среќа – Вистина.мк

Познатите Македонски добија осмомартовски честитки кои се чуваат, траат и вредат за цел живот (фото)

Слободанка Илиева — Fri, 08 Mar 2024 08:28:37 +0000

Денес, 8-ми Март, Меѓународен ден на жената се слави насекаде низ светот! Ден кога се одбележува борбата на жените за економска, политичка и социјална рамноправност со мажите, ден кога жените добиваат безброј честитки, цвеќе, разни подароци... Секоја година главниот симбол на месец Март е жената и се’ околу неа. Во време на супериорна технологија и социјални мрежи, голем број жени, мајки, сопруги, сакаат да се пофалат и покажат како се уважени за нивниот ден, но најголем број од ваквите пофалби со подароци се сведуваат на честитките од најдрагите, најмалите. Особено драги се честитките, односно ракотворбите изработени од малите вредни рачиња на дечињата кои штотуку почнале да пишуваат или ги направиле осмомартовските честитки со помош на учителките. Со очи полни љубов и солзи, трепет на срце, вакви честитки добија познатите Македонки кои на својот Инстаграм ги објавија јавно. Меѓу нив беше Сара Мејс која се израдува на честитката од Илина која за мама ги направи најубавите цветчиња и ги избра најубавите зборови. Утрото со иста радост го почна и Тамара Тодевска стопена од букетот цвеќе и честитката на својата Хана. Истото од ќерка си ја дочека и ТВ презентерката Бубе Илиевска која од Нела на подарок доби љубов искажана на хартија и благодарност што е центар на нејзиниот свет. Овие честитки немаат цена, тие траат засекогаш, а сигурно многу од мајките ги чуваат за цел живот како потсетник дека жената има моќ да биде центарот на светот! фото:Instagram printscreen

Тамара Тодевска има терорија за мајчинството: Поучена од искуство точно знае како стојат нештата (фото)

Слободанка Илиева — Fri, 02 Feb 2024 07:48:26 +0000

Најважната улога која пејачката Тамара Тодевска ја има во својот живот е мајчинството. Како мајка на две деца со нивното растење станува се поискусна за се’ она што ќе и го донесе најтешката, но и најубавата животна улога за една жена. За мајката нејзините чеда се се’ на светот, таа е онаа што би требало да ги познава најдобро, да им помогне да застанат на нозе додека растат, да воспитува и да ги изведува на вистинскиот пат, бидејќи токму таа заедно со таткото се моделот по кој тие се градат. А тоа, и повеќе од јасно е дека не е нималку лесно. Секоја реализирана мајка често ги преиспитува своите постапки и се прашува дали го прави вистинското во дадени ситуации. Тамара како мајка на две дечиња веќе добро ја научила и сфатила лекцијата за коа каде се крие клучот за доброто родителство. Таа пребарувајќи на интернет се пронајде во една стара теорија која сметаше дека вреди да ја сподели и за другите да видат или согледаат, а истата секако се учи во теoрија, но најмногу во пракса. -И после неколку векови усовршување, теорија и наука за родителството и понатаму важи старото правило... Добра мама е мама на која и е добро... Тамара констатираше дека е уверена во ова и во пракса, а дека е растена и одгледана и самата така, покажа со тоа што ја означи и нејзината мама Брана. Јасно како ден е дека деца не се растат и воспитуваат лесно, а како додаток на ова теорија сигурно треба да стои и трпението кое се надополнува како неизоставен дел од она што би требало да го воспостави балансот. Се’ на се’, во случајов за Хана и Дарен мама Тамара е најдобрата и најубавата мајка, а за за неа тие се најубавите деца на мама. Исполнето и забавно, се разбира со по некое незадоволство за кое вака или така ќе се најде компромис, а кога децата се среќни и задоволни, мама е уште посреќна и така се во круг! фото:Instagram printscreen/ tamaratodevska

Бадниково гранче во домот за здравје и среќа

Антонио Димитриевски — Fri, 05 Jan 2024 11:00:02 +0000

Домот за Бадник традиционално се украсува со бадниково гранче, кое го симболизира здравјето, го слави животот и вечната среќа. Бадниковото гранче е од дабово дрво, кое се смета за најиздржливо и за највековито. За разлика од другите листопадни дрвја на почетокот на есента листовите од дабот ја менуваат боја, но се задржуваат на гранките и во текот на зимата. Бидејќи дабот симболизира долговечност, здравје и издржливост народните преданија велат дека со внесување на дабовите гранчиња во домот неговите особини ќе се пренесат на сите луѓе што живеат во тој дом. Според преданијата, праведниот Јосиф токму со ова дрво запалил оган за да ги стопли Исус и неговата мајка Марија. Дабовото дрво за свето дрво го сметале и старите македонски племиња. Овие дрвја обично се меѓу највековитите, поради што нивното стебло добива на масивност. Честопати стеблата се расцепуваат, формирајќи еден вид мали „простории“, кои луѓето во минатото ги користеле како места за преспивање и заштита од дивите животни. Отворените стебла често наликуваат и на пештери.

Цеца ја сублимираше годината што изминува, а откри и што посакува во Новата: „Желбата ми е Анастасија и Немања да добијат бебе“ (фото)

Слободанка Илиева — Mon, 18 Dec 2023 08:10:02 +0000

Фолк ѕвездата Цеца Ражнатовиќ синоќа ги сумираше впечатоците од годината што изминува и отворено призна што посакува во следната која е пред нас. Имено, Цеца не крие дека најмногу ја болел моментот кога нејзината ќерка Анастасија го изгубила бебето, но подвлече и дека во годината која е при крај во семејството и кариерата имало многу моменти кои никогаш нема да ги заборави. - Беше шарена. Имав многу успешни концерти, многу радост, среќа, а имав и дел каде што доживеав огромна тага и болка кога станува збор за Анастасија. Па, повторно добра вест, Богдана и Вељко го чекаат своето трето бебе, машко. Таа беше осцилирачка, шарена. Не можам да кажам дека беше грда, не можам ни да кажам дека беше светла, но пак велам животот продолжува, гледаш нешто позитивно, убаво. Важно ми е да е добро – призна Цеца, а потоа наброја што посакува во следната година:

View this post on Instagram

A post shared by C E C A (@cecaraznatovic)

- Моите желби се Анастасија и Немања да добијат бебе, да го завршам албумот, да го направам Ушќе... Желба ми е да вклопам десетдневен одмор во мојот живот, но очигледно ќе завршам во бања за рехабилитација, со пензионери.! (смеа) Па, убаво е во бањите... Знаете ли какви бањи имаме?! Па, пеев, и се повеќе се насочувам кон бањата! (смеа) - изјави пејачката за Телеграф.рс фото:Instagram printscreen/ cecaraznatovic

Додека тој е далеку од дома, Бог го даруваше со највредното: Јордан Митев стана татко (фото)

Слободанка Илиева — Thu, 19 Oct 2023 06:56:49 +0000

По шест години брак, за пејачот Јордан Митев и неговата сопруга Славица дојдоа најубавите денови за кои чезнееја - станаа родители за првпат. Јордан на својот Фејсбук профил објави дека станал татко на женско, а убавата вест ја добил додека е на голема турнеја низ Австралија. -20 години патувам низ светот и на многу турнеи Господ ме дарува со благодети, но на оваа турнеја Господ ми го даде најголемиот дар, ми се роди ќерка. Добредојде ќерко!, напиа тој, а честитките се редеа до недоглед. Сите следни настапи за Митев ќе бидат посебни, бидејќи срце се радува и трепери за она што го чека дома. Неговата „Денес ми е добро на душичката“ веруваме дека ќе биде задолжителна на репертоар за здравица. За потсетување, Јордан и Славица која е родена во Австралија се венчаа по врска која траеше нешто повеќе од една година, а големата свадба се случи во Македонија со сите обичаи кои ги носи нашата традиција. Честити, да е здрава и жива! фото:Фејсбук/Јордан Митев

Неговите родители беа против нивата љубовна врска: Финалистот од „Ѕвездите на Гранд“ доби ќерка со саканата Николина (видео)

Слободанка Илиева — Fri, 13 Oct 2023 11:24:44 +0000

Финалистот од мината сезона на „Ѕвезде Гранда“, Бојан Павловиќ завчера доби ќерка. Пејачот на својот Инстаграм профил објави слика со наследничката и откри дека тој и неговата партнерка Николина решиле својата ќерка да и го дадат името Мишел. - Добре дојде за нашата најголема среќа, Мишел, 10.11.2023, 14 часот, 4 кг и 51 см - напиша Бојан.

View this post on Instagram

A post shared by Bojan Pavlovic (@bojan_pavlovic_official)

Да потсетиме дека родителите на Павловиќ беа против неговата љубов кон девојкта. Тие двајца беа во врска пред многу години, но тогаш тоа не траеше. Во меѓувреме Николина се омажила и добила дете, но тој брак се распаднал и таа повторно се вратила во врска со Бојана. Сепак, неговото семејство беше за оваа љубов. фото:Инстаграм принтскрин

Пејачот на „Гранд“ на 42 години стана дедо и тоа по третпат (фото)

Слободанка Илиева — Fri, 25 Aug 2023 09:44:34 +0000

Еден од омилените учесници на третата сезона на „Ѕвездите на Гранд“, Слободан Батјаревиќ Цобе, на 42-годишна возраст по третпат стана дедо. За Гранд пејачот ја потврди радосната вест и откри дека неговиот син Небојша вчера добил втора наследничка на која родителите и го дале името Елиса. - Дедо по третпат, што да ти кажам... Добивме големо девојче, долго е 54 см и тежи 4,5 килограми. Нека ни е жива и здрава - вели Цобе за Гранд. - Прекрасно е чувството да се биде дедо, секогаш кога ќе добијам внука се радувам како никогаш досега. Би сакал да пречекам уште многу внуци, а како што гледам ќе има, само ако се прошири семејството. Кога бев помал, т.е. кога имав 20 години, сите велеа дека внуците се сакаат повеќе од децата, фала богу, од син ми дојдоа две внуки, Ана и Елиса, а од ќерка ми Слаѓана имам внук Диего, моето најубавото момче. И можам да ви кажам, внуците навистина се сакаат повеќе од децата. Па, убаво е чувството, исполнет сум во секоја смисла - вели пејачот. Самиот пејач се ожени млад, кога имаше 18 години. -Нема да бидам дедо, ќе бидам дедичко (се смее), тоа е послатко - вели тој, а пренесува Еспресо. фото:Принтскрин/Ало.рс

Не само љубов на прв поглед, туку Ервин Бах, вториот сопруг на Тина Тарнер и го продолжи животот (ВИДЕО)

Антонио Димитриевски — Fri, 26 May 2023 09:41:14 +0000

Љубовниот живот на Тина Тарнер бил полн со подеми и падови, а вистинската љубов ја нашла со Ервин Бах откако побегнала од својот прв соруг, насилникот, Ајк Тарнер, пренесува Н1инфо.рс. Ервин и Тина Тарнер имаа 38-годишна љубовна врска која траеше до нејзината смрт. Таа го опиша нејзиниот втор сопруг како ѝ помага да ја пронајде среќата и рече дека се поврзале од моментот кога го погледнала на аеродромот во Дизелдорф во Германија во 1985 година. Бах, 16 години помлад од Тина, никогаш не се плашел од нејзината слава, талент или успех и бил константно покрај неа. Тој дури и го донираше сопствениот бубрег во април 2017 година за да и го спаси животот. Кралицата на рокенролот му се заблагодари што ја научил како да „сака без да се откажува од тоа што е“, откако нејзиниот прв брак со Ајк Тарнер беше оптеретен од физичко и емоционално малтретирање. На Тина ѝ останаа два од четирите сина и нејзиниот сопруг Бах (67). Тарнер го запознала Бах, шеф на европската издавачка куќа ЕМИ, на аеродромот во Дизелдорф во 1985 година, кога беше испратен да ја поздрави. Двојката рече дека тоа е љубов на прв поглед. „Нејзиниот менаџер Роџер ме замоли да ја земам Тина“, се сеќава Бах во документарниот филм на ХБО од 2021 година, Тина. „Така Роџер ми рече „Тина, се возиш со Ервин“, а јас сакав да одам“. За Тина тоа беше љубов на прв поглед: „Беше навистина толку убав“. Моето срце забрзано чукаше, а рацете ми се тресеа“. Тина изјавила дека рацете и биле ладни и рекла дека тогаш сфатила дека тоа е она што го нарекуваат љубов на прв поглед. „О Боже мој, не сум подготвена за ова“, си рекла тогаш Тина. Двојката ја започна својата врска истата година и Тина продолжи да работи со ЕМИ за да ја дистрибуира нејзината музика во странство. „Заљубувањето во мојот сопруг, Ервин, беше уште една вежба за напуштање на мојата комфорна зона, отворена за неочекуваните подароци што ги нуди животот“, напиша таа во „Среќата станува ти: Водич за да го промениш својот живот на добро“. „Денот кога го сретнав Ервин за прв пат, на аеродромот во Германија, требаше да бидам премногу уморна од летот, премногу зафатена размислувајќи за мојата концертна турнеја“, додаде таа. „Но, го забележав и веднаш почувствував емотивна врска. Дури и тогаш, можев да го игнорирам она што го чувствувам – можев да ги слушам духовите гласови во мојата глава кои ми кажуваа дека не изгледав добро тој ден или дека не треба да размислувам за романса бидејќи никогаш не завршува добро“. Наместо тоа, го слушав моето срце“. Ја напуштив мојата комфорна зона и сакав да го запознаам Ервин. „Тој едноставен прв состанок доведе до долга, убава врска и мојот единствен вистински брак“, рече Тарнер тогаш. Поминаа 27 години пред Бах и Тарнер, тогаш 73 годишна, конечно да решат да се венчаат на граѓанска церемонија на брегот на езерото Цирих во Швајцарија во 2013 година. Неколку дена по венчавката, тие приредија раскошна забава исполнета со ѕвезди во нивниот екстравагантен швајцарски дом каде Опра Винфри и Дејвид Боуви беа меѓу 120-те гости. Во делови од нејзините мемоари „Мојата љубовна приказна“, откриени ексклузивно за Дејли Мејл, Тарнер рече: „Денот на мојата венчавка не можеше да биде посовршен или спектакуларен и никому не му пречеше што невестата имаше 73 години“. „Сама ја организирав целата работа, што вклучуваше увоз на повеќе од 100.000 рози за украсување на теренот на нашата куќа во Швајцарија. Додека пријателите се собираа, пиејќи шампањ на тој славен ден во јули 2013 година, воздухот беше исполнет со најубавиот мирис“. Бах откри дека ја замолил Тарнер да се омажи за него двапати претходно кога таа наполнила 50 години. „Се обидував да ѝ ја покажам на Тина мојата посветеност. „Мислам дека кога една жена ќе наполни 50 години, таа треба да има посветеност кон својот партнер“, рече тој за време на интервјуто за Opraһ’s Next Cһapter. Бев посветен и сакав да го покажам ова, па клекнав на колена“. Никогаш не сум го направил тоа во мојот живот, никогаш претходно не сум бил во брак. И го имав подготвен прстенот… Имав сè подготвено“, се сеќава Ервин. „Значи, таа не кажа ништо и те држеше 23 години?“, праша Винфри, а Бах одговори: „Но, тоа беше во ред, можев да читам меѓу редови“. Тарнер откри дека поминала години борејќи се со болести опасни по живот откако доживеала мозочен удар само три недели откако се омажила за Бах, а во 2016 година и бил дијагностициран рак на дебелото црево. Доживеала непријатни нуспојави од третманот и наместо тоа се свртела кон хомеопатски лекови, но тоа ја влошило нејзината состојба и завршила со целосно откажување на бубрезите. Последиците од моето незнаење завршија како прашање на живот и смрт“, напиша во мемоарите „Мојата љубовна приказна“ во 2018 година. . „Во овој ужасен момент на вина и самокриминација, научив нешто прекрасно за Ервин. Никогаш не ми замеруваше поради мојата грешка. Наместо тоа, тој беше лојален, љубезен и разбирлив и решен да ми помогне да го пребродам сето ова“. Тарнер рече: „Во тоа време, стапката на донатори на органи во Швајцарија беше една од најниските во Европа – што значеше дека со 75 години веројатно никогаш немаше да се најдам на врвот на листата на чекање“. „Почнав да размислувам за смртта. Ако моите бубрези одеа и беше време да умрам, би можела да го прифатам тоа. Беше добро. Кога е време, навистина е време. Не ми пречеше помислата на смртта, но се грижев како ќе поминам. Тогаш идејата за мојата смрт стана реалност за Ервин. Беше многу емотивен што не сакаше да ме изгуби, не сакаше да заминам“. Тој ѝ рекол дека не сака друга жена или друг живот и на крајот го донирал сопствениот бубрег во април 2017 година за да и го спаси животот и операцијата главно била успешна. „Среќна сум што можам да кажам дека благодарение на мојот сакан сопруг Ервин, кој ми подари еден од неговите бубрези, јас имам животен подарок, во добро здравје и живот со љубов секој ден. Исто така, благодарна сум што не само што преживеав, туку и напредував, за да можам да ви ја пренесам оваа книга која ги содржи скапоцените подароци што ми беа дадени – најголемите подароци што можам да ги понудам“, напиша таа подоцна во своите мемоари. „Најдобриот момент беше кога Ервин влезе во мојата соба во неговата инвалидска количка. Тој некако успеа да изгледа добро, дури и згодно, додека ме поздравуваше со енергично: „Здраво, драга!“ Бев толку емотивна – среќна, преплавена и олеснета што го пребродивме ова живи“, се сеќава Тина. Бах имал 30 години кога ја запознал Тарнер, кој имал 47 години, а парот со текот на годините добивал негативни коментари поради нивната разлика во години. „Неверојатно, со оглед на тоа колку долго бевме заедно, сè уште имаше луѓе кои сакаа да веруваат дека Ервин се оженил со мене поради моите пари и слава“, напишала Тарнер во своите мемоари „Моја љубовна приказна“. „Што друго би сакал помлад маж со постара жена? Ервин секогаш ги игнорираше гласините. Тарнер го окарактеризира Бах како човекот кој конечно и донесе среќа. Бах откри дека Тина цел живот имала кошмари поради злоставувањето кое го доживеала во бракот со Ајк Тарнер. Последниот албум Тина го снимила во 1999 година на 59 години, а последниот настап и бил во 2009 година, пишува Дејли Мејл. Погледнете го видеото (КЛИКНИ ТУКА): Фото: Јутјуб принтсрин

Елена Миленковска преку компаративна фотографија сподели како изгледа пресликана љубов: Некогаш таа и тој, сега нивните деца (ФОТО)

Антонио Димитриевски — Wed, 05 Apr 2023 07:43:38 +0000

Пејачката „Гранд“ брачна двојка Елена Миленковска - Гуте Mаринковиќ важат за еден од најскладните парови, чија брак е налик на совршенство, а семејната хармонија ја надополнува онаа музичката. Таква беше нивната љубов уште додека беа момче и девојка во врска и учесници во најпознатото регионално музичко талент шоу, кое ги спои и им ја предодреди не само професионалната, туку и животната судбина. Такви и останаа кога влегоа во брак, а нивната хармонична брачна врска уште повеќе се зацврсти откако како плод на нивната љубов најпрвин дојде синчето Максим, а лани, во месец септември 2022 година, „штркот во нивното семејно гнездо им ја донесе“ и нивната мала принцеза, Миона која ја заокружи убавата целина на нивната љубовна приказна. Гуте и Елена, особено пејачката постојано споделува како изгледа нејзиното мајчинско секојдневие, а со најновата објава ги растопи од убавина следбениците, но и себе си и својот сопруг, евоцирајќи спомени од два вида на различна, но неизмерна љубов. Преку компаративна фотографија Елена сподели како изгледа една пресликана љубов... Некогаш таа и тој, нејзиниот Гуте, а сега нивните деца Максим и Миона во истата фото поза... Еден покрај друг, еден до друг, еден спроти друг... Лице до лице, образ до образ, тело покрај тело... Некогаш нивните, додека Гуте и Елена се' уште беа момче и девојка, сега на нивните две деца, нивните две ангелчиња, пред фотообјективот кој го уловил моментот. Некогаш и сега... Пред 4 години и денес... „Елена и јас како момче и девојка во 2019-тата... Миона и Максим денес, во 2023-та. Колку љубов за само 4 години. А, животот е тек пред нас...“ - споделил Гуте во постот покрај фотографијата која симболизира една вистинска музичко - љубовна сага, која и Елена ја споделила на својот Инстаграм. Семејна приказна во која главната улога ја имаат љубовта и среќата. Некогаш и сега! Нека биде така довека! Фото: Инстаграм принтскрин/elenamilenkovskaa

Овие 3 хороскопски знаци во април ги очекува голема среќа

Слободанка Илиева — Sun, 26 Mar 2023 06:20:30 +0000

Откријте според хороскопот кого ќе го „огрее сонце“ во април, кои три знаци ќе имаат најмногу среќа на полето на љубовта, работата и финансиите! Според астрологијата и во однос на тоа како се „наредиле“ ѕвездите, некои хороскопски знаци имаат поголеми шанси за успех и среќа во одредени периоди. Така, во април среќата особено ќе ги фаворизира Биковите, Лавовите и Вагите. БИК Биковите ќе имаат огромна среќа со пари овој месец. Се отвораат бројни можности за да заработите дополнителни пари, со што ќе се чувствувате многу подобро, посмирено и посамоуверено. Кога станува збор за љубовниот живот, Биковите кои се во врска или брак може да очекуваат процут овој месец. Април е идеален за стабилизирање на врската или бракот, што значи дека зафатените луѓе можат да очекуваат хармоничен месец. Слободните бикови се на пресвртница. Дали треба да и дадете шанса на нова личност или да дозволите поранешна љубов да влезе во вашиот живот? ЛАВ Кога станува збор за работата и кариерата, Лавот го очекува многу среќа во април. Овој месец ќе биде идеален за започнување нови проекти, зголемување на платата, па дури и за наоѓање нова работа. Лавовите ќе бидат особено продуктивни и мотивирани да ги постигнат своите цели. Исто така, овој знак ќе има неверојатна среќа во љубовта. Оние кои се во врска или брак ги очекуваат исклучително романтични моменти со партнерот, грст подароци, излегувања… Слободните Лавови очекуваат во многу блиска иднина да запознаат некој кој ќе им го разубави животот. ВАГА И кај Вагите овој месец особено е нагласено полето на кариерата. Овој период ќе биде идеален за напредување во кариерата или за пронаоѓање нови деловни можности. Во април, припадниците на овој знак ќе бидат исклучително вешти во комуникацијата со другите, што ќе им помогне во преговорите и во остварувањето на нивните деловни цели. На емотивен план, Вагите може да очекуваат мали несогласувања во врската или бракот, но лесно ќе успеат да ги надминат. После тоа се е „мирно море“, среќа и стабилност со партнерот. Астролозите исто така забележуваат дека и сите други хороскопски знаци треба да останат оптимистични, бидејќи среќата може да им дојде во секое време! извор:popara.mk