стравови – Вистина.мк

Антониа Гиговска со прво медиумско обраќање по породувањето ексклузивно за Вистина.мк: „Кога го видов тоа носе се заљубив на прв поглед“

Слободанка Илиева — Wed, 20 Sep 2023 08:14:29 +0000

14-ти јули, денот кога пред два месеци за пејачката Антониа Гиговска и за нејзиниот сопруг, музичарот Роберт Спасенцоски се промени се' - на свет дојде нивниот наследник, синчето Киан кој сега е центарот на нивниот универзум. Тазе остварената мама иако е активна на социјалните мрежи, за медиумите остана резервирана за повеќе детали откако се породи, но се досега. Таа во ексклузивно интервју за Вистина.мк откри нешто повеќе за првите денови како мајка, како поминало породувањето, новата најголема улога, враќањето на сцената и сл... Како си Антониа, како е Киан? Опиши ни ги твоите емоции од првите денови како мајка... - Супер сум и јас и Киан. Првите денови како мајка беа исклучително тешки но преубави, сфакаш дека нема нешто поубаво на светот од свое дете. Сега си капетан на брод кој почна да плови по море кое нема константа, ја добиваш ли потребната поддршка? -Поддршката ја добивам и сум неизмерно благодарна на сите кои што се до мене и Киан. Што замислуваше, а што се случи на породувањето, како помина? - Имав страв од породувањето и тој цел процес, меѓутоа се пројде во најдобар ред, се породив со царски рез поради тоа што не можев природно, но во секој случај од моето позитивно искуство кога би се породила пак како за првпат би одбрала повторно царски рез. Сега очекувам да добијам коментари како, јас не знам што е мајчинство и што значи да се породиш природно, но ке се одбранам и јас и сите оние кои се породиле со царски рез, тоа не не' прави помалку мајки од оние што го поминале природно процесот - болките се исти, можеби и посилни. Која беше првата мисла што ти помина низ глава кога првпат го виде бебето кое 9 месеци го носеше во утробата, може ли да се опише тоа чувство? - Чувството не се опишува, не можев да дојдам до збор, бев возбудена и со измешани емоции на страв и возбуда. Кога го видов тоа носе се заљубив на прв поглед. Како дојде до изборот за името Киан? - Имавме многу имиња на листата, меѓутоа се одлучивме за Киан затоа што има убаво значење и не е многу често, а во превод знаци "Крал". Првите месеци се полни со непреспани ноќи, подговтвен ли е сопругот за рамноправна и еднаква обврска? - Ни беше тешко и напорно првите три недели додека се привикнеме на ритамот на Киан и тоа неспиење затоа што претходно бевме некои кои што легнуваа во пет, а сега сме тие што стануваат во пет часот наутро. За среќа Киан е спанко, па станува еднаш или двапати во текот на ноќта. Беше активна трудница, но си даде пауза од кариерата, каков е планот за камбек, се размислува ли на тоа сега? - Секако... Се' е одприлика спремно, па во многу скоро време ќе го најавам моето враќање на сцената. Те споредуваа со Ријана поради храбрите труднички стајлинзи, ти пречеше тоа, негативните коментари на социјалните мрежи или ти беше задоволство таквата компарација? - Нормално дека не ми пречи, за мене е комплимент, Ријана е модна икона. Во секој слуцај никогаш не копирам, и секогаш сум своја, секогаш сум Јас. Коментарите се нешто кое што секогас треба да ги има без разлика дали се позитивни или негативни. Што те опушта во моментот и како се справуваш со непознатото и мајчинските стравови? - Веке немам страв за ништо и ништо не ме плаши, поготово кога е во прашање Киан. За среќа тука е музиката што секогаш ме опушта. Важеа ли за тебе првите 40 дена да се поминат дома со бебето? - Искрено не, си излегувавме и се шеткавме од причина што мислам дека на секое бебе му треба воздух и промена на средина. Не го мешавме со многу луѓе во близок контакт до 40 дена освен најблиските, но излегувавме да свртиме два, три круга во парк или околу зграда. Што би им кажала на мајките кои наскоро треба да се породат за првпат? - Ги чека нешто преубаво во животот, нешто за кое што вреди секој страв што го имаат. Да се има дете е благослов, така што мајки бидете храбри и спремете се за ролеркостер на емоции. Ќе плачете од среќа, ќе плачете без причина, ќе плачете затоа што не знаете што му е и зошто плаче , но се тоа поминува и подоцна веќе знаете кој плач за што е. Само храбро! 12. Порака до твоите фанови... - Едвај чекам да слушнат што спремам, и се надевам дека нема да ги разочарам. фото:Приватна архива

„Убавината боли и чини доста“: Теа Таировиќ открива од што најмногу се плаши додека е на сцена

Слободанка Илиева — Thu, 05 Jan 2023 13:01:53 +0000

Една од најпопуларните пејачки Теа Таировиќ го отвори срцето и одговараше на незгодни прашања. Таа за кратко време ја освои поп-сцената, откако беше прогласена за пејачка на годината, бидејќи секоја песна од нејзиниот претходен албум стана хит. Таа еднаш рече дека ќе носи црвена долна облека против магија, а сега откри дали тоа го практикува:

View this post on Instagram

A post shared by Tea Tairović (@tea_tairovic)

- Морам да те разочарам... Зошто би го рекол тоа? Можеби е, можеби не, оставете некои работи на фантазијата. Со оглед на тоа дека има енергични настапи, а здолништето и горниот дел го држат само врвки, таа одговори на прашањето дали се плаши дека во одреден момент може да и падне. -Се плашам, сакам удобна гардероба, но убавината боли и чини - кратко изјавила пејачката, пишува Курир.рс фото:Инстаграм

Ова се најголемите стравови на Тамара Тодевска… (фото)

Слободанка Илиева — Sat, 14 May 2022 07:20:23 +0000

Како изгледа вашиот живот од соништата? Што ве спречува да го живеете? Одговорот најверојатно е: Стравот. Страв од промена, неуспех или од непознатото? Но, иако истиот инстинкт може да нѐ одржува во живот, чувството на сигурност и удобност често ни се испречува во нашата потрага по среќа и исполнување на нашите соништа. Знаете како велат: „Магијата се случува кога ќе излезете од вашата комфорна зона.“ Како? На крајот на краиштата, ние сме тие кои имаме моќ да ги промениме нашите умови и да ги надвладееме нашите мозоци за да го исполниме нашиот потенцијал. Оваа тема кај секој од нас речиси секојдневно е на репертоар, во разни форми и од разни нашта. Поранешната водителка Миа Костова на својот Инстаграм објави една листа со најразлични стравови, па им предложи на своите пријатели и следбеници да ја потполнат. Една од нив беше пејачката Тамара Тодевска која откако избра кои се оние нешта што ја попречуваат во секојдневието и мислите, ги обележа на листата, а во нив беа: вистина, смрт, јавен говор,смрт на сакани, болест и стареење, наброја Тамара, а притоа и напиша и коментар на Миа: -Еве ги моите. Тука сме некаде - и порача Тамара на Миа.

View this post on Instagram

Challenge accepted @tijana.dapcevic @katarina_ivanovska @milaarsovska ❤️ #womenempowerment #womensupportingwomen

A post shared by Tamara Todevska (@tamaratodevska) on Jul 28, 2020 at 2:08am PDT

Листата ја имате пред вас, размислете кои се вашите стравови, признајте си ги, но и најдете формула со која барем малку би си олесниле.

4 начини да се справите со стравовите – застанете им на патот!

Слободанка Илиева — Wed, 26 Feb 2020 12:45:43 +0000

Кога постои ризик да направиме нешто ризично поради невнимателност, добиваме знак на предупредување што нè поттикнува да ја преиспитаме одлуката. Меѓутоа, ако стравот е наш начин на живот и нè спречува да испробаме нови искуства, како што се јавен настап или лет со авион, тогаш време е да промениме нешто што е можно поскоро. Задачата на секоја личност која сака да постигне нешто во животот е да се сврти кон себе и да се соочи со личните предизвици. Ова понекогаш не е лесно, но сепак, вреди да се потрудите затоа што станува збор за подобрување на квалитетот на вашиот живот од сите аспекти. Во продолжение прочитајте ги 4-те техники за надминување на стравот, кои се надеваме дека ќе ви помогнат. 1. Размислете за тоа со кои стравови треба да се соочите Како што веќе споменавме, стравот во некои ситуации многу ни помага. Замислете дека живеете во близина на океан, на кој му се заканува цунами. Се разбира, важно е да бидете свесни за ситуацијата и да размислите за можните опасности во случај на закана од природни катастрофи. Во нормални околности, сепак, поведете внатрешен дијалог за оправданоста на стравот што го имате и преиспитајте се дали тој ве спречува на патот кон постигнување на вашите цели. Запишете ги добрите и лошите страни на соочувањето со стравот. Ова е многу важно затоа што јасно можете да согледате како би ви изгледал животот без страв. Потоа, направете го првиот чекор и бидете упорни. Една поговорка вели: „Кога постои волја, постои и начин“. 2. Проценете го нивото на ризик Понекогаш стравот се појавува во ситуации во кои не сте доволно свесни за она што всушност ве чека. Еден пример е летањето со авион што можеби сè уште не сте го искусиле, но сте слушнале приказни за несреќи со трагичен исход. Кога станува збор за стравувањето со турбуленции, тие се предизвикани од самото движење низ воздушниот простор, но ако имате сигурносен појас, нема причина за загриженост. Од друга страна, стравот од јавно говорење честопати го блокира говорителот, па важно е тој да се мотивира со позитивни примери за да ги совлада техниките кои ја зголемуваат самодовербата. Секогаш имајте на ум дека во реалноста не е сè толку страшно, како што изгледа. Информирајте се и понекогаш преземете ризик затоа што така ќе ги надминете вашите стравови. 3. Подгответе акционен план Може да го надминете стравот само ако му пристапите чекор по чекор, во спротивно ситуацијата само ќе се влоши. Дозираната анксиозност е добредојдена и не треба да чекате да исчезне пред да преминете во акција. На пример, ако сакате да го надминете стравот од јавно говорење, направете план на активности и обидете се да го спроведете. За почеток, застанете пред огледалото и говорете 2 минути, а потоа, снимете се додека зборувате. Потоа, замолете го вашиот партнер да ве слуша, следниот пат поканете некој член на семејството да му се придружи. Во следниот чекор, поканете и некој пријател, а потоа и двајца. Откако ќе ги спроведете овие симулации со различно опкружување, одржете говор за време на деловниот состанок. Ако се плашите да летате со авион, можете да одговорите на овој предизвик со тоа што прво ќе го проживеете искуството во мислите и ќе се информирате за летот преку видео содржини или ќе отидете на аеродромот пред патувањето. Постојат некои други техники кои може да се применат во случај на посттрауматско стресно нарушување. 4. Побарајте стручна помош Ако се работи за фобија, тогаш признајте си себеси дека тешко ќе се соочите со неа. Когнитивно-бихевиоралната терапија ефикасно помага во намалување на стравот преку мали чекори. Исто така, ако сте доживеале голема траума, закажете разговор со стручно лице, како во случај на пост-трауматско стресно нарушување. Во овие ситуации, се применуваат различни техники, како што е разговор за стравовите, методи за релаксација или директно соочување со предизвикот. Се разбира, терапевтот знае како да го процени вистинското темпо за вас, па затоа треба да се чувствувате безбедно. извор:кафепауза.мк

Анабела отворено проговори за себе и Луна, нивните мании, стравови, нарушена психа… (ФОТО)

Антонио Димитриевски — Wed, 05 Dec 2018 10:09:33 +0000

Пејачката Анабела Атијас неодамна зборуваше за психичката состојба на нејзината ќерка Луна, па сега одлучи да продолжи во ист стил. По емоционална врска со Слободан Радановиќ, младата блогерка ја изгуби својата психолошка рамнотежа, а со кои се стравови се соочила ќерка и, раскажа пејачката. „Не постои лек, ниту пилула која може да ја запре емоцијата наречена љубов или болка по губењето на љубовта. Тоа е грешка ако луѓето очекуваат да пијат пилула и не ми се допаѓа оној што го сакав “ - изјави Анабела, па продолжи во ист стил.

„Луна се лечеше од стравови и трауми, како што се несоница, кошмари, клаустрофобија, агрофобија и страв од средба со други луѓе, страв од задругарите. Кога требаше да биде гостинка во некои емисии, се случуваше она: "Мамо, не ме давај". Луѓето зборуваа за неа на улица, испраќаа различни пораки... Сето ова влијаеше да се чувствува се ' полошо и полошо. Престана и да вози. И требаше долго време за повторно да влезе в кола и да почне да вози, да оди во клуб, да излезе меѓу луѓето. Имаше тахикардии, аритмии... Сега е во ред. Јас ви кажувам за стравовите што ги лечевме. Сега е се во ред со неа, како и тоа што реши повторно да влезе во Задруга“ - завршува Анабела.