среќен брак – Вистина.мк

За среќен брак потребни се две поголеми караници месечно

Христина Ѓоргиевска — Wed, 16 Feb 2022 14:30:33 +0000

Најново истражување, спроведено во Велика Британија, покажа кои се тајните на совршениот брак. Иако многумина мислат дека најсреќните парови никогаш не се караат, токму расправиите придонесуваат за стабилен однос. Во истражувањето учествувале над 2.000 среќни брачни парови, а според резултатите, рецептот за совршен брак се крие во секојдневните разговори, времето минато заедно и најмалку две големи расправии секој месец. Сепак, напомнуваат дека не треба да си легнете скарани. Многу парови за студијата на The Warner Leisure Hotels признале дека за хармонија во бракот придонесуваат и меѓусебното жалење за работата и споделување други проблеми, искажување почитување, како и заедничко „глупирање“. Посреќни се паровите во кои партнерите во брак продолжуваат да се занимаваат со хобито кое им било омилена активност уште пред да стапат во брак, но и оние кои им дозволуваат на партнерот да се „прикажат“ во најлошо издание. За стабилен однос придонесуваат и заедничките патувања на одмор, без разлика дали се долги или кратки. „Воопшто не е чудно што за многумина заедничките одмори се една од состојките за среќен брак. Многу парови тврдат дека секогаш е чувствуваат повеќе поврзано откако ќе минат заеднички викенд без секојдневни обврски“, вели Сајмон Томсон, автор на студијата. Скоро 70% од испитаниците тврдат дека заеднички минатото време може да ги потсети зошто се сакаат, а исто толкава важност придаваат и на тоа дека партнерот е романтичен. За да биде односот возбудлив, потребна е и доза хумор, разбирање и приврзаност. Важно е на партнерот да му ги простите лошите навики и никогаш да не го игнорирате кога му е досадно или е нерасположен, покажа студијата. извор: Кајгана

Огњен Амиџиќ откри дека жена му ги држи сите конци во свои раце: Рецепт за среќен брак или среќен… „папучар“?

Антонио Димитриевски — Wed, 09 Dec 2020 12:33:26 +0000

Популарниот српски ТВ водител Огњен Амиџиќ е горд на љубовта што ја негува кон неговата сопруга Данијела Димитровска која има македонско потекло, но сепак открива дека убавата манекенка е таа што му дава стабилност на бракот и ги држи сите конци во нејзините раце. „Мислам дека жената отсекогаш била столб на семејството. Не без маж, но сепак таа е некој што ги чува работите да останат заедно и е столб на стабилноста. Едноставно мислам дека на жените тоа им е во гените. Секако, и помагам, но нејзиниот став, сила и посветеност сепак ставаат сè на прво место, а јас сум тука за тоа да го поддржам, одржам и да и помогнам во сето тоа“ - посочува Огњен, откривајќи што е според него рецепт за среќен брак. „Кога ќе ја пронајдете вистинската личност, тоа е рецепт само по себе, затоа и нема кризи во нашиот брак. Сепак, сè што се случува во животот не може секогаш да оди во вистинска насока, има подеми и падови, но ако вистинската личност е до вас, тогаш според приоритетот и разбирањето за сè, работите сами се решаваат. Ако станува збор за личност со која можете да функционирате, со која сте направиле сè и кон која чувствувате нешто, тоа е автоматски приоритет, а сè друго доаѓа на свое“. Огњен исто така се сети како се запознале тој и неговата сегашна сопруга. „Данијела и јас се запознавме во емисја и таа ми остави фантастичен впечаток. Јас не сум класичен романтичар во однос на цвеќе и појадокот во кревет, но тоа го покажувам на мој начин. Секако, сакам да ја изненадам со подарок, иако Даниела реагира многу повеќе на оние работи што не се материјални“ - изјавил водителот за Супер ТВ.

Ова цвеќе симболизира среќен брак – ако сте љубители на цвеќе мора да го имате

Слободанка Илиева — Thu, 14 May 2020 13:00:41 +0000

Според легендата, младите брачни парови треба да го засадат овој цвет во својот двор за да ги следи среќа. Опојниот сладок мирис и големите раскошните ливчиња во слоеви го прават божурот еден од најомилените цветови. Без разлика дали е свежо набран или само мотив на садовите или на постелнината, божурот дава допир на софистицираност во секој ентериер. Божурот цвета во мај и во јуни, а во вазна може да трае околу 5 дена. Колку почесто цветовите имаат свежа вода, толку подолго ќе траат. Купете ги цветовите додека сè уште се во пупки, но кога веќе имаат боја. Кога ќе ги ставите во вазна, дајте им средство што го продолжува животниот век на цвеќето, ставете ги во млака вода и потоа, по еден или два часа, преместете ги на поладно место. 5 факти за божурот: 1. Божурите се карактеризираат со женственост и нежност во секоја боја, а постојат розови, бели, жолти и во боја на вино. Во една пригода, Марко Поло ги опишал како рози со структура слична на зелка, што е прилично точен опис бидејќи ливчињата се отвораат на многу интересен начин. 2. Овој фотогеничен цвет потекнува од Азија и е донесен во европските и во американските градини заедно со хризантемата, со магнолијата и со други цвеќиња. 3. Кинезите ги опишуваат божурот како симбол на мирот, на стабилноста и на здравјето и се верува дека носи среќа. Сликите со божур често се подаруваат и се користат во ентериерите како талисман за успех и среќа. 4. Друго кинеско верување го опишува божурот како цвет што позитивно влијае на хармоничниот брачен живот. Белиот божур се сметаат за симбол на мислите на девојчињата, но и на нивната убавина. 5. Покрај својот раскошен изглед, божурот има и лековити својства. Се смета дека има позитивен ефект врз нервниот систем, ја подобрува меморијата, го намалува холестеролот и има позитивен ефект врз работата на црниот дроб. извор:кафепауза.мк

Ново истражување откри во што се крие тајната за среќен брак

Христина Ѓоргиевска — Fri, 29 Nov 2019 14:15:41 +0000

Ново истражување покажува дека тајната на среќниот брак е многу едноставна. Испитаниците кои почесто отсуствуваат од домот одговориле дека се посреќни со нивните врски од оние кои не мора често да патуваат. Докажано е дека одвоеноста им помага на луѓето да сфатат колку всушност ги сакаат своите партнери и колку им недостигаат кога не се заедно. Во анкетата учествувале 2.000 луѓе, а резултатите покажале дека четворица од десет луѓе кои редовно патуваат се екстремно среќни во врската. Истото чувство на среќа во врската го имаат само тројца од десет испитаници кои не патуваат редовно поради работни обврски или други околности. Заклучокот е дека пет дена е оптималниот број денови за задоволство, па ако раздвоеноста трае подолго или пократко тоа задоволство опаѓа. Значи, тајната на среќен брак е во тоа паровите да минуваат разделени 5 дена во месецот. извор: кајгана

Дали среќниот брак гарантира добар сон?

Наташа Тасевска — Tue, 09 Oct 2018 14:24:51 +0000

Луѓето што се во релативно среќен брак со мал број компликации,во просек спијат подобро, заспиваат полесно и многу ретко се будат во текот на ноќта. Но, дали добриот брак носи добар сон или пак добриот сон е предуслов за добар брак? Луѓето кои се наоѓаат во среќен брак имаат многу помалку потешкотии со спиењето, спијат поквалитетно и многу поретко се будат во текот на ноќта од оние што се во несреќен брак. Бракот може да биде добар за Вашиот сон, но само во случај кога бракот е добар. Ако се наоѓате во несреќен брак, тоа може да биде ризичен фактор за нарушување на спиењето. Се поставува прашањето дали несреќниот брак води кон лош сон или пак неквалитетното спиење и нарушувањата на сонот водат кон несреќен брак? Ако спиете лошо, тогаш сигурно сте нервозни, крајно раздразливи, имате потешкотии да се сконцентрирате, продуктивноста Ви е на ниско ниво, а исто така и толеранцијата – сето ова може да влијае на квалитетот на Вашиот брак. Од друга страна, и лошиот брак може да влијае врз квалитетот на спиењето, затоа што се наоѓате во ситуација во која се обидувате да се одморите и да заспиете крај некој со кој се расправате по цели денови, што е блиску до невозможно, бидејќи проблемите остануваат на статус кво. Психолозите нудат можен излез од овој круг со советување за партнерите во брачно советувалиште или во најмала рака ставање мораториум на караниците во спалната соба, создавајќи оаза за одмор, со чија помош ќе може да се надмине проблемот.

Откријте ја тајната на среќниот брак

Наташа Тасевска — Fri, 10 Aug 2018 13:04:04 +0000

Нашата редакција ви дава неколку совети како да го направите подобар односот со партнерот, а со самото тоа и да ја зголемите среќата во семејството:

Бидете искрени кон својот партнер Не зборувајте работи, кои мислите дека партнерот сака да ги слушне. Тоа е само начин проблемите да се закопаат уште подлабоко, наместо да се отстранат.
Не се плашете од својата ранливост Не го идеализирајте односот и не се трудете секогаш да бидете силни. Ако постојат проблеми тоа нема да ги реши.
Решете ги проблемите пред да биде доцна Во секое семејство постојат проблеми, важно е на време да ги препознаете и да ги решите.
Покажете благодарност Бидете благодарни за малите нешта. Нека тоа ви стане семејна традиција. Среќни не се оние кои имаат многу, туку оние на кои малку им е потребно за да бидат радосни.
Антистрес терапија Без оглед на тоа дали станува збор за вашиот омилен спорт, читање добра книга или само одмор во мир и тишина, секогаш потрудете се да пронајдете време за решавање на стресот насобран на работното место.
Не трошете време на непотребни работи Некои работи едноставно мора да ги пуштите да одат по својот тек, наместо на нив да трошите скапоцено време и енергија.
Одвоете се од вашиот мобилен телефон Времето посветено на партнерот и семејството нека биде време без мобилни телефони, мејлови и повици.
Финансиска соработка Договорете со партнерот колкав дел од приходот двајцата ќе одвојувате за трошоците за живот, но оставете си и пари на страна за да си дозволите себе си мали женски задоволства.
Не го заборавајте датумот на вашата годишнина Дури и по 50 години брак важно е да не заборавате датуми. Мал знак на внимание, бакнеж и прегратка ќе го направи денот посебен и без никакви подароци.
Најдете заеднички активности Некои работи правете ги заедно, без разлика дали станува збор за гледање ТВ, одење во теретана, прошетка во природа или купување намирници.

Дознајте ја тајната на среќниот брак

Наташа Тасевска — Fri, 13 Jul 2018 14:03:21 +0000

Долготрајниот брак не значи секогаш дека е среќен, а не ретко многу парови остануваат заедно само поради парите, верските убедувања или децата. Но, за среќен брак потребно е сепак нешто малку повеќе – цврста, стабилна и задоволителна врска меѓу двајца. Нештата кои овозможуваат бракот да потрае, тесно се поврзани со комуникацијата, поддршката и менталното здравје, а токму тоа го тврди Артур Арон, професор по психологија на универзитет во Њујорк. Но, ни постоењето на сите три елементи не гарантира успешен брак, доколку тој не е значаен и важен за двајцата партнери, и не им ја обезбедува потребната поддршка. Според тоа, најдобрите бракови се токму тое кои му носат задоволство на секој партнер. На пример со векови на бракот се гледало како на економска и општествена институција, додека интелектуалните потреби на поединците биле занемарени. Но, денес луѓето се во потрага по партнери и љубовници со кои ќе можат да остварат долготраен и квалитетен однос во кој ќе бидат покриени сите потреби. Докторите Арон и Гари В. Левандовски по спроведеното истражување откриле дека лицата кои имаат прилика да научат нови вештини и знаења за време на трањето на среќна врска, на тој начин се развиваат како поединци. Досегашните истражувања покажале дека развивањето за време на врската овозможува и поголемо задоволство и блискост на партнерите. Доктор Левандовски тврди дека секој поединец може со едноставни прашања да испита колку навистина се развива покрај својот партнер и на тој начин да добие јасна слика за бракот. Некои од важните прашања се: „Колку врската со партнерот ве натера на учење и осознавање на нови нешта? Колку запознавањето на партнерот ве направи подобра личност? Имено поединци кои имаат прилика да учат од партнерот, се мотивираат за саморазвивање и дознававаат нови вештини, ги поставуваат своите партнери на многу важна, речиси незаменлива позиција.

Со тоа е објаснето позитивното дејство на патувањата со партнерот, кога и двајцата имаат можност да доживеат нови искуства кои се одлична прилика за саморазвивање. Но, поединци можат да учат и стекнуваат нови искуства со помош на своите партнери и преку запознавањето пријатели, водење интересни разговори, прераскажување доживувања или одење во нов ресторан. Почетната среќа во бракот по некое време лесно спласнува и исчезнува. Според зборовите на научниците, често се случува една личност едноставно да го прерасне бракот и партнерот повеќе да не и одговара на емотивно, ментално и сексуално ниво. Поради тоа, според зборовите на научниците, потрудете се да растете, да се развивате и учите нови нешта во склад со својот партнер и така обезбедете си долг и среќен брак.