стареење – Вистина.мк

Еликсир на младоста за жени: Го подмладува организмот и го забавува стареењето!

Слаѓана Атанасова — Fri, 24 Nov 2023 13:25:45 +0000

Постојат различни методи за подмладување на жените, кои не бараат скапи хируршки процедури. Подмладувањето на лицето, телото и целиот организам не може да се состои само од козметички процедури. Неопходно е да се комбинираат различни методи на подмладување кои даваат неверојатни резултати. Рецепт за подмладување на телото: 100 мл ленено масло, 2 средни лимони, 1 голема главица лук, 0,5 кг мед Излупениот лук, 1 неизлупен лимон и 1 лимон без кора се мелат во мелница за месо или се блендираат во блендер. Мелената смеса измешајте ја со медот, додадете масло и повторно измешајте сè. Смесата се чува во фрижидер во затворена стаклена тегла.Се консумира по 1 лажица три пати на ден половина час пред јадење. Како оваа мешавина го подмладува телото? Лененото масло е растителен хормон, ленот содржи линолни (омега-6), олеински (омега-9) и палмитински масни киселини, а повеќе од половина од мастите содржани во ленот се алфа-линоленска киселина (омега-3), која го прави лененото масло најбогат растителен извор на омега-3 масни киселини (двојно повеќе од рибиното масло). Лененото масло е и најбогат растителен извор на лигнани, важни антиоксиданси, кои во комбинација со лимон ги чисти црниот дроб и жолчните канали. Чистиот црн дроб е нашиот главен генератор на младост. Витаминот Ц од лимонот е совршен антиоксиданс, го зајакнува имунитетот и крвните садови. Лукот ги чисти крвните садови, а медот внесува исхрана на сите тие садови – микроелементи кои го обновуваат и подмладуваат целиот организам. Извор: Попара.мк

Страв од стареење: Тијана Дапчевиќ по разни третмани за лице не одолеа и заврши на игла (видео)

Слободанка Илиева — Wed, 27 Sep 2023 07:30:37 +0000

Пејачката Тијана Дапчевиќ (47) повеќе од 20 години оди на козметичари каде посегнува по разни третмани. Во овој поглед, таа нужно ги следи трендовите и иновативните решенија кои и овозможуваат да изгледа негувано и свежо. Досега естетските интервенции на Тијана Дапчевиќ беа благи, најмногу поврзани со чистење на лицето, маски за лице и коктели, но со текот на годините стануваа се поинвазивни. Сосема е нормално една поп-ѕвезда со вистински знаци на стареење да го промени начинот на кој се грижи за себе, бидејќи кожата се менува, ја губи еластичноста, се јавуваат хиперпигментации, разредување и мимички брчки. За среќа, за секој од овие типови проблеми денес постои адекватен третман, кој Тијана исто така го практикува барем еднаш месечно. За негата на лицето, вратот и деколтето е заслужна козметичарката од центар за убавина, со која соработува долги години. Таа ги знае сите предности и маани на својата кожа и така се однесува, а токму тоа е рецептот за добар и негуван изглед со кој може да се пофали. Неодамна пејачката ги контактираше своите следбеници на Инстаграм од споменатиот салон, каде што точно посочи што направила со лицето. Естетските интервенции на Тијана Дапчевиќ првично вклучуваа Хидрафација или поточно третман кој дополнително го хидрира и храни лицето, а воедно и го подобрува тонусот. Потоа следеше масажа на лицето и деколтето, а потоа масажа со ледени топчиња кои го смируваа црвенилото кое настана по првиот третман. За за на крај да се одлучи за боцкање, односно мезотерапија и бреку игла да ги регенерира оштетените ќелии на лицето.

View this post on Instagram

A post shared by Dr Maja Velimirov (@dr_majavelimirov)

Последна ставка во серијата беше нанесувањето на маска за регенерација на кожата која ја забрзуваат регенерацијата. Тијана веројатно задоволна од исходот, редовно е на ремонт, а и самата знае да се почегува, дека се’ тоа на неа е дело на тато само малу паднало, па треба да се поправи. фото:Принтскрин Инстаграм/Тијана Дапчевиќ

Овошјето кое жените над 50 години треба да го воведат во исхраната: Сојузник на убавината и витката става и борец против стареењето

Слаѓана Атанасова — Tue, 13 Jun 2023 12:12:18 +0000

Ова егзотично овошје со сладок вкус е особено корисно за жените во шестата деценија. Овошјето за кое станува збор е манго. Пред сè, вреди да се спомене неговата висока содржина на витамин Ц, кој вистински го зајакнува имунитетот, бидејќи мангото може да содржи до 46 проценти од препорачаната дневна доза на витамин Ц. Исто така е одличен извор на бета-каротен, фотосинтетички агенс, пигмент со антиоксидантни својства кој помага во спречување на стареењето на клетките. За оние кои сакаат да ослабат, мангото исто така може да помогне во тоа поради нивното заситувачко дејство, ниската калорична содржина и високата содржина на лутеин, соединение кое помага да се елиминираат токсините. Свежото манго содржи и калиум, калциум и магнезиум. Исто така, познато е дека благодарение на високата содржина на витамин Б, мангото помага во одржување на меморијата и го подобрува расположението. Неколку студии покажаа дека мангото исто така може да ви помогне да спиете подобро со зголемување на производството на серотонин, клучен невротрансмитер одговорен за регулирање на циклусот на спиење. Ако сето ова е доволно добро, мангото може да се смета и за сојузник на убавината. Богат е со витамин А и каротеноиди како ликопен, кои се познати по тоа што го стимулираат производството на колаген, но уште поважно, ја штитат кожата од оштетување на УВ зраците додека ја одржуваат добро хидрирана. Поради содржината на полифенол, тој е одличен антиоксиданс и се бори против слободните радикали кои предизвикуваат предвремено стареење, брчки и опуштена кожа. Манго нуди многу здравствени придобивки што го прават добар додаток во исхраната. Секако, предност секогаш треба да се даде на локалното и свежото овошје кое расте на нашата почва! Извор: Курир.мк

Откриена важна причина: Заради една работа побрзо старееме, а тоа не се цигарите или физичката неактивност

Слаѓана Атанасова — Wed, 26 Apr 2023 10:30:04 +0000

Британски и кинески експерти открија важна причина што придонесува за побрзо стареење, многу повеќе од физичката неактивност и цигарите, а тоа е осаменоста. „Откривме дека психолошките фактори како осаменоста и чувството на незадоволство од животот додаваат до 1,65 години на биолошката возраст, што има ист ефект врз здравјето како пушењето 15 цигари дневно“, се вели во студијата објавена во списанието „Ageing“. Осаменоста не е само проблем со менталното здравје, покажува најновата студија спроведена од експерти од британскиот универзитет Стенфорд и кинескиот универзитет во Хонг Конг. Токму поради оваа осаменост буквално старееме побрзо, констатираа експертите и додадоа дека не е чудно што од појавата на пандемијата, бројот на луѓе кои се чувствуваат осамени е зголемен за 7,2 отсто кај возрасната популација. Експертите процениле дека зимските месеци се периодот кога најголем број луѓе се чувствуваат осамено и несреќно. Како што пренесува „The Sun“, нивото на осаменост во Велика Британија полека се зголемува од пролетта 2020 година, а во периодот од април до мај, пет отсто од луѓето, што е околу 2,6 милиони возрасни, изјавиле дека „често“ се чувствуваат осамено, или дури и „секогаш“. Како што додаваат, проблемот е што сега на ред е вториот бран потешкотии на полето на менталното здравје како последица на пандемијата, што се влошува со чувството дека сме во перманентна криза. Извор: Курир.мк

Природен ботокс: Затегнете го лицето со само една состојка и заборавете на брчките

Слободанка Илиева — Fri, 07 Oct 2022 12:15:40 +0000

Незамисливо е колку пари годишно жените (а и мажите) трошат на разни креми и лосиони кои ветуваат затегната кожа и младешки изглед. Меѓутоа, во повеќето случаи тоа се само пропагандни пораки, без конкретни научни докази кои би ја гарантирале ефикасноста на производот. Бројни студии покажаа дека употребата на пептидни биорегулатори може да доведе до вистинска револуција на ова поле. Професорот Хвејнсон, претседател на Меѓународното здружение за геронтологија и геријатрија и раководител на Институтот за биорегулација и геронтологија во Санкт Петербург, посвети години од својата работа на ова прашање. Со оваа тема се занимава уште од 1980-тите кога советските војници поради изложеност на радијација покажаа знаци на предвремено стареење и кога требаше да се најде начин да се забави процесот на стареење. По бројни студии, научниците открија дека улогата на пептидите во контролирањето на процесот на стареење е многу значајна, бидејќи тие делуваат на брчките одвнатре. Пептидот на пазарот е во форма на додатоци во исхраната, а бидејќи секој орган користи одредени пептиди, таквите додатоци можат да бидат наменети за крвните садови, црниот дроб, мозокот, панкреасот, очите, бубрезите итн. Тоа значи дека пептидите се корисни не само за здравјето и добриот изглед на кожата, туку и за целото човечко тело. Пептидите може да се најдат во леќата, гравот, костенот, гоџи бобинките и повеќето намирници кои содржат протеини. извор:курир.мк фото:Profimedia

Користењето на телефон пред спиење може да биде полошо отколку што мислевте

Слободанка Илиева — Fri, 08 Jul 2022 12:05:14 +0000

Веќе е познато дека користењето на телефонот пред спиење не е особено здраво, па многу експерти ги повикуваат луѓето да не го користат овој уред барем еден час пред спиење. Веројатно знаете дека доколку го користите телефонот во кревет, потешко ќе заспиете, но тоа не е единственото нешто што може да го предизвика оваа навика. 1. Долгорочно нарушување на спиењето Многумина ќе ги поминат последните будни часови на крајот од денот читајќи пораки, е-пошта или вести, гледајќи фотографии или смешни видеа. Ова не само што може да ви го наруши сонот таа ноќ, туку може да влијае и на вашиот сон на долг рок, особено ако тоа е вашата вообичаена навика. Со користење на телефонот во кревет, можете да го нарушите целиот циклус на спиење и будност, а недостатокот на сон сам по себе може да создаде голем број здравствени проблеми. 2. Ефект на очите Сигурно сте го прелистувале вашиот Инстаграм и видот наеднаш ви се заматил. Ништо неочекувано и ништо што само вам ви се случува. Гледањето во екранот, особено ако е темно околу вас, доведува до прекумерно напрегање на очите, што предизвикува таканаречен замор на очите. За да ги заштитите очите, обидете се да ја намалите осветленоста на екранот и да избегнувате да го користите телефонот предолго. 3. Постојана болка во вратот Ако генерално имате проблеми со болки во вратот, користењето на телефонот може да го влоши вашиот проблем. Кога ја навалувате главата напред за да погледнете во екранот, ги затегнувате мускулите на вратот, што предизвикува болка. Ако не можете да замислите легнување без да го проверите телефонот, обидете се да го држите на ниво на очите за да избегнете оптоварување на мускулите. 4. Ова може да доведе до побрзо стареење на вашата кожа Ако ги преземете сите неопходни чекори за да ја одржите вашата кожа здрава, мазна и хидрирана, штета е што една мала и непотребна навика ќе ви ги уништи напорите. Кога гледате надолу во вашиот телефон, тоа предизвикува да се појават линии и брчки на вашиот врат, што пак може да направи да изгледате премногу старо. извор:курир.мк

Цеца отвори душа: „За ништо не се каам во животот, знам каде сум грешела и се трудам такви грешки веќе да не правам“

Антонио Димитриевски — Wed, 01 Sep 2021 12:43:40 +0000

Популарната пејачка Цеца Ражнатовиќ зборуваше за теми за кои ретко зборува во јавноста. Фолк sвездата зборуваше за грижатаза себе и семејството, диетите, стареењето, менопаузата, психотерапијата, како се чувствува како баба, какви се нејзините односи со снаата Богдана, како односот со момчето Богдан Срејовиќ кој и го подобрил животот. „Темпото на живот што го водиме ние пејачите е многу различно од она на луѓето кои работат во други професии. Ми се случува последниве месеци кога ќе се вратам дома од концерт, веќе да е пет часот наутро, така што ми треба многу сон. Утрото ми важно, постојат правила што ги почитувам со години, тоа е таа утринска рутина, кога се миете, ја хидрирате кожата, а потоа може да започне појадокот, утринското кафе и денот“ - рече Цеца. Стареењето, исто така, носи со себе и неизбежна менопауза. Покрај физичките промени, многу жени во овој период се борат и со ментални проблеми и депресија. „Засега не размислувам за менопауза. Што се однесува до психата, мислам дека разговорот со психотерапевт не е кошмар. Тоа се професионалци кои преку разговор можат да ни дадат храброст да се чувствуваме подобро и да прават добри работи за нас. Животот ме одведе од во проблем во проблем, но некако секогаш успевав да го најдам најдоброто можно решение за себе. Во сето тоа, имав поддршка од пријателите, а особено од моето семејство“ - раскажува фолк дивата. Нејзината тежина не осцилира многу со возраста, едвај некој килограм горе - долу. Таа вели дека до неодамна била на диета, но дека сега малку се опуштила. „До неодамна бев на режим, но во моментов тоа е фаза кога, токму поради тоа темпо на живот, не стигнувам да јадам навреме и слободно можам да кажам дека малку се опуштив. Ми се допаѓа, но мислам дека брзо ќе „пресечам“ и ќе продолжам да гледам што внесувам во телото“ - категорична е пејачката. Иако милиони ја обожуваат, таа вели дека може да смета на прстите на едната рака на луѓето на кои може да се потпре среде ден или ноќ. Никогаш не жали за ништо, бидејќи, како што вели, нема за што да се покае. „Работите што поминале не можат да се променат. Се сеќавам каде направив грешки и се обидувам повеќе да не ги правам истите. Засега добро ми оди“ - резимира низ насмевка Цеца. Фото: Србија данас/ Инстаграм принтскрин/cecaraznatovic

Научниците идентификуваа три фази на стареењето кај човекот

Слободанка Илиева — Thu, 22 Apr 2021 12:26:11 +0000

Научниците од американкиот Универзитет Станфорд ја доведоа во прашање верзијата за секојдневното стареење и наведоа три старосни моменти кога човечкото тело навистина се менува. Како што пишува списанието Focus, стручњаците ја анализирале крвната плазма кај 4.263 лица на возраст меѓу 18 и 95 години. Тие проучувале околу три илјади различни видови протеини и заклучиле дека нивниот процент останува ист со децении. Сепак, кај испитаниците на возрaст од 34, 60 и 78 години биле забележани значителни промени во нивото на протеините. Научниците ги поврзуваат овие флуктуации со промените во организмот како целина. Иако сѐ уште не е јасно како точно влијаат протеините или составот на крвта врз стареењето, експериментите врз глувците покажале дека трансфузујата на крвта од помлади индивидуи позитивно влијае врз повозрасните. Претходно изминатиот период, соработниците на Медицинскиот колеџ Бејлор во Хјустон спроведоа пилот клиничко испитување на лек кој е мешавина од глицин и ацетилцистеин. Резултатите покажале дека ова лекарство ги коригира повеќето дефекти од стареењето и ја враќа мускулната сила како и конгитивните способности кај старите лица. извор:нетпрес.ком.мк

Секојдневни навики од кои старееме побрзо

Антонио Димитриевски — Wed, 18 Dec 2019 09:16:00 +0000

Изгледате ли постаро од тоа што сте? Освен генетиката, постојат бројни фактори што влијаат на забрзаното стареење на луѓето. Ви претставуваме 10 навики од коишто мора да се ослободите ако сакате да изгледате помлади, а да не ставате ботокс, ниту да се подложите на козметички операции. Никогаш не е предоцна да започнете со промените. 1.Нискокалорични диети За да спречите појава на брчки, важно е да консумирате храна полна со омега-3 која ќе ја прави кожата мазна. Нискокалоричните диети не ја содржат оваа компонента и тоа предизвикува прерано стареење на кожата. 2. Пиење преку цевка Кога пиете низ цевка ги собирате усните, а тоа предизвикува линии и брчки на лицето и околу устата. Истото се однесува и на пушењето. 3. Спиење на страна Кога спиете на страна лицето ви е притиснато на перницата и тоа предизвикува и ги зголемува брчките на подбрадокот и на лицето. Според експертите, најдобро е да спиете на грб, без да го притискате лицето. 4. Лошо седење Лошото седење го искривува рбетот, а како резултат на тоа мускулите и коските стануваат напнати, па вие чувствувате болка, дури и несвестица. Долгото лошо седење може да предизвика и траен деформитет. 5. Користете млеко за сончање и кога не сте на плажа Преголемата изложеност на УВ зраци може да предизвика прерано стареење на кожата. Заштитете се со млеко за сончање, дури и кога е облачно бидејќи УВ зраците лесно продираат и низ облаците. 6. Преголема топлина Преголемата топлина во просторијата во која го поминувате денот (и ноќта) го сушат воздухот, а сувиот воздух ја суши кожата. 7. Не му кажувајте НЕ на шеќерот Знаеме дека шеќерот не е здрав за нас, ама нездрав е и стресот. Затоа, понекогаш, треба да се почестите со нешто слатко и да се чувствувате среќни. 8. Гледате премногу телевизија Кога ќе седнете пред телевизорот знаете да останете во истата положба со часови. За здраво тело, на секој половина час станете и прошетајте се малку. 9. Не спиете доволно На возрасните им се потребни барем 7 часа спиење секоја ноќ. Недоволното спиење ќе ве прави анемични, ќе ви го скуси животот, ќе ве прави раздразливи и нервозни. Затоа, легнувајте си порано. 10. Стрес заради лоша организација Хроничниот стрес предизвикува сериозна штета на клетките, а тоа може да го забрза процесот на стареење. Заборавете дека утре можете да го завршите тоа што не сте успеале денес и обидете се да завршите сè на време – со добра организација и план.

Редовниот секс го забавува стареењето

Христина Ѓоргиевска — Thu, 03 Jan 2019 14:15:46 +0000

Сексот не е само игра и забава, ниту само животински чин за размножување. Науката повеќе пати докажала дека пред сѐ, имаме неверојатни здравствени предности од редовниот секс. Сексот помага да се ослободиме од стрес, да го подобриме квалитетот на спиењето, да го зајакнеме имунитетот, да го стабилизираме притисокот, но и да се зближиме со партнерот и да ја зајакнеме врската. Најновите истражувања покажаа дека поволното дејство на сексот не застанува тука – со редовен секс од најмалку еднаш неделно ќе живеете подолго и ќе изгледате помладо. Истражувањето спроведено на Универзитетот на Калифорнија во Сан Франциско опфати 129 мајки кои биле во врска. Испитаничките давале секојдневни извештаи за нивниот однос со партнерот, задоволноста од врската и бројот на сексуални односи неделно.

Покрај извештаите, истражувачите на увид ги имале и примероците крв на испитаничките што ги испитувале за показатели на стареење. Истражувањето траело седум дена. Кога истражувачите ги споредиле дневните извештаи на жените со примероците крв, дошле до заклучок дека жените кои имале секс најмалку еднаш неделно со нивните партнери, имале значително подолги теломери (тоа е заштитната „капа“ на хромозомите што го одредува животниот век на клетките) во споредба со жените кои немале редовен секс. Теломерите се разградуваат како резултат на лоша исхрана, прекумерно пиење алкохол и со природниот процес на стареење. Она што е позитивно е дека редовниот секс може да ги поправи и да ги продолжи теломерите. Според ова истражување, освен што сексот го забавува стареењето, исто така прави да се чувствуваме и да изгледаме подобро и ја зголемува блискоста со партнерот, што ни дава чувство на сигурност, а тоа го намалува стресот. извор: локално.мк