списание – Вистина.мк

Шакира е прогласена за најубава жена во 2023 година (фото)

Слаѓана Атанасова — Tue, 11 Jul 2023 07:37:44 +0000

Шпанското издание на магазинот „People “ ја прогласи колумбиската поп дива Шакира, за најубава жена на светот за 2023 година, а нејзиното име се најде на листата „50 најубави“ на првата позиција. Како што велат, Шакира е „жена која инспирира“, а нејзините квалитети и го донесоа првото место на листата. Во интервју за шпанското издание на споменатиот магазин, поп-дивата откри дека имало моменти кога нејзиниот свет се срушил и нејзиниот дом се распаднал. Сепак, откри дека нејзините деца, Милан и Саша, се најголемиот извор на среќа и мотив да продолжи понатаму, да се издигне над неволјите и проблемите што ја снајдоа – вклучувајќи го и разводот со поранешниот фудбалер Жерар Пике. На годинешната листа на познати уметници се најдоа имиња на познати личности од различни сфери на уметноста, како Ана де Армас, Џенифер Лопез, Талија и Ева Лонгорија. Фото: Принтскрин/Инстгарам/Шакира

Излезе од печат новиот број на списанието „Полжавче“

Антонио Димитриевски — Tue, 21 Feb 2023 10:55:04 +0000

Семето-ркулец на животот е носечка тема на третиот број на списанието за училишните активности на Слоу Фуд Македонија, „Полжавче“. Станува збор за списание кое првпат е овјавено во 2020 година во рамките на програмата Слоу Фуд Училишни градини која има за цел подигнување на свеста кај чинителите на образовниот процес од важноста на воведување на градинарството во рамки на образованието и формирање на училишни градини. Досега во оваа програма се вклучени дваесет училишта од Македонија. Воведот во списанието напишан на македонски, италијански и англиски јазик не упатува кон содржините на третиот број на „Полжавче“. Покрај што се опфатени активностите на училиштата во нивните училишни градини, списанието голем простор остава и за детската креативност, но и за стручни текстови кои имаат едукативна улога не само за учениците туку и за наставниците и родителите. Така, во овој број на теми поврзани со семето, важноста од зачувувањето на автохтоните и старите сорти кои се основа за одржување на биодиверзитотетот пишуваат проф. д-р Соња Ивановска и проф. д-р Звезда Богевска од Факултетот за земјоделски науки и храна во Скопје, проф. д-р Билјана Гвероска од Научниот институт затутун во Прилеп, м-р Билјана Дрвошанова од Земјоделскиот институт во Скопје, нутриционистот Тодорка Наумоска Димески и секако со своите видувања и идеи вклучени се голем број наставници без кои не може да се прошири идејата за основање на училишните градини.

Земјата е најдобра банка. Ставаш семе во неа, а таа бесплатно го размножува. Така рекол и запишал некој мудар човек. Е, сега нам ни останува задачата да избереме добро семе, оти, нели, според старата македонска поговорка: Што ќе посееш, тоа ќе жнееш“. Семињата и дечињата имаат поврзаност меѓу себе. Семето е потенцијал за новото растение, а детето е семе од косе се раѓа човекот. Ние водиме грижа и за едните и за другите“- вели Филип Димкоски, главен и одговорен уредник на „Полжавче“.

Во списанието се наоѓаат и забавни прилози, занимливости и креативни активности, овојпат благодарение на ликовниот уметник Филип Цакоски, поместен е и стрип, раскажувалка преку илустрации и содржини за дополнување, боење и поврзување. Тука се и гатанките, песните и расказите. Во овој број поместен е и расказот Градинче од еминентната македонска писателка Бистрица Миркуловска, чија книга за деца „Цвеќенца“ е прва книга за деца, напишана од жена, во македонската литература. Остварена е и меѓународна соработка со САД преку прилогот на Мара Велтон, посветен на амаериканските училишни градини. Особено внимание е посветено на техничкото уредување и графичкото обликување кое од првиот број го прави дизајнерот Горан Трсунов, лектурата е на Марина Василевска Геческа, илустратори се Филип Цакоски и Владимир Здравески, а насловната фотографија е на Концепт продукција. Фотографиите во списанието се на Андреја Котески и од архивите на Слоу Фуд Македонија. Отпечатено е во печатницата Бабук во Битола, а издавач е Слоу Фуд Македонија. Списанието во печатена форма ќе биде достапно на сите настани на Слоу Фуд Македонија, а електронската веризја наскоро ќе биде достапна на официјалната страница на Слоу Фуд Македонија: www.slowfood.mk

Избрани најжешките 100 жени од шоу-бизнисот за 2022 година, а ова е пбедничката (фото)

Слободанка Илиева — Fri, 28 Oct 2022 10:36:58 +0000

Познатото списание „Maxim“ ја прогласи актерката Марго Роби за најсексапилна жена за 2022 година. Австралиското издание на списанието ја објави својата годишна листа „Hot 100“ за 2022 година, на која се најдоа најуспешните и најубави жени од шоу-бизнисот, спортот и поп-културата. На врвот на оваа листа се најде 32-годишната актерка Марго Роби, чија холивудска кариера продолжува по нагорна линија во пресрет на прикажувањето на најновиот филм „Babylon“. Ова е рекорден трет пат Роби да се искачи на врвот на „Hot 100“. На второ место се најде фудбалерката Сем Кер, а на третото е австралиската тенисерка Еш Барти.

View this post on Instagram

A post shared by MAXIM Australia (@maxim_aus)

Роби неодамна стана и најдобро платена актерка во Холивуд за оваа година, благодарение на хонорарот за филмот „Barbie“ на режисерката Грета Гервиг. Според пишувањата на „Variety“, австралиската актерка била платена неверојатни 12,5 милиони долари да глуми со Рајан Гослинг како Кен, во овој долгоочекуван филм настанат по истоимената култна кукла. На листата се најдоа и некои жени кои можеби не ги очекувате на неа како поранешниот рагбист Даниел Лејдли, кој во 2020 година го промени полот од машко во женско, како и политичарките Пени Вонг и Анастасија Палашчук.

View this post on Instagram

A post shared by Margot Robbie (@margotrobbieofficial)

Главниот уредник на „Maxim“, Санти Пинтадо, изјавил дека листата за 2022 година „продолжува да ги слави извонредните жени кои оваа година влијаеја и импресионираа со нивната способност, интелект, хумор, дрскост и севкупен мегаталент“.

View this post on Instagram

A post shared by Margot Robbie (@margotrobbieofficial)

„Од спортистки до актерки, од комичарки до ТВ ѕвезди, од музичарки до политичарки и водителки на вести до модели и инфлуенсери, листата на „Maxim Hot 100“ за 2022 година опфаќа фантастично разновидно поле кое нема да ги разочара нашите верни следбеници и сите Австралијци“, додал тој. фото:Инстаграм/Getty Images/Profimedia

Брутално секси: Крупен кадар од задникот на Катарина Ивановска за престижниот Вог (фото)

Слободанка Илиева — Mon, 24 Oct 2022 07:30:10 +0000

Да се биде дел од престижното издание на модниот магазин Вог треба да да исполнат доста критериуми кои ги бара уредникот, а Катарина Ивановска ги има сите потребни. Нашата позната манекенка со интернационална кариера досега многупати чекореше по модните писти на ултра познати светски брендови, а ги красеше и содржините и насловните страници на повеќето такви модни магазини. Секое финално издание од пред фото – објктивот, независно дали на неа има парче облека од помалку или повеќе познато дизајнерско име, Каратрина изгледа совршено. Иако во денешто време се повеќе во тренд се облините и естетските корекции, светот на модата се уште преферира убавина како онаа на Катарина – природна. Меѓу нејзините последни објави на Инстаграм се најдоа перфектните фотографии за шпанското издание на магазиот Вог од 2007 година. Ленни и жешки истовремено, особено онаа од крупниот кадар во позадината на Ивановска која се присети на времето кога позираше за Вог. За потсетување, уште откако ја започна својата манекенска кариера во 2004 година, таа се појави на Миланската модна недела, а подоцна истата година се најде во едиторијал за магазинот „Elle“, а исто така се има појавено и во „Citizen K“, „Stiletto“ и италијанското I руското издание на „Vogue“. Ги красеше и насловните страници на магазините „Diva“ и „Máxima“, фото:Инстаграм принтскрин/Катарина Ивановска

Списанието „Современост“ одбележува 70-годишнина од своето постоење

Антонио Димитриевски — Wed, 10 Nov 2021 13:29:54 +0000

На 17 ноември (среда) во 19:00 часот во Големиот салон на Домот на култура „Кочо Рацин“ – Скопје, списанието за литература, култура и уметност „Современост“ ќе ја одбележи 70-годишнината од своето постоење. Јубилејот на списанието „Современост“ годинава се поклопува со 100-годишнината од раѓањето на Блаже Конески, кој и самиот во суштинска мера придонел за егзистенцијата и развојот на ова списание, а кому годинава му е посветен и тематски број. На настанот ќе се промовираат скорешни изданија на списанието за кои ќе зборува главниот и одговорен уредник, современиот македонски писател Стефан Марковски. Дел од редакцискиот тим на „Современост“ се и: Снежана Стојчевска, извршна уредничка, Мишо Китаноски, уредник, Верица Мукоска, уредничка, и Никола Алтиев, уредник. На настанот ќе се врачи наградата „Современост“ на Славчо Ковилоски - книжевен историчар и научен истражувач во Институтот за македонска литература при Универзитетот „Св. Кирил и Методиј“ – Скопје, а ќе бидат доделени и благодарници на сите оние кои внесоа дел од својата книжевна работа во списанието и се верни поддржувачи и читатели на македонските книжевни списанија. Настанот ќе го води младата писателка и постдипломка по македонска книжевност Верица Мукоска. На настанот ќе присуствуваат значајни имиња од македонската книжевна сцена кои во изминатите децении укажуваа чест и ги збогатуваа содржините со своите прозни текстови, стихови, драми, есеи, трудови и разговори.