На 25.01.1981 се роди најголемиот и најдобриот пејач во Македонија Тодор Тоше Проески. Денес се навршуваат 41 години од раѓањето на најголемата поп ѕвездакоја оваа земја ја имала. Човекот кој покрај големиот талент и дарба, имаше и огромно хумано срце срце и љубов за сите.

Човекот кој докажува дека музиката нема граници, момчето кое ни покажа дека хуманоста треба да биде задолжителна. Сонуваше за оперски арии, светски хитови, концерти на големите светски сцени. Откако ја освои Македонија и регионот, копнееше да го освои и светот. Ги направи само првите чекори, но и со тоа се радуваше. 

Естрадниот магазин Бекстејџ кој се емитува секој работен ден во 16.15 на Телма, вторничкото издание ќе му го посвети токму нему. За него зборуваат новинарката, авторката на книгата за Тоше, Соња Алексовска Неделковска, музичкиот продуцент Миро Буљан, но и некој кој сиве овие години молчеше, а имаше што да каже... Бекстејџ исто така ќе ве потсетат на најголемите негови хитови, но и она на кое што не смее да се заборави кога е големиот Тоше во прашање. Зашто ангелот има само датум на раѓање.

Гледајте, денес, вторник, 25 јануари 2022 година,  во 16.15 часот на ТВ Телма.