студии – Вистина.мк

Џејла Рамовиќ ги напушти студиите во Барселона: Еве зошто пејачката реши да се откаже од образованието (фото)

Слаѓана Атанасова — Fri, 06 Oct 2023 06:25:51 +0000

Откако победи на „Ѕвездите на Гранд“, многумина очекуваа дека Џејла Рамовиќ ќе продолжи да ја гради својата музичка кариера. Сепак, таа реши да продолжи со лесен чекор, а приоритет и беа студиите во Шпанија кои ги запиша. - Никаде не се брзам. Образованието е мојот прв приоритет. За мене е важно да се образувам и да имам алтернатива во животот. Мојата музика никаде нема да побегне - изјави тогаш Џаила за медиумите, по што се запиша на универзитетот во Барселона, каде што се пресели. После тоа, пејачката ретко доаѓаше во Србија, но секогаш потенцираше дека универзитетот не смее да трпи поради деловни обврски. Сепак, тоа се промени оваа година, бидејќи пејачката ги спакува куферите и ја напушти Барселона, на големо задоволство на нејзините родители. - Сфатив дека ми е премногу заморно пет дена во неделата да следам предавања во Барселона, а потоа да патувам во градот каде настапувам за викенд или да ги посетам родителите во Горажде или сестрите во Сараево или Мостар. Во еден момент почна да функционира и студирањето и кариерата. Затоа донесов одлука да се вратам во Сараево да живеам и оттаму да ги следам предавањата на универзитетот онлајн. Едноставно така е многу попрактично, бидејќи животот во Барселона е многу скап, а таму поминувам се помалку време поради обврските овде - откри Жеила, пренесува К1. Фото: Принтскрин/Инстаграм/Џ.Рамовиќ

Тато горд и пресреќен: Ќерката на Жељко Јоксимовиќ сподели убави вести, а честитки се редат до недоглед (фото)

Слободанка Илиева — Mon, 25 Sep 2023 10:01:07 +0000

Ќерката на Жељко Јоксимовиќ од првиот брак, воодушевува со својата убавина каде и да се појави и често е главна тема на порталите и социјалните мрежи, но изгледот не е единственото нешто со кое може да се пофали Мина Јоксимовиќ. Оваа амбициозна дама, според сите сметки, е решена да го достигне својот славен татко во слава. Талентот за музика што очигледно го наследила од татко и, сака да го надградува, па студира во таа насока, а кога ќерката на Жељко Јоксимовиќ лани ги завршила студиите на ФМУ, веднаш се запишала на магистерски студии. Таа денеска на социјалната мрежа „Инстаграм“ сподели дека полека привршува на високото образование и собра низа пофалби од следбениците, пријателите и колегите на нејзиниот татко. - Го положи последниот магистерски испит, речиси готово - се пофали убавата Мина и несомнено го направи најгорда нејзиниот татко чие срце скокаше од среќа. фото:Instagram printskrin

Весна-Бејби горда на двајца мажи кои најмногу и недостасуваат: Кај едниот… „ми фалат оние образи што кога ќе ги штипнев ми остануваа во раце, а другиов… само се лигавам кога ќе го видам“ (ФОТО)

Антонио Димитриевски — Wed, 25 Jan 2023 10:22:07 +0000

Македонската актерка и ТВ водителка, Весна „Бејби“ Петрушевска, со две одвоени објави на својот Инстаграм профил сподели дека е особено горда на двајца мажи во нејзинио живот. Едниот, кој за жал не е повеќе меѓу нас, денес ќе полнеше 42 години, а другиот иако далеку од нејзините очи, толку многу е вгнезден во нејзиното срце што љубовта е неизмерна, како и носталгијата што не тука до неа. Имено, денес, 25-ти јануари на нашиот ангел, на македонската музичка икона Тоше Проески му е роденден... Иако го нема повеќе меѓу нас, Тоше е човекот кој има само датум на раѓање... Затоа неговите верни фаови, кои растеа со неговите песни, денес веќе возрасни и зрели луѓе, никогаш не го заборавија. Но, не го заборави ниту јавноста, медиумите, а не го заборави ниту таа, една од неговите најголеми и верни пријателки - Весна - „Бејби“ која му го направи последното интервју во нејзината тогаш многу популарна и гледана ТВ емисија „Вртелешка“, само неколку часа пред ангелот да замине во вечноста. Токму затоа таа е онаа која на важните датуми прва се сеќава на нејзиниот и наш Тоше. Затоа Бејби сподели објава на своот Инстаграм во која го одбелжи неговиот датум на раѓање со прошетка по опствените спомени она што кога е Тоше во прашање, најмногу и фали: „Денес ќе имаше 42, сигурна сум дека ќе имаше уште 10 албуми,немаше да престанеш да пееш....Секогаш првата мисла ми е твојата насмевка,таа беше љубовна, животна приказна...Таа насмевка гласна која го исполнуваше просторот во кој си шушкавме за работи кои само ние си ги знаевме... И ми фалат оние образи што кога ќе ги штипнев ми остануваа во раце... Таа топлина која ја имаше во себе... Тоа ми фали“ - со длабока тага Весна Бејби се потсети на Тоше на неговиот роденден. Но претходно, Бејби сподели фотографија од вториот маж кој и енајголемата слабост во животот. Зимска, урбана, снежна идила и момчето кое пораснал во вистински маж - нејзиниот син Кирил Тренкоски кој во 2020 година се пресели да се школува во САД, каде живее неговиот татко Јанко. Нако не му се биолошки родители, тие двајцата за него се повеќе од тоа, а тој за нив повеќе од нино дете. Затоа и Бејби тешко ја поднесува далечината, одвоеноста од својот Кирил, па последната фотографија која ја сподели на социјалните мрежи, таа емотивно ја искоментира: „Само се лигавам кога ќе го видам... Колку е разубавен син на мајка“ - напишала Бејби покрај фотографијата на нејзиниот убавец, кој во 2021 година стана полнолетен, лани матурираше, а сега е на студии во Хјустон. Инаку тој како што рековме во САД замина во 2020 година за таму да заврши IV година гимназија и да продолжи на студии, па тогаш пред да замине Бејби со емотивна објава објасни како се чувствува додека се ближи денот на нивната разделба: „Броиме ситно со Кирил кој ќе оди во Хјустон за да заврши гимназија и факултет. Тој е едно од децата кои сакаат да го освојат светот. Безброј пати го прашував дали е сигурен и секогаш без двоумење одговара потврдно. Немам подобра опција да му понудам во овие луди времиња. Не прашувајте, срце ми се кине. Убав на мајка. Го гушкам, плачам ко некоја задушна баба секој ден, а он ми вика: „Мамо, мислев умрел некој, ме исплаши“, напиша тогаш Петрушевска на „Фејсбук“. Фото: Инстаграм принтскрин/vesnapetrushevska/Јутјуб - Ал Џезеира/

Џејла Рамовиќ го крие својот идентитет од колегите во Барселона, а за тоа отворено проговори во српските медиуми

Слободанка Илиева — Mon, 19 Dec 2022 09:28:16 +0000

Џејла Рамовиќ, победничката на музичкиот натпревар „Ѕвезде Гранда“, пред повеќе од една година се пресели во Шпанија, каде што се запишала на економски студии. Многумина мислеа дека поради живеењето во Барселона таа ќе ја запостави својата музичка кариера, што не се случи. Бидејќи секој почеток е тежок, Џела сакала на одреден начин да им се претстави на колегите со кои студира, па ја криела вистината за она што го работи и дека е јавна личност во Србија.

View this post on Instagram

A post shared by DZEJLA RAMOVIC (@dzejlaramovic)

- Добар месец и половина го криев Инстаграм профилот, бидејќи штом почнаа овие познанства, веднаш се разменија социјалните мрежи, но мислев дека тоа не мора веднаш. По околу два месеци решив дека е време затоа што луѓето би помислиле дека нешто не е во ред со мене. Сите, се разбира, беа шокирани кога дознаа што правам овде – рече Џајла, додавајќи:

View this post on Instagram

A post shared by Studio Prostor (@studioprostor)

- Таму најдов мир и добив нова волја и мотив да работам на сите полиња. Тој чекор го сметав за неопходен за мене и бев во право – изјави таа во емисијата „Ѕвезде Гранда специјал“. фото:Инстаграм принтскрин

Ќерката на Исидора Бјелица со прва исповед по смртта на мајка си: „Време е да се искажам…“ (фото)

Слободанка Илиева — Tue, 30 Mar 2021 07:21:50 +0000

Ќерката на Исидора Бјелица и Небојша Пајкиќ, Вила Еванџелина Пајкиќ, се обиде да биде надвор од јавната сцена и медиумите, но сега сепак реши да зборува за нејзината покојна мајка. Вила сега откри дека се запишала на моден дизајн и дека Исидора и помогнала да најде колеџ во догледно време. - Досега добро ми оди, се запишав на втора година на колеџ. Јас сум презадоволна од професорите и од наставата, особено што учам што ме интересира. Првата година имавме предмети поврзани со цртање и сликање, додека сега ги совладуваме основите на кроење, шиење и моделирање - рече Вила.

View this post on Instagram

A post shared by @vilapajkic

- Секако, поради пандемијата, многу работи се случуваат на интернет, но има работи што не можат да се направат од дома. Имаме дванаесетмина на час, затоа се организираме во помали групи и така присуствуваме на часовите - вели Вила и додава: - Јас сум уметнички тип, како дете најмногу ме интересираше да цртам. Моите родители забележаа рано, тие беа свесни дека нема да се најдам во повеќето училишни предмети. Чекаа време да студирам и конечно да започнам да правам работи што ми овозможуваат да се изразам онака како што сакам. Мајка ми го пронајде и факултетот каде што студирам. - Таа секогаш ме поддржуваше. Таа ме советуваше да бидам своја и слободна. Таа сакаше да го работам она што ме прави среќна, а фактот што одбрав да се занимавам со дизајн и беше особено пријатен. Беше среќна што ми ја пренесе љубовта кон уметноста и модата - рече таа. Оваа млада дизајнерка додаде дека планира да го развие својот бренд.

View this post on Instagram

A post shared by @vilapajkic

- Планирам независно шоу што ќе биде големо изненадување. Се надевам дека дотогаш ќе ја убедам Лава да се појави на пистата, но не во костум и вратоврска. Мама знаеше дека планирам шоу, многу ми помогна. Би била многу горда - заклучи Вила за „Хелоу“.

Јулија Живиќ е жив доказ колку фудбалот може да биде нежен: Македонската репрезентативка е и поубава и посекси од понежните половини на Роналдо и Меси!

Антонио Димитриевски — Tue, 23 Mar 2021 08:56:13 +0000

Фудбалот е со години најмасовниот спорт на планетава. Најважната споредна работа на светот која ја играат милиони, а ја гледаат, уживаат во неа и навиваат, милијарди луѓе ширум светот. Спортски бизнис број еден, магија која ги привлекува сите: од најбогатите шеици на Блискиот Исток и европските мултимилијардери до најсиромашните во Африка или Латинска Америка. Една од ретките работи која ги спојува сите нации, вери и раси на светот... А богами и обата пола: посилниот, за чија игра фудбалот се' уште важи, ама се' повеќе и понежниот, кој се' почесто покажува дека малку по малку, срамежливо, но сигурно дамите им се приближуваат на мажите во популарноста кога е тркалањето на „бубамарата“ по зелениот тепих во прашање. Во Македонија машкиот фудбал, како и насекаде во светот - доминира. Можеби лигата и домашните клубови не ни се нешто баш најсилни, но затоа покажавме дека индивидуални таленти не ни недостасуваат. Особено последниве години, кога најпрвин младата репрезентација, а сега и сениорскиот А тим за прв пат се појавуваат на едно големо европско фудбалско натпреварување. Пандев, Несторовски, Елмас, Ристовски, Алиоски, Барди, Николов, Адеми... и останатите од нацоналниот А тим сите ги знаеме. Но знаете ли да го кажете името барем на една македонска фудбалерка? На една дама која гордо го носи националниот дрес на женската фудбалска репрезентација на Македонија? Ако е според умеењето и знаењето, плус убавината, шармот и сексапилот, несомнено една од водечките е таа - Јулија Живиќ! Симпатичната и шармантна кумановка, која живее во Велес, а игра за клуб од Тетово - ЖФК Љуботен, почнала да се дружи со бубамарата на 8-годишна возраст, за денес да стаса до 20-ина настапи за фудбалската репрезентација на Македонија, каде е стандардна на позицијата десен бек. Јулија го носи прекарот македонски Марсело, иако професионалната кариера ја започнала како напаѓач, како шпиц што велат фудбалер(к)ите, но принудно потоа стасала до позицијата десен бек. „Во Борец почнав да играм како шпиц и давав голови, но потоа некако случајно кога настапував за Драгон морав на еден меч да играм во одбраната. Од случајно се претвори во постојано и сега некако и не ми изгледа лошо, иако во прв момент дури и ми се плачеше, кога тренерот на Драгон ми соопшти дека ќе морам да помогнам во одбраната“ - раскажува Јулија за Спортманија. Постојано на пат меѓу трите македонски градови, згодната Јулија е стандардна репрезентативка, која имаше и куса интернационална кариера на Кипар, од каде мораше да си замине поради корона пандемијата. „Играв три месеци за Неа Саламина, но морав да се вратам кога почна пандемијата со Ковид-19. Беа задоволни од моите настапи и сакаа да ме задржат на подолг период, но здравствената криза одлучи да си дојдам во Македонија, иако имав понуда и од најдобриот клуб на Кипар, Аполон и можеби во некоја друга прилика ќе имам шанса да се вратам на Кипар “ - раскажува младата фудбалерка. Но, нејзината приказна е по се' необична, зашто убавата Јулија всушност е девојка која спојува неколку светови во еден - оној нејзиниот. Покрај фудбалот, нејзино хоби е моделството и манекенството, па така таа веќе е заштитно лице на спортскиот бренд „Асикс“ и членува во модното студио „Моделс Ин“. Гледајќи ги нејзините физички предиспозиции, телесниот раскош, убавината, ставот и сексапилот, Јулија слободно може да ги засени, да ги „стави в џеб“ или барем да застане „раме до раме“ со некои од најпознатите македонски модели и манекенки. Расна, стројна, бујна, атрактивна, сексапилна, со бејби-фејс и ангелски лик, Јулија оддава изглед на модел од светските модни писти и насловниците на најпознатите модни магазини. Впрочем, можеби не е и никогаш нема да биде Меси и Роналдо во фудбалот, но затоа ем има дел од нивното знаење и умеење со топката, ем е поубава, позгодна и посекси од нивните понежни половини: Георгина на Роналдо и Антоанела на Меси! Освен тоа, Јулија почнува и во спортското новинарството во тетовската телевизија „Кис“, каде помага во подготовката и креирањето на спортските емисии, па на нејзиното животно „три во едно“: фудбалот, манекенството и новинарството, полека ја придодава и четвртата коцкичка во мозаикот - студиите по по психологија, научна област во која ја гледа својата идна животна професија по завршувањето на фудбалската кариера. „Продолжив и со факултетот, што ми беше во мирување додека бев на Кипар. Студирам психологија и често во соблекувалната им велам на моите фудбалски колешки дека ќе им бидам психолог кога ќе ја завршам кариерата. Засега успевам да ги спојам различнитесветови во мојот живот“ - вели нашата фудбалска репрезентативка. За крај едно е сигурно: Македонија во неа и во уште некои од останатите девојки има голем женски фудбалски потенцијал. За тоа како стои со љубовта, дали е во врска, дали можеби некој македонски фудбалер и се допаѓа, или тој неа и „фрлил око“ или како што денес во жаргон се вели: „пробал да ја мува“, дали и девојките на крајот од натпреварот се случува да ги менуваат дресовите или некоја од нив да го соблече дресот кога ќе постигне гол...? И уште многу други интересни нешта - во првата следна прилика со Јулија! Фото: Инстаграм приннтскрин/zivic.julija