стинг – Вистина.мк

Стинг со нова верзија на хитот „Руси“: Мојата песна е молба за мир, веднаш запрете ја војната! (ВИДЕО)

Антонио Димитриевски — Tue, 08 Mar 2022 09:18:30 +0000

Стинг сподели на Инстаграм нова изведба на неговиот хит „Руси“ од 1985 година за поддршка на Украина. Првично издаден како сингл од неговиот дебитантски соло албум The Dream of the Blue Turtles, „Russians“ беше инспириран од Студената војна меѓу Соединетите држави и тогашниот Советски Сојуз. Песната, која ја критикува доктрината за заемно сигурно уништување, стана хит на Топ 20, достигнувајќи го 16-то место на Billboard Hot 100.

Ретко ја пеев оваа песна во годините откако беше напишана, бидејќи никогаш не мислев дека повторно ќе биде актуелна“, рече Стинг во својот спот. „Но, во светлината на крвавата и тажно погрешна одлука на еден човек да нападне мирен, незагрозен сосед, песната е, уште еднаш, молба за нашата заедничка човечност. За храбрите Украинци кои се борат против оваа брутална тиранија, како и за многуте Руси кои протестираат против овој гнев и покрај заканата од апсење и затвор: Ние, сите ние, ги сакаме нашите деца“. Насловот на видеото на Стинг ја вклучуваше и адресата за испорака на складиштето во Полска што дистрибуира пакети за нега во координација со Вооружените сили на Украина.

View this post on Instagram

A post shared by STING (@theofficialsting)

Не знаеле каде упаднале: Расел Кроу и Стинг завршиле во свингерски клуб

Слободанка Илиева — Tue, 18 May 2021 10:28:38 +0000

Австралискиот актер Расел Кроу (57) на „Твитер“ објави детали од минатото, за тоа како го поминал времето по концертот на групата „Полис“ во Ирска. По настапот во Даблин во 2007 година, пејачот на групата Стинг (69) го однел Расел во локален паб, што се случило да биде домаќин на свингерска забава. Ѕвездата на „Гладијатор“ напиша дека по состанокот со Стинг, тој завршил во клубот каде што имало свингерска вечер. Расел Кроу во тоа време беше оженет со Даниел Спенсер, со кого има два сина. Ова сеќавање на деталите од минатото доаѓа во пресрет на ангажманот на актерот во филмот, психолошки трилер – „Poker Face“. Според „Сандеј телеграф“, станува збор за филм во режија на Гери Фледер, чие снимање ќе започне следниот месец во Австралија. Од познатите актерски имиња, во филмот ќе се појави и sвездата Натали Портман. „Poker Face“ е приказна за технолошкиот милијардер Џејк (го игра Расел Кроу) кој собира пријатели од детството на неговиот имот во Мајами, што се претвора во покер со високи влогови.

Ленче и Горан Кукиќ имаат наследник со педигре: Знаете ли дека нивниот син свири на иста сцена со светски ѕвезди? (ФОТО)

Антонио Димитриевски — Fri, 05 Jul 2019 08:29:51 +0000

Ленче (Дедејска) Кукиуќ и Горан Кукиќ, се една од најпознатите струмички и воопшто македонски музички брачни двојки. Иако со децении опстојуваат на сцената, настапувајќи соло, во дует или најчесто заедно со својата група „Јупитер“, сепак на пошироката јавност во регионот и станаа познати по победите, секој одделно, во регионалното музичко талент шоу за возрасни, „Никогаш не е доцна“.

Таму со своите маестрални настапи обајцата жирито го оставија со подзината уста, а публиката без здив.

Но знаете ли дека во едно од најмузичките семејства во Македонија има наследник кој ја продолжува традицијата, а веќе во млади години свири на иста сцена со светските музички ѕвезди?

Нивниот син Иван природно, од мали нозе е со музиката, но на пошироката јавност и стана познат откако македонската гитарска легенда Влатко Стефановски го повика да свири со него и неговиот син Јан во триото на Влатко. Се реда настапи, од Нови Сад до Скопје, но секако најзначајниот беше оној кога Иван заедно со Стефановски сениор и јуниор, настапи пред големиот Стинг на истата сцена, на концертот на националната арена во Скопје.

„Јас пораснав со музика и искрено никогаш не размислував со што друго би се занимавал во животот. Никогаш не сум имал притисок од мојата фамилија дека мора да бидам музичар и сум среќен за тоа бидејќи на сила нема убавина, но верувам дека и моите родители се среќни што по своја волја ги следам нивните постапки“ - ќе изјави Иван во едно свое неодамнешно интервју за порталот „Фешанел“.

Иако e сестран музичар и свири повеќе инструменти, бас гитарата е неговиот базичен инструмент, кој најмногу научил како да го владее од неговиот професор, маестро Благој Маротов.

Иван во моментов е студент на Музичка продукција и дизајн на звук во Белград, градот на потеклото на семејството Кукиќ и продолжува со настапите како стандарден член во ритам секцијата на триото на македонската музичка легенда Влатко Стефановски, која ја сочинуваат Иван на бас и синот на Влатко - Јан зад тапаните. Фото: Фејсбук

Невозможна мисија: Теа Трајковска среде концертот на Стинг остана заглавена во ве-це, а како се извлече ќе останете во шок!

Слободанка Илиева — Mon, 03 Jun 2019 08:05:02 +0000

Младата пејачка Теа Трајковска вчеравечер беше меѓу публиката на Градскиот стадион во Скопје на концертот на светски популарниот музичар Стинг. Откако го најде своето месето на трибините и се смести за да ужива во музичкиот стектакл, природата ја повика, па мораше да отиде во ве-це и да се олсни.

Но, и се случи она кое сигурно некогаш ви паднало на памет – да се заглавите и да бидете немоќни да ја отворите вратата, а притоа да нема никој да ве слушне и помогне. Токму тоа и се случи на Теа, која остана немоќна во една од ве-це кабините. Иако е русокоса, Теа откако го слушна Стинг како почнува да пее, веднаш дојде до идеја како да си ја реши маката.

Па така, единствена алтернатива според неа во тој момент била да се протне од малиот отвор под врата, а од објавената фотографија на социјалните мрежи од „местото на настанот“ , ќе останете во чудо како ли успаела. Во случајов витката линија и еластичноста очигледно биле пресудни да излезе, но и намерата во ниеден случај да не ја пропушти музичката ѕвезда.

Како дополнување на описот за она што и се случило, напиша дека кога ова го видела мајка и, останала фрапирана за постапката и умешноста на ќерка си. Секоја чест Теа!

Стинг честиташе за победата на Вардар

Слободанка Илиева — Sun, 02 Jun 2019 19:20:39 +0000

Светски познатиот музичар Стинг беше меѓу првите кој му го честиташе големиот ракометен успех на Вардар. Тој пред почетокот на концертот во Скопје кој се одржува вечерва, упати честитка за победата на Вардар. Стинг доби дрес од македонскиот ракометен гигант на кој беше напишано неговото име, а фотографијата од моментот ја објавија организаторите Авалон продукција. Терминот за концертот на Стинг вечерва беше поместен поради настапот на Вардар и тоа што македонскиот шампион во ракомет игра во финалето од Лигата на шампионите. Светската ѕвезда Стинг во Скопје го има единствениот стадионски концерт од турнејата низ регионот насловена „My songs“.

На 2. јуни 2019: Стинг се враќа во Скопје на Филип Втори Арена!

Антонио Димитриевски — Mon, 17 Dec 2018 11:52:20 +0000

По рекордно брзо распродадедното шоу што се одржа во ВИП арената на 15.10.2017 (во рамките на турнејата „57th & 9th“), Стинг се враќа во Скопје на 02.06.2019, овој пат со историско стадионско шоу на нашата арена „Филип Втори“. Во рамките на турнејата „My songs“, која во суштина претставува турнеја со најдоброто од Стинг, музичарот ќе понуди едно несекојдневно и динамично шоу, фокусирајќи се на неговите најдобри песни од ерата на „Полис“ (The Police) и од неговата соло-кариера.

„Englishman In New York“, „Fields Of Gold“, „Shape Of My Heart“, „Every Breath You Take“, „Roxanne“, „Message In A Bottle“... се само некои од легендарните песни кои што ќе можат да се слушнат, во изведба на една од најголемите рок-ѕвезди на светот на сите времиња. Влезниците ќе бидат пуштени во продажба оваа среда (19 декември).