старец – Вистина.мк

Забот на времето го стаса актерот Морган Фримен: Ќе го препозанете само по погледот (фото)

Слободанка Илиева — Tue, 14 Mar 2023 10:30:17 +0000

Актерот Морган Фримен (85) ги изненади своите обожаватели откако се појави потполно ќелав на доделувањето на Оскарите, заедно со неговата пријателка, актерката Маргот Роби (32). Покрај ќелавата глава, за гледачите нови беа и неговите сиви мустаќи и сребрените обетки. Сепак, сите забележаа дека на левата рака носеше црна сатенска ракавица. Ракавицата ја носеше и на отворањето на Светското фудбалско првенство во Катар на 20 ноември, кога одржа говор. Но, ова не беше само дел од неговиот аутфит, туку постои посебна причина заради која тој мора да носи ваков моден додаток. Ракавицата е задолжителен дел од неговиот аутфит во последните 15 години. Тој во 2008-ма година имал сообраќајна несреќа и се здобил со тешки повреди заради што постојано мора да носи компресивна ракавица, којашто му овозможува нормална циркулација на крвта во левата рака. фото: Kevin Winter/Getty Images/Instagram

„Тоа ме смени и никогаш не сум го заборавила“ – еве какво еротско искувство доживеала Памела Андерсон (фото)

Слаѓана Атанасова — Wed, 01 Feb 2023 11:59:22 +0000

Памела Андерсон напиша бомбастични мемоари „Love, Pamela“, кои беа објавени на 31 јануари, во кои таа дава интимен увид во нејзиниот живот. Меѓу другото, таа призна дека нејзиното најсензуално еротско искуство било танцување со 80-годишен маж. Славната актерка откри дека навистина уживала во сексот со поранешниот сопруг Томи Ли буквално без престан, но дека искуството што ја соборило на нозе е всушност многу поедноставно - тоа било танго со маж многу постар од неа. Памела рече дека нежниот и цврст начин на кој играла танго со овој маж е „најсензуалното искуство што некогаш го имала“. Таа додала дека средбата се случила во нејзините 20-ти години за време на нејзиниот престој во Буенос Аирес, Аргентина, а исто така истакнала дека никогаш освен тогаш не почувствувала чувство да ја води вистински маж. – Тоа ме смени и никогаш не сум го заборавила – напишала оваа 55-годишна жена. Да потсетиме, Памела се мажеше пет пати, од кои два беа со ист маж - покерашот Рик Соломон, а во книгата истакнала дека нејзините брзи бракови се должат на верувањето дека мора да биде заљубена во некого ако сака да има секс со него. Имено, актерката во книгата опишала дека страшната сексуална злоупотреба што ја претрпела во детството ги обликувала нејзините подоцнежни перцепции за врските, љубовта и сексот, па оттука и горенаведениот став. Фото: Принтскрин/AP/Shutterstock

Кога се омажила за стар милијардер, не се надевала дека толку ќе живее: Таа има 66, тој 91-на година и сега се разведуваат (фото)

Слаѓана Атанасова — Thu, 23 Jun 2022 10:34:10 +0000

Поранешната манекенка Џери Хол (66) се разведува од милијардерот и медиумскиот магнат Руперт Мардок (91)! Оваа вест изненади многумина, со оглед на тоа дека парот често се гледа на плажите како ужива во друштво. Последен пат кога беа видени заедно, го прославуваа деведесеттиот роденден на Руперт, а во таа прилика Џери беше многу внимателна со својот сопруг. Медиумите најмногу ги загрижува фактот дека тоа ќе влијае на поделбата на имотот, но богатството на семејството Мардок беше внимателно заштитено, имајќи предвид дека Руперт ги обожаваше жените па од брак до брак влегувал само со „преварантки“. Се вели дека компанијата „Fox News“ и „Wall Street Journal“ се под строго управување на фондацијата Мардок, која ја водат неговите најстари деца. Џери Хол сигурно ќе добие повеќе пари отколку што треба, но не е јасно зошто парот се разведува. Самиот Руперт неколку пати изјави дека е многу среќен со бракот со Џери, а кога се венчаа во 2016 година, на Твитер напиша дека е „најсреќниот човек на светот! Сепак, корисниците на Твитер се сурови за разводот на оваа двојка. Многумина наведуваат дека Џери не сметала дека Руперт Мардок ќе живее толку долго, додека други велат дека и е досадно со старецот ... Фото:Притскрин/Профимедиа

Панчо – ДНК со пример за лекција од екологија: „Ставете прст на чело, 81- годишен старец ви ги чисти вашите лајнарии од стазата крај кејот“ (ФОТО)

Антонио Димитриевски — Thu, 13 Aug 2020 07:28:14 +0000

Панчо од скопското ар - ен - би дуо „ДНК“ или Владимир Блажев, како што му е вистинското име и презиме според личните документи, е оддамна познат по својот остар јазик, цврстите ставови и храброста „без влакна на јазикот“ истите да ги изнесе во јавноста. Tа тие некого погодиле или не, од нив некого ќе го заболи или „баш го заболе“ - сеедно. Панчо е тој што ќе си го каже своето, кое најчесто е во склад со системот на вредности, со правилата и прописите за „нормална живеачка“, кои за жал, секој ден стануваат се поискривени и поизвитоперени, па во опшатата лудница и сиот овој хаос, ненормалното станува „нормално“, а нормалното - срамно! Така и овој пат на својот ФБ профил, Панчо посочи пример кој е лекција за екологија. Пример за тоа како се штити животната средина, чува чиста околината, чисти од загадување зелената површина, која секојдневно огромен број на луѓе ја користат, ама за жал, никој не внимава на неа... Или само по некој редок пример, колку исклучокот да го потврди правилото, како во овој случај. Имено, стазата покрај кејот на Вардар, многумина секојдневно масовно ја користат за спорт и рекреација, за најразлична физичка активност. Од обични прошетки и рекреативно пешачење или трчање, преку возење ролери, скејтборди, велосипеди на обичните граѓани, па се до професионални тренинзи на врвните спортисти. Сите ги газат патеките крај кејот, ама никој не води сметка како и колку ги загадува, а уште помалку ги чисти! Rетки се обичните волонтери кои наоѓаат и сила и време и доблест да им го соберат ѓубрето и отпадоците, на илјадниците што претходниот ден или вечер, тука несовесно го фрлиле. За еден таков пример зборува и Панчо од ДНК. За лажните „женски и фраери“ кои за „ку*чење крај кејот“ се први, а кога треба да се соберат отпадоците или никаде ги нема или стојат од страна и гледаа како „дрвени Марии“, додека 81-годишен старец им ги собира и чисти нивните „лајнарии“. Посочувајќи го токму човекот кој на сите, особено на денешната младина и одржа лекција од екологија, Панчо ја прозва и посочи сета мизерија на лажната градска свита, која себе си се смета и претставува за некаква урбана елита. „Додека вие несовесните и невоспитаните луѓе ја загадувате нашата и ваша околина и фрлате нај различни отпадоци без трошка срам и без око да ви трепне виде што прави чикчко Азбиу кој има 81 година и нека ви служи за пример!!! Да повторам има ОСУМДЕСЕТ И ЕДНА година и ви ги чисти вашите лајнарии. Видете ја сликава и ставете си прст на чело. Мноооогу е едноставно: ЃУБРЕТО СЕ ФРЛА ВО КАНТА ЗА ОТПАДОЦИ, а КАНТИТЕ НЕ СЛУЖАТ ЗА ДА ГИ ПАЛИТЕ и КРАДЕТЕ. Го запознав денес во 8 часот наутро со негова дозвола фотографирав околу шеталиштето на реката Вардар, тој прави доброволно дело собира собирање ѓубре фрлено на несвесен народ. Го оставив Азбиу среќен за неговата благородна работа, му посакав на човекот добро здравје и долг живот ...“ - напишал Панчо во својот Фејсбук статус.

Ова слатко детенце денес е познат македонски радио и ТВ водител… и голем шегаџија! (ФОТО)

Антонио Димитриевски — Wed, 02 May 2018 07:10:46 +0000

Старите фотографии од детството се тие кои не враќаат во најубавите години... време на безгрижност, игри, дружење со другарите, за некого можеби и време на првата љубов... Тие се тука да не потсетат дека времето лета, а со годините и ние се менуваме. И како личности, но и физички. некој добива, како вишок килограми на пример, некој губи, како забите или косата...

Ама не е важно важно е да се зачува физичкото здравје, кондицијата и здравиот дух... Се друго се надоместува! Но старите фотографии понекогаш можат да послужат некому и како доказ. Како на пример, на популарниот охридски радио и ТВ водител Жанко „З'ш“ Голабоски.

Познат е како голем љубител на природата, ама и голем шегаџија, најчесто, на сопствена сметка. Така и овој пат, Жанко реши на сите „неверни Томовци“ да им покаже и докаже дека некогаш и тој имал коса, а немал брада и мустаќи! Добро не баш кога се родил, ама посочената фотографија е некаде од првите училишни или последните предучилишни, првоодделенски денови.

Охридските сеирџии пак, не би биле тоа што се, да не му вратија со нова „закачка“, задевајќи го дека „мамит“!

Жанко пак, одново им врати, дека ако не веруваат каков бил како дете, сега ќе им покаже каков ќе биде како старец. И направи нов фото-скок... Од минатотото, директно во иднината!