среќна вест – Вистина.мк

Нуневци добија бебе: Се породи пејачката Мими, на свет дојде Никола (фото)

Слободанка Илиева — Wed, 10 May 2023 08:28:32 +0000

Брачната музичка двојка, Мими и Филип Нуневски станаа родители за првпат. Вчера во една приватна болница во Скопје, пејачката Мими на свет донесе живо и здраво машко бебе кое го доби името Никола. Среќните вести ги објави гордиот татко кој веднаш се пофали со првите фотографии како го држи наследникот во рацете. Пред породувањето за нивната специјална фотосесија Мими напиша: -Ние сме поблизу од било кога до магијата од претворањето на љубовите пеперутки во човечко суштество, пишуваше таа во описот на фотографите. Сега магијата е тука, во нивните прегратки и е посилна од било кога. За потсетување, младата македонска пејачка Мими Јовановска Нуневска, публиката ја запозна по нејзиното учество во претходната сезона од регионалното музичко шоу „Ѕвездите на Гранд“, Откако во 2021 година таа се сврши со познатиот музичар Филип Нуне и на раката го стави вереничкиот прстен, следеше и свадбената веселба минатото лето, а сега нивната заедница стана поголема за уште еден член. Честитки! фото:Инстаграм принтскрин/Филип и Мини Нуне

Јелена Бачиќ Алимпиќ стана баба: Писателката и поранешната водителка објави убава вест (фото)

Слаѓана Атанасова — Mon, 23 Jan 2023 09:22:35 +0000

Писателката и поранешна водителка Јелена Бачиќ Алимпиќ на социјалните мрежи објави дека станала баба и добила внука. Имено, нејзиниот син Марко доби ќерка со својата избраничка Антонина, а среќната баба со тоа се пофали на социјалните мрежи. "Станав баба! Ти благодарам Антонина за неописливата среќа! Те сакам најмногу на светот! Добре дојдовте ангелу на баба! Неопислива среќа", напишала Бачиќ Алимпиќ на социјалните мрежи, не криејќи ја радоста за новиот додаток на семејството. Да потсетиме, синот на Јелена Бачиќ Алимпиќ ја запроси својата долгогодишна девојка на Велигден 2021 година, а врската беше официјализирана со брак во септември истата година. - Марко работи како менаџер во американска компанија и многу добро се снаоѓа. Со нетрпение ја очекувам секоја можност да поминуваме време заедно. Моите деца никогаш не сакаа да се појавуваат во медиумите. Навистина, тоа помалку и пречи на Дуња, но Марко едноставно не го сака, а јас го почитувам тоа - изјави еднаш Јелена за медиумите. Писателката често јавно посочува колку е задоволна од изборот на нејзиниот син. - Признавам, на почетокот бев недоверлива, затоа што побогу тој е „син единец, мајка на сите...“ Потоа Антонина влезе во неговиот, наш, живот, и иако на почетокот ми беше тешко да прифатам дека некој би го сакал исто како мене, дека некоја друга жена ќе биде до него кога не сум, со текот на времето сфатив колку сум благословена со мојата идна снаа - рекла Јелена во една прилика на Инстаграм кога објавила заедничка фотографија со снаа. Фото: Принтскрин/Инстагарм/ Јелена Бачиќ

„Не сакам да бидам инкубатор!“ Луна Ѓогани проговори за бременоста, а пред тестот знаела дека е бремена (фото)

Слаѓана Атанасова — Tue, 01 Nov 2022 13:29:19 +0000

Луна Ѓогани со среќната вест го израдува целото семејство, но и нејзините верни фанови. Откако таа ја сподели веста за втората бременост со своите следбеници на социјалните мрежи, честитките секојдневно пристигаат. Своите впечатоци и како се чувствува таа ги сподели со гледачите на емисијата „Премиера“ - Се чувствувам одлично, сите ми велат дека сум посмирена и некако поубава во бременоста. Имам чудна и убава енергија. Така ја објавив и веста дека сум бремена, ја почувствував во себе – изјавила Луна. Пред да дознае дека е бремена, била на пат за Америка, додека нејзината ќерка Миа ја чувале баба ѝ Анабела и сестрата на Луна, Нина.

View this post on Instagram

A post shared by Luna Djo Miljkovic (@luna_djogani)

- Нина беше најсреќна, плачеше. Додуша и првиот пат така реагираше, па еве ја и сега. И тато и мама се среќни, сите се среќни за мене. Со нетрпение чекаат да добијат уште едно внуче – рекла Луна.

View this post on Instagram

A post shared by Luna Djo Miljkovic (@luna_djogani)

Како што вели, сите мислат дека второто дете ќе биде машко, а таа додава дека единствено и е важно детето да е живо и здраво и дека не се грижи кој пол ќе биде. - Она што би сакала е малку да личи на мене, а не да бидам само инкубатор - рекла Луна. Фото: Принтскрин/Инстаграм