среќни – Вистина.мк

13 причини зошто некои луѓе се толку среќни во животот

Христина Ѓоргиевска — Thu, 13 Feb 2020 13:47:34 +0000

Да, можете да бидете родени во богато семејство, но може и сами да го создадете. Богатството што го поседуваат „среќните луѓе“ не е предуслов за среќа – тие станале среќни затоа што размислуваат поинаку и преземаат иницијатива. Дали некогаш сте погледнале некого и сте помислиле: „Тој е многу среќен човек, има пари, долга врска и одлична кариера… Камо среќа и мене сè да ми одеше „од рака“.“ Мислите дека ја немавте таа среќа да се родите под среќна ѕвезда и во богато семејство. Сметате дека едноставно не сте имале доволно среќа да се најдете на вистинското место во вистинско време. Ова се причините поради кои некои луѓе имаат среќа во животот: Среќните луѓе… 1. Тие работат напорно и тивко Затоа што не се фалат. Тие не ги објавуваат своите успеси јавно и транспарентно. Тие не ги користат социјални мрежи за ниедно себеистакнување затоа што среќните луѓе се зафатени со работа. 2. Тие се опкружени со позитивни луѓе Животот и онака е веќе доволно тежок. Постојат непотребно негативни луѓе кои само го отежнуваат и успоруваат протокот на позитивна енергија. 3. Секој ден го започнуваат со позитивни мисли Тие ги избираат вистинските зборови и дејства, имаат одредени ритуали со кои го започнуваат денот како медитација, молитва или утринско кафе без брзање… 4. Среќните луѓе не се заморуваат во секојдневните теми што им пречат Тие не размислуваат за оние работи што не им се важни. 5. Среќните луѓе имаат јасна цел Тие се трудат на своите деца да им обезбедат повеќе отколку што може да си дозволат, подобри услови од тие што ним им биле овозможени. Тие имаат „магнет“ што ги приближува до целта. 6. Тие ја прифаќаат секоја ситуација Никогаш не велат: „Сега е полошо.“, туку: „Секогаш е добро, овде и сега.“. Тие знаат дека идеалното време никогаш нема да дојде, освен ако не го создадат сами. 7. Никогаш не им даваат значење на луѓето кои постојано нешто критикуваат Тие не сакаат такви луѓе во нивната околина. Среќните луѓе немаат време за љубомора и омраза. Тие немаат време да одговорат на злобните коментари. На овие коментари, среќните луѓе само се насмевнуваат и продолжуваат да одат со високо крената глава. 8. Среќните луѓе повеќе чувствуваат отколку што мислат Честопати, тие се водени од нивните внатрешни инстинкти и се раководат според своите чувства. И кога ќе се најдат во тешки околности, немаат проблем со тоа да го слушнат својот разум или срце. Среќните луѓе секогаш се раководат според срцето, а не според разумот. 9. Нивниот фокус е целта, а не планот Плановите може да се променат. И најдобриот план може да не успее, но целта секако ќе биде остварена. 10. Среќните луѓе не живеат во минатото Тие се фокусирани на сегашниот момент и на нивните напори да го контролираат моментот – овде и сега. Среќните луѓе не се грижат премногу за вчера или утре. 11. Тие веруваат во себе Среќните луѓе не се арогантни. Тие мислат дека секој има своја внатрешна сила. 12. Тие знаат дека патот до успехот не е секогаш само права линија Среќните луѓе едноставно знаат дека станува збор за амплитуда со постојани подеми и падови. 13. Среќните луѓе се однесуваат кон животот на поинаков начин Тие знаат дека животот не е само право туку и подарок. Благодарни се за сè што тој има да им понуди. извор: кафепауза

5 нешта што среќните парови ги прават пред да си легнат

Слободанка Илиева — Thu, 16 Jan 2020 13:55:27 +0000

Тие неколку часови пред спиење се многу важни за секој пар. Што правите вие и вашиот партнер пред спиење? Ги миете забите и лицето, а потоа се вовлекувате под ќебето и гледајте стари епизоди од некоја серија додека не заспиете? Можеби ги довршувате работните обврски во кревет и заспивате пред екранот полн со табеларни пресметки, затоа што единствено тогаш имате време да ги довршите работните обврски – на крајот на краиштата, немате време затоа што вечерта е исполнета со обврски од типот: капење на децата, приказни за добра ноќ и подготовки за следниот ден. Затоа се случува и да задремете. Но, за родителите, самото време што го поминуваат заедно и разговорите што не се однесуваат на децата се ретка можност. Откако еден пар ќе ги однесе децата во кревет, тој има најмалку еден или два часа непрекинато време кое може да си го посветат еден на друг. За жал, сите имаме тенденција да го трошиме тоа време на гледање телевизија или „скролање“ на телефоните. Но, тоа му нанесува голема штета на бракот. На сите ни треба време за да се одмориме од дневните обврски. Но, времето пред спиење е клучно за партнерите. Поради нашите зафатени животи, ова е честопати единствената можност кога паровите може да се поврзат меѓусебно. Таа можност е од суштинско значење за здравјето на врската – на сите ни треба време кога ќе се почувствуваме како пар, а на родителите особено. Затоа е важно ова време да се искористи максимално. Еве што прават најсреќните парови кога ќе дојде времето за спиење. Во продолжение прочитајте неколку нешта што треба да ги имате предвид. 1. Тие намерно одвојуваат време за да се поврзат меѓусебно Наместо само да легнат во креветот и да го вклучат телевизорот, најсреќните парови одвојуваат 10 минути пред одење во кревет за да поразговараат и да ги споделат своите доживувања од денот што изминал. Важно е парот да најде простор да го стори тоа без присуство на децата. Резултат: постојан разговор што гарантира дека и двајцата партнери се на истата „фреквенција“ и кој помага да се спречат недоразбирањата. 2. Парот остварува физички контакт Да, може да биде секс. Но, тоа не мора секогаш да биде секс. Може да практикувате повеќе од една форма на интимност. На паровите понекогаш им треба и само лежење еден покрај друг. Времето пред спиење е време за поврзување, затоа, релаксирајте се со масажа, почешајте си ги грбовите, пошегувајте се. Да се зборува за изминатиот ден е прекрасно, но тоа не е време и за решавање на проблеми, затоа не споделувајте детали од работниот ден. 3. Партнерите си легнуваат во исто време (кога е тоа можно) Голем број парови имаат различно време за легнување, при што едниот или другиот останува до подоцна да гледа телевизија, да заврши нешто или да сработи неколку задачи од минатиот работен ден. Како и да е, поминувањето засебни ноќни часови доведува до поголемо оддалечување и чувството дека секој од партнерите живее засебен живот. Среќните парови водат сметка за тоа заедно да одат во кревет колку што е можно почесто. Паровите треба да се обидат да си легнуваат заедно најмалку трипати неделно. И тоа не значи дека треба да се довлечкаат до креветот по преспивањето на каучот во дневната соба, туку, всушност, заедно да заспијат. 4. Среќните парови не „висат“ на своите телефони Телефоните, социјалните медиуми, игрите и апликациите што тие ги содржат во основа се „допамински слот-машини“, дизајнирани да нè мотивираат да кликаме „лајкови“, да коментираме, постојано да ја проверуваме нашата е-пошта и да објавуваме различни нешта. Но, има една главна работа од која тие нè оддалечуваат? Од нашите сакани. Од вистинските меѓучовечки односи. Упадот на технологијата е најочигледен во спалната соба. Во совршениот свет, телефоните и уредите никогаш не би го преминале прагот на спалната соба, но тогаш не би ни постоеле. Наместо тоа, обидете се да имате пореален пристап и воведете правило „без користење телефони по девет часот“ за да се дистанцирате од нивната употреба. 5. Паровите кои се среќни поставуваат граници со децата Преголемото внимание кон децата е „стапица“ во која може лесно да паднете. Не ги ставајте децата пред вашата врска со партнерот затоа што без силен брак и љубов, децата нема да бидат одгледани правилно. Со други зборови, така си правите лоша услуга. Секако дека постојат моменти кога децата треба да бидат во вашата спална соба (кога имаат кошмари, кога се болни, или кога има грмотевици), но, експертите се согласуваат дека спалната соба треба да се третира како „свето место“ на паровите. Поминете ги вечерите со своите деца, а потоа испратете ги во нивните кревети. Нека вашата поврзаност биде пример на кој ќе се огледуваат и вашите деца кога ќе пораснат. извор:кафепзауа.мк

20 фантастични совети од познат психијатар што ќе ве направат посреќни

Христина Ѓоргиевска — Thu, 09 Jan 2020 13:45:55 +0000

Микаил Литвак е познат доктор, психотерапевт и меѓународно реномиран психијатар. Според него, таму каде што има повеќе од една личност, секогаш ќе има конфликт. Луѓето секој ден даваат или слушаат аргументи и колку повеќе социјални улоги имаат, толку повеќе имаат и материјал за расправа. Најчесто, ваквите расправи не се конструктивни и се претвораат во вистински борби што предизвикуваат сериозна психолошка штета. Но, дали ви е тоа потребно? Прочитајте ги неговите совети што ќе ви помогнат да ги избегнувате непотребните конфликти и чувството на фрустрација и незадоволство. 1. Никој не отфрла никого, но некои луѓе одат напред, а други заостануваат. Оној што заостанува мисли дека е отфрлен. 2. Ако мислите дека сте добра личност, зошто чувствувате потреба и другите да мислат така за вас? 3. Правете го тоа што го сакате и не барајте дозвола бидејќи нема да ја добиете. 4. Показатели на духовната зрелост се способноста да сакате и способноста да се справите со осаменоста. Најдобрите работи ги правите кога сте сами. 5. Незрелата личност често има знаење, но не знае како да го примени. Зрелата личност има знаење и знае како да го примени. Поради тоа, незрелата личност ги критикува другите, а зрелата личност дејствува. 6. Не знам кој е патот до успехот. Но, знам кој е патот до неуспехот, а тоа е желбата да им угодите на сите. 7. Не постои машка или женска логика. Постои само способност или неспособност за правилно размислување. 8. Сакате да дознаете кој е вашиот најголем непријател? Погледнете во огледалото. Победете го него, па потоа останатите ќе ви се покоруваат. 9. Постигнете успех, навредите ќе поминат. 10. Убаво е да разговарате со пријателите. Корисно е да разговарате со непријателите. 11. Постои само една оправдана причина зошто да ја напуштите работата или да ја прекинете врската со некого, а тоа е неможноста да постигнете личен развој во тие околности. 12. Со пријателите и со непријателите треба да ја споделувате само радоста. Вашите пријатели ќе бидат среќни, а вашите непријатели вознемирени. 13. Не трчајте по среќата и среќата е тоа што ќе го пронајдете. Среќата се наоѓа во вас, а патот до неа е максимален развој на сите ваши способности. 14. Среќата е производ на убаво организиран живот. 15. Ако сакате да докажете нешто некому, вие постоите само за таа личност. Ако постоите за себе, тогаш не треба да докажувате ништо на никого. 16. Имагинацијата е гласот на сите ваши способности. Јас не сонувам да пеам во опера бидејќи немам глас за тоа. Но, ако сонував за тоа, тогаш би ги зајакнал моите способности и би направил сè што е потребно за да станам оперски пејач. Вие треба да размислите како да ги направите вашите соништа реалност. Не брзајте, а потоа соновите брзо ќе се реализираат. Добро е кога човекот ќе рече: „Јас сакам само да ги остварам моите соништа“. 17. Подобро е да комуницирате со добра книга отколку со празен човек. 18. Кога човек нема што да каже добро за себе, а сака да каже нешто, тој ќе почне да зборува лошо за другите луѓе. 19. Ако сакате да стиснете нешто во вашите раце, тоа нека биде знаење, а не вратот на најблиските. 20. Депресијата му се дава на човекот за да може да размислува за себе. извор: кафепауза

Зошто на привлечните луѓе им е тешко да бидат среќни во врска?

Христина Ѓоргиевска — Tue, 19 Nov 2019 12:55:59 +0000

И покрај тоа што многумина веруваат дека убавите луѓе минуваат полесно во животот, изгледа дека на љубовно поле не е баш така. Истражување спроведено на Харвард покажува дека луѓето кои се сметаат за натпросечно убави потешко остваруваат успешни и долготрајни врски. Во резултатите од истражувањето се објаснува дека убавите луѓе полесно влегуваат во врска бидејќи не им е тешко да најдат партнер, но и дека ретко текот остануваат во врска бидејќи имаат „закани од полот“. Поточно, атрактивните луѓе едноставно имаат повеќе избор па им е тешко да се смират само со една личност. Во текот на истражувањето научниците заклучиле дека истиот случај важи и за славните личности и со обичните луѓе. Оние кои се сметани за помалку атрактивни биле во долгогодишни врски или брак, а оние поубавите биле склони на авантури или биле самци. извор: Кајгана

Среќните парови почесто се расправаат

Христина Ѓоргиевска — Fri, 20 Sep 2019 13:30:51 +0000

Караниците изгледа се од клучно значење за среќен брак, барем така покажува новото истражување спроведено на Универзитетот Тенеси. Резултатите покажале дека паровите кои врската ја опишуваат како среќна многу почесто се расправаат, но исто така гледаат да избегнат несогласувања околу важни теми. Научниците сметаат дека ова е уште еден доказ во прилог на тезата дека паровите кои се караат остануваат заедно. Во истражувањето учествувале 121 пар, на возраст меѓу 30 и 70 години, со брачен стаж меѓу 9 и 42 години. Претходните истражувања покажаа дека луѓето кои се расправаат со партнерот имаат десет пати повеќе шанси за добар, среќен брак од оние кои проблемите ги кријат под тепих. Научниците советуваат дека караниците се добри, но треба да бирате околу што се карате. извор кајгана