стапала – Вистина.мк

Имате проблем со ладни стапала? Постојат природни начини да ги загреете!

Слаѓана Атанасова — Wed, 27 Dec 2023 12:20:40 +0000

Многумина имаат проблеми со студени стапала. Овој несакан ефект можете да го решите со подебели чорапи, масажи и одредени намирници. Дали ви се ладни стапалата? Прстите ви се грчат затоа што и онака ви е лоша циркулацијата. Проблемот е што нема доволно мускули кои можат да ви ги загреат нозете, па може брзо да замрзнат. Храна која ја забрзува циркулацијата За малку да ги олесните „зимските нозе“, внесувајте храна која ја забрзува циркулацијата, како рибино масло или ѓумбир. Намалете ја количината на кофеин и зголемете ја дозата на цитрус. Магнезиумот е секогаш добро решение, па можете да го внесете преку свежа храна, како банани и блитва или преку додатоци во исхраната. Масажа на стапала Покрај тоа, секоја вечер пред спиење масирајте ги стапалата со масло од рузмарин, а секоја втора вечер мијте ги во леген. Истурете топла вода во едната и ладна вода во другата, па наизменично ставете ги стапалата во првата, па во втората. Важно е да бидете сигурни дека постапката секогаш ја започнувате и завршувате со топла вода. Секој дел од тој едноставен домашен третман треба да трае околу триесет секунди. Извор: Попара

Лоша циркулација или нешто друго: Што велат студените стапала за нашето здравје?

Слаѓана Атанасова — Fri, 06 Oct 2023 12:15:04 +0000

На што може да укажуваат ладните дланки и стапала? Нашиот организам природно ја регулира телесната температура. Доколку надвор е многу ладно, телото како приоритет го одредува непречениот доток на кислород до срцето и другите витални органи што се наоѓаат во нашето торзо, а тоа може да го намали количеството на крвта што стигнува до периферните делови – стапалата и дланките. Поради тоа, тие стануваат поладни од остатокот од телото. Исто така, не е реткост дланките и стапалата кај некои луѓе да се природно поладни, дури и кога надвор не е зима, па треба дополнително да ги заштитат и згреат. Меѓутоа, за разлика од погоре опишаниот случај, ладните дланки и стапала може да бидат симптом на некое заболување, на пример анемија, срцеви заболувања, дијабетес, хипотироидизам (забавена работа на тироидната жлезда), Рејнов синдром (нарушување на работата на ситните крвни садови во дланките и стапалата), недостиг од витамин Б12… Затоа, корисно е да побарате совет од лекар, особено ако неодамна сте ја забележале оваа појава. КАКО ДИШЕЊЕТО ГО РЕШАВА ПРОБЛЕМОТ Дали сте знаеле дека појавата на ладни дланки и стапала е многу честа кај луѓето што имаат лоша техника на дишење? И дека со дишењето можеме да влијаеме врз циркулацијата? Кога дишеме пребрзо и плитко, нашите крвни садови се собираат. Од друга страна, кога го правиме тоа бавно, длабоко и на нос, нашето тело испушта азот оксид, молекул што игра клучна улога во подобрувањето на циркулацијата и снабдувањето на клетките со кислород. Со собирањето на крвните садови доаѓа до намален проток на кислород, а со самото тоа и до ладни екстремитети. Покрај тоа, кога пребрзо дишеме, ослободуваме и преголемо количество јаглерод диоксид, а тој ја регулира pH-вредноста на крвта. Не е добро премногу да го намалиме количеството на јаглерод диоксид во крвта, бидејќи тогаш може да дојде до намалување на нивото на хемоглобинот (кој го пренесува кислородот низ телото). А тоа исто така влијае врз појавата на ладни стапала и дланки. Па, затоа, обрнете внимание на дишењето: важно е повеќепати во текот на денот да се потсетите да дишете побавно и подлабоко. Корисно е за потопли дланки и стапала, но и за многу други процеси во телото. Извор: Попара

Потопете ги стапалата во оцет 15 минути: Ќе се ослободите од овие страшни проблеми

Слаѓана Атанасова — Tue, 23 May 2023 10:59:33 +0000

Дали имате проблеми со стапалата? Дали страдате од микоза или прекумерно потење? Тогаш треба да ги негувате вашите стапала! Нема да има потреба да купувате скапи производи. Сè што ви треба ќе најдете во вашата кујна. Се испоставило дека оцетот одлично го поддржува, меѓу другото, лекувањето на атлетското стапало. Проверете ги другите придобивки од натопувањето на нозете во него. Оцетот има антифунгално дејство. Истражувањата покажуваат дека тој е способен да го забави растот на одредени видови на патогени кои предизвикуваат атлетско стапало. Најдобро е оцетот да се разреди со вода во сооднос 1:2. Во оваа смеса можете да го додадете и вашето омилено есенцијално масло. Ова ќе ви овозможи не само да се опуштите, туку и да се ослободите од непријатниот мирис на оцет. Зошто е добро да ги натопите нозете во оцет? Атлетско стапало Како што веќе споменавме, овој незабележлив производ е во состојба да го запре развојот на габите на нозете и ноктите. Како изгледа овој третман? Сè што треба да направите е да ги потопите стапалата во вода со оцет 10-15 минути секој ден. Повторувајте го овој третман додека не исчезнат сите промени на кожата. Ова може да потрае и до еден месец. Ако симптомите не исчезнат премногу брзо, можете безбедно да се обидете да го зголемите времето на натопување на нозете во вода со оцет. Важно! Ако после вакви третмани кожата на стапалата стане многу сува и почне да пука, намалете го киснењето на стапалата на неколку пати неделно. Запомнете, сепак, дека не постојат одредени студии кои покажуваат дека оцетот е 100 проценти ефикасен кога станува збор за лекување на лишаи. Постојат видови на оваа болест за кои овој производ нема да работи. Сепак, вреди да се проба. Меѓутоа, ако симптомите продолжат или кожните лезии почнат да се шират, можеби ќе сакате да посетите дерматолог. Помага при лош мирис на стапалата Оцетот има и дезинфицирачко дејство. Ова е многу важна карактеристика. Благодарение на него успеавме да се ослободиме од некои бактерии кои прават нашите стапала да мирисаат непријатно. Доколку се борите со таков проблем, користете го третманот со оцет. Не заборавајте претходно темелно да ги измиете нозете со сапун и вода. Потоа потопете ги во оцет неколку минути. Запомнете, сепак, дека овој метод нема целосно да го елиминира вашиот проблем. Тоа е затоа што треба сеопфатно да се борите против непријатниот мирис на стапалата. На пример, неопходно е да се сменат чевлите направени од кожа или платно. Ова им овозможува на вашите стапала да дишат. Важен елемент во борбата против непријатниот мирис на стапалата е носењето соодветни чорапи. Тие исто така треба да бидат направени од материјали кои им овозможуваат на стапалата да дишат. Идеално, тоа треба да биде волна или памук. Меѓутоа, кога сме дома, треба целосно да се откажеме од чорапите и чевлите. Најдобро е да одите боси. Кој не треба да ги потопува нозете во оцет? Доколку на стапалата имате отворени рани, во никој случај не ги ставајте стапалата во оцет. Ова може да предизвика иритација и воспаление што е опасно за вашето здравје. Луѓето со дијабетес, исто така, треба да се воздржат од овој вид третман. Доколку развиете некакви проблеми со стапалата, треба да посетите специјалист наместо да пробувате домашни лекови. Извор: Курир.мк

За негувани стапала: Ослободете се од испуканите пети на овој начин

Слаѓана Атанасова — Wed, 12 Apr 2023 10:18:17 +0000

Летото е пред нас, а удобните патики почнуваат да им отстапуваат место на сандали и влечки, нагласувајќи ги стапалата. Внимателен педикир, длабока хидратација и мека кожа се неопходни за повторно да ги носиме омилените влечки, сандали и апостолки. Еве 5 едноставни совети за сјајни стапала и ви предлагаме да ги примените што е можно побрзо: Закажете состанок за педикир Скратете ги вашите нокти што е можно повеќе и дајте им елегантна форма. Дајте предност на заоблените рабови. Кажете ѝ збогум на дехидрираната кожа Кожата на стапалата секогаш има тенденција да биде сува. Негувателни маски, навлажнувачи богати со хранливи материи и бањи за стапала со масла и производи кои ја оставаат кожата кадифена, се клучот за збогување со дехидрираната кожа. Чест пилинг Како и на остатокот од телото, така и на нозете, пилингот е неопходен. Нагласете го пилингот на петиците, но и помеѓу прстите, лесно тријте ја и површината на ноктите. Завршете го „ритуалот“ со навлажнувачки крем и стапалата ќе ви светат. Маски за заштеда на време Ако веќе не знаете, ќе бидете изненадени од ефективноста на маските за стапала за еднократна употреба. Се носат како чорапи онолку долго колку што е напишано на секој производ, а кога ќе ги соблечете, ќе ги видите ефектите. По неколку дена, кожата се лупи и станува мека и сјајна. Не заборавајте на лакот Колку и да сакаме природни педикири, модерната боја на ноктите е секогаш одличен избор за летните денови. За вашите стапалата, можете да изберете нешто дискретно што одговара на сите ваши чевли, како пастелни нијанси што се во тренд. Извор: Курир.мк

Најзгодната жена на светот позираше полугола: Велат дека стапалата не и се привлечни, но тоа никој не го гледа (фото)

Слаѓана Атанасова — Wed, 22 Feb 2023 10:50:18 +0000

Бразилската манекенка и фото - модел Изабел Гулар го претстави нејзиниот карневалски костим. Тоа е повеќе од предизвикувачка модна креација, каква што и се очекуваше. Горниот дел од костимот наликува на костим за капење, а украсен е со луксузни детали. Изабел го комплетираше карневалскиот стајлинг со накит кој целосно одговара на аутфитот, и металик сандали. Долниот дел од костимот е направен од синџири, кои се претпоставува дека треба што повеќе да ја ублажат провокативноста на нејзината облека. На следната фотографија ја откри познатата танга, во златни тонови. Славната Бразилка носела и попредизвикувачки модели на плажа, а во слични изданија и претходните години се појавуваше на познатите годишни ревии на престижната модна куќа „Викторија Сикрет“ како „Ангел“ на овој бренд. Изабел, која важи за една од најубавите жени на светот, изгледаше многу провокативно, но сепак поодмерено од бројните танчерки на карневалот кој започна пред четири дена и ќе трае до 25 февруари. За појавата на овој модел се зборува речиси секојдневно, како на интернет, така и на светските портали. Нејзината врвна линија, која ја должи на долготрајниот тренинг и диетата составена од мали порции, толку многу ги интригира луѓето што нејзината надворешност беше внимателно анализирана, а набљудувачите еднаш заклучија дека нејзината убавина е нарушена само со нејзините не толку привлечни стапала. Но, повеќето луѓе не го ни забележуваат тоа додека ја гледаат Изабел Гулар. Фото: Принтскрин/ Профимедиа

Погледнете ги вашите стапала: Дознајте што кажуваат тие за вашиот карактер

Слаѓана Атанасова — Wed, 28 Sep 2022 12:45:13 +0000

Читањето на личноста од стапалата е пракса која во Кина и Индија се практикува илјадници години, а корените ги влече од верувањата дека нашите стапала се огледало на душата и телото. Формата на прстите на нозете и карактерот на човекот. Пример бр. 1 Укажува на креативна личност. Лицата со ваква форма на прстите се многу паметни и секогаш пронаоѓаа креативни решенија за било кој проблем. Сепак, понекогаш поради несигурноста во себе, ги оставаат започнатите дела на половина. Пример бр. 2 Лицата со ваква форма на прстите се енергични и имаат создавачки потенцијал. Секогаш можат да застанат зад она во што навистина веруваат. Пример бр. 3 Показател на лидерски особини. Главната цел на овие луѓе е успехот во кариерата. И само една работа може да ги извади од колосек. Тоа е неверојатниот перфекционизам. И уште еден интересен податок – некои индиски легенди велат за тоа дека мајките не дозволувале на синовите да се женат со жени кај кои вториот прст на нозете бил подолг од останатите. Тоа го сметале за знак за заповеднички карактер. Пример бр.4 За ваквите луѓе најголема вредност е семејството и блиските пријатели. Сопствениците на ваква форма на прстите ги одликува способноста да слушаат други и скоро се идентификуваат со соговорникот. Понекогаш се примаат кон срце, така да ваквата емпатија често не е од корист. Пример бр. 5 Зборува за амбициозноста, но не и желбата за преземање одговорност. Човекот со такви прсти на нозете е забавен и привлечен, но многу често и наивен како мало дете. Извор: Курир.мк

Повеќе нема да имате проблем со испукани пети: Нега на стапала со сода бикарбона

Слободанка Илиева — Wed, 24 Aug 2022 13:16:09 +0000

Секоја жена сака нејзините стапала да изгледаат негувано и привлечно Кожата мора да биде хидрирана и мека, но најпрво треба да се ослободите од сите наслаги од мртви клетки на кожата. Навистина не е толку лесно да се одбегне проблемот со грубите пети, бидејќи кожата во тој дел е склона на задебелување. Кога станува збор за нега на стапала, пилингот дефинитивно е незаменлив ритуал, но и содата бикарбона како магична состојка. Ви откриваме како да направите пилинг за стапала со сода бикарбона за да имате мазна и нежна кожа. Овој пилинг ќе можете да го примените на целите стапало, односно на сите делови каде што ќе забележите задебелување, а особено ефикасен е за тврди и суви пети. Особено непријатно е кога петите се испукани, што значи дека освен пилинг, треба да ја зголемите и хидратацијата на кожата на стапалата за да го решите овој непријатен проблем. Па, еве како да направите свој пилинг за стапала. Содата бикарбона е одличен избор за оваа намена. Содата има антисептички својства, а во овој случај се меша со вода и има функција да ја намали нејзината тврдост, и што е особено важно – благотворно дејствува на кожата. Сè што ќе ви треба е 3 л вода и 5 супени лажици сода бикарбона. Загрејте ја водата за да биде врела и потоа сипете ја во леген и додајте сода. Промешајте малку, па потопете ги стапалата. Оставете ги да отстојат така 20 минути. Потоа, следува пилингот. Земете камен за пети или турпија, која не е премногу груба, намокрете ја, потопете ја во сода бикарбона, па со неа третирајте ги проблематичните делови. По третманот, нанесете хидратантен крем или вазелин на петите ако се многу испукани. Најдобро е да го правите ова навечер пред спиење. Слободно можете да го практикувате секојдневно во период од 7 дена, а потоа направете пауза една недела, по што ќе можете да ја применувате оваа нега на стапалата еднаш до два пати неделно. Резултатите ќе ги забележите многу брзо. извор:курир.мк

Ова е најдобрата работа која може да ја направите пред спиење, одлично е за вашето тело

Слаѓана Атанасова — Wed, 20 Jul 2022 12:45:43 +0000

Најдобрата техника за опуштање е масажата. Уште подобро е кога можете сами на себе да си пружите масажа. Масирањето на стапалата има позитивни ефекти на целокупното здравје. Масажата го подобрува протокот на крв, го стимулира лачењето и потта, го подобрува метаболизмот, ги редуцира мастите и го забрзува протокот на крв низ ткивото. Исто така е добра поради убавината на кожата и ја прави еластична и здрава. Со самото тоа добиваме младешки изглед. Масирањето го подобрува држењето, состојбата и изгледот на мускулите. Влијае на мускулите да се истегнат и опуштат. Ја елиминира киселината која создава грчеви и го олеснува варењето. Познато е дека масирањето и притисокот врз одредени точки на стапалата влијае на лекувањето на болестите и помага во работата на органите. Потребно е да ги масирате стапалата пред заминување во кревет секој ден. Третманот кој можете на себе да си го подарите е потребно да трае околу 10 до 15 минути.

Зошто треба да спиете со откриени стапала?

Слободанка Илиева — Tue, 07 Jul 2020 12:00:28 +0000

Сите знаеме колку е понекогаш тешко да заспиеме, но ако едното стапало ви е откриено, тој трик ќе ви помогне да заспиете полесно. Тајната зад откриеното стапало лежи во тоа што идеалната температура за добар сон е 18 °С, а нозете најдобро ќе ви помогнат да постигнете пониска температура на телото. Во продолжение прочитајте кои се придобивките од спиењето со откриено стапало. 1. Ви помага при регулирање на телесната температура Стапалата се всушност совршен механизам за ладење. Тие немаат влакна, па остануваат ладни во текот на целата ноќ. Тоа ви помага да одржувате баланс на телесната температура и да спиете поудобно. 2. Ако стапалата ви се откриени, можете да заспиете побрзо За да заспиете, температурата на вашето тело треба да се спушти за 1 до 2 степени. Ако ви е премногу топло, нема да можете да заспиете. Поради тоа, важно е да ви биде поладно во текот на ноќта и колку побрзо ќе му дозволите на вашето тело да се олади, толку побрзо ќе можете да заспиете. 3. Тоа е најудобната позиција ако треба да спиете под ќебе Постојат неколку различни причини зошто луѓето не можат да заспијат без ќебе. Но, по некое време може да ви стане премногу жешко, така што нема да можете да спиете удобно. Откривањето на стапалата е совршено решение и ви дозволува да спиете под ќебе додека го одржувате телото ладно во текот на целата ноќ. извор:кафепеуза.мк

3 производи од вашата кујна, кои ќе ги направат вашите пети меки како на бебе

Слободанка Илиева — Mon, 02 Sep 2019 12:30:45 +0000

Секоја жена посветува големо внимание на грижата за кожата на лицето и телото. Но, постојат одредени зони од телото, кои понекогаш ги заборавиме и тие остануваат суви, како што на пример се стапалата и петите. Денес ви откриваме 4 рецепти составени од домашни состојки кои лесно се допасни во сечија кујна, а кои ќе ви помогнат веднаш да се ослободите од грубата кожа, пукнатините и сувите пети. 1. Маска од тиквички Земете мали тиквички и изрендајте ги ситно и поставете ги на парче завој- газа и истата завиткајте ја околу вашите пети. Оставете маската да отстои половина час. Потоа измијте ги стапалата со топла вода и нанесете крема за стапала. Оваа зелена маска ќе ви помогне да ја отстраните грубата кожа. 2. Пилинг од маслиново масло Измешајте 3 супени лажици маслиново масло со 1 кафена лажица морска сол и масирајте ги вашите пети со добиената смеса. Правете кружни движења по целата површина, а потоа измијте го пилингот со топла вода и нанесете крема за стапала. 3. Маска од јајце Измешајте 1 жолчка со 1 кафена лажица сок од лимон и додадете 1 кафена лажица компирово нишесте. Добро измешајте ги состојките до добивање на хомогена смеса и потоа нанесете врз кожата на петите. Оставете ја маската да се исуши, а потоа исплакнете со топла вода и нанесете крема за пети. извор:нане.мк