стар дојран – Вистина.мк

Сузана Гавазова со солзи во очите: „Им ја отворив вратата, но тие сепак останаа внатре“ (ФОТО)

Слаѓана Атанасова — Wed, 12 Jul 2023 10:03:28 +0000

Македонската фолк пејачка Сузана Гавазова топлите денови моментално ги поминува во вилата во Стар Дојран. Од таму таа нејзините фанови не престанува да ги „чести“ со жешки кадри и провокативни видеа со кои секојдневно им ја разубавува реалноста. Во бикини, танцот налик на светски позната пејачка Бијонсе, Гавазова без проблем го изведува на терасата на која најчесто се снима. Дека фолкерката времето поминато покрај езеро го поминува исполнето - нема сомнеж, но исто така големо внимание посветува и на нега на нејзиното тело. Доказ за тоа беше и видеото на кое покажа како вози велосипед, а со кадарот одзади на следбениците им ја замати свеста. Но, сега на нејзините кратки Инстаграм приказни се најде и една емотивна фотографија на која фолкерката напиша и дека пуштила неколку солзи. Бидејќи ја обземале емоциите, таа сакаше и јавно да ја сподели ситуацијата која ја растажи. „Денес им ја отворив вратата на овие убави папагалчиња што знаат преубаво да пеат и со солзи во очите им реков слободни сте, но... не одлетаа. Останаа во кафезот, можеби утре ќе бидат похрабри“ - напиша таа за доброто дело кое го направила. Причината поради која тоа го направила не е докрај јасна, зашто друго прашање е како тие ќе се снајдат во природа и дали ќе можат да опстојат кога ќе дојде зима, но, сепак... Со нејзината постапка Гавазова на сите им ги разнежни срцата. Фото: Принтскрин/Инстаграм/Сузана Гавазова

Сузана Гавазова како авион: Фолк пејачката позираше покрај базен во тесен костим за капење (фото)

Слаѓана Атанасова — Fri, 07 Jul 2023 08:02:07 +0000

Познатата македонска фолк фејачка Сузана Гавазова е една од тие кои знаат да уживаат и добро да се разладат од летните горештини. Таа со гордо крената глава во нејзин стил сега го вртеше телото од милион долари покрај базенот во куќата во Стар Дојран каде моментално престојува. Исончана и добро намачкана со крема низ целото тело таа покажа колку е врела и смела под топлите зраци да ги истакне нејзините манекенски вештини кои ужива да ги покажува често на нејзиниот профил на кратките Инстаграм приказни. Додека позираше пејачката, над неа прелета авион кој целосно се вклопуваше во нејзиното видео со кое ја комплетираше снимката на која таа ги покажува нејзините облини за кои редовно се грижи негувајќи го здравиот начин на исхрана, а богами посетувајќи и теретана секогаш кога е во можност. Таа на главата носеше лента за коса со сличен дезен како и нејзиниот костим за капење, а движејќи се покрај стаклената ограда ја допираше нежно долгата коса во заносна поза како што таа знае и умее, а со тоа да го задржи вниманието на сите. Гавазова знае како да ужива во летото и не пропушта момент и прилика кога може да плива и да се сонча, а тоа е така и во текот на целата година бидејќи таа и кога е зима обожава да биде негде каде температурата е доволно висока за да може да облече костим за капење. Фото: Принтскрин/Инстаграм/Сузана Гавазова

Прво издание на фестивалот „Преку езерото“ во Стар Дојран

Слаѓана Атанасова — Wed, 03 Aug 2022 11:42:14 +0000

Девет исклучителни кратки филмови од осум медитерански земји, со актуелни теми ќе бидат прикажани на првото издание на Меѓународниот филмски фестивал „Преку езерото“ што ќе се одржи од 5 до 7 август во Стар Дојран. Станува збор за прв филмски фестивал од ваков формат во земјава, кој ќе го збогати културниот живот во градот и околината и традиционално ќе се одржува во Дојран, покрај брегот на езерото. Во фокусот е медитеранскиот и европскиот филм и автори кои живеат или потекнуваат од медитеранските и европските земији. „Преку езерото“ е иницијатива предводена од Јани Бојаџи, филмски режисер и продуцент. Како што најавија од фестивалот, за ова прво издание селектирани се девет филмови од осум медитерански земји, со актуелни теми кои се раскажани со медитерански дух, специфичен и посебен во уметноста на филмот. Поточно, во главната натпреварувачка програма се филмовите „А ла карт“ на Василис Циуварас и Таксиархис Делијанис од Грција, „Пресуда“ на Дора Јунг од Србија, „Марко на Марко Шантиќ од Хрватска, „Перики“ на Ангела Димеска од нашата држава, „Виножито“ на Александар Вујовиќ од Црна Гора, „Криминалци“ на Серхат Караслан од Турција, „Што не знаеме за Маријам“ на Морад Мостафа од Египет, „Светиот син“ на Аљоша Масине од Италија и „Поглед од Балкон“ на Арис Капланидис од Грција. Покрај главната програма во склоп на фестивалот, како што е најавено, ќе се прикажат и неколку долгометражни филмови од медитеранските земји кои се истакнале по особениот пристап на темата кој нуди нов поглед на нештата кој го поттикнува дијалогот помеѓу различните култури, општествени групи, нации. Во склоп на фестивалот ќе се одржи и мастерклас на тема „Трагањето на сценаристите по вистинското значење на темата во нивните сценарија“. Мастеркласот ќе го води докажаниот скрипт-консултатнт од Англија Џон Стивенс. Меѓународното жири кое ќе ги оценува филмовите во натпреварувачката конкуренција ќе го предводи истакнатиот грчки режисер Василис Мазоменос, а членови на жирито се Гоце Кралевски продуцент и Ева Камчевска сценарист од нашата држава. (МИА) Извор:Курир