стрес – Вистина.мк

Ослободете се од стресот, ќе ви помогнат овие три совети

Слободанка Илиева — Tue, 13 Feb 2024 13:00:39 +0000

Три најважни антистрес совети: 1.Посветете се на само на една работа Работете едно по едно и посветете се на задачата на која работите. И предајте се целосно додека не ја завршите. И така списокот на она што мора да се направи никогаш не престанува. 2.Ослободете се од идеализирање Стресот не го прават надворешните фактори, работата или проблемите во семејството, тие се само дел од нашиот живот. Стравот го произведува стресот. Страв од неуспех, страв дека нема да бидеме сакани, дека не сме доволно добри, страв дека некој ќе не остави… Коренот на стравот лежи во идеалот кој сами го креираме и потоа се плашиме дека нема да може да го достигнеме. Во главата ја гледаме само сликата за успешен и совршен себе, опкружен со слични луѓе, кој постојано ужива. Кога ќе сфатиме дека тоа е невозможно, тогаш сме повредени. Останува само стресот кој се родил додека сме се грижеле дали сме го достигнале идеалот на успехот. Наместо да си нанесуваме болка, да ја прифатиме неизвесноста и да веруваме дека ќе биде добро. Помалку ќе се плашиме, а стресот ќе се намали. 3. Прифатете ги другите со насмевка Обично се вознемируваме кога другите не се однесуваат така како што мислиме дека треба. Наместо да се вознемируваме, треба да се обидеме да ги прифатиме другите. Ако ги прифатиме, во нив ќе препознаеме дел од себе – несовршени, во потрага по среќата, во борба со среќата…Затоа прифатете ги од срце, уживајте во времето поминато со нив и ќе бидете посреќни, а помалку под стрес. извор:курир.мк

Периодот од денот во кој чувствуваме најголем стрес

Слаѓана Атанасова — Wed, 07 Feb 2024 13:45:29 +0000

Има многу за правење наутро, а често немаме доволно време за тоа. Дополнително, не нервираат гужви, премалку паркинг места, доцнење во јавниот превоз, деца кои тешко се будат и бавно се подготвуваат за на училиште, домашно милениче кое мора да излезе, кошула што треба да се пегла… Навистина не е чудно што 7:23 часот е најстресното време од денот. Токму тоа го заклучиле научниците од Англија по истражувањето, кои прашале две илјади возрасни луѓе кога чувствуваат најголем стрес. А поради постојаните утрински стресови, кои влијаат и на нашата дневна продуктивност и го загрозуваат нашето здравје, пресметале дека е во просек 7:23 часот. Сепак, во зависност од полот, има мало флуктуација во најстресниот дел од денот – жените најчесто наидуваат на првата пречка во денот малку порано од мажите, во 7:50 часот. Кај мажите, првиот стресен момент започнува само еден час подоцна, во 8:43 часот. Покрај тоа што негативно влијае на менталното здравје, хроничниот стрес може да предизвика или влоши многу болести и состојби, вклучувајќи кардиоваскуларни болести, автоимуни состојби, дијабетес… Постојат многу методи за ослободување од стресот кои се добри за учење и примена, а најважно е да разликуваме на што не можеме да влијаеме и да не се нервираме поради тоа. Извор: Попара

И се слошило: Поради хаосот околу старателството Северина заврши во болница

Слободанка Илиева — Thu, 25 Jan 2024 07:46:20 +0000

Хрватската пејачка Северина Вучковиќ била на одмор во Тајланд кога дознала за губењето на старателството над синот Александар. Имено, Северина штом ја слушнала страшната вест, како што пишуваат тамошните медиуми, веднаш ги спакувала куферите и се вратила во Загреб, за со својот адвокатски тим да ги види следните чекори. Северина пземала сè многу тешко, пишуваат медиумите, па дури побарала итна медицинска помош во загрепската болница бидејќи и се слошило од стрес. Вучковиќ не престана да плаче, а со неа цело време беа нејзината мајка, братучетка и блиски пријатели. На пејачката Северина Вучковиќ Врховниот суд во Хрватска целосно и го одзеде старателството над синот Александар Поповиќ. Милан и Северина повеќе нема да имаат заедничко старателство, што го одреди Жупанискиот суд во Сплит во 2021 година, но Александар, кој наскоро ќе наполни 12 години, ќе му се врати на својот татко. Таа одлука стапува на сила веднаш, без разлика дали пејачката поднела жалба, објави Национал. фото:Instagram printscreen/severina

5 новогодишни одлуки со кои можете да го продолжите вашиот животен век

Слаѓана Атанасова — Mon, 01 Jan 2024 09:28:57 +0000

Со влегувањето во 2024 година, многу луѓе ќе донесат новогодишни одлуки, од кои повеќето ќе бидат поврзани со здравјето и долговечноста.

Д-р Брет Озборн, невролог и експерт за долговечност од Флорида, за „Fox News Digital“ открил 5 проверени основи за подобро здравје и подолг живот до кои секој од нас треба да се придржува.

1. Јадете храна со низок гликемиски индекс

На секоја намирница ѝ е доделен број од 0 до 100 врз основа на тоа како влијае на нивото на шеќер во крвта. Луѓето треба да ја добиваат дневната доза на јаглехидрати од зеленчук, додека треба да избегнуваат едноставни јаглехидрати вклучувајќи шеќер, леб, тестенини и ориз, храна со гликемиски индекс поголем од 40. „Јадете големи количини на масти - маслиново масло, авокадо, јаткасти плодови и путер - за да го истренирате вашето тело да согорува масти наместо шеќер и умерени количини на протеини (од немасно месо и риба) за поддршка на вашата мускулна маса“, препорачува Озборн.

2. Фокусирајте се на тренингот за сила

Губењето на мускулите поврзано со стареењето не е поврзано само со слабост, туку и со когнитивно опаѓање, поради што е важно да се заштитат мускулите преку тренинг за сила.

3. Следете го вашиот крвен притисок

„Не постои полесен начин да се намали ризикот од болести поврзани со возраста од следење на крвниот притисок“, вели д-р Озборн. Неконтролирано високиот крвен притисок го зголемува ризикот од развој на притисок во вашите коронарни или каротидни артерии, што може да доведе до срцева слабост или мозочен удар. Најдобар начин за одржување на здрав крвен притисок е да се храните чисто, да вежбате секојдневно и да го намалите стресот.

4. Проверувајте ја вашата крвна слика

Проверувајте ја вашата крвна слика на секои 6 месеци, особено ако сте во поодминати години.

5. Избегнувајте стрес

За да го намалите нивото на стрес, д-р Озборн препорачува релаксирачки активности како што се јога, медитација, масажа, поминување време на плажа или одење во инфрацрвена сауна.

Научниците согласни: Ова се придобивките од туширањето со ладна вода

Слаѓана Атанасова — Mon, 11 Dec 2023 10:54:11 +0000

Терапевтот Џејмс Мур истакнува дека туширањето со ладна вода може да донесе придобивки како што се повеќе енергија, подобар сон и некои други. Иако многу луѓе сакаат да се тушираат со топла, па дури и жешка вода, истражувањата покажаа дека всушност ладната вода носи многу повеќе придобивки. Она што е важно да го знаете е дека, доколку сакате да ги искусите сите придобивки што ќе ви ги донесе ладниот туш, не треба наеднаш да го стресувате вашето тело. За почеток, доволно е да ја намалувате температурата на водата секој ден, во споредба со онаа на која сте навикнати, додека не стекнете одредена рутина. Ладниот туш не мора да трае долго, доволни се само пет минути за да го „разбудите“ вашето тело. Терапевтот Џејмс Мур, кој споделува различни здравствени совети со своите следбеници, ги откри четирите најважни здравствени придобивки што ќе ги доживеете кога ќе почнете да се туширате со ладна: – повеќе енергија – подобар сон – помалку стрес – подобро расположение Кога се соочува со ниска температура, телото ослободува ендорфин за да се справи со шокот, промовирајќи чувство на еуфорија. Кога нивото на ендорфин е високо, чувствуваме помалку болка и помалку негативни ефекти од стресот.

Анастасија Деа Богдановска се ослободува од стресот преку креативност од талентот кој не знаевме дека го има (фото)

Слободанка Илиева — Tue, 05 Dec 2023 09:21:57 +0000

Живееме брз и стресен живот со многу обврски и постојан притисок за изнаоѓање на решение од проблемите кои често ни се отежнати при отстранување на препреките. Стресот, многуте обврски и големата потреба од неодложна исполнителност, резултира со физички замор и прихолошка исцрпеност. Сепак, трезвени и со ладни глави треба да продолжиме и да туркаме понатаму, а за да се дојде дотаму потребен е издувен вентил и канализирање на енергија кон нешта кои не ослободуваат и ни прават да се чувствуваме подобро. Новинарката и ТВ водителка Анастасија Богдановска Илиевска редовно знае да покаже како го минува своето секојдневие кога не е на работна позиција пред камерите. Приоритет секако се нејзините дечиња Дениција и Раде околу кои се врти нејзиниот свет. Секој од нас знае што е она кое најдобро го смирува и релаксира, особено кога стресот е изразен, а Деа излезот го бара во креативноста, односно цртањето. Во овие стресни денови таа реши да црта на стакло, односно да направи необична и уникатна новогодишна декорација. Започна да црта и им најави на следбениците да продолжат да гледаат до крајниот резултат кој излезе магичен. Ова го гледаа Дениција и Раде, па и тие се фатија за работа, односно почнаа да ја копираат мама или барем да се обидат. Работа за подоцна сигурно и отворија, но сатисфакцијата веќе беше постигната. Сосема доволна за насмевка и апсорпција на позитивна енергија и чисти мисли. фото:Instagram printskreen/ anastasiia_dea

„Секоја девојка би паднала на неговите манири“: Александра Младеновиќ, сѐ уште под стрес поради поранешниот, испрати важна порака до сите (фото)

Слаѓана Атанасова — Wed, 01 Nov 2023 07:33:06 +0000

Пејачката Александра Младеновиќ на самиот почеток во емисијата „Амиџи шоу“ проговори за инцидентот што го имала со сега веќе поранешното момче Стефан Черчар. Имено, Александра предизвика вистинска бура во јавноста кога откри дека Стефан и крадел и се заканувал дека ќе си го одземе животот ако го остави. - Жал ми е што се се случи така. Не ми требаат овие скандали. Беше прекрасен на почетокот, тоа се случи наеднаш, се префрли во еден момент и го покажа своето вистинско лице. Апелирам до девојките да внимаваат со кого се во врска – рече таа и додаде: - Секоја девојка би паднала на неговите манири. Секому може да му се случи. Мора да запознаете некого за да стапите во врска. Не сакам мажи, ми треба време да го заборавам сето ова. Сè уште не ми е добро, тешко ми е да зборувам за тоа. Не ми треба медиумско внимание, целосно сум резервирана до крајот на годината, ова ми помогна во кариерата и работата. Не сме во контакт и не се слушаме. Цел живот се заљубувам во погрешни. Сега ја научив лекција до крајот на мојот живот. Фото: Принтскрин/Инстаграм/Амиџи шоу/ Ата Имаџес

Како да ја ублажите главоболката, а да не земате лекови секогаш?

Слаѓана Атанасова — Thu, 19 Oct 2023 11:52:51 +0000

Мигрената е најчестиот тип на главоболка. Тоа е функционална васкуларна пароксизмална главоболка која се јавува периодично и обично зафаќа половина од главата. Болката е често придружена со гадење, повраќање и визуелни нарушувања. Мигрената погодува голем процент на млади и средовечни луѓе. „Вообичаени предизвикувачи вклучуваат стрес, промени во времето, прескокнување оброци, недостаток на сон, дехидрација и алкохол“, вели Аделен Е. Јан, специјалист за главоболка. Без разлика на вашиот тип, секоја главоболка што се појавува ненадејно, како што е „грмење“, или е поврзана со невролошки симптоми како слабост или вкочанетост на едната страна од телото или е поврзана со висока температура, треба итно да ја процени лекар. Кога станува збор за ублажување на болката, многумина прибегнуваат кон лекови без рецепт. -„Може да се јават главоболки поради прекумерна употреба на лекови доколку некој зема премногу лекови против болки на дневна основа. Главоболката може да се подобри за кратко време, но потоа се враќа кога лекот ќе престане да делува, објаснува д-р Јан. Доброто е што лековите не се единствениот начин за ублажување на главоболката. Имено, постојат многу природни начини. Хидратација Дехидрацијата е една од најчестите причини за главоболка. Моментот кога ќе почувствуваме жед всушност може да значи дека веќе сме дехидрирани. Затоа, треба да пиете околу два литра вода дневно во мали голтки и што почесто. Водата може да ја регулира температурата на телото, како и да доставува хранливи материи до клетките и да направи вашата кожа да изгледа сјајна и младешка. И може да биде корисно за ублажување на мигрена. Сонувајте Сите знаеме дека кога спиеме лошо сме уморни, нерасположени, не функционираме најдобро, не се сеќаваме, ни паѓа имунолошкиот систем и многу повеќе. Лошиот сон може да влијае и на главоболката. Според една студија објавена во списанието Медицина, луѓето со лош квалитет на сон имале поголема веројатност да имаат главоболки. Обидете се да ја промените вашата рутина и да го прилагодите распоредот за спиење за да спиете доволно и да ги намалите главоболките. Исклучете го мобилниот телефон најмалку 30 минути пред спиење и ограничете го внесот на кофеин во текот на денот. Физичка активност Иако вежбањето може да биде последното нешто на ум кога ќе се појави главоболка, малку вежбање може да направи многу добро. Кога се потите, вашето тело ослободува ендорфини, допамин и норепинефрин, кои делуваат како природни лекови против болки и создаваат одговор на телото на болка, објаснува д-р Мишел Олсон, виш клинички професор по спортска медицина на Универзитетот во Монтгомери. Помалку е познато дека физичката активност е уште поефикасна во намалувањето на болката доколку болката е предизвикана од мигрена. Лесната прошетка значително ќе ја намали вашата главоболка. Само бидете храбри, дури и кога ве боли глава – прошетајте. Ќе почувствувате подобрување. Само внимавајте да не претерате бидејќи ако се испотите и се изморите може да постигнете спротивен ефект, уште полоша главоболка. Обидете се секој ден со половина час пешачење како превентивно решение и кратка прошетка на свеж воздух кога ќе почувствувате напад на мигрена. Магнезиум -„Размислете да додадете магнезиум во вашата исхрана. Ова може да помогне во спречување на мигрена, вели д-р Јан. Еден од природните лекови за главоболка е магнезиумот кој може да се добие од храна или да се земе како додаток во исхраната. Магнезиумот е важен минерал кој е потребен за правилно функционирање на одредени системи во телото како што се циркулацијата на крвта, регулирање на шеќерот во крвта, добра спроводливост на нервните импулси. Магнезиумот, во правилни дози, може да ги намали главоболките, особено кај луѓе кои често ги имаат или кај луѓе кои страдаат од мигрена. Храна богата со магнезиум се јаткастите плодови, бананите, семките, тофуто, брокулата и грашокот. Студијата објавена во European Journal of Neurology потврдува дека луѓето кои земале 400 милиграми магнезиум дневно имале 50 отсто помалку главоболки од оние кои не земале. Направете пауза од гледањето на екранот Изложеноста на сина светлина, која драстично се зголеми за време на пандемијата, може да предизвика оштетување на мрежницата со текот на времето и се верува дека придонесува за проблеми со видот, како што е макуларна дегенерација, објаснува офталмологот д-р Кара Хартл. Покрај тоа, може да се појават и главоболки. За да спречите болка, намалете ја употребата на екранот. Ако користите мобилен телефон или компјутер секој ден, а повеќето го користат, искористете ја секоја можност да се повлечете и да се одморите од овие уреди. Правете паузи најмалку на секои 20 минути, пишува Real Simple Извор: Попара.мк

Овие намирници ќе ви помогнат ако денес сте под стрес

Слаѓана Атанасова — Wed, 23 Aug 2023 12:45:09 +0000

Ви се чини дека во последно време сè почесто ја губите битката со стресот, а можете да го ублажите и на природен и вкусен начин. Во тоа, пред сè, можат да ви помогнат следните пет намирници. Портокал Ако во последно време сте често под стрес, почестете се со портокал. Агрумите како портокалите и мандарините содржат висока количина на витамин Ц, кој се покажал како корисен во борбата против стресот. Зголеменото ниво на витамин Ц може да го намали нивото на кортизол (хормонот на стрес), како и вашиот крвен притисок кој може да се зголеми во текот на подолгите стресни ситуации. Бадеми и други јаткасти плодови Бадемите, ф’стаците и оревите се богати со омега-3 масни киселини кои го намалуваат нивото на стрес и истовремено ве штитат од депресија. Овесна каша Не само што е секогаш добар избор кога сакате здрав оброк кој ќе ве засити, туку овесната каша и го намалува нивото на хормонот на стресот во вашиот организам. Внесот на овесна каша исто така може да го зголеми нивото на серотонин, хормон кој ја има главната улога во ситуациите кога се чувствуваме среќно и задоволно. Темнa чоколадa Освен што е одличен деликатес, чоколадата може да направи чуда кога е во прашање вашето расположение. Темната чоколада го ублажува стресот и кај лицата кои страдаат од анксиозност. Чај од камилица Ако сите горенаведени намирници сè уште не се доволни за да се ослободите од стресот, пробајте да ги „залеете“ со шолја топол чај од камилица. Оваа топла напивка има својства кои ќе го ублажат стресот и ќе ве смири во текот на нервозните ситуации. Извор: Курир.мк

Најздравиот и најубав начин да се ослободите од стресот: Еве како и колку пати неделно е доволно

Слаѓана Атанасова — Fri, 23 Jun 2023 14:00:28 +0000

Влијае на лачењето на „хормонот на среќата“ и го опушта целиот организам. Вечното прашање е колку интимни односи се доволни, како неделно, така и месечно и годишно. Општо е познато дека водењето љубов позитивно влијае на бројни процеси во телото – меѓу другото, го намалува секојдневниот стрес. Стресот е наречен „тивок убиец“ со причина – иако влијае на секого различно, студиите покажаа дека може да доведе до мозочен или срцев удар во тешки случаи. Честопати, ако сме вознемирени и преоптоварени, а нашиот мозок, или подобро кажано, мислите едноставно не престануваат да се вртат, интимните односи се последното нешто што сакаме да го направиме. Сепак, експертот за односи Трејси Сенсбери вели дека луѓето треба да имаат повеќе секс, наместо да го одбиваат затоа што се под стрес. Таа истакна дека сексот три пати неделно може да направи чуда за намалување на стресот. Допаминот, окситоцинот и серотонинот често се нарекуваат „хормони на среќата“, но тие исто така ќе ве направат поотпорни на стрес, вели таа, додавајќи дека дури и мал контакт тело со тело може да ги активира овие хормони. Како што истакнува овој експерт, мора да биде нужно романтично водење љубов. Тоа може да биде брза акција на софата или во кујната. Не мора да биде во кревет навечер, пред спиење. Исто така, не само хормоните можат да помогнат – повторното откривање на поразиграната и забавна страна од себе, исто така, може да го намали нивото на стрес. Исто така, важно е интимноста да биде дел од неделната рутина. – Можеби мислиме дека немаме доволно време за интимни односи кога сме под стрес, но тие се навистина многу важни, истакна Трејси. И експертите претходно ја охрабруваа интимноста како начин за подобрување на здравјето на срцето, борба против инфекции, па дури и борба против почетокот на менопаузата. Извор: Попара.мк