ставови – Вистина.мк

Како да го ослободите умот од негативни мисли и грижи?

Слободанка Илиева — Thu, 21 Apr 2022 12:14:28 +0000

Ако во последно време ве прогонуваат грижи и негативни мисли кои не исчезнуваат, без разлика што правите или колку напорно се обидувате да се ослободите од нив, еве неколку совети како да не дозволите тие да ви влијаат. 1. Научете да простувате Еден од најдобрите начини да го ослободите умот е да им простите на оние кои ве згрешиле, па дури и себеси. Не заборавајте дека залудно е постојано да се навраќате на вашето минато, што се случило се случило, не можете ништо да направите за да го промените тоа. Продолжете понатаму и прифатете ги работите што се случиле, дури и ако не ве прават среќни. 2. Смејте се почесто Обидете се почесто да се смеете бидејќи според некои истражувања, кога се смеете, вашиот мозок ги регистрира движењата на мускулите на вашето лице и ги ослободува хормоните на среќата. На тој начин не само што ќе се чувствувате подобро туку и ќе го промените пристапот кон проблемите и грижите. 3. Медитирајте Медитацијата отсекогаш била еден од најдобрите начини да го ослободите умот од сите негативни мисли и грижи. Доволно е да се наместите во удобна положба, да ги затворите очите и да им дозволите на мислите да доаѓаат и да си одат без да се задржуваат. Обидете се да го правите тоа најмалку 5 или 10 минути секој ден, а промените ќе настапат за брзо време. 4. Научете да бидете оптимисти Научете да го гледате доброто во сè што ви се случува, наместо постојано да ве обземаат секакви грижи бидејќи се фокусирате само на негативните аспекти од животот. На тој начин ќе станете попозитивна личност со поинаква перспектива кон животот. 5. Ставете крај на токсичните односи Оддалечете се од токсичните пријатели кои ве тераат да се чувствувате лошо. Не заборавајте дека нездравите врски можат да доведат до негативни мисли и стрес. Позитивните врски, пак, ќе го исполнат вашиот ум со позитивни мисли и промени. 6. Не обвинувајте се себеси Неретко вината може да ве обземе, особено доколку не сте виновни за она што се случило. Имајте на ум дека со чувство на вина нема да успеете да ги подобрите работите, освен доколку не се концентрирате и не направите нешто за да го решите проблемот. 7. Не бидете самокритични Саботирањето на сопствената среќа преку самокритичноста ве прави да се претворите во вашиот најголем непријател. Можеби сметате дека на тој начин ќе станете подобри во она што го правите, но со тоа што секогаш ќе бидете груби кон себе само ќе поттикнете негативни мисли и ниска самодоверба. извор:кафепзауза/allwomenstalk.com

По нападите на нејзините ставови за вакцина, се огласи и Рада Манојловиќ: „Имам и јазик и мозок“

Христина Ѓоргиевска — Mon, 20 Dec 2021 10:54:25 +0000

Пејачката Рада Манојловиќ предизвика вистински хаос во медиумите кога за време на пандемијата со коронавирусот која се уште трае изнесе неколку свои ставови околу вакцинирањето. Имено, за време на гостувањето во емисијата „Премиера – Викенд Специјал“ проговори за своите изјави и зошто во последно време не е често во медиумите. -Рада има и јазик и мозок. Луѓето се изненадени бидејќи имам такви ставови бидејќи во некои емисии не можам да ги кажам своите ставови, секогаш се некои естрадни теми. Немаш прилика да го кажеш својот став на пример за вонземјанците. Јас секогаш внимавам што зборувам, ме учеа дека луѓето се моја публика, но дојдовме во ситуација сите овие случувања да ни влијат на нас, па на некои работи треба да се даде коментар, изјави Рада. Пејачката истакна дека не сакала никој да навреди со своите ставови. -Секогаш зборувам во свое име, се трудам да бидам субјективна и да не дозволам некој да ме нападне, јас само го кажав своето мислење, изјави Рада и проговори за својот колега Милан Станковиќ кој има слични ставови како неа. -Милан ги снесува последиците откако е во јавниот свет. Јас молчев целата претходна година. Многу лошо се чувствувам што некој мора да ме легитимира за да влезам некаде. Јас се бунам дека бидејќи е докажано дека сите го пренесуваме вирусот. Не доживеав некоја непријатност поради своите ставови, изјави Рада. фото: ртв пинк

Естрадата ги искритикува ставовите за корона на Рада Манојловиќ и Милан Станковиќ: „Срамота е тоа што го пишуваат додека луѓето умираат“

Христина Ѓоргиевска — Wed, 27 Oct 2021 09:14:25 +0000

Пандемијата со коронавирусот трае повеќе од една година, а многу јавни личности апелираат до граѓаните да се вакцинираат. Поранешниот естраден пар Рада Манојловиќ и Милан Станковиќ преку социјалните мрежи шират антиваксерски ставови за коронавирусот. По тој повод, некои од естрадните уметници ги прокоментираа нивните ставови. Пејачот Жељко Васиќ откри што мисли за пораките на Рада и Милан. -Тие се познати како големи експерти! Навистина не знам како не се срамат да напишат такво нешто. Се чини дека станаа сериозни епидемиолози. Тие се високо образовани и целиот свој живот го посветиле во таа област и потоа се компетентни да шират паника. Голема штета е што пишуваат додека луѓето умираат. Се срамам да коментирам за тоа, тоа е под моето ниво. Се за се, тоа говори за нив, а мој совет е да се вакцинираат луѓето за овој хорор да заврши што поскоро - рече видно изнервиран Васиќ. Пејачката Јелена Костов која прележа корона и има голем број антитела и поради тоа не примила вакцина, но планира тоа да го направи. -Не сакам да ги коментирам оние кои имаат поразлично мислење од мене, ќе си го зачувам мислењето за себе. Планирам да се вакцинирам за да можам нормално да функционирам и да работам. фото: соња спасиќ/инстаграм/курир телевизија/дамир дервишагиќ/З.Илиќ/рас србија

Здружение за унапредување на правата на музичарите – „Музика сега“ на прес конференција ќе ги соопшти своите ставови и барања

Антонио Димитриевски — Mon, 08 Mar 2021 13:35:52 +0000

Драги новинари, пријатели, колеги. Потребна ни е вашата поддршка во овој тежок период за нас. Здружение за унапредување на правата на музичарите ''Музика сега'' и во име на КТ на 6-те активни музички здруженија, ве кани на прес конференција закажана за утре во 13 во клуб-ресторанот МКЦ. Имаме интересни работи да соопштиме и најавиме активности. Благодариме и ве очекуваме во солиден број. П.С. Пресот ќе биде одржан по сите протоколи и бројот на присутни внатре во клубот ќе е ограничен. Ве молиме за поѕврда за присуство. Кординативното тело на шесте сродни музички здруженија, составено од: ЗУПМ - Музика Сега, Здружение на Естрадни Уметници – Скопје, Охридски Музички Еснаф, Естрада - Битола, Естрада – Струмица и Сојуз на професионални музичари- Скопје кои што имаат потпишано меморандум за соработка на 30.01.2021 година во Охрид, кој вклучува и заеднички настап пред релевантните фактори во државава, по повод последните случувања а особено за 5-от пакет мерки и предлог протоколите од страна на угостителите, ве покануваме Вас, ценети те претставници од медиумите на заедничка прес конференција, која ќе се одржи во вторник 09.03.2021 година, во просториите на клуб-ресторанот МКЦ во Скопје, во 13,00 часот. Барањата ќе бидат унифицирани и недвосмислени а ќе коренспондираат со моменталната ситуација во која се наоѓаат музичарите од цела држава бидејќи, независно на кој етникум и националност припаѓаме, сите ние сме во една моментно лоша и крајно незавидна состојба. Барањата содржат три основни точки: 1. Реакција по повод 5-от пакет мерки за финансиска помош претставен од Владата 2. Став и реакција за последниот предлог од угостителите до Комисијата за заразни болести, посебно точката, каде се бара настаните да се одвиваат без жива музика и предлагање предлог протоколи до Комисијата за заразни болести. 3.Барање за прием во Министерството за култура, за излагање на проблемите кој се соочуваат музичарите и предлози за нивно што побрзо надминување. Барањата ќе бидат адресирани до: Премиерот - Зоран Заев, Вицепремиерот - Фатмир Битиќи, Комисијата за заштита од заразни болести и Министерството за Култура, од кои очекуваме одговор најдоцна до крајот на неделата, односно 12.03.2021 година. Во спротивно, ќе бидеме приморани во време на пандемија нашите права да ги бараме по пат на протест, секако почитувајќи ги правилата и пртоколите при одржувањето на истите на јавен простор. Почитувани новинари и медиумски куќи, искрено се надеваме дека ќе бидете во можност да присуствувате на прес-конференцијата и ве видиме во што поголем број на истата. Со почит, КТ на музичките здруженија: ЗУПМ - Музика Сега, Здружение на Естрадни Уметници – Скопје, Охридски Музички Еснаф, Естрада - Битола, Естрада - Струмица, Сојуз на професионални музичари- Скопје.

Илустрации: Како возраста ги менува нашите ставови кон секојдневните ситуации?

Горан Силјановски — Sat, 17 Nov 2018 12:33:34 +0000

Да бидеме реални... Кога сме млади ни се чини дека „сè што лета се јаде“ и малку размислуваме на последиците од нашите постапки. Советите на нашите мајки не ги сфаќаме сериозно сè додека додека и самите не влеземе во таа улога.

Илустрации прикажуваат колку многу се менуваат нашите ставови кон секојдневните ситуации со возраста:

Расонување

Изгледот станува помалку важен

Модните грижи исчезнуваат

Комфорот на прво место

Празничната сезона доаѓа со куп грижи

Ноќта станува страшна со годините

Временска прогноза

Слободен ден од училиште

Но, некои работи никогаш не се менуваат

А, најубавото чувство во есен е да се стуткаш под јорганот со саканата личност, да каснете домашно приготвен специјалитет и да си направите филмски маратон