„Код 369“ ќе го исполни вашиот свет со љубов и надеж во ноќната тишина, под светлоста на полната – „М(ј)есечина“ (ВИДЕО)

Антонио Димитриевски — Wed, 30 Nov 2022 09:24:58 +0000

Членовите на “Кoд 369“ уште еднаш ги воодушевиja слушателите со свите авангардни идеи со комерцијален призвук со темата „Мјесечина“ која всушност е вториот сингл на македонскиот бенд, издаден на хрватски јазик за „Кроација рекордс. Видеото во продукција на Енкор (Encore Media Production) и Дејан Трајчевски јасно ја пренесува мистичната атмосфера на месечева ноќ во која доминира вокалот и појавата на атрактивната фронтменката на групата Ирена Димовска. Текстот за песната го напиша пејачката Ирена Димовска, музиката е на Даниел Митревски, а за аранжманот покрај Митревски се задолжени Иле Лулевски и Коста Стеваноски. Групата „Код 369“ инаку е логично продолжение на долгогодишните музички активности на членовите на битолските „Памперс“, а во овој проект тие во својата музика внесуваат нов музички момент на фанк, џез и класични инструментализации, кои го вткале во препознатлива рок база. КОД 369 е формиран во 2020 година. Членови на бендот се: Ирена Димовска (вокал), Даниел Митревски (гитара, придружни вокали), Иле Лулевски (тапани, придружни вокали) и Коста Стеваноски (бас гитара, клавијатури). Нивната музичка мисла е секогаш на границата помеѓу алтернативниот рок и комерцијалната рок и поп музиката, задржувајќи ја свежината, слободата и авангардни идеи на првите категории и прифатливоста на другата. Во нивните текстови може да се препознаат универзалните човечки и литературни вредности, љубовта како движечка сила и силата на поединецот како движечка сила кон најдоброто во себе – порачуваат од „Кроација рекордс“, чии ексклузивци битлските рок уметници стнаа неодмна, потпишувајќи петгодишен договор со оваа издавачка куќа. „Пред се соработката со Кроација Рекордс за нас претставува една голема чест. Да се биде во друштво со врвните музичари од регионот е признание за нашата долгогодишна работа како автори и изведувачи. Воедно ова за нас е и еден вид благослов, продолжување на успесите кои уште на почетокот ги направивме, а тука мислам пред се на големиот број на музички видеа кои се вртеа на Ем-Ти – Ви Адриа, првите места на топ листите, како и многубројните фестивали чии гости бевме“ - ќе изјави вокалот на групата Ирена Димовска. За најпознатата издавачка куќа на Балканот тие неодамна го издадоа и својот дебитантски албум „Stages of Love“. Уживајте во музиката на новиот сингл на „КОД 369“ кои ќе го исполнат вашиот свет со љубов и надеж во ноќната тишина, под светлоста на полната - „М(ј)есечина“ (КЛИКНИ ТУКА):

Деби албумот „Stages of Love“ на битолскиот бенд „CODE 369“ во издание на „Кроација рекордс“

Антонио Димитриевски — Tue, 30 Aug 2022 10:27:50 +0000

Битолскиот состав „CODE 369“ викендов настапи во Славонски Брод, во рамките на традиционалниот Славонија фест – CMC 200.

На градската тврдина Брод тие во живо го промовираа својот деби-албум „Stages of Love“, објавен под закрилата на најголемата регионална издавачка куќа „Кроација Рекордс“,

Пред фестивалот, на конференција за медиумите, заедно со уште неколку регионални состави, тие пред новинарите дојдени за фестивалот го представија своето првенче.

Албумот „Stages of Love“ содржи дванаесет песни, и тоа е првиот албум што го создадоа и снимија под името „CODE 369“ (КОД 369). Нивната музичка мисла е секогаш на границата помеѓу алтернативниот рок и комерцијалната рок и поп музиката, задржувајќи ја свежината, слободата и авангардни идеи на првите категории и прифатливоста на другата.

Во нивните текстови може да се препознаат универзалните човечки и литературни вредности, љубовта како движечка сила и силата на поединецот како движечка сила кон најдоброто во себе – порачуваат од „Кроација Рекордс“.„CODE 369“ е македонски бенд од Битола, формиран во 2020 година. Тие се продолжение на долгогодишната музичка дејност на членовите на „Памперс“: Ирена Димовска (вокал), Даниел Митревски (гитара, придружни вокали) и Иле Лулевски (тапани, придружни вокали).

Во музиката на „CODE 369“ се внесени нови музички моменти на фанк, џез и класични инструментализации, кои проткајуваат во препознатливата рок-основа и влијанија на современата музика во домен на поп и рок.„Добиваме навистина убави реакции од публиката за нашите песни, тие го сакаат тоа што го компонираме и нашата музика ја прифатија како своја. Уживаат да не слушаат и тоа е нашата омилена награда“, изјавува пејачката на бендот, Ирена Димовска.

Летово, пред сите овие случувања, „CODE 369“ потпиша петгодишен ексклузивен издавачки договор со „Кроација Рекордс“. На нивната работна посета во Загреб тие го снимија и првиот сингл на хрватски јазик, со наслов „Права љубав“.

stages of love – Вистина.мк

„Код 369“ ќе го исполни вашиот свет со љубов и надеж во ноќната тишина, под светлоста на полната – „М(ј)есечина“ (ВИДЕО)

Деби албумот „Stages of Love“ на битолскиот бенд „CODE 369“ во издание на „Кроација рекордс“