стоби – Вистина.мк

Актерот Зоран Љутков ја доби наградата за најдобра машка улога на Фестивалот на античка драма „Стоби“

Антонио Димитриевски — Fri, 20 Aug 2021 13:06:42 +0000

Наградата за најдобра машка улога на 18. по ред издание на Интернационалниот фестивал на античка драма „Стоби“, му е доделена на актерот Зоран Љутков за улогата на Силен во сатирска игра во режија на Деан Дамјановски во претставата „Орестија”. Претставата е копродукција на велешкиот Народен театар „Ј Х К-Џинот” и Националната опера и балет.

Како што се вели во образложението на жири комисијата на фестивалот, Зоран Љутков во улогата на Силен се карактеризира со суверено и зрело мајсторство во сите сегменти на ликот реализирани прецизни актерски, пејачки и танцови партитури низ кои со неверојатна леснотија се претставени психоемотивните нијанси од драматичното во комичното со што неговиот лик несомнено станува актерски столб на целокупната театрологија „Орестија”.

Битолскиот театар учествува на фестивалот на античка драма во „Стоби“

Христина Ѓоргиевска — Fri, 06 Aug 2021 11:18:07 +0000

Ансамблот на НУ Народен театар-Битола утре вечер ќе настапи на интернационалниот фестивал на античка драма што се одржува во археолошкиот локалитет „Стоби“. Битолските актери ќе ја одиграат претставата „Бакхи краток преглед на распадот“ од Еврипид, а во режија на сега веќе покојниот режисер Игор Вук Торбица. –Со настапот во „Стоби“ битолскиот театар ја заокружува театарската полусезона во која подготви 4 премиерни претстави и тоа „Ноќта кога ја убив месечината“ во режија на Марјан Ѓорѓиевски, „Молитва по Достоевски“ музички перформанс по идејата на Валентин Светозарев, „History of motherfuckers“ по Кориолан од Вилјам Шекспир во режија Андраш Урбан и „Сомнително лице“ од Бранислав Нушиќ во режија на Деан Дамјановски. Во оваа полусезона НУ Народен театар-Битола гостуваше на Шекспир Фестивал во Србија и Охридско лето, а завршува во Стоби со „Бакхи краток преглед на распадот“ извор: Курир.мк/миа

„Винска среда“ во „Тирио бистро бар“

Дејан Донев — Tue, 13 Mar 2018 08:07:13 +0000

Почитувани љубители на доброто вино! „Тирио бистро бар“ Ве поканува на едно поинакво, елегантно и пријатно винско доживување, оваа среда, 14ти март, со почеток во 17 часот. Оваа „Винска среда“ ќе имате можност да дегустирате вкупно 4 различни сорти на бело и црвено вино од винариите Камник, Тиквеш, Стоби и италијанската винарија Фантинел. Листа на вина:

Fantinel Prosecco Extra Dry
Chateau Kamnik Pinot Grigio Single Vineyard 2017
Tikveš Plavec Special Selection 2016
Stobi Cabernet Sauvignon 2015

Научете нешто повеќе за винската култура, уживајте во добрата капка вино и излезете од „Тирио“ побогати за едно сосема ново искуство. Цената на дегустацијата е 600 денари по лице со вклучено мезе. Место: Тирио бистро бар (Булевар Илинден 38, Скопје) Датум: 14.3.2018 Време: 17:00 – 24:00 Резервирајте на 071 337 494.