното „да“: Се омажи Марија Егеља (Фото)

Слаѓана Атанасова — Mon, 20 Jun 2022 09:32:09 +0000

Сексапилната српска ТВ презентерка на временска прогноза Марија Егеља застана на „лудиот камен“ со избраникот Александар кого долго време го криеше од јавноста. Егеља носела долга бела венчаница со корсет, а цело време била насмеана и среќна. Гостите на Инстаграм објавија видеа од свадбата, а првиот танц со песната „Од љубови јаче“ ги воодушеви сите. Егеља и нејзиниот избраник го кажаа судбоносното „да“, а свадбата ја направија далеку од сите во Сушица. Се шпекулира дека водителката е бремена, но таа не сакаше тоа да го потврди за медиумите. Марија дури неодамна откри дека ужива во љубовта, и од сите криеше дека ќе се мажи. Фото:Принсткрин/Инстаграм/miljanajana

Ова се сигурни знаци дека тој е оној на кого можете да му го кажете судбоносното „да“

Христина Ѓоргиевска — Mon, 06 Sep 2021 13:15:05 +0000

Модерната ера изврши голем притисок врз институцијата брак, а има сѐ повеќе разводи што укажуваат на тоа дека партнерите не можат да се справат со товарот на грбот, што секако може да биде застрашувачко за сите оние кои штотуку планираат да се венчаат И навистина, тешко е да се направи бракот да функционира и покрај сите предизвици. Затоа, ако сте во врска со некого и размислувате да го заврзете бракот еден ден, не е мала работа да се има предвид разорната бројка за разводи. Ако знаете дека постои шанса бракот да не потрае, дали воопшто треба да се вклучите во такво нешто? И покрај сето ова, не треба да дозволите туѓите постапки и статистики да влијаат врз вашата одлука. Ако навистина сакате некого, потребно е само да го следите своето срце. Она што е пожелно е да се има предвид дека постојат знаци што можат да ви кажат дали е – ТОА. Дознајте кои се овие знаци во следните редови. ВАШИОТ САКАН ИМА ОДЛИЧНИ ВЕШТИНИ ЗА КОМУНИКАЦИЈА За да може бракот да трае и да можат заедно да решаваат различни проблеми, важно е двајцата партнери да имаат добри комуникациски вештини. Она што е неопходно е да имате покрај себе таква личност, со која ви е лесно да водите и дневен разговор и разговор што се однесува на сериозни теми. ТОЈ Е ЛИЧНОСТ КОЈА СЕ ОДНЕСУВА ЗРЕЛО Зрелоста треба да дојде со возраста, но тоа не е секогаш случај. Повеќето мажи денес се однесуваат доста незрело за нивната возраст, што значи дека живеат од денес до утре, без планови, без да преземат одговорност за своите постапки. Исто така, она што е важно да го знаете за вашата сакана личност е дали ги држи своите емоции под контрола, бидејќи тоа е карактеристика на зрелоста. СЕКОГАШ СЕ ОДНЕСУВА СО ПОЧИТ КОН ВАС Почитувањето е, покрај довербата и љубовта, најважниот дел од равенката што го гради бракот. Ако вашата сакана личност секогаш се однесува кон вас со почит, односно ако тој никогаш не се обидува да ве понижи, го омаловажува вашето мислење и ве третира како еднакви, тоа е знак дека тој е личноста што навистина ви треба во животот. извор: Попара.мк

4 работи кои треба да ги знаете за партнерот пред да кажете „да”

Христина Ѓоргиевска — Fri, 22 Mar 2019 14:30:22 +0000

Без разлика дали сте во врска која сте ја започнале неодамна или во врска која трае со години, постојат некои важни прашања кои мора да си ги поставите најпрво на себе, а потоа и на вашиот партнер за да видите во кој правец води вашата врска и дали има иднина. Колку порано ќе го направите ова, толку подобро, а одговорите на следниве прашања би требало да ги знаете пред да го кажете судбоносното „да”. Дали сака да има деца Доколку плановите за деца не ви се совпаѓаат, ова веројатно кога-тогаш ќе биде причина за разделба. Многу парови ја занемаруваат оваа тема, па се шокираат кога ќе дознаат дека нивните планови се разликуваат. Како располага со парите Парите се водечка причина за разводи во светот. Затоа, битно е двајцата партнери да се запознаени со нивната финансиска ситуација и да немаат лажни очекувања. Исто така, битно е да знаете како ќе ги делите трошоците во бракот, да знаете дали има долгови и дали се однесува одговорно со финансиите. Во какви допири ужива Интимноста е главната разлика помеѓу платонската и романтичната врска. Сексот, бакнежите и допирите се важни во секоја врска. Без телесен контакт не можете доволно да се зближите со партнерот. Како реагира во кризни ситуации Низ животот сите поминуваме во одредени лични кризи кои во бракот стануваат заеднички. Затоа, важно е да знаете како вашиот партнер се однесува во кризни ситуации, пред да стапите во брак со него. Доколку избегнува проблеми, бега од нивно решавање и лесно се откажува, тогаш би требало да се загрижите, бидејќи ова укажува дека не може да се соочи со сопствените емоции. Имајте на ум и дека никој не е совршен и дека различни луѓе, зависно од разни околности, различно реагираат на проблеми. Важно е да останат позитивни и посветени на нивното решавање. извор: курир.мк

Познати парови кои се во долга врска, а никогаш не го кажаа судбоносното „да“

Христина Ѓоргиевска — Tue, 03 Jul 2018 08:55:07 +0000

Холивуд отсекогаш беше познат по кратките романси и непријатните разделби. Меѓутоа, некои јавни личности долго време се во врска, а се уште го немаат кажано судбоносното „да“: Ова се некои од познатите парови кои се во долга врска, а не се во брачните води.

Курт Расел и Голди Хон

Очигледно бракот не им е цел на овој пар кој е заедно од 1983 година. Иако никогаш не се венчаа, Расел и Хон заедно имаат син, а актерката на социјалните мрежи често знае да сподели интимни фотографии со Расел.

Опра Винфри и Стедман Грахам

Овој пар заедно е од осумдесетите. Тие се запознале на хуманитарна вечер во 1986 година. Иако се вериле во 1991 година, никогаш не застанаа пред олтар.

Бо Дерек и Џон Корбет

Џо кој е познат по улогата Ејден во серијата „Сексот и градот“ започнал да се забавува со Бо во 2002 година. Во 2017 година, за „Fox news“ изјавил дека верата го одржала на земја овие години. Одел во католичко училиште до својата 12 година.

#Sharknado in the city! #BoDerek #JohnCorbett #SiriusXM

A post shared by siriusxm (@siriusxm) on Jul 21, 2015 at 7:37am PDT

Шакира и Жерар Пике

Овој пар се запознал во 2010 година на Светско првенство во Јужна Африка и отогаш започнала нивната врска. Тие имаат два сина, Милан и Саша.