статус – Вистина.мк

Панчо ДНК ги подбра „важните ликови“ на Инстаграм: „Како се чувствувате после крштевката за 820 денари?“ (фото)

Слободанка Илиева — Wed, 16 Aug 2023 07:47:05 +0000

Владимир Блажев или попознат како Панчо Шорти/ДНК, отсекогаш бил на страната на реалната слика, без влакна на јазикот за теми за кoи многумина би останале летаргични да се изјаснат јавно. Овој пат, Панчо поттикнат од она што секојдневно му осамнува пред очи, а периодот се случува како многу честа пракса на Инстаграм, е верификација на профилите. Моментот сам на себе да си дедеш на важност и да почувствуваш дека токму ти си таа „позната“ личност на чиј профил треба да стои она сино препознатливо симболче за верификација. Своето објаќање Панчо не случајно го почна со деминутив, токму за да акцентира на „големината“ на оние како што вели за 820 денари си направија марак и наполнија его. -Луѓенца верифицирани, како се осеќате после инстаграм “крштевката” за 820 денари? Дали ве побараа од влада да го решите спорот со Бугарија за влез во ЕУ, дали ве забележуваат повеќе на улица, попопуларни ли сте и побитни во општеството после добиениот беџ, ви ги слушаат ли повеќе песните, станавте ли побогати? Па ништо не се фалите мајку му стара стварно не е фер, се обрати Панчо. Коментарот доби доста допаѓања од следбениците и пријателите на Фејсбук, но малкумина се осудија да остават свое видување за ова или пак им стана незгодно бидејќи се почувствуваа прозвани. Веројатно оние технолошки супериорните многу добро знаат како стојат нештата со ваквите промени на социјалните мрежи, па оттука токму за познавачите, ваквот потег е смешен. Инаку, периодов навистина се намножија доста верифицирани профили, па така оние „големите“ станаа важни на Инстаграм, а оние пак што навистина заслужуваат значка, а ги има доста, се уште останаа неверифицирани и тоа за така евтино. фото:Инстаграм принтскрин

Антониа ја „фрли мамката“, па сега и од она наводно во приказните за сопругот и стана лошо (фото)

Слободанка Илиева — Mon, 07 Aug 2023 07:50:18 +0000

Бракот и бременоста на младата пејачка Антониа Гиговска уште на старт беа необични за јавноста, прво од моментот дека од една врска набрзо „рипна“ во друга, следеше бременоста, а во ист ден и запросувањето од нејзиниот колега од бендот кој ја придружува, Роберт Спасенцоски. Во бременста си деде пауза од кариерата, па и откако се породи стана се помалку е активна дури и на социјалните мрежи, а и разбирливо како тазе и неискусна мајка со мало бебенце која е во трка со се’. Па така, секое нешто ново што и онака е реткост кај неа на Инстаграм, очекувано се коментира од јавноста која пак секогаш е подготвена да каже нешто повеќе за неа. Тука се секако и медиумите кои разбирливо работа им е да ги следат јавните личности, и да си ја работат својата работа.

View this post on Instagram

A post shared by ANTONIA GIGOVSKA (@antoniagigovskaa)

Неопдамна Антониа објави статус во кој следбениците ги стави под прашалници во врска во нејзиниот брак, а на медиумите им „фрли мамка“ за инспирација, но под она со префикс наводно и ставено под знак прашалник, што ништо не потврдува и конкретизира, па оттука не може да се стави во категорија на лажна вест. Имено, естрадната тазе мајка претходно сподели еден цитат во кој се вели: „Животот е прекраток за да бидете со некого кој не мисли дека сте најдобрата жена на светот“! „Дали крајот вака мириса?“, беа дел од насловите кои осамнаа и разбирливо по ваквата објава се надоврза што се случува со бракот на пејачката која неодамна се омажи. Антониа најчесто е резервирана кога се коментира и пишува за неа, но овој пат не остана имуна, па објави ново „стори“ за нештата да станат појасни: -Ги замолувам сите портали без лажни изјави. Роберт е прекрасен сопруг и татко. Нема потреба да се измислуваат приказни од мои сториња, посочи таа ставајќи го сопругот на пиедестал, а со тоа и да даде јасно до знење дека бракот е засега стабилен. „Стори“ на Инстаграм беше тогаш, а „стори“ е и сега, само со тоа што авторот не се произнесе што сакаше да каже со она дека некој можеби мисли дека не е најдобрата жена на светот? Или ако тазе мајката е помирна, тогаш нека стои за крај дека оваа нечија мисла само и се допаднала, а во бракот нека им биде мед и млеко. фото:Инстаграм принтскрин/Антониа Гиговска

Иако сега не живее во Македонија и на некогаш популарниот ТВ водител Филе – „Топки“ „му пукна филмот“ од лагите на Заев, па „го подбра на волеј“ (ФОТО)

Антонио Димитриевски — Wed, 03 Nov 2021 08:34:30 +0000

По сумирањето на резултатите од локалните избори исходот е ваков: Уште една „дебела“ победа на ВМРО-ДПМНЕ и коалицијата и уште една „уште подебела“ лага на Зоран Заев, во вид на понудена оставка и од премиер и од партиски лидер, спакувана во „мало сутра“ ветување! Типично за него и неговиот стил на владење. Веќе видено до сега и од СДСМ и од Заев! ( сетете се на оставката на Фрчковски по атентатот на Глигоров или последната на Филипче по пеколот во модуларната ковид болница во Тетово). Затоа и последново политичко „салто-мортале“ на Заев не изненадува, напротив, дури многумина и го очекуваа неговото сто пати видено „пу, пу, не важи“! Она што луѓето ги боли, погаѓа, навредува, е најмногу фактот што Заев им ја потценува интелигенцијата. Како во онаа познатата поговорка: „Не ми екриво што ме лажеш, криво ми е што мислиш дека ти верувам“! Токму оттаму и огромниот револт кај масата народ кој се створи со „мало сутра“ понудената оставка на премиерот и лидер на СДСМ по дебаклот на локалните... На половина и повеќе Македонија и врие. Па дури и на голем број довчерашни СДСМ подржувачи, откако по стоти пат гледаат со кого си имаат работа.Овој пат чашата е прелиена, а се прелива и незадоволството и револтот, најмногу на социјалните мрежи. Меѓу сите обични луѓе и многумина познати „му кажаа што имаат да му кажат“ на Заев, со свои статуси на Твитер или Фејсбук. Еден од нив токму онака жестоко „му го плеснал в лице“ и нему и на неговата најблиска партиска свита што стоеше околу него додека Заев ја даваша „мало сутра“ оставката пред целата јавност. Некогаш многу популарниот новинар, автор и ТВ водител Игор Филевски - Филе, попознат како Филе - „Топки“ иако последниве години не живее во Македонија, татковината си ја сака како секој вистински патриот. Токму затоа и нему „му пукна филмот“ од лагите на Заев, па го „подбра на волеј“ муртинскиот „пишман аџија“... Вербално или поточно написмено, со жесток статус на својот Фејсбук. „Пишман аџија!? Кон крајот на годината??? Ако, ако... ама тука е и крајот на сите надежи за иднина. Памтете го денов! А што се однесува до другото, готово е и со кредибилитетот на сдс, на целиот партиски мемаџмент, администрација, влада, држава... Прогресивци??? Вие сте обична багра, хохштаплерај, сељачишта, криминално-кванташки муфљузи во ликови на премиер, министри, климоглавци, увлакачи у шупак и класични говеда и магариња кои ја узурпираа и Бихаќка и цела држава. Криво ми е што ја направивте партијата акционерско друштво на сељачана неписмена. И криво ми е што од денес ќе мораме да стаиме крст на сите симпатии, па сме приморани да си најдеме друг концепт за нашите социјалдемократски убедувања. Штета. Се плашев дека доаѓа време во кое ќе пишеме дека ваков секс со народот немало ни во Грујово време, ни пак бате Саше правел, на ваков дрзок, безобразен и арогантен начин. Им се измочавте и на "протестирам" и на "шарените" и на независните и на симпатизерите и на членовите кои го замрзнаа членството, чекајќи да си заминете од Бихаќка. Чувајте си ги климоглавците и празноглавците, ама и тие наскоро ќе ви го свртат грбот, кога ќе ви снема од трошките. Но, веќе небитно. Готово е. Ваков заеб никогаш никој не ни направил во историјата од постоењето на Република Македонија. Уште не ми се верува, како се извртеа нештата, од доверба до ваков револт. Ама тоа е, од прекупец сељачиште неписмено, требаше и да се очекува ова. Ццц каков ужас, каков заеб, какво дупење у здрав мозок... Ужас!“ - им порача Филе на Заев и СДСМ во својата протесна Фејсбук беседа. Револтот од „мало сутра“ оставката на Заев го следи и мајтапот. Твитерџиите, Фејсбукџиите, Инстаграмџиите... се „откорнаа“ од шеги и зафрканции на сметка на премиерот и неговата фејк оставка. Еве само една мала „фејк“ илустрација, која колку и да е шеговита и смешна, всушност е сурово реална, „жива вистина“! Фото: Принтскрин/социјални мрежи

Јелена Карлеуша на трогателен начин со емотивен статус се прости од младиот пејач од „Ѕвездите на Гранд“, кој трагично си го одзеде животот (ФОТО)

Антонио Димитриевски — Thu, 22 Apr 2021 11:02:27 +0000

Веста за самоубиството на младиот натпреварувач на „Ѕвездите на Гранд“, дваесет и четиригодишниот Момир Луковац го потресе целиот регион. Пејачката и член на жирито на споменатото натпреварување Јелена Карлеуша, со емотивен статус се прости од него преку својот профил на Инстаграм. Таа објави снимка од шоуто во кое настапи Момир и коментарите што му ги испрати на стори на Инстаграм. Кога Јелена му се обрати, Луковац рече: „Ќе ослабам, жими мајка“ и ги насмеа сите во студиото. Карлеуша не штедеше комплименти на негова сметка и рече дека е очигледно дека тој е „добра и благородна душа“ и дека ја трогнал неговиот настап. Исто така таа изјави дека тој бил момче какво што само можело се посакува, дека не може да се освести од шокот од смртта. „Кој тебе момче не те сакал и не те посакувал? И понатаму не можам да поверувам... Никој не бил вреден за таква болка и таква жртва! Никој! Жал ми е што тоа не ти го кажав...“ - се зборовите од емотивнииот статус со кој Карлеуша се прости од трагично починатиот млчад пејач. Фото: Инстаграм принскрин/karleusastar

Сегеј Ќетковиќ во една недела од Ковид 19 ги загуби обата родители, па се огласи со објава која ја распарчува душата (ФОТО)

Антонио Димитриевски — Mon, 15 Mar 2021 11:18:17 +0000

Сергеј Четковиќ го минува најтешкиот период во животот. Откако ја погреба својата мајка Драгица, која почина од коронавирус на неговиот роденден, 8 март, почина и таткото на пејачот Слободан. Таткото на пејачот беше во болница поради коронавирусот, и водеше битка која за жал, не успеа да го добие. Сергеј се огласи на социјалната мрежа Инстаграм и расплака многу свои фанови со шокантен пост, кој го пара срцето и распарчува душата. https://arhiva.vistina.com.mk/radio-mileva/majkata-na-sergej-chetkovikj-pochinala-od-koronavirus-a-ja-pogrebal-na-negoviot-rodenden/ „Колку и да се обидува човек да се подготви, колку и да е силен, не можете да се подготвите за некои работи. Не минува! Боли и боли и боли ... Ми велат дека сè ќе биде добро, дека тоа е процес, како и самиот живот. Во моментот кога ќе се збогувате со родителите, ја сфаќате таа болна, студена вистина. Дека повеќе не сте дете. Ја нема повеќе таа родителска грижа, вознемиреност, радост, несебична љубов ... Го нема повеќе тој што ме донесе на овој свет и оној што ме сакаше, ме бранеше и ме научи на живот“. „Драга мајко, иако први си замина од нас, одеднаш и без најава, знаев дека тој нема да те пушти да заминеш сама. Сепак, вашите души беа врзани на овој свет премногу долго за да ви дозволат да ја прошетате последната прошетка сами. Како што се заколнавте пред 50 години на љубов, дека ќе бидете заедно додека смртта не ве раздели, овој пат ја победивте и самата смрт. Одлучивте да останете прегрнати во вечноста. Ви благодарам што денес плачеме по вашата добрина, љубезност, несебична љубов, тажни што повеќе ве нема и среќни што имавме такви родители и што ни оставивте толку многу убави спомени. Сега, вози драг тато. Вози го твоето последно рели, собори го последниот рекорд знаејќи дека таа те чека таму на последниот свиок, со насмевка заедно да влезете во портите на рајот. Ангелите нека ве чуваат под своите крилја и нека драгиот Бог ве прими во неговото небесно царство. Нека ви е вечна слава и благодарност. Вашите синови Игор, Сергеј и Срѓан“ - напиша црногорскиот пејач на својот Инстаграм. Фото:Инстаграм принтскрин/cetkovics

Наско, синот на Зоран Џорлев ја објави последната заедничка семејна фотографија: „Славете го неговото име и паметете го засекогаш, а плачете го вчерашниот ден…“

Антонио Димитриевски — Sat, 02 Jan 2021 12:13:59 +0000

Наско Џорлев, син на познатиот виолинист Зоран Џорлев, кој вчера на 53-годишна возраст почина од компликации од коронавирусот, денеска преку статус на Фејсбук се прости од својот татко. „Вчерашниот ден, беше најтажниот ден што се има случено на мене и на моето семејство. На вчерашниот ден сфатив дека животот е толку суров и до крај ќе остане исполнет со тага, на местото каде што ми се откина дел од душата. Моето семејство и светов изгуби еден од најдобрите луѓе кои постоеле и ќе постојат. Полн со живот, позитива и безрезервна љубов за сите во неговиот живот. Имаше многу планови за што понатаму, никогаш не се откажуваше, неговиот оган гореше силно до крај. Во плановите не имаше вклучено мене и брат ми секогаш, таман дури почнавме и да свириме заедно поредовно. За секој имаше време да посвети внимание, секогаш сакаше да помогне, без разлика колку и да беше близок, се додека му треба помош. За секој имаше љубов и разбирање, и се правеше од срце и на чесен начин на кој повеќето луѓе не можат ни да замислат. Другар, искрен и добар, народен човек, мојот херој. Мојот татко, мојот прв пријател, моето се. Се што имам е од татко ми, се што сакам и правам денес е поради татко ми, се ми имаш пружено. Се што ќе продолжам да правам е ЗА ТАТКО МИ. Фала ти тато за се, тато е најдобар тато, душичке наша! За него, славете го неговото име и паметете го засекогаш, а плачете го вчерашниот ден! Оваа слика е последната наша заедничка, кога ја редевме елката. Му ја испративме заедно со еден Дедо Мраз како поклонче за Нова година. Последниот здив го има испуштено држејќи ја. Зоран Џорлев – сопруг, татко, брат, другариште, човечиште, маестро… Те сакаме, немаш појма колку ќе ни фалиш, засекогаш и повеќе! Твоите Наско, Мартин и Офелија“ - напиша Наско Џорлев.

Презентерот на временска прогноза на „Сител“ „ги подбра“ инфлуенсерките, а индиректно и колешката на која и е и „личен асистент“: Кој го „исфрустрира до бола“ Спасе – Рола? (ФОТО)

Антонио Димитриевски — Thu, 01 Oct 2020 07:31:22 +0000

Светот се повеќе почна да живее виртуелно. Социјалните мрежи оддамна станаа „главно корзо“ за средби со познати и непознати пријатели, место за размена на се' и сешто, па на нив по цел ден освен што „киснат“ обичните смртници, свое поле за делување и заработка си најдоа и разни старо-новокомпонирани професии. Нетот врие од разни инфлуенсерки, блогерки, фитнес тренери, мотивациони говорници,модели, нутриционисти, лажни патриоти, пучисти, пацифисти... Што ти нема и што не ќе видиш. Доволно е само да се „закачиш“ и... светот е твој. Чат - пат реалниот, многу повеќе оној виртуелниот, на „шарени лажги со опашки“! Спасе Јовановски многумина од вас го знаат од ТВ екраните. За оние, помалку упатените, момчето е еден од презентерите на временската прогноза на ТВ „Сител“. Го наследи „дедо Трајко“ на функцијата појаснувач на тоа каква била денес, а каква ќе биде утре и во наредните неколку дена, временската состојба во Европа, регионот и кај нас. Спасе во телевизиско-естрадните кругови инаку е познат уште по две нешта: прекарот и втората функција. Имено, Спасе уште го знаат и како Спасе -„Рола“, или „Рола до бола“, прекар кој веројатно самиот си го дал себе си. Или барем така јавно тврди токму на социјалните мрежи, поточно на својот Фејсбук профил. Од друга страна, покрај презентирањето на времето, „Рола - Weatherman“ е познат и како ПР администратор на официјалната страница на Лила Филиповска, за чиј близок пријател и важи, а неофицијално важи и за нејзин „личен асистент“! На Спасе -„Рола“ очигледно погоре споменатите „структури“ на социјалните мрежи му дошле преку глава, па реши да распали од сите оружја по нив. И тоа со нивното оружје - разорен статус на својот Фејсбук профил, во кој „Рола“ дебело „ги заплеска“, како што вели, самопрогласените фул-тајм инфлуенсерки, блогерки, фитнес тренери, мотивациони говорници,модели, нутриционисти... : „Ми се иде да упишам забрзан курс по информатика отсек ХАКИРАЊЕ! Па фино лепо, еден убав ден да седнам и тоа профилите на сите САМОПРОГЛАСЕНИ ФУЛ ТАЈМ инфлуенсерки, блогерки, фитнес тренери, мотивациони говорници,модели, нутриционисти... Се тоа да почистам ко "V for Vendetta". Па здосадивте веќе и БОГУ И НАРОДУ со тоа како сте сите совршени, како јадете само бифтеци, морски чуда, мачкате крем од свежа сирена, на леб печен на Египетско сонце, се полевате со шампањи, продавате муда за бубрези и сето тоа на оваа педа земја, на овој напатен народ, кој мисли дека ете така ФЕЈКЕРСКИ треба да се оди кроз животот. А пустите тие, кои вие ги викате ФАНОВИ не знаат дека немате сигурен кров над глава, возите кола на лизинг, до гуша сте со кредити, МОЛИТЕ за да јадете на компензација по ресторани, затоа што за тие специјалитети немате доволно финансии. Купувате фејк гардероба во која пресмешно изгледате... Без срам, купувате фоловерси, лајкови... ПА ВЕ ЛАЈКААТ КИНЕЗИ И ИНДИЈЦИ. Абе, ви кажал некој дека сте повеќе од провидни? Не научивте да живеете за себе а не за другите! Па бидете барем еднаш во тој вашиот пуст ФЕЈКЕРСКИ ЖИВОТ реални! Вашиот живот драги мои мизерни за жал не е инстаграм! Вашиот живот кој што го пласирате е инстаСРАМ! А се' што е инстант, низ историјата се покажа како и каде завршува. ПС: Ако некој се пронајде во статусот, одма да ми пише пошо многу се засеЌирав“ - завршува со „рафалната стрелба“ со зборови, Спасе - „Рола“. И не дека не е во право. Само има еден проблем... А можеби се - два?! Како прво, кој е мотивот, што толку го изнервира, за вака жестоко да изреагира? Дали на Спасе му пречи „конкуренцијата“ на неговата „пријателка“ на која „лично и асистира“, па онлајн бизнисот не оди како што одеше, зашто другите „лапаат“ баеги големо парче од „инфлуенсерскиот колач“, па од „се' или нешто“ за рекламирање на Инстаграм, останува само по нешто? Или можеби на „временскиот“ презентер му здодеа улогата „момaк на стенбај“, па Спасе - „Рола“ „исфрустриран до бола“, реши директно да распали по се' живо, а индиректно и по неговата „работодавачка“? Инстаграм измама, или ИнстаСРАМ, како што „Рола“ вели, оставаме на него да се сеЌира... Пред да реши да хаЌира! Впрочем, не случајно се пишал за „Public Relations Officer at... Лила Филиповска“ - најголемата и најпозната меѓу македонските инфлуенсерски ведети на Инстаграм.

Mиа Костова го прокоментира статусот на Панчо за тангите на плажа (видео)

Христина Ѓоргиевска — Fri, 07 Aug 2020 06:59:35 +0000

Деновиве, една од главните теми во медиумите кога станува збор за македонската естрада и јавна сцена е статусот на Владмир Блажев односно Панчо од „ДНК“ за тангите на плажа во Охрид. Имено, тој на својот „Фејсбук“ напиша објава истакнувајќи дека не е секој г*з за танга по плажа. Овој негов статус предизвика реакции кај фиминистките, инфлуенсерките, но и кај некои познати дами кои истакнаа дека си го сакаат своето тело. Некогашната македонска водителка Миа Костова се вклучи во живо на „Инстаграм“ и го прокоментира статусот на Панчо. „Прво и основно, познавајќи го Панчо, без никаква потреба да го бранам, го извадија и го извадивте од контекст. Единствено нешто за кое јас имам замерка кога е во прашање статусот е последните две емоџи со кои им даде до знаење на жените кои имаат вишок на килограми дека се свињи. Тоа му беше голема грешка, но верувам дека не мислел кој знае колку лошо. А она што јас го читам кога ќе го прочитам статусот на Панчо е нешто што во моментот кога погледнал некаде или видел нешто му засметало. Не е дека тој имал право да каже кој како ќе се носи. И јас навистина многу почитувам девојки „oversize“ кои се носат извонредно добро со килажата која ја имаат“ вели Костова во видеото и додава: „Едноставно во тој момент не му се допаднало тоа што го видел. И точно се сложувам, сметам дека не смееше да се обрати ниту во еден момент со емоџи прасе, тоа му е единственото нешто што сметам дека го погреши. Ова другово едноставно е лично мислење. И не мора Панчо да е манекен и да метар и 90 за да има лично мислење“, вели меѓудругото Миа во „лајвот“ на Инстаграм. Исто таа и истакна дека секој од нас се нашол барем еднаш во ситуација да коментира бидејќи тоа ни е во природата. Целото излагање и целиот „лајв“ може да го погледнете во видеото подолу.

View this post on Instagram

A post shared by ♎️Миа Костова♍️ (@miandrija) on Aug 6, 2020 at 12:02pm PDT

Северина со песна и потресен статус се прости од Рајко Дујмиќ: „Ми недостигаш до болка…“ (ВИДЕО)

Антонио Димитриевски — Thu, 06 Aug 2020 11:17:31 +0000

Веста за смртта на Рајко Дујмиќ, некогашниот лидер на легендарните „Нови фосили“ не само што го потресе регионот, туку и ја растажи целата естрада, особено оние од еснафот, кои во Хрватска лично го познаваа и му беа блиски. Една од нив, која кариерата ја започнала токму со првата своја испеана песна од „Нови фосили“ и тоа онаа, која токму Рајко ја пее, е хрватската поп дива Северина. Севе не можејќи да ја сокрие тагата за прерано заминатиот пријател и колега, токму со таа песна, со „Милена“ се прости од Рајко Дујмиќ, па во својата објава на Инстаграм покрај споделеното видео, напиша:

View this post on Instagram

S 9 godina sestra me dovela za ruku u ‘Mozaik’ na audiciju za takmičenje “Djeca pjevaju.” Kad je došao moj red, ušla sam i rekla da želim pjevati pjesmu ”Moja Milena” od Novih fosila. Remi Kazinoti, tad tek sa završenom akademijom, mi je rekao: “Ne možeš, mala, tu pjesmu pjeva muškarac...” Rekla sam: “Ili tu ili ništa.” On je rekao: “Onda ništa.” I ja sam se uputila prema vratima. Moja sestra me nagovarala da pjevam neku drugu pjesmu. Nisam htjela i već sam se uhvatila za kvaku, kad se iz jednog kantuna digla jedna gospođa i rekla: “Slušaj, Remi, pusti ovu malu da piva šta oće.” To je bila Lepa Smoje. Takmičenje je bilo u splitskom HNK-u. Pobijedila sam... Rajka sam srela slučajno prije dva tjedna, izgrlili smo se i skoro zaplakali, nisam ga vidjela dugo. On je jedan od najvećih kompozitora s ovih prostora ikada. Jednom me nazvao i rekao da ima pjesmu ‘Nedostaješ mi’ za mene, ali da želi da je otpjevam u studiju nakon koncerta u 2h ujutro, umornog glasa. Pjevala sam spavajući i molila ga da snimam sutra. “Neee, ovo je to, ovo mi je trebalo” - kaže i sjedne u 5h ujutro za klavir u studiju i odsvira solo u toj pjesmi. Dok sam ga gledala kako svira i sklada u isto vrijeme, bila sam presretna, jer je on napisao glazbu za “Moju Milenu”... Da je živio u nekoj drugoj zemlji, dobio bi sve počasti, jer je svojim pjesmama bio u našim životima. Nedostaješ mi, Rajko... Nedostaješ generacijama koje su rasle uz Nove fosile. “Nedostaješ mi do bola...” Volimo te svi ❤️❤️❤️❤️ Počivao u svojim pjesmama... #volimstosevolimo #ljubavseljubavljuvraca #severina

A post shared by Severina (@severina) on Aug 4, 2020 at 7:41am PDT

„На 9-годишна возраст, сестра ми ме зеде за рака и ме однесе во „Мозаик“ на аудиција на натпреварот „Децата пеат“. Кога дојде ред на мене, влегов и реков дека сакам да ја пеам песната „Моја Милена“ од Нови фосили. Реми Казиноти, кој тогаш штотуку дипломираше на академијата, ми рече: „Не можете, бејби, таа песна ја пее маж...“ Реков: „Или таа или ништо“. Тој рече: "Тогаш ништо". Се упатив кон вратата. Сестра ми ме убедуваше да пеам друга песна. Не сакав и веќе се фатив кваката, кога една дама стана и му рече: „Слушај, Реми, остави ја оваа малечка да пее што сака“. Тоа беше Лепа Смоје. Натпреварот се одржа во Сплитскиот ХНК. Јас победив ... Го сретнав Рајко случајно пред две недели, се гушнавме и речиси се расплакавме, не го имав видено долго време. Тој е еден од најголемите композитори во оваа област досега. Ми се јави еднаш и рече дека ја има песната „Ми недостасуваш“ за мене, но сакаше да ја пеам во студиото по концертот во 2 часот, со уморен глас. Јас заспав и го молев утре да снима. „Не, ова е, ми требаше ова“ - вели тој и седнува во 5 часот наутро зад пијаното во студиото и свири соло во таа песна. Бидејќи го гледав како свири и компонира истовремено, бев пресреќен затоа што тој ја напиша музиката за „Моја Милена“ ... Да живееше во друга земја, ќе ги примеше сите почести, затоа што со неговите песни беше во нашите животи . Ми недостигаш, Рајко ... Ми недостасуваат генерациите што пораснаа со Нови фосили. „Ми недостигаш до болка...“ Сите те сакаме, Почивај во своите песни ...

Се огласи осудениот Џими Мицевски – фронтменот на групата „Молика“: Ме осудивте за најчесно и најдомаќинско работење, но немојте да мислите дека ќе ме скршите!“

Антонио Димитриевски — Fri, 03 Apr 2020 07:16:06 +0000

Во последниот ден на месец март годинава, во судската завршница во Основниот суд – Скопје 1 беше донесена првостепената и неправосилна пресуда за предметот на поранешното СЈО под кодно име “Транспортер“ во кај првообвинетиот екс градоначалник на Битола, Владимир Талески доби затворска казна од 8 години. Меѓу осудените се најде и битолскиот музичар и лидер на мегапопуларната и реномирана група „Молика“, Џими Мицевски, воедно и сопруг на пејачката на групата, Анета Мицевска, кој доби затворска казна од 2 години и 6 месеци. https://arhiva.vistina.com.mk/radio-mileva/dzimi-miceski-liderot-na-grupata-molika-i-soprug-na-pejachkata-aneta-miceska-osuden-na-2-godini-i-6-meseci-zatvor-foto/ Македонското таканаречено „Луј Витон“ судство уште еднаш покажа „одмазничка правда“ со драконски казни кон функционерите на бившата власт - денес опозиција. Покрај сувото, гори и суровото - вели народот, па така меѓу сите осудени се најде и лидерот на фолк групата „Молика“, Џими Мицевски, чија фирма „Џими Турс“ вршела транспорт на ученици во времето на градоначалникувањето на Владимир Талески, а наводно наплаќала повеќе пари од општинската каса од што услугата реално чинела. Музичарот и лидер на „Молика“ не можејќи да ја издржи направдата, писмено и се обрати на јавноста преку својот Фејсбук профил, тврдејќи дека е апсолутно невин, жртва на политиките, дека нема наплатено ниту денар повеќе од договореното и дека правдата ќе ја тера до крај, ако треба и до Меѓународниот суд за човекови права во Стразбур. При тоа Џими ги повика порталите да ја пишуваат вистината, а написите да ги темелат на факти, а не на „од ракав истресени“ информации. Неговото јавно Фејсбук обраќање го пренесоа и некои домашни, локални битолски портали, како и еден портал кој е наменет за информирање на нашата дијаспора во Австралија, каде Џими, Анета и нивната група „Молика“ се чести гости со своите настапи и турнеи. Но, само ден по јавната објава, истата исчезна, односно ја снема од фејсбук профилите на Џими. Ниту на едниот, ниту на вториот негов Фејсбук профил таа повеќе не се наоѓа. А, со тоа исчезна и од споменатите портали, односно од оние, кои со линк целосно ја пренесоа неговата изјава!!? Дали музичарот се исплаши од уште поостри консеквенци, поголема одмазда, дали некој го уцени или му се закани или едноставно пријателски го посоветува дека е подобро да молчи и да ја турка работата или пак самиот процени дека е најдобро така, останува отворена поканата од Вистина.ком.мк, самиот Мицевски одговорот да го сподели со нас и јавноста. Во меѓувреме ние успеавме да дојдеме до неговата интегрална изјава која остана зачувана кај некои од неговите Фејсбук пријатели, па ви ја пренесуваме во целост: „Јас, Мицевски Џими ова што сега го правам – пишувам го правам за честа и угледот, прво на моите деца, а потоа на мојата фамилија, на мојот славеј, Анета Мицевска и групата Молика.. Можеби сите сте информирани дека вчера во основниот суд во Скопје се судеше Битола, поточно во мегапознатиот случај Транспортер. Осудени сме сите обвинети, а сите угледни и чесни граѓани на Битола, кои предходно немале ниту една дамка во своето работење. Јас сум осуден на 2 год и 6 месеци затворска казна за моето најчесно најдомаќинско работење. Јас, Мицевски Џими најодговорно тврдам дека со мојата фирма 'Џими Турс' немам наплатено ниту (1) еден скршен денар повеќе од тоа што беше пропишано со одлука на совет на општина Битола, а тоа го има со ДОКАЗ во вештачењето од Бирото за судски вештачења ( значи вештачење нарачано од СЈО ). Секако дека овде ова нема да застанам со ова ќе одам и до последниот суд овде во МК да си ја докажам мојата невиност, а до колку увидам како и што гледам дека сме жртви (колатерална штета) на две спротиставени страни, правдата ќе ја барам и во Стразбур во Франција, во меѓународниот суд за човекови права…“ „Само еден единствен денар ако се утврди со ФАКТИ И ДОКАЗИ дека јас сум зел повеќе пари за извршената услуга, јас сум спремен да одговарам во секое време… Ова што се случува се вика играње со човечки судбини и ништо друго. Меѓутоа, немојте да мислите дека ќе ме скршите. Битката продолжува. Немојте да се чудите зошто ништо не оди овде и зошто ни бегаат младите... Не дај Бог да ви стане јасно, како на мене сега што ми станува јасно. Немам намера на никого да му се правдам и ќе ве замолам вие од порталите, ако имате барем малку човечко достоинство, да пишувате според факти, а не од ракав истресени информации“ - напиша Џими во своето фејсбук обраќање до јавноста.