Аца Лукас итно примен и задржан во болница (фото)

Слаѓана Атанасова — Mon, 10 Oct 2022 11:16:06 +0000

Аца Лукас повторно има здравствени проблеми. Имено, популарниот музичар прво почувствувал силни болки во стомакот. Бидејќи болките не престануваале, Лукас побарал лекарска помош. Веднаш бил примен во Клиничкиот центар, а лекарите детално го прегледале и му ги направиле сите анализи. - Аца е работохолик и не престанува со месеци. Работеше со полна пареа. Поради тоа не се грижел за исхраната, не спиел правилно, а сето тоа влијаело на неговото здравје. Во неделата почувствувал силни болки во стомакот, поради што морал да побара лекарска помош. Кога го виделе на рецепција, истоштен и наведнат од болки, веднаш го примиле како итен случај. По прегледот вештаците решиле да го задржат во болница - вели изворот од местото на настанот. Фото:Принтскрин/Немања Николиќ

Справете се со стомачните болки брзо и едноставно

Наташа Тасевска — Tue, 13 Nov 2018 14:20:04 +0000

Болките во горниот дел од стомакот или долниот дел од градите, кои можат да бидат придружени со гасови, мачнина и чувство на надуеност по оброк, се чести стомачни проблеми, наречени диспепсија. Прочитајте како сами да се справите со нив.

Не јадете пребрзо

Џвакајте бавно и џвакајте добро, затоа што на тој начин помалку воздух ќе навлезе во желудникот. Исто така, не мешајте премногу различни видови храна.

Храната треба да има соодветна температура

Јадењата не треба да бидат премногу жешки, ниту пак недоволно термички обработени.

Никогаш не го преполнувајте желудникот

Секогаш кога станувате од јадење треба да имате чувство дека можете да изедете уште.

Не вечерајте предоцна

Имајте полесна вечера, барем два до три часа пред легнување.

Негативните емоции го блокираат метаболизмот

Не јадете кога сте загрижени, уморни или нерасположени, затоа што негативните емоции го спречуваат излачувањето на дигестивните течности.

Внимавајте на внесот на течности во телото

Можете да пиете половина час пред оброк и еден час по него. За време на оброкот препорачливо е да пиете единствено млеко, маштеница или растителна супа.

Избегнувајте алкохол, кафе, црн чај и засладени пијалаци

Кога сте соочени со болки, откажете се и од: сенф, оцет, конзервиран зеленчук, компири и месо. Јадете повеќе сочна храна и најмалку што можете сува храна. Ладните пијалаци се забранети.

Отидете на преглед

Проверете дали причината за Вашата диспепсија е нетолеранцијата на лактоза.

Внимавајте на телесната тежина

Диспепсијата може да настане и како последица на емотивен или физички стрес и прекумерна телесна тежина.

Вежбајте

Редовната физичка активност спречува појава на повеќе видови болести, вклучително и диспепсија.

Што да направите кога имате болки?

Ако проблемот не е од органска природа (бактериска инфекција, ранички, чиреви итн.), можете да започнете со рестриктивна диета. Ако проблемите продолжат и понатаму, треба да се консултирате со матичниот лекар кој ќе Ви препише терапија.

Што да јадете?

Најдобро е да јадете овошје, затоа што ги елиминира несварените остатоци од храна. Најефикасни се лимоните, потоа грозјето, грејпрфут, ананас, портокал, јаболка и круши. Можете да си исцедите сок и да го измешате со мед. Грицкајте моркови, јадете малку обарен зеленчук и јадете маштеница, јогурт и сирење.

Пијте чај

Сварете си чај од пеперминт или камилица, со мед и лимон.

Користете зачини

Зачинете ја храната со ѓумбир, коријандер, бибер или рузмарин.

Рецепти што ја олеснуваат мачнината

Сок од калинка со бибер и крупна сол; -Маштеница со крупна сол и печени семки од кумин; -Сок од четврт зелен лимон, чашка млака вода и половина кафена лажичка сода бикарбона; -Свеж сок од ананас, малку ѓумбир, бибер и половина кафена лажичка шеќер.

стомачни проблеми – Вистина.мк

Аца Лукас итно примен и задржан во болница (фото)

Справете се со стомачните болки брзо и едноставно