студено – Вистина.мк

Вашиот најдобар пријател за време на студените денови: Користете ја оваа состојка и заштитете ја вашата кожа

Слободанка Илиева — Tue, 22 Nov 2022 12:21:26 +0000

Витаминот Ц е состојка која доминира во производите за нега и освежување на кожата, со што стана незаменлив дел од козметичката рутина на жените ширум светот. Повеќето од врвните козметички брендови имаат дизајнирано препарати, серуми, креми и течности кои се потпираат на оваа моќна состојка, а со локална примена помагаат за зајакнување и зачувување на младешката и сјајна кожа. Витаминот Ц е докажано дека помага во неутрализирање на слободните радикали во телото кои доведуваат до оксидативен стрес, го спречува предвременото стареење на кожата и ги одложува видливите знаци на биолошко стареење. Оксидативниот стрес прави кожата да изгледа сива и уморна, а витаминот Ц и помага да одржи младешки и свеж изглед. Овој моќен антиоксиданс и состојка која е од витално значење за создавање на колаген ги регенерира клетките на кожата. Покрај тоа, го промовира градењето на имунитетот, бидејќи помага да се стимулира производството на бели крвни зрнца кои се одговорни за борба против инфекции. За време на постудените месеци, нашата кожа станува сува и помалку отпорна на надворешни услови, а освен тоа, на нашиот организам му недостигаат бројни минерали и витамини кои треба да ги компензираме на различни начини. Токму затоа витаминот Ц е многу важен дел од рутината за убавина, како и исхраната, поради што станува неопходен за борбата против есенските и зимските услови. Витаминот Ц е состојка во многу намирници што можете да ги додадете во вашата исхрана. Некои од тие намирници се зелените, агрумите, пиперките, кивито, црните рибизли… Пониските температури, дождот и ветерот се нормална појава во текот на есента и зимата, но тие имаат негативно влијание на нашата кожа. Затоа, заштитете ја кожата на лицето со додавање на производ или серум со витамин Ц во вашата рутина за убавина, бидејќи на овој начин можете да ги вратите оштетените клетки на кожата. Запомнете, витаминот Ц исто така може да обезбеди здрава регенерација на вашата кожа на лицето. извор:курир.мк

Милош Тимотијевиќ со „филмски трик“ ги шокираше своите обожавател(к)и: Актерот како арслан, до појас гол во водите на Исланд!? (ФОТО)

Антонио Димитриевски — Wed, 12 Oct 2022 11:33:51 +0000

Се' попопуларниот српски актер Милош Тимотијевиќ е познат и како еден од најзгодните глумци во регионот, а со тоа и во Македонија, најмногу заради мноштвото улогите кои ги игра во речиси секоја нова српска серија или филм, кои во изобилство се снимаат последниве години кај нашиот северен сосед. Деновиве Милош е во посета на Рејкјавик, главниот град на северниот студен Исланд, од каде објавува фотографии кои оставаат без здив. Имено, актерот се фотографирал гол до појас додека стои во ладна вода, со што ги шокираше сите, особено најверните обожавател(к)и кои со неверување ги гледаа фотографиите. Можно ли е Милош гол до појас во ледено-студената вода, па дури и ноќе, кога температурата е уште пониска, под нулата, се прашуваат шокираните фанови, гледајќи ги фотографиите на актерот, кој потоа сам или со пријателите с сликал додека пие топол пијалок. Арно ама речиси никој од нив или барем само малкумина, (не) насетиле дека всушност актерот употребил филмски трикови за сето тоа да изгледа како што на прв поглед изгледа. Имено, познатом ед ека Исланд е ледено-студен, но е и остров кој изобилува со гејзери, извори, па и цели езера со топли и термални води во кои можете да се капете и на минусни температури. И затоа особено женските обожавателки на Милош Тимотијевиќ не би требало да бидат насекирани... Актерот нема да остане со смрзнати... екстремитети. Можеби пливал на студено, ама сепак во топла вода. Фот: Инстаграм принтскрин/milosdtimotijevicofficial

Рецепт за совршено студено кафе: Ќе ви стане омилено по првата голтка

Христина Ѓоргиевска — Fri, 11 Jun 2021 12:45:33 +0000

Многу љубители на кафе во текот на летниот период, поради високите температури, бараат студена верзија на овој напиток. Постојат многу рецепти, но важно е да се направи добра основа и потоа да се додаде нешто по ваш вкус. Што ви е потребно за совршено студено кафе? -Чаша полна со коцки мраз -1 чаша сварено кафе, оладено на собна температура -2 лажици млеко или слатка павлака (по избор) Подготовка: Истурете ладено кафе во чаша мраз. Додадете млеко или слатка павлака и нежно промешајте. Ако сакате, ставете си некој од овие додатоци: Сладолед Цимет Парчиња чоколадо или стопено чоколадо Свежи листови од нане извор: Курир.мк

Времето до среда студено и ведро, а за во четврток подгответе се – ќе има снег!

Антонио Димитриевски — Tue, 19 Jan 2021 09:01:17 +0000

Ведро и особено студено во утринските часови ќе биде времето до среда, проследено со слаб до умерен северен ветер, информираат од УХМР. Од среда ќе почне да дува јужен ветер, а од запад ќе се зголеми облачноста и температурите ќе бидат во пораст. Во чеврток преку денот во западите делови на планините ќе има услови за појава на снег, а на пониските места понекаде ќе започне снег кој потоа ќе премине во дожд. Во петок во западните делови се најавува дожд. Во сабота насекаде ќе има повремен дожд и ќе дува повремено засилен јужен ветер поради кој ќе започне побрзо топење на снегот. Во Скопје минималната температура во среда ќе биде од -12 до -1, а максималната ќе се движи од -2 до 8 степени. Во четврток минималата температура ќе биде од -7 до 0, а максималната од 2 до 9 степени. (МИА)