специјалитети – Вистина.мк

Пејачката слатко изненадена: Кога виде кого и донесоа во емисија, Тијана остана подзината! (ВИДЕО)

Антонио Димитриевски — Mon, 02 Oct 2023 07:46:21 +0000

Македонската пејачка и актерка со белградска адреса на живеење Тијана Дапчевиќ е позната како личност која нема влакна на јазикот за нешто што и пречи или едноставно не и се допаѓа. Неретко знае тоа отворено на таквите „да им го плесне в лице“, и да ги шокира со своите изјави. Арно ама, ниту таа не е имуна на шокови и изненадувања, па токму едно такво и се случи деновиве и то среде емисија. Имено, Тијана беше гостинка во една емисија за готвење, кај Тања Анѓелковиќ, автор и водител на ТВ емисијата „Нека ти е слатко“, каде беше и „слатко шокирана“ од страна на домаќинката. Откако талентираното македонско девојќе беше домаќински угостено од водителката и ТВ екипата, следуваше подготовката на специјалитетот на денот - крофни! Она што беше замислено беше и подготвено, следуваше моментот на вистината.... Дегустација на специјалитетот, за која домаќинката и подготви специјално изненадување на гостинката од кое Тијана остана шокирана... Специјален дегустатор! Имено, водителката Тања пријатно ја изненади својата гостинка со тоа што ненајавено на дегустација и го донесе нејзиниот син Вук! А, кога виде кого и донесоа во емисија, Тијана остана подзината! И тоа најмногу заради две нешта. Како прво, нејзиниот син никогаш не гостувал со мајка му и тој заедно со неа сега за прв пат се појавува во една ТВ емисија... А како второ, Тијана иако беше позитивно шокирана, успеа да забележи и не пропушти да искоментира колку убаво Вук се дотерал за појавувањето со мама на ТВ. Специјалитетот сите заедно го дегустираа, а коментарите... „Рапсодија на вкусови“, како што забележи Тијана. Впрочем, може ли да не биде добро и трпезата да не биде слатка на заеднички обед со „син на мајка“!? Фото и видео: Инстаграм/tanjcika/tijana.dapcevic

Гоца важи за најубавата баба на српската естрада, а сега ја откри и нејзината тајна (фото)

Слаѓана Атанасова — Wed, 14 Dec 2022 10:20:44 +0000

Гоца Божиновска е присутна и активна на јавната сцена веќе неколку децении, а нејзиниот изглед многу малку се менуваше низ годините. Пејачката не крие дека им е благодарна на естетските интервенции и ботоксот за младоста на кожата, особено на лицето, а сега откри како ја одржува и витката линија. Пејачката истакна дека секој оброк и се сведува на само пет залаци, дека најчесто јаде пилешко, но и дека се „гуши“ во зеленчук. Божиновска открива дека покрај микрофонот, беспрекорно се справува и ужива во секојдневното во готвењето, а како што вели експерт е и за специјалитети од морска храна. "За мене нема пречки кога е во прашање готвењето, бидејќи можам да подготвам се што ќе ми падне на ум. Секогаш кога ми се допаѓа некое јадење, автоматски барам рецепт. Првите чекори во готвењето ги направив со помош на мајка ми но,свекрва ми беше таа што ме научи на многу работи во кујната. Рецептот за вистински кафански гулаш го зедов од неа и по него се прославив“, објаснува Гоца и продолжува: "Не сакам ништо што е зачинето и масно, па избегнувам печење. Секогаш се одлучувам за пилешко, иако најмногу уживам во зеленчукот. Еднаш пробав кинеска патка, но вкусот ми беше ужасен. Се подготвува во шеќер, а не во сол, но вкусот беше навистина страшен. Меѓутоа, со текот на времето почнав да го сакам тој специјалитет, па често барам месо со сладок сос во странство“. Потоа откри како се храни дома: „Сирењата ми се порок, не знам без нив, не можам и нема. Инаку јадам многу малку, оброкот ми се сведува на пет залаци. Меѓутоа, кога готвам тоа е обилно. Од сите светски кујни морам да признаам дека ме воодушевува кинеската. Иако имаме и специјалитети како сарма и скара кои се навистина ремек дела за странските туристи. Додуша ни е дозволено да ја јадеме секој ден, па веројатно повеќе не знаеме навистина да уживаме, но важно е да имаме со што да се пофалиме пред гостите“, вели пејачката и додава: „Јас сум воспитана така што мислам дека секоја жена е комплетна само кога ќе се докаже дека е одлична готвачка. Никогаш не ги заведував мажите со моите кулинарски вештини, но им се допаднаа моите вештини и не штедеа пофални зборови. За себе можам да кажам дека сум вистинска домаќинка и одвреме-навреме подготвувам вечери за моите драги луѓе, исто така не ми се непознати романтичните вечери што ги подготвував за мојата поубава половина, но и од него бев изненаден. Главно, така означувавме важни датуми во нашата врска или воопшто во годината!“ Фото: Принтскрин/Јутјуб/Тв Пинк

Непознати детали од животот на Чолиќ: Готвачката на легендарниот пејач откри на кои специјалитети не може да им одолее (фото)

Слаѓана Атанасова — Thu, 17 Nov 2022 11:29:16 +0000

Пејачот Здравко Чолиќ ретко се гледа на други јавни места освен на концерт, а неговиот семеен живот кој го води далеку зад камерите отсекогаш заинтригирал многумина. И додека порано се прашувавме што прави пејачот во слободното време, сега имаме можност да ги слушнеме неговите навики, омилените специјалитети, па дури и колку се готви во неговата куќа. За сето тоа, ни помалку ни повеќе, раскажа поранешната готвачка на пејачот, Сандра Ѓуретиќ, која пред неколку години имаше можност да му подготви храна во ресторан со национална кујна, која често ја посетуваше. Сандра денес има свој блог, а вистински српски специјалитети претходно, меѓу другото, му подготвувала и на Чола, кој често бил гостин или нарачувал храна. Работела во позната белградска кафана, а сега раскажа каков е Чолиќ во неговите неформални јавни настапи. - Беше наш редовен гостин и пред се човек од народот, со светол и ведар дух, секогаш срдечен и насмеан. Секогаш кога доаѓаше во ресторанот, прво одеше во кујната да не поздрави нас кои работиме таму. Никој од познатите не го правеше тоа - открива блогерката, а потоа раскажала кои јадења ги нарачал Чола. - Секогаш нарачуваше домашно зготвени јадења кои беа на менито на ресторанот за тој ден. Сакаше домашни лепчиња и ќифлички што јас ги месев. Често доаѓаше со семејството, па дури и телефонски нарачуваше храна и доаѓаше само да ја земе. Бидејќи беше ресторан за национална кујна, немаше модерни колачи, но правевме вистинска мрзлива пита, кремпити што ги правеа нашите баби, како и пити со ореви. Сето тоа многу го сакаше – изјавила таа за локалните медиуми. Фото: Принтскрин/Зоран Лончаревиќ

Лепа Брена покажа како ужива за сите пари во Мајами (фото)

Слаѓана Атанасова — Fri, 28 Oct 2022 07:56:42 +0000

Фолк ѕвездата Лепа Брена во Америка ужива во сè! На социјалните мрежи пејачката објавува фотографии од Мајами во лелеави опуштени тоалети и јаде само специјалитети на луксузни места. Семејството Живојиновиќ е познато по тоа што ужива во добра храна, а сакаат и знаат да се опуштат со неколку пијачки, Брена на една од фотографиите покажа дека алкохолот ја опушта, па можеме да видиме и шишиња со алкохол во огромна чаша, додека тука е и препознатливата насмевка на пејачката. Палми, сонце, големи шешири, сето тоа можеме да го видиме на објавите на Брена, а веруваме дека многумина би сакале да бидат на нејзино место токму сега. - Хедонист на животот, креација и љубов кон сè и секого - напиша Брена во описот. Фото:Принтскрин/Инстаграм/Лепа Брена

Ужива кога јаде месо: Тешкото мени на Цеца е само за оние со здрав желудник (фото)

Слаѓана Атанасова — Fri, 13 May 2022 11:43:15 +0000

Светлана Цеца Ражнатовиќ призна дека сака да јаде месо, а откри и сѐ што пробала. Фолк ѕвездата Цеца Ражнатовиќ откри дека е одличен месојад, како и што пробала од специјалитети, но и храна која никогаш не можела да ја јаде. Освен локални месни специјалитети од свинско, пилешко и говедско месо, Цеца открила дека пробала и месо од разни диви животни. „Јас сум голем месојад! Сум пробала месо од разни диви животни. Пробав змии, зебри, ноеви, ајкули, крокодили... Единственото нешто што никогаш не можев да го пробам се полжавите. Кога ќе се сетам како изгледаат, навистина не можам“ - рече Цеца и истакна дека иако е голем гурман, не влегува во кујна. „Искрено, не сакам да готвам или да одам на пазар. Мислам дека доволно придонесувам за семејството, па не морам да го правам и тоа. Иако, знам да готвам! Јас сум од југот, секоја жена таму мора да ги знае сите домаќински работи“ - изјавила пејачката. „Јас и сестра ми научивме сѐ, но би излажала ако кажам дека денес готвам. Едноставно не уживам во тоа, ниту ме интересира. Но, ако треба, ќе готвам, секако - рекла Цеца и додала дека никој од нејзините бивши не влегувал во кујната. „Не сум имала ниту еден маж кој мириса на запршка“ - истакна пејачката, напоменувајќи дека поминало времето кога жената морала да биде добра домаќинка за да се омажи. Фото:Принтскрин/Инстаграм/cecaraznatovic

Дeјан Манасков во самоизолација покажа уште еден талент за која можеби не сте знаеле дека го поседува

Христина Ѓоргиевска — Thu, 30 Apr 2020 07:24:57 +0000

Македонскиот ракометен репрезентативец важи за еден од подобрите спортисти кој своето срце го остава на терен. Дејан за разлика од повеќето, веројатно не многу милува да биде активен на социјалните мрежи, а исклучоци има само кога ракометот е во прашање, па тогаш знае да сподели некоја фотографија од терен. Дејан поради својот ангажман во унгарскиот ракометен клуб Веспрем, живее во истоимениот град во Унгарија, која вирусот исто така не ја заобиколи. Изиминатиот период многу од јавните личности особено од понежниот пол се пробаа во кујна и карантинските денови го искористија за да подготват разни јадења и специјалите, па многумина од нив го открија и талентот за готвење. https://arhiva.vistina.com.mk/radio-mileva/dejan-manaskov-go-pokaza-svojot-dom-i-kako-mu-minuva-vremeto-zad-dzidovi-foto/ Meѓутоа, освен домаќинките, својот талент во кујна го покажа и Дејан Манасков кој изминатиот период приготвуваше разни јадења. Салати, сендвичи, палачинки, бифтек се најдоа на менито на македонскиот ракометар. Тој крајниот резултат го документираше со мобилиниот телефон и го сподели на социјалните мрежи. фото: Инстаграм

Шеф Елена Сотирова ве кани во ресторан „Пастел“ на еногастрономско доживување за сите сетила

Антонио Димитриевски — Thu, 18 Oct 2018 10:37:10 +0000

Името „Пастел“ важи за веќе етаблиран бренд, кој покрај извонрено квалитените печива и слатки, како и разновидни избрани појадоци, кој однеодамна стартуваше и со попладневно-вечерно мени, со што станува еден вид „фајн дајнинг“ ресторан. Што тоа ќе го издвојува од конкуренцијата и какво мени ќе им понуди на своите гости, објаснува Елена Сотирова - еден шефовите на кујната која заедно со познатиот готвач, шеф Влатко Огненовски го сочинуваат тимот кој му вдахна нов гастрономски дух и шмек нма веќе познатиот бренд.

„Менито на ресторан Пастел е кратко со цел да секоја чинија биде со еднаков квалитет. Се одлучивме така бидејќи секое преголемо мени носи дополнителни побарувања во кујната и потоа следува не еднаквост во квалитетот на секоја чинија“ - вели Елена и додава:. „Менито во себе содржи јадења кои се направени од внимателно избрани локални производи и рецепти подготвени со различни пристапи. Во нашето мени можете да најдете салати, чиј вкус, структура и начин на обработка се истражувани подолго време. Пасти (тестенини) како њоки се приготвуваат во самиот ресторан и се домашно подготвени со свежи намирници, споени со сосови кои се приготвуваат и до 8 часа. Во менито ќе најдете свинско, пилешко, јунешко па дури и зајачко месо, сите приготвени со многу љубов и разновидност. А вкусот на месото и сосот се обогатени со о-теник (крцкав топол леб) на шеф Игор Стојановски“ - објаснува Сотирова.

Гастрономска тајна која шеф Влатко Огненовски и шеф Елена Сотирова ја знаат и ја применуваат во понудата на Пастел, е уникатна и го разликува од останите ресторани во кои веќе тие ги имплементирале своите гастрономски вештини. „Како што веќе кажав, основата на нашето готвење се темели на последните модни трендови во светот, а генерално готвиме во база со маслиново масло од врвен квалитет, кој се разгранува во сите сгменти со користење на свежи локални ароматични тревки како што се: жалфија, рузмарин, лук, власец, кромид, целер, мајчина душичка, пеперминт, свеж босилок и друго“ - открива дел од тајната на мајсторите на кујната на пастел, шеф Елена, при тоа појаснувајќи ја и винската карта на ресторанот, која е нераскинлив дел од гастрономската понуда на едно ваков угостителски локал.

„Генерално изборот на вино е од најпрестижните винарии од Македонија и од странство. Тие апсолутно внимателно се селектирани и спарувани со нашата храна“ - тврди шеф Сотирова.

Разбирливо, секој ресторан, особено новотворен има и свој специјалитет на куќата, а тој во Пастел е спој на традиционалното и модерното кога е новонајавената кујна на овој „фајн дајнинг“ ресторан во прашање. Шеф Сотирова вака ја објаснува тајната на мени понудата: „Стартувајќи со предјадењата па преку зајачкиот пастел на ,,Пастел,, кое е функиционална храна пред се, е спојување на традиционалниот медитерански стил на подготовка на зајачко месо кој го фузионираме и препорачуваме да се спои со модерниот ориз ,,Мохто,, а сето ова да заврши со модерните десерти на нашиот пејстери шеф Игор Стојановски“.

Покрај храната и виното, ресторанот Пастел има и поинаков пристап кога е подготовката на храната во прашање, еден вид готвечки персформанс, но и најава за гостување на шефови и готвачи од други земји кои ќе ги донесат и вметнат во понудата своите специјалитети. Пристап со кој ресторанот ќе ги задржи постоечките гости, но и ќе привлече нови, кои ќе посакаат да го посетат. Еве како тоа го објаснува шеф Елена: „Како што веќе некои од вас слушнале Cryo Cooking метод на готвење со течен азот. Каде храната се готви на -196 C. Во тек се нови истражувања за нови јадења зготвени со течен азот кои ќе бидат имплементирани во ресторан ,, Пастел,,. Доколку сакате да ги пробате и да го видите перформансот ќе мора да не посетите. А секако тука се и гости шефови од други држави кои ќе настапуваат во ,,Пастел,, со цел за размена на културите и обичаите“. Така гостите ќе можат да пробаат дел од италијанската, француската, турската или пак српската кујна.

Клуб картiчките за лојалност со попусти за постојаната клиентела се веќе во оптек, но освен изборот на храната, пијалоците и услугата шеф Елена открива уште некои мали финеси кои го надополнуваат амбиентот на пријатно и опуштено чувство при посетата на Пастел: „Клуб картички за лојалност веќе постојат бидејќи за секој лојален гостин сакаме да следува еден вид благодарница, па тоа е начинот кој го одбравме. Покрај храната и вината како и мирисот на свежо печен леб, е многу внимателно одбран и ентериерот кој е класичен за европските таверни, остерии, буланжерии и патисерии, со што на овој начин покрај добриот сервис проследен со убава класична музика, целиот амбиент придонесува да ве одведеме на едно прекрасно кулинарско доживување“. Пастел е веќе познат по своите слатки, а гастрономското мени е збогатено и со избор на нови слатки специјалитети во вид на десерти како колачот со кикиритки и карамел, на пример.

На прашањето: Што е тоа што шефовското дуо Огненовски – Сотирова го знаат и ги разликува од останатите, а е специфика за нивниот стил на готвење, како и избор и комбинирање на намирниците, шеф Елена со широка насмевка вели дека тоа со зборови не може да се објасни. „Ве покануваме да ни бидете гости и да ни ја дадете можноста барем еднаш за да ви покажеме тоа што кај нас е најспецифично и најдобро, бидејќи и покрај се', за вкусовите не се дискутира и тоа нешто не можам да ви го објаснам со зборови“ - завршува шеф Сотирова.