стефан – Вистина.мк

Близнаците Мартин и Стефан од „Некст тајм“ слават роденден, а мајка им Сузана им го честиташе на најубав начин: Разгледница од спомени за своите синови (ВИДЕО)

Антонио Димитриевски — Wed, 20 Sep 2023 07:57:48 +0000

Близнаците Мартин и Стефан од братското музичко дуо „Некст тајм“ со своите стилизирани преработки на најпознатите македонски песни со патриотска содржина, ги освоија срцата на публика не само во Македонија, туку и ширум светот кај македонската дијаспора... Од Америика и Канада до Нов Зеланд и Австралија. Нивниот албум „Мајка“ на кој се најдоа споменатите песни го доби токму тој наслов заради неговото симболично значење. Нивната родна земја - мајка Македонија и нивната мајка Сузана, жената која ги родила како двете најважни и единствени мајки во нивните животи. Зашто како што мајка може да ги сака своите чеда, не може никој друг... Македонија веќе покажа дека тоа е така, а за нивната мајка Сузана излишно е и да се трошат зборови. Впрочем, со последниот свој гест таа тоа само уште еднаш, по кој знае кој пат и ќе го потврди. Имено, нејзините близнаци Мартин и Стефан денес, 20 септември 2023 слават роденден... 37-от по ред! Веќе зрели мажи, едниот од нив - Мартин однеодамна и оженет, но за нивната мајка, впрочем како и секое чедо за својата, вечно ќе останат нејзини деца! Затоа таа решила роденденот покрај останатото, да им го честита и јавно, на социјалните мрежи и тоа на најубав начин. Со видео- разгледница од спомени за своите синови! Во неа Сузана ги вткала некои од најубавите и најемотивни моменти од детството па се до денес на нејзините близнаци. Кадри од првите родендени, кога Мартин и Стефан биле уште многу малечки... Преку првите нивни детски фестивалски и ТВ настапи... Па се до овие денови, кога нејзините близнаци как братско дуо „Некст тајм“ се едни од најголемите македонски музички ѕвезди. „Среќен роденден мили мои, Ви благодарам што ме правите среќна и што чекорите по правиот пат“ - напишала гордата мајка покрај постот во кој е споделена нејзината роденденска видео честитка. Славениците видеоподарокот од нивната мајка го преземале и исто така го постирале на својата официјална Инстаграм страница, покрај кој во описот додале: Денес е наш ден!!! Денес е нашиот Роденден!“

View this post on Instagram

A post shared by Next Time (@nexttimeband)

Фото: Фејсбук/Suzana Filipovska/Инстаграм/nexttimeband

Симона Поповска направи луксузен прв роденден на второто синче, а сега сефте ги покажа и моментите од бременоста која се’ до породувањето ја криеше од јавноста (фото)

Слободанка Илиева — Fri, 18 Aug 2023 07:10:44 +0000

Пејачката и докторка Симона Поповска, за своите синчиња преферира да приредува големи и луксузни родендени. Таква пракса има за првиот, а сега и за вториот наследник Стефан кој наполни една година. Прославата се случи во еден скопски хотел, беа поканети доста гости, имало луксузна декорација, две маскоти, торта на три ката, па дури и музика во живо со Боби Павловски. Родендените на Никола и Стефан се ден за голема прослава за која мама Симона и тато Крис сакаат се’ да биде на ниво. Домаќините задоволни, а гостите и славениците уште позадоволни. Симона дури се фати и за микрофон и запеа пред присутните во име на големиот ден. Инаку, втората бременост на Симона Поповска беше во тајност од јавноста, а кога обзнани дека станала мајка по вторпат, беше големо изненадување бидејќи бременостите се случија многу брзо една по друга. Сега во роденденските честитки за синчето, таа на Инстаграм за првпат ги покажа деновите од втората бременост, и тоа од моментот кога дознава дека е во друга состојба, па се до породувањето кога првпат го држи Стефан во прегратка. -Среќен роденден мое слатко дете. Нека твоето патурање биде наверојатно како твојот прв роденден со нас. Ветувам дека ќе ја држам твојата рака со секој чекор, развеселувајќи те, бришејќи солзи и споделувајќи ги сите авантури што животот ги чува за тебе. Твојата насмевка е моето сонце, твојата насмевка е моја мелодија, а твоето присуство е подарок што засекогаш ќе го славам, пишува среќната мајка која секогаш практикува да објавува статуси напишани на англиски јазик. Среќен роденден!

Даниел Кајмакоски по вторпат стана татко: Кралот Стефан дојде на свет и прати прв поздрав до јавноста (фото)

Слободанка Илиева — Mon, 01 May 2023 06:59:47 +0000

Пејачот Даниел Кајмакоски и неговата тазе сопруга Марина станаа родители. На 30-ти април на свет дојде машко бебе на кое мама и татко му до дадоа името Стефан. -Дами и господа, ова е кралот Стефан, напша среќниот татко во објавата на својот Инстаграм, претставувајќи и го наследниот на јавноста. Кајмакоски се до неодамна беше мистериозен за идентитетот на неговата избрачичка, па засега познато е само нејзиното име Марина, тоа дека го освои неговото срце, а сега му роди и наследник. Даниел и Марина се венчаа во месец јануари, а невестата беше во блажена состојба, но за тоа дека ќе станат родители обзнанија неодамна, односно непосредно пред породувањето. Ова е второ синче на пејачот, а од првиот брак со моделот, мисица и пејачка Кристина Димитриевска го има шестгодишнот Давид. Честитки за гордите мама и тато! фото:Инстаграм принтскрин/Даниел Кајмакоски

Ова е синот македонската брачна фолк двојка Наум Петрески и Зуица Лазова: Стефан е „плукнат“ татко му? (ФОТО)

Антонио Димитриевски — Wed, 25 May 2022 08:53:24 +0000

Животот на познатите, особено личностите од естрадата отсекогаш бил во фокусот на вниманието на јавноста. Познатата естрадна фолк двојка, пејачката Зуица Лазова и пејачот Наум Петрески, по многуте животни и брачни премрежја што своевремено ги имаа, како плод на нивната љубов ги добија ќерката Македонка и синот Стефан. Македонка очигледно ги наследила гените од родителите и е студент на Факултетот за музичка уметност, каде студира соло пеење, додека Стефан е уште во основно училиште. Во една прилика, Зуица откри дека и нивниот син Стефан тргнал по нивните стапки и дека веќе свири на гитара, но дека уште ниту таа ниту Наум не знаат дали ќе ја избере музиката како идна професија или таа ќе остане само негово хобии можност за дополнителна заработка. Познатата брачна фолк двојка со семејството присуствуваше на неодамна одржаната јубилејната 25-та „Златна Бубамара на популарноста“, каде Наум ја доби наградата за „Трајни вредности“, а Зуица и јавно му ја честиташе посакувајќи му уште вакви признанија. Од фотографиите убаво се гледа дека Стефан повеќе не е мало детенце, туку пораснал во вистинско момче кое се' повеќе наликува на својот татко наум. Дури и фризурата му е слична на онаа која во последно време ја носи фолк пејачот. Дали го наследил и гласот, слухот и талентот за музика на родителите, останува допрва да видиме. Инаку, ова е втор брак на Наум Петрески, кој од првиот ја има ќерката Анастасија која исто така со текот на годините стана позната фолк пејачка, но и се омажи. Таа се реализираше и како мајка во 2019 година и со својот сопруг Владимир ја имаат ќеркичката Андреа која сега наполни три години. Во меѓувреме Анастасија гордо го покажа и трудничкиот стомак, наговестувајќуи дека и по втор пат ќе стане мајка, а Наум Петрески одново дедо, како што се шушка, овој пат на внук! Фото: Фејсбук и Инстаграм принтскрин/Zuica Lazova/Naum Petreski/anastasija.petreska

„Некст Тајм“ на „возење“ кај Лазаров: „Никогаш не сме земале пари од ниту една политичка партија“ (ВИДЕО)

Антонио Димитриевски — Sat, 23 Apr 2022 06:50:01 +0000

Младиот и се' попопуларен водител Стефан Лазаров во неговото „карпул кароке“ ги угости близнаците од „Некст Тајм“, Мартин и Стефан Филиповски. Се разбира, причина за нивното гостување беше нивниот најнов проект кој го промовираа пред неколку дена - одличната преработка и уште едно фантастично филмувано видео на последната од низата македонски изворни песни со стихови со патриотска ссодржина „Кога падна на Пирина“. Близнаците со Лазаров споделија за впечатоците од работењето на проектот, пееја заедно во автомобилот, разговараа за идните планови, одговараа на прашања колку се познаваат меѓу себе, а исто така одговорија и дали позади нивните песни и спотови стои некоја политичката партија и воопшто колку се инволвирани во политиката и тие и нивните песни... Што сè имаа да одговорат на интересните прашања на Лазров, погледнете во видеоинтервјуто во продолжение:

„Ние редовно одиме на проби… а, понекогаш може и да не одиме“ – ја препознавате ли оваа денес голема македонска музичка ѕвезда? (ФОТО)

Антонио Димитриевски — Fri, 22 Apr 2022 08:45:24 +0000

Голем дел од македонските музички ѕвезди имаа и класична наобразба. Нижо музичо, средно музичко училиште, музичка академија... Теоретска настава, соло пеење, свирење разни музички инструменти... Но, некои од нив со музиката се сретнале многу рано, уште во предшучилишната возраст, кога родителите или некој од семејството, соседството, градинката, училиштето... И како по правило детските училишни хорови, или оние на најпознатите детски фестивали се местата каде денешните естрадни уметници ги направиле првите чекори, за прв пат пуштиле глас, ја испеале првата песничка... А за да се биде добар и успешен треба постојано да се вежба и мора редовно да се оди на проби... Или баш и не мора?

Така и тие, односно тој...Таков е барем неговиот наивен детски одговор во годините кога бил дете и гостин на една од емисиите на тогашната МТВ, кај новинарката и ТВ водителка Ели Танаскова, која го прашува од колку години заедно со брат му одат во хорот на „Златно славејче“, дали имаат таму другарчиња со кои се дружат и дали за да бидат успешни, треба редовно да одат на проби? А тој, тоа го потврдува, па потоа го негира во негов стил:

„Ние редовно одиме на проби... а понекогаш, може да не одиме“! Чесно и искрено! Не веруваме дека лесно ќе го препознаете по ликот кога бил малечок, но затоа пак, денес и тоа како е препознатлив во она што го прави. Се разбира со неговиот брат близнак Мартин.

Да тоа е тој, Стефан Филиповски, вокалот на „Некст тајм“.

Така беше тогаш, а денес...? „Нешто ќе те питам мајко, право да ми кажеш...?!“

„Слушаат ли децава, умни ли се? Вежбаат ли така напорно и посветено и денес и одат ли редовно на проби или... Понекогаш, може и да не слушаат?“

Близнаците од „Некст тајм“ во совршена монтажа, со погрешно име: „Нешто ќе те питам бато, чиј војвода беше Питу Гули?“ (ФОТО)

Антонио Димитриевски — Fri, 19 Nov 2021 09:39:44 +0000

Близнаците од дуото „Некст Тајм“, браќата Мартин и Стефан Филиповски покрај тоа што се одлични музичари, познати, признати и популарни естрадни ѕвезди, годиниве наназад покажаа дека се и големи патриоти. Вистиски родољуби кои си ја сакаат својата татковина Македонија, а таа љубов и патриотските чувства на најдобар можен ја преточија во своите преработки на старите македонски народни песни, вдахнувајќи им нов, современ дух на времето, но правејќи ги и паметник кој им ја доближува не само музиката, туку и македонската историја на новите генерации. Она што како последно осамна на социјалните мрежи на нивниот официјален профил е заедничката фотографија на двајцата „арслани“ со еден од најголемите македонски револуционери, војводата Питу Гули?! Се разбира дека „временската машина“ на Мартин и Стефан која ги вратила назад во времето се некои од познатите дигитални алатки, со чија помош денес се' е можно, па и легендарниот македонски војвода од влашко потекло, учесник во македонското револуционерно движење кој загинал на Мечкин Камен бранејќи ја Крушевската Република, да се слика со „неговите другари“ од „Некст Тајм“. Така близнаците од „Некст тајм“ се најдоа во совршена монтажа, арно ама... со погрешно име! Имено, под монтираната фотографија на која се заедно со легендарниот војвода пишува: „ПитО ГулЕВ и неговите другари“!!? Веројатно можете да претпоставите на кој јазик, зашто ТИЕ имаат неодолива желба и потреба да ги прекрстуваат имињата, менуваат и присвојуваат историјата! Жива среќа што натписот како и автентичната фотографија датираат од ОНА време, а монтираните ликови на браќата од ОВА време, инаку и бизнаците ќе беа Мар(т)ин и Стефан Филипови! Ама за се' има поправен... или поточно, корекција! Па ако можеле да ги вметнат и интегрираат своите ликови во старата фотографија со војводата Питу Гули, можат да го сменат и натписот под неа. Онака како што реално и вистински тој се вика... Сосе „неговите другари“! За да не биде: „Нешто ќе те питам бато, чиј војвода беше Питу Гули?“ Фото: Инстаграм принтскрин/nexttimeband/Википедија

Мартин од „Некст Тајм“ си го истетовира брат му Стефан на раката: Брат за брат, близнакот на тетоважа! (ФОТО)

Антонио Димитриевски — Fri, 12 Nov 2021 09:57:59 +0000

„Некст тајм“ се еден од оние бендови кои секојдневно не „киснат“ по насловниците на медиумите и не ги има секоја вечер по ТВ емисиите, но затоа пак кога близнаците нешто ќе направат - е направено! Од нивните први хард енд хеви песни, до „Ѓурѓа, Шумите, Бабо, Јовка“... Особено овие последниве, која од која аудивизуелно ремек дело. Приватноста исто така не ја споделуваат баш секојдневно со своите обожаватели и следбеници во јавноста, иако има моменти кои се за паметење и треба да се овековечат и обзнанат. Како на пример, роденденот на Филип, третиот брат на близнаците Мартин и Стефан, кој секој однив одделно му го честиташе на својот Инстаграм, а сите заедно го одбелажаа моментот, па со семејна фотографија со нивната мајка го споделија на социјалните мрежи. Но, она што привлече деновиве исто така внимание е најновата тетоважа на еден од близнаците. Не дека обајцата до сега немаат по нејој тату украс на својата кожа - напротив. Но, она што е впечатливо и специфично е тоа што Мартин Филиповски, гитаристот на „Некст Тајм“, на својата рака додаде специфична тетоважа. Овој пат „братска“, зашто си го истетовира ликот на својот брат-близнак и компањон од бендот, пејачот Стефан. Мартин отиде во тату ателјето кај еден од најпроверените тату мајстори во Македонија, кој најпрвин го скицираше, а потоа и го започна тетовирањето на посакуваниот лик. Или што би рекле: „Брат за брат“, близнакот на тетоважа“! Ќе му возврати ли Стефан со идентичен потег и каде, на кој дел од телото би го ставил ликот на брат му Мартин, останува да видиме? „Next time brother“, или... ? Фото: Инстаграм принтскрин/goranmicic_mg/stefan_filipovski/martin_filipovski/

Влатко Лозаноски постави предизвик што ќе се памти, кој не е музички, ама затоа му го смени личниот опис: Еве кого друг предизвика Лозано? (ФОТО)

Антонио Димитриевски — Sat, 28 Mar 2020 11:22:13 +0000

Во морето од предизвици на социјалните мрежи кои се посетени како никогаш порано во историјата на нивното постоење, многумина од познатите личности поставуваат и ги порифаќаат најновите предизвици. Еден таков нов предизвик постави најголемата машка, македонска музичка поп ѕвезда, пејачот ВлаткоЛозаноски - Лозано. И ако сите очекуваат да биде музички, неговиот предизвик - не е! Напротив, нема врска со музика... Освен ако не го сметате имиџот како составен дел од кариерата на познатите и славни музички ѕвезди. Токму неговиот поставен предизвик, на Лозано му го смени имиџот или подобро речено, физичкиот изглед. Имено, седејќи во домашна изолација, покрај пеењето и свирењето, онлајн комуникацијата со медиумите, „киснењето“ на социјалните мрежи, радио, ТВ, компјутер... очигледно на Лозано му здодеало да го гледа секој ден ист својот лик во огледало, па решил да смени фризура. И тоа драстично. Па така кратко потстрижан „ на кец“, се фотографирал и со споделената фотографија на своите Инстаграм приказни, ги предизвикал некои од пријателите да го прифатат предизвикот и да го сторат истото. Меѓу предизвиканите се и некои популарни македонски музичари, како браќата од „Некст тајм“, близнаците Мартин и Стефан Филиповски, познати по своите долги коси кои ги негуваат со години. И ајде сега имај „ма*иња“, па прифати го предизвикот да те видам и потстрижи се „на кец“!? Пејачот на „Некст тајм“ дури и веднаш му возврати на Лозано, ама не на предизвикот, туку само со одговор:

Модерна дама: Вака изгледа мајката на Мартин и Стефан од „Некст тајм“ која наполни 60 години (фото)

Христина Ѓоргиевска — Thu, 13 Feb 2020 07:58:59 +0000

Дуото од „Некст тајм“, Мартин и Стефан, како и нивниот постар брат Филип деновиве имаа убав повод за славење. Имено, причината поради која славеа и се радуваа беше 60-тиот роденден на нивната мајка Сузана. Но кој би рекол дека оваа модерна дама со младешки изглед е токму мајката на Мартин, Стефан и Филип. Таа изгледа многу модерно, згодно и дамски за нејзините години. Дефинитивно, за неа важи правилото: годините се само бројка. Мартин на својот „Инстаграм“ профил со гордост објави фотографија на која позира со нивната мајка Сузана и браќата Стефан и Филип, а во описот на истата напиша: „Среќен 60-ти роденден мајко @suzanafilipovska, вистинска инспирација“. Под објавата се нижеа честитки и убави желби за роденденот, но и пофалби за изгледот на Сузана.