стефонатор – Вистина.мк

„Го победив туморот“: Младиот македонскиот јутјубер Стефонатор со емотивнa исповед (ВИДЕО)

Антонио Димитриевски — Wed, 09 Jun 2021 06:13:48 +0000

„Го победив туморот“ е насловот на видеото кое Стефонатор со месеци со душа чекаше да го сними за да одбележи триумф над ракот. Стефан Рашковиќ дозна дека има тумор на тестиси во јули минатата година и оттогаш помина низ две операции и неколку циклуси хемотерапија за да може низ солзи-радосници да каже „имав резултати завчера, што ми кажаа дека сум излечен“. „Изгледа кончено заврши овој хорор и се чувствувам како сега, во моментов, да ми почнува некој си втор живот“ – вели младиот јутјубер, потенцирајќи дека сега ќе може повторно да се врати со полна пареа на креирањето на содржини. „Сакам да им дадам поддршка на сите што во моментов поминуваат низ ова, и полесно од моето и потешко од моето… Мислам дека најдобриот совет што можам да ви го дадам е да работите многу на вашата психа и да гледате да останеше што е можно психички здрави и да не се давате. Да се опкружите само со позитивни луѓе, со позитивни работи да не гледате толку лошо во ова лошо. Да пробате да го игнорирате колку-толку и да се молите дека ќе си помине и дека е само еден лош период што е тука за да ве направи вас многу посилни“ – сподели тој и им се заблагодари на сите за огромната поддршка која ја добивал. https://www.youtube.com/watch?v=SBYM8nrTePg

Џи-Пи и Стефонатор се „фатија“ за иста девојка, но… „Baby Next Time“ (ВИДЕО)

Антонио Димитриевски — Mon, 16 Sep 2019 11:42:58 +0000

Тие се новите ѕвезди, новите идоли на најмладата генерација... Пејат иако не се пејачи, ги забавуват младите иако не се ниту класични забавувачи... Едноставно се' започнува од нивните филмчиња постирани на Јутјуб, преку кои Марко Марковиќ – Џи Пи и Стефан Рашковиќ – Стефонатор, стануваат најпознатите и најпопуларни македонски јутјубери, кои со своите откачени идеи и креативни, едукативни, забавни, смешни… видеа ја излудеа тинејџерската популација. Стигнаа да ја напишат и објават и сопствената автобиографија, а за промоцијата на нивната автобиографска книга „Нашиот пат“ во МКЦ се чекаше со часови, истата да се добие со нивен потпис. Оттогаш наваму, каде и да се појават настанува еуфорија... Младите во турканици за да дојдат до нив, да се поздрават, да ги допрат, да земат автограм, да направат селфи со своите идоли... https://arhiva.vistina.com.mk/radio-mileva/euforija-nezapametena-ushte-od-vremeto-na-toshe-koi-se-marko-markovikj-dzi-pi-i-stefan-rashkovikj-stefonator-novite-makedonski-tinejdzerski-idoli-video/ Однеодамна „Џи-Пи“ и „Стефонатор“ влегоа и во музичките води. Секој сам - посебно, а од скоро и заедно, под закрилата на Марко Маринковиќ - Слаткаристика и неговата продукциска куќа „Иноватива“. Заедничката песна која пред некој ден заедно со останатите неколку ја промовираа на својот настап во „Централ парк“ клубот во Скопје носи наслов „Baby Next Time“, чиј автор на музиката и текстот разбирливо е Слаткаристика. Аранжманот, миксот и мастерингот се на Иван Иванов - Ивајо, а за песната направено е и интересно видео во кое двајцата најдобри другари се борат за иста девојка, која во спотот ја игра младата убавица Ажда Агуш. Но, на крајот дали љубовта или другарството ќе победи...? Ќе видите што ќе се случи откако ќе го погледнете видеото кое го снимил Крсте Шупев, а го уредил и режирал самиот Џи-Пи. Слушнете како звучи нивната заедничка песна „Baby Next Time“ и погледнете ја приказната во видеото за истата. https://www.youtube.com/watch?v=Tim91-w_mpE

Забава во ЗОО Скопје за крајот на училишната година

Антонио Димитриевски — Mon, 27 May 2019 11:25:18 +0000

За крајот на училишната година на 9 jуни во Скопје ЗОО ќе се организира забава со Стефонатор, ЏП и Денсерс Јунајтед. Со почеток во 13 часот, посетителите во Зоолошка градина Скопје ќе имаат можност да се дружат и забавуваат со GP и STEFFONATOR, Јутјуб милениците на најмладите, а како специјални гости ги имаме и светските и европски шампиони во хип хоп, „DANCERS UNITED“. Танчерите од танцовото студио „Денсерс јунајтед МК“ на 18 мај во Римини, Италија освоија уште еден златен медал на Европското првенство во хип хоп. Овој медал на танчерите со Даунов синдром им е 5-ти надвор од земјата на светски или европски првенства, а во Македонија се државни прваци од 2015. За сите посетители ќе има и подароци од пријателите и донаторите на Скопје ЗОО. Настанот е во организација на Зоолошка градина Скопје и Град Скопје.

Најпопуларниот македонски јутјубер Стефанатор ја одбра Мартија за своето музичко сефте – „Шо праеш?“

Антонио Димитриевски — Thu, 16 May 2019 12:44:57 +0000

Најпопуларниот јутјубер во Македонија Стефан Рашковиќ – Стефонатор сними дует со младата музичка ѕвезда Мартија Станојковиќ, а песната која е насловена „Шо праеш“, очекувано, стигна во пакет со интересно видео.

Станува збор за своевидна преработка на хитот „Сакам да те галам“ (2008 год.) која заеднички ја снимија „Паркети“ и Елена Ристеска, а како автор на музиката е потпишан Сашо Паркет, а новите стихови се дело на Иван Ајнштајн.

Миксот и мастерингот, пак, ги направи Џи-Пи, додека сето тоа визуелно го заокружил Томислав Живковиќ.

Како сето тоа звучи и изгледа проследете во продолжение.