спортување – Вистина.мк

„Маска немам, нема народ, безбедно е“: Верица Пандиловска зачудена од она што го забележа на кејот на Вардар (фото)

Слободанка Илиева — Tue, 01 Dec 2020 09:10:27 +0000

Секојдневието на светот доби име, на сите толку многу добро познато –Ковид 19, а истото сите толку многу чекаме да го оставиме зад нас и да го заборавиме. Но, речиси цела 2020 година е тетовирана со овој ненаситен вирус кој не знае за доста, но секое нешто има крај, а тоа веруваме дека ќе биде случај и со коронавирусот кој по крајот на 2020 година, гориме од желба да го испратиме! Пејачката Верица Пандиловска не е активна на музички план како и повеќето свои колеги од естрадата, но затоа пак е доста активна кога е во прашање одржување на позитивната енергија, здравиот и спортски дух, имунитет, ментална хигиена... во време на коронавирус. Верче постојано спортува на кејот на Вардар и секојдневно има мотивирачка порака до нејзините пријатели и следбеници на Фејсбук кои ги мотивира да излезат од дома или своите канцеларии и да се рекреираат. Она што таа го забележа е дека на спортската патека на кејот, има повеќе мажи, а жените речиси воопшто и да ги нема. -Дали е можно на кеј да трчаат само мажи? Значи неколку дена по ред, ниедна девојка, жена, девојче нема ..... освен оние на електрични тротинети....цццц......а еден куп мажи трчаат. Кој рекреативно, кој се мачи да симне некое кило... Што да речам е одвишок...ние жените сме многу чудни ама и посебни. п.с. Маска немам, нема народ безбедно е, пипува Верица. Ова е нејзина секојдневна пракса за подобро утре, а истото му го предложува на сите, секој ден со различна порака и фотографија од истото место. -Во денешнава ситуација сите рабориме од дома или на смени во канцеларија еден по еден.....Дали денеска излеговте од удобноста на сопствениот дом? Во услови кога сме приморани на он-лајн работа се претворивме во мечиња кои хибернираат на зима. Да резимираме! Секаква физичка активност е подобра отколку никаква! Да излеземе од зоната на комфор е најтешко. Резултатот е секогаш надвор од неа, додава таа. Негативна енергија од ова стресно време имаме насобрано премногу, па затоа и ни треба повеќе ментална хигиена и физичка активност за да бидеме поотпорни на злото на денешницата.

И помладите да и позавидат на затегнатото тело со мускули: Ирена Спировска на Водно се рекреираше во минијатурна спортска облека (фото)

Слободанка Илиева — Mon, 14 Sep 2020 06:14:22 +0000

На велосипед, параглајдер, кајак, само со пешачење и искачување врвови - вака адреналински живее ТВ водителката Ирена Спировска. Во здраво тело, здрав дух! Добро позната изрека која веруваме дека е примарната дезиза на Ирена. Спортувањето е половина здравје, а позитивната енергија што ја носи, се рефлектира најпрвин на себе, а потоа и на опкружувањето. Со тоа пак, внатрешна убавина е гарантирана, а истата, највидлива е однадвор. Овој рецепт за здрав и исполнет живот, без исклучок е принципот на Ирена, која е пример за жена што знае како да ги задоволи потребите за животен баланс. Нејзиното слободно време секогаш е организирано со агенда за планинарење и адреналин во природа. Овој пат заедно со својот партнер Дишко и друпа пријатели имаа нова цел,не многу далечна - Скопско Водно, па објавија и неколку фотографии. Кога сме кај резултатите од ваквиот стил и начин на живот, најдобар доказ е изгледот на Ирена која иако е длабоко во петтата деценија, изгледа перфектно. Во случајот, кусиот црн топ кој го открива нејзиниот мускулест стомак е во фокусот на перцепцијата, но и кусите панталончиња од кои ги откри згодните и затегнати нозе. Таа е позната и успешна дама со повеќе од дведецениска медиумска кариера, а за сите останати, па и помладите, може да биде пример дека годините немаат врска со активноста, убавината и ведриот дух полн со желба за нови и возбудливи животни врвови.

И Анета Молика се фрли на спортување: Во здраво тело – здрав дух

Христина Ѓоргиевска — Thu, 21 May 2020 06:53:10 +0000

За време на пандемијата со коронавирусот и вонредната состојба речиси сите наоѓаме начин да се рекреираме , спортуваме, одржуваме кондиција. Многумина за време на овој период се фрлија на физички активности, некои вежбаат по дома, некои пешачат, трчат, практикуваат јоги вежби... Македонските естрадни уметници сегаа имаат време за „извоз“ затоа што нивните настапи и турнеи се одложени и откажани. Додека пред повеќе од два месеци живеа во куфер, од еден град во друг, една држава во друга и настапуваа, сега се во своите домови и може да го прават она за кое претходно немале доволно време. Така некои од нив ноаѓаат начин физички да ја одржуваат кондицијата. Некои вежбаат во своите домови, некои пешачат до Водно, некои се рекрираат со спортување. И македонската пејачка Анета Молика може да се стави на листата на оние кои ја одржуваат својата физичка активност. Таа деновиве го зема велосипедот и нејзина релација беше селото Брусник во Битола. Со спортска опрема, очила за сонце и без шминка Анета се фрли на спортување. Пејачка на социјалните мрежи сподели момент од нејзиното рекреирање, но го сподели и убавиот и зеленикав поглед од Дихово, а друштво и правеше сопругот Џими. Во здраво тело – здрав дух.