срцев удар – Вистина.мк

Мини срцев удар – 5 симптоми кои најчесто се игнорираат

Слаѓана Атанасова — Wed, 28 Feb 2024 13:01:35 +0000

Кога многумина од нас помислуваат на срцев удар, може да помислиме на драматична болка во градите што јасно укажува дека нешто не е во ред. Важно е да се напомене дека Американското здружение за срце известува дека приближно 805.000 Американци доживуваат срцев удар секоја година, при што приближно 170.000 случаи (повеќе од 20 проценти) се јавуваат како „мини срцев удар“ или „тивок“ срцев удар, пишува магазинот City. Симптомите на мини срцев удар може да бидат многу посуптилни од алармантните срцеви удари кои бараат внимание и бараат итна интервенција. Медицински, мини срцевите удари се нарекуваат тивок миокарден инфаркт или тивка исхемија. Кардиологот д-р Лаксами Мехта вели дека „мини или тивок срцев удар може да се случи со минимални, непрепознатливи симптоми или може да биде без симптоми“. Без оглед на нивниот помалку забележлив карактер, овие тивки епизоди не се помалку сериозни од нивните посимптоматски колеги. Кога ќе се појават, симптомите може да варираат и да ги вклучуваат традиционалните знаци на проблеми со срцето, како што се непријатност во градите, отежнато дишење, гадење, вртоглавица и болка во вилицата. Препознавањето дури и на најблагите знаци на мини срцев удар е од суштинско значење, бидејќи раната дијагноза и третман се клучни за намалување на сериозните здравствени последици што може да следат по срцев удар. Киселини Рутинската појава на киселини понекогаш може да биде симптом, вели д-р Мехта. Д-р Мајк Севиља, доктор на науки, вели дека неговото клиничко искуство се согласува со ова предупредување, истакнувајќи дека неговите пациенти кои побарале лекови за смирување на киселините имале мини-срцеви удари. Меѓутоа, кога овие лекови не ја ублажуваат непријатноста, тоа е знак дека проблемот можеби не лежи во стомакот, туку е прашање на срцето. Чувство како да сте истегнале мускул Болката во вратот, градите или горниот дел од грбот може да ја чувствувате како да сте „истегнале“ мускул и тоа не е загрижувачки. Сепак, д-р Мехта и д-р Севиља предупредуваат да не се брза во отфрлањето на таквата непријатност како случајност. Овие симптоми може да бидат знаци на мини срцев удар наместо само знаци на прекумерен напор. Продолжен, изразен умор Чувството на изразен умор во текот на подолг период може да биде повеќе од сигнал дека работите напорно. Овој вид на длабок, непопустлив умор е симптом што многумина можеби нема веднаш да го поврзат со здравјето на срцето. Сепак, овој тип на замор бара лекарско внимание и не може да се лекува со сон и кофеин, вели д-р Мехта. Кога исцрпеноста изгледа непропорционално со вашите секојдневни активности, тоа може да биде суптилен знак што вашето тело ви го дава дека нешто не е во ред. Отежнато дишење Вообичаено е чувството на недостаток на воздух по физички напор или за време на стрес. Сепак, д-р Севиља вели дека ако оваа тешкотија во дишењето не се подобри по одмор, не треба да се игнорира. Постојаното отежнато дишење, особено кога сте имале можност да се опуштите, може да биде предупредувачки знак за мини срцев удар, пренесува City Magazine. Симптоми слични на грип Во овој период од годината, речиси се очекува да дојдете со настинка и да ги почувствувате сите симптоми поврзани со неа, вклучувајќи кашлање, отежнато дишење и замор. Ако некое лице е изложено на ризик од срцеви заболувања, и ги чувствува овие симптоми кои траат долго и не исчезнуваат, можеби е време да посети кардиолог, советува д-р Севиља. Извор: Попара

„Многу е тешко!“: Силвестер Сталоне никогаш не се помири со смртта на синот (фото)

Слаѓана Атанасова — Wed, 24 Jan 2024 08:48:30 +0000

По смртта на неговиот син, Силвестер Сталоне остана без здив. Ништо не може да ја излечи неговата болка. Сите го знаеме Силвестер Сталоне како татко на три прекрасни ќерки кои ги доби со Џенифер Флавин, но тој имаше уште еден син, кој го доби со Саша Чак. Сејџ беше првото дете на Силвестер Сталоне и почина на 36-годишна возраст од срцев удар предизвикан од атеросклероза. Смртта на неговиот син го собори храбриот Роки. Тој бараше осаменост и приватност. Силвестер Сталоне тогаш рече: “Ниту една болка не е посилна од таа кога родителот ќе изгуби дете. Затоа ги молам луѓето да покажат почит кон споменот на мојот талентиран син и да сочувствуваат со љубовта на неговата мајка Саша. Оваа болна загуба ќе остане со нас до крајот на нашите животи”. По разводот на Силвестер и Саша Чак, имаше тежок период меѓу таткото и синот. По неколку години, тие ги “закопаа секирите“, па дури почнаа да снимаат филмови и да даваат интервјуа заедо. Сталоне работеше со Сејџ на Роки 5, а неговиот син планираше да продуцира. И покрај неговите здравствени проблеми, никој не можеше да замисли дека такво нешто ќе му се случи на овој млад човек. Во август 2012 година, актерот изјави: -Многу е тешко. Тоа е ужасна ситуација, но тоа е реалниот живот – времето ви помага да се справите и да се обидете да го преживеете она што се случи. Многу е важно да се најде сила да се крене на нозе и да се обиде да се живее. Во спротивно, може да ве вовлече во маѓепсан круг“. На доделувањето на наградите „Златен глобус“, новинарите го прашале Силвестер како загубата на неговиот син влијаела на неговата работа, а актерот одговорил: „Мислам дека многу помага во тие ситуации ако направите нешто. Во случајот со мојот син, сакав да му оддадам почит и го направив тоа“. Фотo: printskrin/instgaram/officialslystallone

Кардиолозите тврдат: Кафето го намалува ризикот од срцев удар и дијабетес

Слаѓана Атанасова — Thu, 13 Jul 2023 12:30:46 +0000

Важно е да бидете умерени во консумирањето кафе, а познат е и фактот дека пиењето кафе дава енергија, а тоа особено важи за еспресото. Еспресото добро влијае на вашата долготрајна меморија Верувале или не, но овој напиток во мали количини може да ја подобри вашата долготрајна меморија. Невролозите од калифорнискиот Универзитет објавиле истражување во кое заклучиле дека две шолји еспресо влијаат позитивно на вашето помнење. Држете се до препорачаната количина и ќе видите подобрување. Со истражувањето не е утврдено дека еспресото има позитивно влијание на помнењето доколку го пиете повеќе или помалку од две шолји дневно. Еспресото го зголемува обемот на внимание Многу од луѓето денот го започнуваат со еспресо и овој факт не е изненадувачки. Докажано е дека кофеинот ги намалува симптомите на умор и го подобрува вниманието и придонесува во будноста, благодарение на неврохемиските врски. Кафето ја зголемува концентрацијата на допамин која е поврзана со вниманието. Но, доколку пиете повеќе од две шолји дневно вашата концентрација се намалува. Еспресото ви помага да ги изгубите килограмите Откриено е дека еспресото има малку калории во себе. Тоа содржи околу три калории доколку не додавате шеќер и млеко во него. Исто, доколку вежбате по пиење на шолја еспресо, вежбањето ќе ви биде помалку напорно, велат резултатите од истражувањето. Еспресото ја намалува болката во мускулите. Го намалува ризикот од срцеви удари Доколку пиете една или две шолји еспресо дневно, ризикот да добиете срцев удар е помал. Истражувањата потврдиле дека се помали шансите за срцев удар поради антиоксидантите кои се наоѓаат во ова кафе. Еспресото го намалува ризикот од дијабетес Во истражување докажано било дека овој напиток го намалува ризикот за добивање дијабетес тип 2 за 11 отсто. Покрај кафето, важно е луѓето кои имаат предиспозиции за добивање дијабетес редовно да бидат физички активни и да се грижат за својата тежина. Извор: Попара.мк

Миа Костова ги покажа облините во тесна тоалета, а во фокус беше отворот кај градите: „Оддамна фустан не го извадил ова од мене“ (фото+видео)

Слаѓана Атанасова — Mon, 27 Feb 2023 10:02:09 +0000

Екс-тв водителката Миа Костова, која моментално е една од најактивните инсфуленсерки во Македонија, знае и умее да си ја „отвори душата“ да ја долови уникатноста и да го покаже и каже она што е во вистински момент. Миа е одлична за да ја крене возбудата на оние што ја следат на социјалните мрежи, па иако сме ја виделе во разни тесни фустани и отворено деколте таа секој пат знае да понуди нешто различно и уникатно. Таа сега на нејзиниот ѕид на Инстаграм“ објави две фотографиина на кои ги покажа облините во тесната тоалета, а во фокус беше отворот од кој наѕираа стегнатите „силиконски близначки“. Повод беше свадбената веселба на пејачот Павле Камилоски и неговата избраничка Ирина Дишовска каде таа се најде меѓу познатите личности кои присувствуваа како гости. За оваа прилика Миа се издвои со минималистичката црна тесна тоалета. Елегантниот фустан беше прилично долг што ги покриваше дури и чевлите. Должината го отежнува движењето, па поради тоа ретко која дама би се осмелила да го носи. Таа е љубителка на женствени парчиња но, овој пат беше полн погодок со кој ги нагласи нејзините адути. За ова нејзино издание таа доби големи пофалби, поточно за тесниот фустан изработен на другарска основа за која спомна и во описот на фотографиите. „Освен што сум најгорда дека зад фустанов стои една голема другарска љубов и нејзиниот прекрасен тим, можам да кажам дека оддамна фустан не го извадил ова од мене“. „Прекраснице моја“, „Полн погодок“, „Господе“, „Лудница“, „Совршенство“, „Фустанов вришти“ беа само дел од комплиментите кои следбениците и ги испратија на сметка на фустанот на Миа Костова кој жените го посакаа, а на мажите им ја разбранува фантазијата.

View this post on Instagram

A post shared by Mia Kostova (@miandrija)

Фото: Принтскрин/Инстаграм/Миа Костова

Знаци на срцев удар може да се појават денови пред нападот

Слободанка Илиева — Fri, 26 Aug 2022 12:53:41 +0000

Знаци на срцев удар може да се појават неколку дена, па дури и недели пред самиот напад, според докторите и стручните лица. Што е срцев удар или инфаркт? Тоа е појава во којашто дел од срцевиот мускул не прима доволно крв. Ова обично се случува кога масните наслаги се наталожуваат во крвните садови и го блокира протокот на крвта, па спречува кислородот и хранливите материи да стигнат до срцето. За да се спречи можноста од срцев удар, важен е здравиот начин на живот. Понекогаш е доволна физичката активност и здравата и урамнотежена исхрана, без алкохол, цигари и без стрес. Следниве предзнаци и симптоми се вообичаени и кај мажите и кај жените: болка или непријатност во градите – обично трае неколку минути, но може да исчезне и да се врати. Непријатноста може да се почувствува како притисок, стегање, чувство на исполнетост или болка сред градниот кош. Натаму, тука е и непријатноста во други делови на горниот дел од телото, како што се – болка или непријатност во грбот, вилицата, стомакот, едната или двете раце. Други знаци на срцев удар се краток здив, ладна пот, гадење и вртоглавица… Има и рани знаци кои се јавуваат главно кај жените: болка во грбот, вртоглавица, несвестица, болка со притисок среде градниот кош што се шири на вратот, рамињата или вилицата, невообичаен замор, притисок или непријатност во горниот дел на стомакот, нагон за повраќање… Кои се факторите на зголемена можност за срцев удар? Начинот на живот, болестите или здравствената состојба може да ја зголемат опасноста од срцев удар. Најчестите фактори на ризик се: дијабетес, прекумерно пиење алкохол, присуство на срцеви заболувања во семејството, висок холестерол, висок крвен притисок, прекумерна тежина и дебелина, старост, недоволна физичка активност, пушење, зголемена количина стрес, нездрава исхрана. извор:курир.мк

Пред шест години Ивана Петерс доживеа инфаркт среде емисија, а ова се фотографиите направен пред немилиот настан (фото)

Слободанка Илиева — Tue, 16 Mar 2021 09:23:18 +0000

Српската пејачка Ивана Петерс преживеа пекол кога доживеа срцев удар среде снимање на емисија. Таа сега се присети на овој немил настан на својот Инстаграм профил. На денешен ден пред шест години, пејачката со возило на брза помош била пренесена во болница, каде откриле дека има проблеми со срцето. За среќа, Ивана помина без поголеми последици. - Шест години од срцевиот удар. Колку бев слаба и силна во исто време. Никогаш повеќе истото. Претпоставувам дека така оди. И, некое време после тоа бев како манекенка. Љубов кон сите што беа со мене, моите и сите пријатели кои беа вистински загрижени и ми испратија пораки. Првите две фотографии се од снимањето на РТС, направени половина час пред непријатниот настан. Кројачи и дизајнери на костуми - моја прва помош. Останаа непосредно по излегувањето од болницата - напишала Ивана.

View this post on Instagram

A post shared by Ivana (@ivanapeters)

Патем, пред неколку години, Ивана зборуваше за срцевиот удар и опиша како се чувствува. - Болката беше неописливо силна и мислев дека никогаш нема да престане. Се онесвестив во таа агонија и кога се освестив, следеше шок. Јас, млада жена која сè уште не наполнила 40 години и жесток поддржувач на веганската диета, доживеав срцев удар пред камера, среде снимање на емисијата - рече тогаш и додаде дека чувствувала тешкотии претходно. - Недостаток на здив и замор дури и при искачување на вториот кат, трчање по автобусот и местење на креветот наутро не беа доволна причина да сфатите дека нешто не е во ред се додека не почувствував неопислива болка на снимањето на емисијата, која никогаш не запре . Среќата во несреќата беше што тогаш се онесвестив, бидејќи ако бев свесна, веројатно ќе ја игнорирав таа болка како и сите претходни тешкотии и ќе си одев дома. На тој ден, и покрај веганската диета и релативно младата возраст, доживеав срцев удар, а тој непријатен настан сега е предупредување за целиот мој живот - рече Ивана.

Светот во шок: Почина големиот Диего Армандо Марадона

Антонио Димитриевски — Wed, 25 Nov 2020 17:38:39 +0000

Тажна вест за љубителите на фудбалот: почина Диего Армандо Марадона, пренесуваат сите светски агенции и медиуми. Поголемиот дел од аргентинските фанови се' уште не веруваат во веста која за само неколку секунди го обиколи светот. Смртта се случила после кардиореспираторниот напад, срцев удар, кој големиот Диего го доживеал во неговиот дом во Тигре. Марадона почина на 61 година. Како што пишуваат аргентинските меидуми, не постоеле шанси да му се спаси животот. Така светот остана без едно од најголемите имиња во фудбалот на сите времиња. Роден е во Ланус, Буенос Аирес, на 30 октомври 1960 година. Почнал во Аргентина Јуниорс, а играл уште за Бока, Барселона, Наполи, Севиља, Њуелс и повторно за Бока. За репрезентацијата на Арентина одигра 91 натпревар и постигнал 34 голови, а го освоил СП во 1986 година. Беше вистински волшебник на фудбалскиот терен, но и контроверзна личност, која имаше бурен живот надвор од него.

Брајан Меј доживеал инфаркт: Гитаристот на легендарните „Квин“ „очи в очи“ со смртта!

Антонио Димитриевски — Mon, 25 May 2020 10:58:23 +0000

Брајан Меј неодамна бил итно префрлен во болница откако доживеал срцев удар. Гитаристот на легендарните „Квин“ изјавил оти лекарите му рекле дека бил „многу близу до смртта“, откако му откриле три блокирани артерии, што предизвикало болка во градите што траела 40 минути. Меј, (72) им порача на своите следбеници на Инстаграм дека болката започнала веднаш откако ги скинал мускулите на задникот во несреќата во градината, неколку недели претходно. „Среде целата таа сага, добив и мал срцев удар“- рекол тој. „Траеше околу 40 минути, со силна болка во градите и вкочането чувство во рацете и потење “. Мојот прекрасен пријател - доктор ме возеше до самата болница и влегов директно во она што го нарекуваат ЦАТ соба. Мислам дека ми направија и ангиограм, а тоа е кога тие ќе ви стават нешто во вашиот зглоб и тоа оди и во артериите се' до твоето срце, и може да открие нешто што ништо друго не може“. За време на ангиограмот, лекарите откриле артерии „кои биле запушени и постоело опасност да го блокираат снабдувањето со крв на неговото срце. Меј рече дека ја одбил операцијата на отворено срце и наместо тоа решил да стави три стента.

Синот на Ѓорѓе Балашевиќ откри како се чувствува пејачот по срцевиот удар

Христина Ѓоргиевска — Sat, 16 Nov 2019 10:20:31 +0000

Ѓорѓе Балашевиќ го откажа распродадениот концерт во Крагуевац поради влошување на здравствената состојба. Причината за тоа бил инфарктот што пејачот го доживеал, пренесува Блиц. Во моментов се наоѓа во Институтот за кардиоваскуларни болести во Сремска Каменица каде што е хоспитализиран и му се вградени стентови. Неговиот син Алекс откри како се чувствува пејачот по инфарктот. „За сите кои прашуваат како е мојот татко...тој порачува дека се чувствува така што може да се бори и на мегдан“ напиша Алекс во описот на заедничката фотографија. По повод здравствената состојба на Балaшевиќ се огласи и неговата ќерка која истакна дека пејачот не се чувствувал добро, но дека сега е добро. „Да ве предупредам сите кои ќе ме прашувате. Татко ми е добро. Не се чувствуваше добро, па поради тоа беше превентивно прегледан во Каменица. Им благодарам на сите за разбирањето и откажаниот концерт“ напиша Јована на „Инстаграм“. Како што пренесува „Блиц“, Балешевиќ бил опериран во текот на вчерашниот ден, неговата состојба е стабилна и успешно оздравува на интезивна нега. „Пациентот се чувствува добро. Стурчните лица на Институтот професионално си ја завршија својата работа, а во текот на интервенцијата на пациентот му се вградени два стена. Многу не се свесни дека тоа е една сериозна интервенција, но за нашите доктори тоа стана рутинска операција со која е решена состојбата на Балашевиќ по инфарктот“ вели извор за „Блиц“.

Телото ни ги праќа овие 6 сигнали пред срцев удар: Жени, не смеете да го игнорирате ова!

Христина Ѓоргиевска — Thu, 16 May 2019 13:30:40 +0000

Жените имаат поразлични симптоми на срцев удар од мажите Срцевиот удар е еден од главните причини за рана смрт во модерното време. За жал, оваа болест многу тивко им се прикрадува на луѓето. Пред трагедијата, телото ни праќа сигнали што не смееме да ги игнорираме. Жените чувствуваат различни симптоми на срцев удар за разлика од мажите. Овие 6 знаци покажуваат дека на жените им се заканува срцев удар… 1. Болка во грбот, рамената, вратот, вилицата и рацете Болката може да се појави ненадејно, да ве разбуди од сон во текот на ноќта. Не смеете да ја игнорирате болката, веднаш јавете се на лекар. 2. Силна стомачна болка и мачнина Болката е таква како да ви седнал слон на стомакот. Чувствувате силен притисок, а можеби и киселини. Жените ова често го толкуваат како нарушување на метаболизмот, но станува збор за нешто многу посериозно. 3. Ладна пот Ова е чест проблем кај жените. Меѓутоа, ако претходно не ви се случувало да ве облее ладна пот, јавете се на лекар. 4. Вртоглавица и краток здив Жените кои доживеале и преживеале срцев удар, често велат дека овој симптом им останал во сеќавање. Често имале чувство како да истрчале маратон, па не можеле да земат воздух. 5. Ненадеен умор Ако чувствувате умор што ве спречува да одите до тоалет и да се замиете, задолжително консултирајте се со лекар. Овој сигнал е сериозно предупредување дека вашето тело има проблем. 6. Притисок и болка во градите Левата страна од градите буквално се вкочанува. Чувствувате голем притисок, болка и пецкање. Ако болката не ви помине во рок од неколку минути, задолжително побарајте лекарска помош. извор: убавина и здравје