справување – Вистина.мк

Четири начини како да се справите со напад на паника: Дишењето може да биде од клучно значење

Слаѓана Атанасова — Wed, 19 Apr 2023 11:39:04 +0000

Отежнато дишење, болки во градите, потење и забрзано чукање на срцето се само некои од симптомите на напад на паника. Овој напад може да се случи ненадејно и често спречува каква било реакција, бидејќи личноста се чувствува како да е парализирана. Многу луѓе кои имаат напади на паника велат дека се чувствуваат како да умираат или да добиваат срцев удар, додека други го опишуваат нападот на паника како чувство како да ја изгубиле контролата врз своето тело, пишува Newsbeast, пренесувајќи начини кои можат да бидат корисни во кризни ситуации. 1. Техника 4:6 За оние кои барем еднаш во животот имале напад на паника, пораката „земи длабок здив“ можеби звучи несериозно. Според д-р Јан Стенли, психолог од Универзитетот во Колорадо, оваа техника всушност функционира, но на специфичен начин. Тој препорачува да го истуркате воздухот од белите дробови неколку секунди подолго отколку што е потребно за вдишување. Обидете се да го задржите вдишувањето четири секунди, а издишувањето шест секунди. 2. „Виножито“ Д-р Каролин Рубенштајн, психолог од Флорида, им препорачува на луѓето кои имаат напади на паника да ги фокусираат своите сетила на нешто околу нив што може да го окупира и нивниот вид и нивните мисли. – Помислете на виножитото. Или побарајте три црвени работи во собата во која се наоѓате, а потоа три жолти, сини и зелени работи. Ова се многу ефикасни методи, бидејќи ќе ви го одвлечат вниманието – нагласува психологот Рубенштајн. Други „корисни одвлекувања“ може да бидат слушање музика или излегување на свеж воздух. 3. Грижете се за вашето држење Д-р Карен Лин Касидеј, директор на Центарот за третман на анксиозност во Чикаго, изјави за DailyMail дека луѓето кои се склони кон напади на паника треба да се грижат за своето држење и да стојат исправено. Променетото дишење и лошото држење може да ги влошат симптомите на анксиозност. – Стоењето или седењето во поза што ја отсликува вашата самодоверба има психолошки поттик, бидејќи го подобрува расположението и нивото на енергија, а во исто време го намалува стресот и анксиозноста – објасни д-р Касидеј. 4. Идентификувајте го нападот За многу луѓе, едноставно идентификувањето на напад на паника може да биде смирувачко. Исто така, неопходно е да се промени аголот на гледање на напад на паника и да се набљудува без реакција. – Тоа е ментален трик што го користиме, а кој некако носи логика и контрола над емоциите – откри д-р Рубенштајн. Извор: Курир.мк

Справете се со стомачните болки брзо и едноставно

Наташа Тасевска — Tue, 13 Nov 2018 14:20:04 +0000

Болките во горниот дел од стомакот или долниот дел од градите, кои можат да бидат придружени со гасови, мачнина и чувство на надуеност по оброк, се чести стомачни проблеми, наречени диспепсија. Прочитајте како сами да се справите со нив.

Не јадете пребрзо

Џвакајте бавно и џвакајте добро, затоа што на тој начин помалку воздух ќе навлезе во желудникот. Исто така, не мешајте премногу различни видови храна.

Храната треба да има соодветна температура

Јадењата не треба да бидат премногу жешки, ниту пак недоволно термички обработени.

Никогаш не го преполнувајте желудникот

Секогаш кога станувате од јадење треба да имате чувство дека можете да изедете уште.

Не вечерајте предоцна

Имајте полесна вечера, барем два до три часа пред легнување.

Негативните емоции го блокираат метаболизмот

Не јадете кога сте загрижени, уморни или нерасположени, затоа што негативните емоции го спречуваат излачувањето на дигестивните течности.

Внимавајте на внесот на течности во телото

Можете да пиете половина час пред оброк и еден час по него. За време на оброкот препорачливо е да пиете единствено млеко, маштеница или растителна супа.

Избегнувајте алкохол, кафе, црн чај и засладени пијалаци

Кога сте соочени со болки, откажете се и од: сенф, оцет, конзервиран зеленчук, компири и месо. Јадете повеќе сочна храна и најмалку што можете сува храна. Ладните пијалаци се забранети.

Отидете на преглед

Проверете дали причината за Вашата диспепсија е нетолеранцијата на лактоза.

Внимавајте на телесната тежина

Диспепсијата може да настане и како последица на емотивен или физички стрес и прекумерна телесна тежина.

Вежбајте

Редовната физичка активност спречува појава на повеќе видови болести, вклучително и диспепсија.

Што да направите кога имате болки?

Ако проблемот не е од органска природа (бактериска инфекција, ранички, чиреви итн.), можете да започнете со рестриктивна диета. Ако проблемите продолжат и понатаму, треба да се консултирате со матичниот лекар кој ќе Ви препише терапија.

Што да јадете?

Најдобро е да јадете овошје, затоа што ги елиминира несварените остатоци од храна. Најефикасни се лимоните, потоа грозјето, грејпрфут, ананас, портокал, јаболка и круши. Можете да си исцедите сок и да го измешате со мед. Грицкајте моркови, јадете малку обарен зеленчук и јадете маштеница, јогурт и сирење.

Пијте чај

Сварете си чај од пеперминт или камилица, со мед и лимон.

Користете зачини

Зачинете ја храната со ѓумбир, коријандер, бибер или рузмарин.

Рецепти што ја олеснуваат мачнината

Сок од калинка со бибер и крупна сол; -Маштеница со крупна сол и печени семки од кумин; -Сок од четврт зелен лимон, чашка млака вода и половина кафена лажичка сода бикарбона; -Свеж сок од ананас, малку ѓумбир, бибер и половина кафена лажичка шеќер.

6 причини за губење на косата кај жените и начините за спречување!

Моника Манасиевска — Thu, 09 Aug 2018 15:02:11 +0000

Нема ништо поважно за жената од нејзината коса. И покрај фактот што служи за да се изрази и вашиот концепт за убавина, вашата коса може многу да каже за тоа што се случува во вашето тело. Еве ги шесте главни виновници за губење на косата кај жените и начините за справување со секоја ситуација: 1. СТРЕС Висок стрес игра главен фактор во губењето на косата. Високо стресни сценарија како развод, смрт на некој близок, крајно токсични односи или стрес поврзан со работата, сите играат улога во губењето на косата. Што да направите: Овој вид губење на косата е привремен и запира во моментот кога ќе го прекинете стресот. Сепак, најдобро е да се обидете да преземете одредени чекори за борба против стресот. Можете да направите повеќе вежби, да разговарате со терапевт, или да побарате поддршка од оние кои можете да им верувате. 2. БРЕМЕНОСТ Бременоста е мешавина на хормонални промени и физички стрес што може да влијае на вашата коса. Иако не е чест случај за жените да ја изгубат косата за време на бременоста, најчестите случаи се случуваат по раѓањето. Тоа е затоа што минува низ период кој е интензивно стресно искуство, кое неизбежно ќе влијае на вашата коса. “Кога имате навистина стресен период, тој може да го шокира циклусот на коса, (туркајќи) повеќе коса во фазата на опаѓање” објаснува д-р Марк Глашофер, дерматолог од Њујорк. Што да направите: Овој тип на губење на косата не е нешто за што треба да бидете многу загрижени, бидејќи вашата коса повторно ќе почне да расте, веднаш откако вашето тело ќе се ослободи од стресот. 3. ДРАСТИЧНО ГУБЕЊЕ НА ТЕЖИНАТА Дури и ако е добро за вас, фактот дека вашето тело поминало низ таква драматична промена е неизбежно стресно за вашиот систем. Овој стрес, заедно со потенцијалниот дефицит на хранливи материи, ќе придонесе за губење на косата. Што да направите: Шокот од ненадејно губење на тежината ќе предизвика косата да падне за околу шест месеци, а потоа ќе порасне сама без никаква интервенција. 4. ЛОША ИСХРАНА Дефицитот на хранливи материи игра многу важна улога во губењето на косата. Јадењето брза храна, високо калорична храна или било која друга нездрава диета ќе предизвика вашето тело да ги искористи малите хранливи материи кои се присутни за клучните операции, како што се срцето и другите витални органи. Поради ова, вашата коса нема да добие ниту една од хранливите материи што и се потреби за да расте и да остане на вашата глава доволно долго. Исто така, недостаток на количество на вода може да предизвика ослабена “кршлива” коса, бидејќи коса е 40% вода. Што да направите: Променете ги вашите навики во исхраната и воведете здрава храна во вашето секојдневие. Бидете сигурни дека внесувате доволно витамини и минерали. 5. ДИХИДРОТЕСТОСТЕРОН(DHT) DHT(дихидротестостерон) е одговорен за опаѓање на косата кој е уште исто познат како андроген ефект. Истовремено ова опаѓање влијае и од вашите маснотии околу стомакот. DHT се произведува преку конверзија на тестостерон кај жени со помош на хормон наречен DHEA. Овој проблем е почест кај мажите, но жените, исто такам може да страдаат од овој проблем. Што да направите: Постои храна кој може да се бори и да го блокира DHT. Конзумирајте повеќе зелен чај и семки од тиква. Исто така, се препорачува советување со вашиот лекар. 6. ТРИХОТИЛОМАНИЈА Трихотиломанија е пореметување на импулсивната контрола по сегашната класификација, но сеуште има прашања околу тоа како би требало да се класифицира. Очигледно наликува на навика, зависност, тик или обсесивно –компулсивно пореметување. Во поскоро време се концептуализира како дел од пореметувањата на повторувачко однесување спрема сопственото тело “body-focused repetitive behaviors” (BFRBs) заедно со чепкањето на кожата и грицкањето на ноктите. Трихотиломанијата е пореметување кое предизвикува лицето да си ги кубе влакната од скалпот, од брадата, градите, нозете, од веѓите,трепавиците и други делови на телото, што резултира со видливи голи полиња. Што да направите: Консултацијата со терапевт е најважниот чекор што треба да го направите во оваа ситуација. Постојат начини да се третира ова нарушување. И навистина, без оглед на причината, ако забележите дека ја губите косата, треба веднаш да разговарате со вашиот општ лекар или да одите на дерматолог. Губењето на косата не само што не е убаво, но може да значи многу здравствени проблеми, почнувајќи од стрес до автоимуни болести. Грижете се за вашето здравје и сакајте ја косата!

Како да се справите со лошиот шеф на работното место?

Наташа Тасевска — Mon, 09 Jul 2018 16:43:59 +0000

Сите мечтаеме да имаме добар шеф, кој ќе нè мотивира, ќе ни помага и ќе нè инспирира. Но, не сме сите толку големи среќнички. Ако и вие наидовте на лош шеф, пред да отворите војна со него, потребно е да разберете која е причината за неговото лошо, несоодветно однесување. Во продолжение ви претставуваме неколку совети како да се справите со шефот: Поставете приоритети на задачите. Направете список со сите задачи кои ви се дадени. Во тој список вклучете го и времето и ресурсите, кои ви се потребни за да ги завршите тие задачи. Подредете ги по важност и покажете му го тој список на вашиот шеф. Побарајте негово согласување. Ако во меѓувреме добиете нова задача, консултирајте се со вашиот шеф, за тоа каде спаѓа по приоритет новата задача. Така и вие ќе си ја олесните работата, ќе бидете поорганизирани, а во истото време нема да му давате причина на вашиот шеф да се однесува лошо кон вас, заради тоа што доцните со исполнувањето на некоја задача. Дознајте што вашиот шеф очекува од вас. Не претпоставувајте што се очекува од вас, туку дознајте. Затоа што може да се случи вие да мислите дека проблемот не е кај вас, а всушност да биде. Воспоставете еднаков стил на работење. Сите шефови ја процесираат информацијата на различен начин. Некои се „слушачи“ и сакаат усно да ги информирате за сè, затоа што сакаат да поставуваат многу прашања. Други пак се „читачи“ и сакаат да им ја поднесете информацијата во писмена форма, за да имаат време да ја процесираат и потоа да се сретнете да ја дискутирате. Ако знаете каков стил на работење има вашиот шеф, можете да се прилагодите кон него и да ги избегнете непријатните, напрегнати разговори. Покажете почит. Без разлика како вашиот шеф стигнал до тоа работно место и без разлика дали одговара за таа позиција или не, вие треба да покажете почит кон него. Сепак, тој е над вас и вашата финансиска сигурност зависи главно од него. Само ако имате почит кон него, можете да очекувате тој да ви врати со иста мера. Не го критикувајте и потценувајте пред колегите. Често вашиот шеф може да не е толку упатен во работите како вие. Но, никогаш не треба да си дозволите да го потценувате заради тоа и индиректно да го понижувате пред другите колеги, затоа што така тој го губи авторитетот и сето тоа може да падне врз вас. Кога имате совет или предлог или кога сакате подобро да му ги објасните работите, не се правете паметни пред другите колеги, а направете го тоа кога сте насамо. Така тој нема да се чувствува подолу, а вие ќе ја придобиете неговата доверба. Кога овие совети не ви помагаат и вашиот шеф не го подобрува својот однос кон вас, тогаш време е да прекинете да бидете жртва и активно да преземете нешто. Разговарајте со вашиот шеф. Никогаш не започнувајте го разговорот, ако не сте насамо. Изберете удобно време и разговарајте отворено со него, но со почит. Посочете примери кога вие сте се чувствувале неудобно поради неговото однесување и како тоа влијае на исполнувањето на вашите обврски. Доколку вашиот шеф е професионалец, ќе ве сфати и ќе се обиде да ви го образложи неговото однесување. Исто како што може да ги подобри, овој разговор може да ги влоши вашите односи, затоа внимавајте како ќе му пристапите.