српски јазик – Вистина.мк

Јоце Панов ќе ви раскаже низ песна како изгледа во љубовта да имаш – „Среќа во несреќа“ (ВИДЕО)

Антонио Димитриевски — Mon, 05 Feb 2024 11:48:39 +0000

Јоце Панов, реши веднаш по празниците да ја израдува својата публиката и да и подари нова песна на која напорно работеше претходниот период. Во морето деловни обврски како професор во една позната скопска гимназија, мноштвото ТВ гостувања и бројните настапи низз цела македонија но неретко и надвор од неа, пејачот не ја запостави својата работа во студио, па така сега светлината на денот ја здогледа новата песна наречена „Среќа во несреќа“ што ја издаде за „Гранд продукција“, а истата е испеана на српски јазик, со цел да се освои што повеќе публика во регионот. За разлика од неговата претходна песна, која имаше побрз ритам, овој пат Јоце покажува чиста емоција во баладата која веќе ја освои публиката на првото слушање, а кадрите од спотот снимен од проверениот мајстор Дејан Милиќевиќ ја раскажуваат приказната онака, филмски за само неколку минути. Овој проект инаку има посебо значење за штипјанецот со скопска адреса на живеење бидејќи музиката и текстот ги напиша заедно со познатиот хитмејкер Драган Брајовиќ Браја, а аранжманот го направи сам. Како звучи тој во неговото најново музичко остварување, но и каква приказна се крие во видеоспотот, проследете во продолжение:

Ѕвездата од турските ТВ серии со роденденска честитка на српски на своето момче со потекло од Македонија: „Се’ е лесно кога си крај мене, сонце мое…“ (ФОТО)

Антонио Димитриевски — Thu, 08 Apr 2021 09:44:48 +0000

Ебру Шахин, познатата турска актерка, која ја игра главната улога во популарната ТВ серија „Невозможна љeубов“, воодушеви со својот потег. Имено, таа на својот профил на Инстаграм му го честиташе роденденот на своето момче, на српски јазик. Ебру инаку е во врска со славниот кошаркар Чеди Осман, кој по потекло е од Македонија, додека неговата мајка е од Нови Пазар. Така што тој и неговата девојка го знаат српскиот јазик. „Сè е лесно кога си до мене. Среќен роденден, сонце мое “ - му напиша Ебру, објавувајќи заедничка фотографија со кошаркарот, додека тој и одговори на турски јазик: „Ти си најубавото нешто што ми се случило! Ти си мојата причина за среќа. Те сакам многу“! Фото: Инстаграм принтскрин/rebrusahin

Дарко – Спејко тргна во пејачки соло води да го покорува регионот со – „Caliente“ (ВИДЕО)

Антонио Димитриевски — Thu, 03 Dec 2020 13:53:24 +0000

Неодамна Вистина.ком.мк прва објави дека кумановскиот инфлуенсер, ријалити ѕвезда и машки модел Дарко - Спејко снимил песна и видеоспот и станува пејач. https://arhiva.vistina.com.mk/radio-mileva/spejko-propea-solo-golemiot-brat-trgnuva-da-pravi-estradna-kariera-video/ Во меѓувреме покрај инфлуенсерството и ријалити излетите, Спејко беше дел од музичкиот мозаик на неколку познати естрадни фаци. И наши, македонски како на пример Тајзи, и оние од соседството,како Раста! Сепак „Калиенте“ е првата соло песна на Спејко, кој на македонската јавност и стана познат откако победи во регионалното реално шоу „Големиот брат“ и ја освои главната награда од 100.000 евра. Спејко снимаше спот под вешто водената режисерска палка на искусниот уметнички фотограф и режисер на музико-комерцијални спотови Дарио Јанковиќ и неговото „Генерал филм студио“, во кој неизоставно одново е опкружен со раскошни убавици… Овој пат исклучиво македонски. Имено, во спотот на симпатичниот кумановец „друштво“ му прават згодните и атрактивни манекенки и модели Ана Брзанова и Јања Станојевиќ, додека улогата на главна „секси сењорита“ во видеото за „Caliente“ ја има македонската мисица и модел, Анѓела Јакимовска, која неодамна од Албанија се врати со награда. Патем, Спејко за прв пат не само како соло артист, туку се јавува и како автор на музиката и стиховите во неговото прво сопствено музичко остварување, додека аранжманот го направил Иван Јованов - Ивајо. Кореографијата во спотот е на Мерлина Мери Стојановска - Денс студио МАК, шминката на Тодор Тодороски и Нина Ивановска, а фризурата на Тодор Тодороски и Даниел Пауновски. Спејко во „Калиенте“ пее на српски јазикк, што во старт кажува дека домашната сцена или многу малку или воопшто не го интересира, туку во старт акцентот е ставен на освојување на соседната српска естрада и евентуално регионот. Храбро и прилично ризично за еден почетник во музичкиот еснаф, особено за некој, кој колку и да е познат во соседството, сепак не е пејач. По „Калиенте“ како ќе се развива естрадната пејачка соло кариера на „Големиот брат“ од Куманово, познат под прекарот Спејко, ќе видиме понатаму!? Почетокот засега ветува! За да се уверите во кажаното и напишаното, проследете го видеото за „Калиенте“ на Дарко - Спејко во продолжение: https://www.youtube.com/watch?v=W1fWcd82e38&feature=emb_logo

Боби Павловски со желби за добро здравје за што побргу да излеземе од оваа – „Заблуда“ (ВИДЕО)

Антонио Димитриевски — Mon, 30 Mar 2020 12:06:07 +0000

„Заблуда“ е насловот на новата емотивната балада на Боби Павловски, која од вчера, 29 март 20202 год. точно напладне е пуштена во етерот. Станува збор за композиција со потписот на Еди Рамчевиќ, односно негово комплетно дело и со кого ова не е прва соработка, додека за видеото и овојпат се погрижи тимот на Tropical Lifeisfun, една од најбараните продукции во соседството во моментов. Интересно е дека придружните вокали во песната ги пее веќе докажаната Ивана Селаков. Кадрите во видеото, кое носи емотивна приказна како и самата композиција, се снимени на повеќе локации низ Белград и во нив освен Боби се појавуваат и момче и девојка кои всушност се носители на самото сценарио. „Драги мои, ви ја претставувам „Заблуда“ - мојата нова песна. Долго е работено на неа и не сакав да ја чувам за некои подобри времиња, туку сакам со неа барем малку да придонесам за разбивање на монотонијата. Се надевам дека ќе уживате во мојата нова песна и дека ќе ви помогнам барем малку да заборавите на мрачното секојдневие и на црните вести кои секојдневно стигнуваат до нас. Да останеме заедно во овие тешки денови со желби да сме живи и здрави и наскоро во живо да ја пееме "Заблуда". Бидете добри!“ – порача Павловски, промотивно споделувајќи ги песната и видеото. Инаку, „Заблуда“ е веќе четврта песна на Павловски снимена на српски, и таа доаѓа под одличните „Метар дана“, „Тамо негде“ и „Самица“. Уживајте во песната и да нема заблуди... Останете дома! https://www.youtube.com/watch?v=ipUFB_p7AgI&list=RDipUFB_p7AgI&start_radio=1&fbclid=IwAR0pX_PHLQgLJm2sUvF09SNTE62cTi62TxZPJB1-V1fkh59AmZK7ETe1Sf0

Антониа Гиговска во прегратка на Ацо Пејовиќ, многумина ја критикуваа поради еден детаљ, а прв беше Драган Вучиќ (фото)

Слободанка Илиева — Fri, 16 Aug 2019 08:01:17 +0000

Македонската „Пинк ѕвездичка“, Антониа Гиговска, е актуелна во домашните и регионалните мредиуми откако пееше како придружен вокал за првата песна на Луна Ѓогани насловена „Деветти круг“. Иако не победи во музичкото шоу каде се натпреваруваше, Антониа успешно ја гради својата кариера, а се повеќе фанови има и од регионот откако ја објави својата песна на српски јазик „Могли смо у двоје“.

Младата и талентирана скопјанка е постојано активна на социјалните мрежи, а овој пат на својот профил на Инстаграм меѓу поновите објави постави заедничка фотографија со популарниот српски фолк пејач Ацо Пејовиќ.

Многумина од обожавателиките посакаа да бидат на местото на Антониа, одосно во прегратката на Ацо. Сепак, она на што најмногу и забележаа следбениците беше коментарот на српски јазик кој го напиша Антониа, а подоцна го избриша односно го коригираше откако водителот Драган Вучиќ прв и сугерираше како треба правилно да напише: „Волим овог човека пуно. Така е правилно, колку да си знаеш – и посочи Вуќич, по што Антониа инстантно се поправи и не остави простор останатите го видат пропустот.

-Откако го преправи таман си е злато, гласи следниот коментар.

Сепак, мајчиниот јазик на Антониа е македонски, а не српски, затоа грешката која таа не дозволи да стои долго време, нека биде оправдана!

Ѓоко Јовиќ влегува на регионалниот пазар со „Мила моја“ (ВИДЕО)

Антонио Димитриевски — Wed, 17 Jul 2019 12:22:45 +0000

Македонскиот пејач Ѓоко Јовиќ покрај самостојната кариера заедно со своите „Енерџи бенд“ се обидува полека да влезе и на балканскиот, односно регионалниот пазар на просторот на бившите ЈУ републики. Така тој заедно со „Енерџи бенд“ неодамна ја издаде песната „Тешко је у души“, а не мина многу време оттогаш, па еве го Ѓоко Јовиќ соло, со нова песна на српски јазик.

„Мила моја“ е нејзиниот наслов, чие видео заедно со песната премиерно беше претставено деновиве. Станува збор за авторско дело на популарниот пејач Пеѓа Меденица, чиј потпис стои на музиката и стиховите, а аранжманот, миксот и мастерингот се на Енџи Мавриќ.

Јовиќ заедно со Ксенија ги отпеа и придружните вокали, а сето тоа визуелно го заокружи екипата на охридската „Ин продукција“.

Главните улоги во видеото им припаднаа на извесни Јоцо и Мартина, а како изгледа и звучи сето тоа дознајте во продолжение. https://www.youtube.com/watch?time_continue=63&v=s_7k54uX42k

Александра Накова е „Лутка“ за балканскиот пазар (ВИДЕО)

Антонио Димитриевски — Tue, 25 Jun 2019 09:47:01 +0000

Периодов Александра Накова е речиси секојдневно експонирана во медиумите. Но, освен уживањето по грчките плажи и таверни, а и домашните базени, кафулиња и ноќни клубови, гевгелиската „кукла“ беше зафатена со снимањето на новиот спот за песната „Лутка“ на групата „Балкан бенд“, отпеана на српски јазик .

Накова таму ја има главната улога во музичката приказна од видеото за новата песна наменета за балканскиот пазар, кое бендот веќе го објави.

Во него макенскиот топ модел и џетсетерка, костимите ги менува во секој втор кадар, а нејзиното присуство е повеќе од естетско-декоративна природа, отколку некаква содржајна улога која би го следела текстот...

Впрочем стиховите имаат приказна, но не и видеото кое речиси целото е обична „тезга свирка“ на сцената, по која Накова бесцелно парадира покажувајќи го сиот свој телесен раскош. Но, тоа е проблем на режисерот и сценаристот на видеото, па и на самиот бенд, а не и на убавицата, која дала се' од себе, да го понуди најдоброто од себе.

А, Накова и тоа како има што да понуди, за разлика од спотот кој заслужувал да биде многу подобар и заради квалитетот и комерцијалноста на песната и заради желбата „Балканци“ да го освојуваат Балканот, ама...

Нејсе, „Лутка“ е сепак пристоен музички избор за обид да се отвори вратата на комшискиот пазар, а видеото...? „Лутка“ без Накова би било како (Л)утка без „Л“! Со неа, барем има што да се види... и без сценарио.

Изведувач: Балкан Бенд, Музика: Александар Тасевски, Текст: Александар Стефановски, Аранжман: Дејан Момироски, Снимање, микс и мастеринг: Дејан Момироски - студио XL Момироски, Видео: Студио 5 https://www.youtube.com/watch?v=Xdwh9FcFwL4