стакло – Вистина.мк

За танцот на Гавазова нема копче за пауза: На сопругот секси маза, а на Инстаграм инспиративна до екстаза (видео)

Слободанка Илиева — Tue, 19 Sep 2023 07:54:20 +0000

За фолк пејачката Сузана Гавазова воопшто не е важно кое годишно време е за да се разголи, а кога температурите се повисоки, тогаш теренот за разголување е уште послободен и поширок за нејзините потреби за истакнување, покажување и докажување. Ова лето од куќата покрај езеро во Дојран, Гавазова направи тон видеа каде позира или танцува во секси облека или бикини.

View this post on Instagram

A post shared by Suzana Gavazova (@suzanagavazova)

Секогаш расположена и за да покаже нешто повеќе на социјалните мрежи, а и да им го направи меракот на следбениците и фановите. Иако редовно е во кујната каде од појадок, ручек и вечера постојано е до шпоретот и нешто готви, Сузе има време за се’, од дотерување, пеење, и разгалување за најдрагите, па и време за Инстаграм. Овој пат со снимка одраз во стаклото од прозорот на терасата, Гавазова прати жежок поздрав во бикини. https://youtube.com/shorts/Fe4nrELuw5c?si=7-J-SviUzuhaB7Dw Мешање со колкови, спуштање до долу, полека врткање со бујниот и напрачен задник, издигајќи го телото нагоре, и се тоа движејќи се по ритамот на музиката. На сопругот таа е домашна маза, а на Инстаграм Гавазова редовно е инспиративна до екстаза. Насладување со секси видео, а нешто подоцна и инспиративна за домаќинките да зготват месо во кремаст бел сос, а следното утро и палачинки за појадок. Инспирација на ниво, нема што! фото:Инстаграм принтскрин/Сузана Гавазова

Најлесен начин за чистење на стаклото од рерна? Отстранете ја маснотијата без никаков проблем!

Слаѓана Атанасова — Mon, 13 Jun 2022 12:30:45 +0000

Секоја домаќинка има свој докажан трик за чистење на рерната и отстранување на масните наслаги кои се насобрале од подготовката на храната. Сепак, што и да користите за чистење на рерната , веруваме дека ќе сакате да го испробате овој метод, за кој многумина тврдат дека е поефикасен од сода бикарбона и оцет или силни средства за одмастување и жица за стругање. Се што ви треба е таблета за миење садови (или две) и сад со топла вода. Користете само таблети кои не се гел таблети. Потопете ја таблетата во вода и чувајте ја натопена доволно долго за да впие малку вода, но не премногу долго за да не почне да се распаѓа. Потоа едноставно тријте ја вратата со таблетот, не ви треба сунѓер! Движете ја таблетата со дланката со кружни движења за да ги отстраните дамките и маснотиите. Ако таблетата почне да се суши, натопете ја повторно. Овој трик е одличен за чистење на стаклото на вратата од рерната, но ефикасен е и на метална рамка, може да биде потребен само посилен притисок. Кога ќе завршите, избришете ги остатоците од таблетата и нечистотијата со влажна крпа.

Оскаровката Џенифер Лоренс повредена во експлозија

Слободанка Илиева — Mon, 08 Feb 2021 11:41:35 +0000

Џенифер Лоренс (30), добитничка на Оскар, беше повредена во експлозија за време на снимањето на претстојниот филм „Не гледај нагоре“, пишуваат странските медиуми. Експлозијата била планирана и контролирана, и покрај сите мерки на претпазливост, големо количество стакло одеднаш се распарчило, при што актерката била повредена. Лоренс лежела на земја по експлозијата, држејќи го лицето покриено, кога минувачите притрчале за помош.

View this post on Instagram

A post shared by Jennifer Lawrence (@jenniferlawrence_)

Извори за странските медиуми изјавиле дека актерката била погодена од стакло, но дека е добро и се опоравува. - Стаклото требаше да се расфрла во таа сцена, но не толку неконтролирано - рекол изворот од сетот. Снимањето било запрено по инцидентот.

Несреќа на концертот на Северина: Се сруши стакло во публиката, за влакно избегната голема трагедија

Христина Ѓоргиевска — Mon, 25 Nov 2019 10:30:11 +0000

Една од најголемите хрватски ѕвезди Северина неодамна ја започна својата турнеја „The magic tour“. Како дел од оваа турнеја, Северина пред некој ден одржа и спектакуларен концерт пред полната „Штарк Арена“ во Белград. На концертот освен нејзините фанови присуствуваа и голем број на јавни личности. Меѓутоа, кога започна концертот односно во текот на изведбата на првата песна се случи незгода во „Штарк арена“. Имено, Северина се појавила на сцената и почнала да пее, а во салата се слушнало врескање, пишува ало.рс „Рефлекторот пукна, а стаклото се разлета право на публиката. Девојките вреснаа, како што видовме, малку ги повреди скршеното стакло, а обезбедувањето веднаш ги тргна“, открил очевидец и додава: „Откако е избегната трагедија, обезбедувањето остана да стои на местото каде што беше стаклото за да никој не се приближи и да не се повреди. За среќа, се помина добро и никој не се повреди“ вели сведокот. За потсетување, Северина продолжува со своја турнеја.

„Стакло“ (The Bottleman) – емотивен филм посветен на починатиот музичар Зоран Маџиров

Антонио Димитриевски — Wed, 13 Nov 2019 11:36:41 +0000

Во рамките на програмата на филмскиот фестивал “Синедејс” во МКЦ, своја македонска премиера имаше краткометражниот филм “Стакло” на Нина Маџиров која ова емотивно парче уметност го посвети на нејзинот татко, Зоран Маџиров, како потсетување дека неговата големина и како уметник и како човек, заслужуваат свое постојано место во колективната свест на нашето општество. “Сите наопаку – јас терсене”, прочитав на една од многуте страници од весници и магазини од целиот свет, што пишувале за подвигот на нашиот маестро, а беа дел од малата, но и тоа како значајна изложба што ѝ претходеше на проекцијата. А насловот што најмногу ми го привлече вниманието, можеби и најдобро го опишува во неговата уникатност, посебност, единственост… Во амбиент во кој емоциите се испреплетуваа меѓу публиката, неговото потесно семејство, негови блиски пријатели, но и луѓе кои можеби никогаш не го запознале, а до нив допрела неговата генијалност, ја проследивме македонската премиера на филмот кој е толку личен, сентиментален, горчлив, а истовремено моќен, продорен и безвременски токму како и неговите лик и дело. Приказната на “Стакло” е всушност интимна исповед за големата болка со која Нина се соочи по неговата смрт, но истовремено останувајќи свесна за должноста што тој и ја остави – со својата уметност да создава поубав свет. Филмот го доби наклонот и на светската стручна јавност, за што потврда се и бројните освоени филмски награди на повеќе реномирани филмски фестивали. Проекцијата, филмската вечер посветена на маестро Маџиров, ја заокружи музичкиот перформанс на нашиот млад, но перспективен бенд “Contact59”, чиј член е и Љубен, синот на Зоран Маџиров, кој во чест на својот татко свиреше на стаклени шишиња, односно како што рече и самиот, на инструментот на неговиот татко.

За малку катастрофа во „Задруга 2“: Миљана Кулиќ се обиде со парче стакло да си ги пресече вените (ВИДЕО)

Антонио Димитриевски — Sat, 05 Jan 2019 09:21:42 +0000

Во реалното шоу „Задруга 2“ до сега видовме се: љубов, прељуби, стриптиз, топлес, секс, пијанство, расправии, кавги, навреди, тепачки... Но ова последновио се чини е кулминација на глупоста.

Имено, Миљана Кулиќ беше префрлена во притвор по силното нервно рстројство што го доживеа, откако ги нападна и предизвика Мики Ѓуричиќ, Сузана Перовиќ и Маријана Зоњиќ. Но се чини дека и притворот не помогна, зашто таа по некое време целосно ја загуби контролата над себе, па го скрши прозорецотод затворската ќелија и со парче стакло се обиде да си ги пресече вените!

Обезбедувањето го забележа она што Миљана се обидуваше да си го направи скриена зад душекот што претходно го крена од креветот и го потпре на вратата.

Чуварите веднаш реагираа, ја отклучија ќелијата, влегоа внатре и и го одземаа стаклото од раце на Миљана, по што откако увидоа дека сепак, за среќа нема повреди и не дошло до најлошото, ја извадија надвор. https://www.youtube.com/watch?v=ijNTemIXBGo