српски медиуми – Вистина.мк

Копање по минатото: Еве што пишуваат српските медиуми за Каролина Гочева…

Слободанка Илиева — Wed, 05 Oct 2022 07:39:12 +0000

За нашата поп-фолк пејачка Каролина Гочева, одвреме навреме знае да осамне по некој напис во српските медиуми, а овој пат еден таков се најде на Стори.рс кои пишуваат, односно копаат по љубовното минато на пејачката за кое акцентираа најмногу од пишаното, а не заобиколија и со комплименти на сметка на изгледот и тоа дека и недостига на српската сцена, па навеедуват: „Иако е сè уште многу популарна во Македонија, на нашите простори ретко ја гледаме, а најновите фотографии кои се појавија на нејзиниот „Инстаграм“ профил сведочат дека преслатката Каролина на која никој не можеше да остане рамнодушен, сепак плени со својата неверојатна убавина и харизма. Kоментарите за фантастичниот изглед на Каролина Гочева не престануваат да се редат на социјалните мрежи, а многумина забележаа дека физички таа не се променила многу“, пишува Стори.рс, па продолжуваат:

View this post on Instagram

A post shared by Karolina Goceva (@karolinagocheva)

„Иако сега има малку поинакви животни приоритети, нејзиниот љубовен живот отсекогаш бил под будното око на јавноста, а познато е дека талентираната македонска пејачка беше во кратка врска со Михајло Ражнатовиќ, синот на Жељко Ражнатовиќ -Аркан. После тоа се забавувала со Нико, богат Грк, кој живее во Битола, каде што има своја текстилна фабрика. Со него почнала да излегува кога кон крајот на летото 2011 година кога раскинала со младиот скопски бизнисмен Јован Пановски.

View this post on Instagram

A post shared by Karolina Goceva (@karolinagocheva)

На 23 септември 2017 година, Каролина се омажи за шест години помладиот Михаил Корубин, магистер за ликовни уметности, кого го запознала за време на снимањето на насловната страница на нејзиниот албум „Извор“, како што раскажала во едно интервју.

View this post on Instagram

A post shared by Karolina Goceva (@karolinagocheva)

Се венчаа во необичен амбиент, во еден од воените хангари на аеродромот Стенковец во Скопје, завршува текстот на споменатиот медиум кој не се штедеше да ја потсети својата публика за Каролина. извор:Стори.рс фото:Инстаграм/Каролина Гочева

Адам Лабунски е „мета за потсмев“: Во „Задруга 6“ го исмејуваа и искубаа, српските портали потсетуваат на неговото недолично однесување, а „Жена од султана“ сега го нарече хомоексуалец! (ВИДЕО)

Антонио Димитриевски — Wed, 21 Sep 2022 10:51:43 +0000

Македонскиот пејач Адам Лабунски е актуелен член на популарното регионално ријалити „Задруга 6“, во кое баш и не му „цутат рози“. како ни во српските, па и регионалните медиуми, а исто така и меѓу некои од колегите и колешките пејачи на естрадата. Имено, Адам во „Задруга 6“ додека беше во дворот со Кристијан Голубовиќ и некои други задругари, беше нападнат од страна на Урош Чертиќ кој го искубал за косата, при што му откинал еден цел прамен. Причината наводно затоа што Адам тоа утро многу гласно пеел, па го разбудил Урош, кој вечерта доцна легнал, па бил спиен само 3 часа! „Ти недостасува дел од праменот? О, па ти си правел надоградба“ – зајадливо му дофрли Чертиќ и си замина, за набргу да се врати и повторно да налета на пејачот. „Од кога мажите ставаат надоградба на косата? Се гледаме 'македонско девојче“ – повторуваше зајадливо цело време Урош. Откако Чертиќ упорно не престануваше со провокациите, обезбедувањето мораше итно да реагира. „Ве молам, спасете ме, тој ми откорна половина коса“ – се жалеше пејачот додека гледаше во камерата и плачеше. Од друга страна некои од српските портали во свите тазе написи одново потсетуваат на неговите скандалозни испади за време на учеството во музичкото талент шоу „Ѕвездите на Гранд“. „Адам Лабунски и стана познат на јавноста за време на неговото учество на натпреварот „Ѕвездите на Гранд“, но продукцијата го дисквалификува од натпреварувањето поради недолично однесување и покрај неговите блескави вокални способности. Адам се истакна по одличните вокални способности, но многумина сепак го паметат по скандалот што го предизвика неговиот татко во вториот круг“ - пишува на пример српски „Курир“. Ништо помалку не е „отровна“ ниту неговата колешка која самиот Адам прв ја предизвика. Откако со своите изјави ја „влечеше за јазик“, дека цела вечер на еден сплав во Белград самата му се нафрлала, местела и нудела, пејачката Тијана Милентијевиќ најпрвин жестоко му возврати преку српските портали дека всушност „тој ја молел да му помогне да успее“, а сега познатата „Жена од султана“ јавноста ја бомбардираше со уште една шокантна изјава за Адам Лабунски, велејќи дека слушнала оти тој е хомосексуалец! Како и да е, по се' што му се случува последниве денови, излегува дека Адам Лабунски станува „мета за потсмев“... и „подкусурување“?! Фото и видео: Јутјуб принтскрин/ Задруга

„Не живеам од пеење“: Тијана Дапчевиќ за актерската кариера и препреките со кои се соочила во улогата на Ула

Слободанка Илиева — Tue, 17 Nov 2020 08:55:50 +0000

Тијана Дапчевиќ изминатиот период беше во Скопје, а причината за подолгиот престој беше снимањето на петтата сезона на македонскиот ситком „Преспав“ каде ја игра улогата на Германката Ула. Српските медиуми исто така се интересираат за овој нејзин актерски ангажман, а таа се потруди да открие како се носи со глумата, улогата на Ула, популарноста на „Преспав“,коронавирусот и сл. - Завршив со снимањето на македонскиот ситком, кој е многу популарен во Македонија. Тоа е ситком што се емитува на јавниот сервис веќе пет години. Продуцентска куќа од Бугарија излезе со идеја да купи четири сезони, сега петта, а се емитува и во БиХ. За жал, никој во Србија сè уште нема пари да ја купи оваа комична серија - вели Тијана, а пренесува Ало.рс и додава:

View this post on Instagram

A post shared by Преспав (@pansionprespav)

- Ја толкувам главната улога, строга и остра Германка Ула, кој е мажена со Македонец кој е сопственик на пансион на Преспанското Езеро. Како Ула, инсистирам сè да биде според правилата и нормите, сè работи и ништо не се работи, приказната е многу интересна. Интелигентниот хумор е во прашање, дијалозите се врвни, ние веќе сме добро координиран тим. Играм рамо до рамо со популарни актери, а гостуваа и Анѓелка Прпиќ, Никола Којо и многу други актери беа наши гости. Дапчевиќ открива дека и недостигаат настапи за време на пандемијата на вирусот корона, но дека се помирила со моменталната состојба на музичката сцена.

View this post on Instagram

A post shared by Преспав (@pansionprespav)

- Не живеам од пеење некое време. Ситуацијата е таква каква што е - Тијана објаснува дека снимањето во Македонија е тешко и дека, како и нејзините колеги, таа ги следи сите пропишани мерки: - Сè работи со маски, сите се исплашени, психозата е во ненормални количини. Страшно е. Се почитуваат сите мерки за заштита. Отидовме во Македонија на 28 септември, се тестиравме, веднаш добивме, благодарение на Бога, негативни резултати. Продукцијата побара од нас да бидеме сериозни. Одевме од студио до дома, и тоа е тоа. Немавме други движења. Сè беше снимено без проблеми, штом завршивме, се вратив во Белград и сега ќе останам некое време во Србија. Пејачката открива дека била многу нервозна на почетокот на снимањето на ситкомот, но дека го надминала со својата љубов кон глумата.

View this post on Instagram

A post shared by Tijana Dapčević (@tijana.dapcevic)

- Бог ме погалил кога бев мала, велат дека сум талентирана. На почетокот, сите бевме нервозни затоа што дотогаш никој од тие актери немаше контакт со ситкомот, но таму се снима по една епизода на ден, тоа е ужасно тешка и напорна работа, но и радост да се направи нешто што го сакате. Не одам на работа да работам, но да уживам, навистина се чувствувам така затоа што ја сакам мојата работа. Има и неколку тешки денови, но сето тоа минува, поентата е само во тоа што луѓето го сакаат тоа што го правиш - заклучи Тијана Дапчевиќ.

Еве што пишуваат српските медиуми за Тоше Проески на 13 години од неговата смрт

Христина Ѓоргиевска — Fri, 16 Oct 2020 10:43:51 +0000

Велат дека времето лекува се’, но не е така. Времето не ја лекува болката, носталгијата, тагата по оние кои заминале од овој свет. На денешен ден (16.10.2020) пред 13 години почина македонската музичка легенда Тоше Проески. И по толку време, кај неговото семејство, пријатели, колеги, фанови, соработници постои празнина која не се пополнува. Неговите песни се безвременски хитови на кои редовно се потсетуваме и ги слушаме, а неговиот ангелски глас секогаш ќе ни недостига. На денешен ден, Македонија, регионот, па и светот се сеќава на Тоше. Регионалните медиуми исто така се сеќаваат на музичката ѕвезда, па осамнаа неколку текстови посветени на Проески. „Остави впечаток, спомени, музика...13 долги години откако засекогаш не напушти Тоше Проески“, „Празнина која никогаш нема да се исполни – Беше омилена личност на Балканот, а денес се полнат 13 години од смртта на Тоше Проески“, „Пораките кои и ги праќаше и понатаму се во неговиот телефон – Ова е жената која Тоше најмногу ја сакаше, а таа никогаш не зборуваше за него“, „13 години од смртта на Тоше – собата во која спиеше се уште е недопрена“, се само некои од насловите. Потсетуваме, Проески почина на 16.10.2007 година кај местото Нова градишка, на пат за Хрватска.

Српските медиуми „чепнаа“ по љубовното минато на Калиопи

Христина Ѓоргиевска — Fri, 05 Jun 2020 07:36:04 +0000

„Со првиот сопруг се уште е во врска, а вториот беше 13 години помлад од неа. Побегна од земјата, а потоа се најде во центар на скандал“, „Два пати се разведе: Со првиот и понатаму е во врска, а другиот беше 13 години помлад од неа, побегна од земјата , а животот и беше полн со бури, гласат насловите за македонската пејачка Калиопи во српските портали во курир.рс и блиц. рс . За разлика од тоа колку српските јавни личности се застапени кај нас, за нашите пак поретко може да се прочита нешто кај нив, баш како во случајов, но сепак не е нешто досега непознато за нашата позната пејачка. Калиопи со својата музика и вокал прави успешни концерти ширум регионот и таа важи за една од најголемите како во Македонија така и во Србија, Босна и Херцеговина, Црна Гора... Српските медиуми одлучија да „чепнат“ по љубовното минато на Опи, па така тие го пишуваат следното:

Калиопи 10 години беше во брак со Ромео Грил од кого се разведе во текот на 90тите, а по разводот таа ја обнови соработката со поранешниот сопруг и се крена голема прашина во медиумите.

Во периодот на најголемата популарност на групата „Калиопи“, Калиопи Букле со тогашниот сопруг се повлече од јавната сцена и од Југославија замина во Швајцарија каде што живееше 10 години. Учеше германски јазик и работеше многу други работи. Пет години Калиопи предаваше музичко во средно училиште. Таа велеше дека токму учениците ја убедиле да се врати на музиката. Инаку, кога станува збор за нејзините песни и создавање на хитови соработува со Ромео, а досега неколку пати истакна дека тој најдобро ја познава и дека знае каква песна да и направи, но и дека меѓу нив нема ништо освен пријателство и соработка, како и нивната силна врска поради синот Пако. Суштина на нејзиниот живот е синот Пако кој живее во Швајцарија. „Најемотивен момент во мојот живот беше неговото раѓање. Тој живее во Швајцарија и не сакам да зборувам за него. Често ми вели на мене и Ромео: „Не зборувајте за мене, заборавете ме во вашите изјави“, така да морам да го испочитувам“, изјави Опи во една прилика. Српските медиуми исто така пишуваат и за вториот брак на Калиопи со актерот Васил Зафирчев. Тие беа заедно седум години, иако има скалден брак, Васил и Калиопи се разведоа. Калиопи во една исповед за еден магазин истакна дека причина за нејзиниот развод не била разликита во годините. Калиопи денес е еден од најдобрите вокали во регионот и посветена на музиката и фановите, а пред да започне корона кризата таа одржа неколку успешни концерти во регионот.

Луна Ѓогани има момче во Скопје?

Христина Ѓоргиевска — Sat, 28 Dec 2019 10:48:49 +0000

Победничката на втората сезона на „Задруга“, Луна Ѓогани неодамна ја раскина својата врска со момчето Марко Миљковиќ. Имено, тие врската ја започнаа во „Задруга“, каде што раскинаа, а потоа повторно се смирија и ја обновија врската. По разделбата, Луна се огласи и откри дека се случило во два дена. „Беше се совршено, но, ете се случи се во два дена. Не знам што да кажам“ изјави Луна. https://arhiva.vistina.com.mk/radio-mileva/luna-gjogani-iskreno-za-raskinuvanjeto-so-marko-miljkovikj-se-sluchi-vo-dva-dena-ne-znam-shto-da-kazam/ По излегувањето од „Задруга“, Луна започна и музичка кариера, сними песни, а за таа прилика неколку пати доаѓаше во Скопје во студиото на Дарко Димтров кој е продуцент на песните. Исто така, Луна своите први настапи ги имаше и во Македонија, па многу често може да ја видиме во нашата држава. Меѓутоа, сега српските медиуми пишуваат дека Луна има момче во Скопје. На насловната страница на „Paparazzo“, стои наслов: „Луна има момче во Скопје, Анабела ги споила“, а за што станува збор може да прочитате во новиот број на горенаведниот магазин.

Во српските медиуми се појави вест дека Сања Малетиќ е пронајдена мртва, пејачката веднаш реагираше и ја откри вистината

Христина Ѓоргиевска — Wed, 13 Nov 2019 12:33:26 +0000

Еден српски портал објави вест дека српската фолкерка Сања Малетиќ е пронајдена мртва. Пејачката на својот профил сподели принтскрин од веста во која пишуваат и откри дека ова е голема лага. „Злоупотребата на јавните личности и пласирањето на невистина и лаги ги преминува сите граници. Јас лично немам коментар на оваа глупост. Престанете да ги користите имињата на моите колеги за да пласирате разни болести“ напиша пејчката во описот на фотографијата. За потсетување, сајтот кој често го менува името редовно објавува дека починале познатите личности, а меѓу нив Душко Тошиќ, Халид Беслиќ и многу други.

Во српските медиуми се појавија написи дека Тања Савиќ двапати абортирала: Пејачката се огласи и ја откри вистината

Христина Ѓоргиевска — Mon, 04 Nov 2019 09:16:05 +0000

Некогашната учесничка во „Ѕвездите на Гранд“ и младата пејачка Тања Савиќ постојано е интересна за јавноста. Имено, иако на почетокот на кариерата беше интересна поради врската со нејзиниот колега Дарко Филиповиќ, во последните неколку години често се пишуваа за нејзиниот брак. Тања во 2009 година заплива во брачните води со Душан Јовановиќ, а често во медиумите може да се видат написи дека наводно нивниот брак е во криза, дека сопругот физички ја малтретира, наводно и дека Душан бил на лекување.... Најново, деновиве во медиумите се појавија вести дека наводно Савиќ двпати абортирала. „Тања Савиќ двпати абортирала?“ е еден од насловите кои Савиќ го демантираше и истакна дека е глупост. „Тања во депресија, татко и, и забранил да роди дете“ е другиот наслов кој осамна во еден српски медиум. По тој повод, се огласи и Савиќ и повторно ги демантираше oвие пишувања. „А ова е уште поголема глупост. Драги мои, знаете дека не се занимавам со демантирање на жолтиот печат. Сега ги видов глупостите на насловната страница. Да се посветиме на болните деца, да се посветиме на сиромашните и немоќни луѓе кои можат секој ден да се најдат на насловната страница и на тој начин да им помогнеме на тие луѓе, а така ќе се разбуди свеста кај луѓето. Или пак ви е лесно да пишувате лаги за мене и моето семејство. Јас не сум толку интересна, јас на луѓето им ги давам моите песни и така ќе биде во иднина“ напиша Тања на „Инстаграм“. За потсетување, пејачката од бракот има два сина, Максим и Ѓорѓе.

„Во затворот повраќа секој ден“: Еве што известуваат српските медиуми за здраствената состојба на Боки 13

Слободанка Илиева — Tue, 17 Sep 2019 09:13:01 +0000

Аферата „Рекет“ во која еден од главните осомничени е Боки 13, одекна толку силно што не ја затресе само Македонија, туку и многу пошироко. Освен домашните, така и српските медиуми активно го следат овој случај, а последно српски „Блиц“ пишува за здраствената состојба на Јовановски кој од 15-ти јули е зад решетки. Според изјавата на неговиот адвокат Сашко Дукоски дадена за „Код“, Боки се чувствува многу лошо и има силни болки по двете неуспешни операции на желудникот кои ги направил по сопствена волја. Во последниве 30 дена Бојан Јовановски неколкупати беше носен на Клиника на преглед. Дуковски дополнува дека не знае како ќе се одвива здравствената состојба на неговиот клиент. Боки 13 според информациите кои се познати за јавноста има направено операција подврзување на желудник за да намали од телесната тежина. Инаку, кривичниот суд му го продолжи притворот за нови 30 дена. Тој се сомничи за изнуда на 1,5 милиони евра од бизнисменот Јордан Камчев. За потсетување, изминатите неколку години Боки 13 драстично ги намали килограмите, односно како да се преобрази во друг човек, а неговата трансформација и тогаш ја следеа и српските медиуми. Аферата „Рекет“ пак ја поврзуваа и со некои познати естрадни личности во Србија, но засега тоа остана само како шпекулација.

Даниел Кајмакоски повторно во брак!

Слободанка Илиева — Sun, 01 Sep 2019 09:46:43 +0000

Македонскиот пејач Даниел Кајмакоски победи во првата сезона на музичкиот натпревар „Х Фактор“ во 2014 година, кога го запозна пошироката јавност. По освојувањето на натпреварот, Даниел сними неколку песни, од кои внимание привлече дуетот со Жељко Јоксимовиќ, кој му беше ментор на Даниел во натпреварот. Една година по освојувањето на „Х Фактор“, тој ја претставуваше Македонија на Евровизија, а потоа победи во друга шоу - програма- „Твоето лице звучи познато“. Во последните години Даниел не беше присутен во српските медиуми, па многумина не знаат како изгледа неговиот живот денес.

Талентираниот Македонец сè уште е ангажиран со музика и го оствари сонот на приватно поле. Тој се ожени со 13 години помладата Кристина Димитриевска, со која го доби синот Давид пред две години, а неговото семејство е центар на светот. Вака српскиот медиум pulsonline.rs го опишува патот до славата и тековните новитети поврзани со нашиот пејач Даниел Кајмакоски. Имено, иако Даниел изминатиот период е многу поприсутен во регионот отколку на домашен терен, некои од српските медиуми се уште не се информирани дека Даниел се разведе.

Според нив, пејачот се уште е во брак, па за момент од напишаното може да помислите дека пејачот му дал втора шанса на бракот. Очигледно тој ќе мора малку поинтензивно да се познимава со тамошните медиуми и убаво да им ги открие своите тековни професионални и приватни новини.