специјалната – Вистина.мк

Излезе Катица право на тераса…. „Специјалната“ фатена на пушење (ФОТО)

Антонио Димитриевски — Fri, 22 Nov 2019 08:14:18 +0000

Специјалната ја пуштија од притвор. Или поточно ја „дислоцираа“ од Шутка во домашен! А дома си е дома, па макар и во вакви околности, секако многу подобри од затворските. Сите видоа кога ја спроведуваа, ама никој не виде дали е тоа ТАА?! Со качулка на глава, во долга јакна за дожд и марама или шал ќе да беше преку рацете, покриена од рацете до петиците, за да не се видат ниту лицето ниту лисиците. Потоа муабети и нагаѓања колку да сакаш. Шпекулации и најразлични сценарија, од оние - реалните, до научна фантастика. небаре сме среде реално шоу, а не среде аферата на столетието? Ама шоуто тука не заврши, напротив... Шоуто мора да продолжи. Е сега, колку е реално? Колку што беше реално и тоа специјалната да биде пуштена дома, а притоа сите да видат, ама никој да не ја препознае. Ама тоа беше тогаш, сега? Папарацо ловот тргна и оп... Првите резултати се тука: Излезе Катица право на тераса и... специјалната фатена на пушење! Во црни панталони и маичка, по паучи со пепелник на симсот од балконот... Нема сомнени таа е... Или не е? Да не е монтажа? Или можеби фотографијата е од пред „Рекет“? Одново ќе има нагаѓана и шпекулации ама... Одговорот ќе се дознае тогаш, кога качулката ќе падне!

Специјалната на „голем одмор“: Осамна фотографија од Катица Јанева во Шутка? (ФОТО)

Антонио Димитриевски — Wed, 11 Sep 2019 08:14:45 +0000

На социјалните мрежи се појави фотографија на која „наводно“ е Катица Јанева во Истражниот затвор „Скопје“ во Шуто Оризари. Фотографијата ја објави новинарот Миленко Неделковски на неговиот Фејсбук профил -пишува порталот „Нет Прес“ објавувајќи ја фотографијата за која мислењата се поделени. Едни се колнат дека тоа е навистина „специјалната на голем одмор“ во истражниот скопски затвор, други глава даваат дека тоа не е таа, зашто оваа на фотографијата е многу послаба отколку онаа што ја знаеме, ама... Кој да знае... Кога си таму на третман, колограмите бргу се топат! А Вие, проценете самите: е или не е тоа „специјалната“ од зад решетки... или жицата во Шутка?

(ФОТО) По бундата од 830 евра, Фатиме Фетаи со чанта 2.550 евра: Ако и се погоди фетишот, не жали да го истури „ситнишот“!

Антонио Димитриевски — Fri, 02 Feb 2018 15:13:46 +0000

Специјалната јавна обвинителка Фатиме Фетаи очигледно ужива во раскош и луксуз. Неодамна на судење дојде во луксузна бунда од крзно од ракун.... од 830 евра! И се дигна голема медиумска врева дека бундата на Фатиме била многу скапа.

Тогаш премолче, ама денес „специјалната“ сите ги демантираше. Како скапа? За Фатиме тоа е „ситница“ во однос на тоа колку може да потроши за многу други нешта! Само ако и се погоди фетишот, спремна е да не жали да го истури „ситнишот“!

А мора да е фетиш да дадеш 2.249 британски фунти или околу 2.550 евра за чанта! Брендирана се разбира и тоа од „Гучи“.

За една македонска ТВ новинарка се креваше прашина за долната облека... Гаќичките од 500 евра ја „зовреа“ јавноста. „Специјалната“ до сега ги покажа само бундата и чантата. Тоа е дел од оноа што може да се види. Останатото, јавноста допрва ќе го коментира... откако ќе го види!

Денес чантата на „Гучи“, а утре...? Почекајте до следното судење!