спаси – Вистина.мк

Eдноставна и изненадувачка навика може да ја спаси врската од пропаст: Еве што вели еден психотерапевт

Христина Ѓоргиевска — Fri, 17 Dec 2021 14:15:37 +0000

Секоја врска е различна, па затоа е тешко да се препише еден универзален совет за да се обезбеди долга и квалитетна љубов. Естер Перел, психотерапевт и светски познат експерт за врски и љубов, даде едноставни совети кои можат да ги негуваат врските. Здрав однос Сега можеби очекувате совет да ги подобрите комуникациските вештини или да ја задржите искрата на авантурата на ново место, сепак, Перел предлага нешто многу поедноставно – танц. Без разлика на возраста или фазата на врската, тој верува дека танцувањето е клучот за успешно, здраво партнерство. – Танцувањето е усогласување. Има невербално усогласување со ритамот на другиот, телото на другиот, движењето на другиот. Со други зборови, танцувањето може да ви помогне да се поврзете со партнерот без зборови. Има контакт со очи, има живост и има чувство на доверба. Студија од 2015 година укажува на моќта на танцот за подобрување на социјалните врски меѓу пријателите. Исто така, танцувањето поттикнува радост. извор: попара.мк

Разведени луѓе откриле што би можело да им го спаси бракот: Да бев свесна дека бракот треба да биде „ние“, а не „јас против него“

Христина Ѓоргиевска — Fri, 08 Oct 2021 12:15:39 +0000

Еден корисник на „Reddit“ ги замолил разведените луѓе да откријат што би можело да го спаси нивниот брак. Некои од одговорите се навистина емотивни, ова се дел од нив: „Да бев свесна дека бракот треба да биде „ние“, а не „јас против него“. Ми требаше одредено време да ја научам таа лекција, но во вториот брак ја положив“. „Требаше да одиме на брачни терапии и да бидеме чувствителни на проблемите и борбата на оној другиот“. „Комуникација. Не ми кажа дека била несреќна две години, а јас не знаев ништо за нејзиното незадоволство додека не бакна друга личност. А, тогаш веќе беше доцна, не сакаше повеќе да работи на нашиот однос“. „Претходно патував надвор од земјата 150-200 дена годишно поради работа.Со недели не бев дома, а тогаш кога ќе бев дома, не бев присутен поради тоа што бев премногу изморен. Пронајде нови интереси надвор од бракот“. „Да разговаравме редовно за финансиите и заедно да создававме финансиски планови“. „Да знаевме дека бракот не е 0-50, туку 100-100“. „Требаше да чекам долго за да се венчам. Мојот поранешен сопруг ми беше најдобар пријател, но не требаше да се венчаме. Требаше едноставно да останеме пријатели. Потоа сфатив дека чекањето не значи ништо доколку си со вистинската личност“. „Навреме да препознаев дека постојано сака да го контролира моето однесување и мојот живот. Не бевме добри еден за друг, не станавме подобри личности еден за друг. Се плашев кога се лутеше, па ми беше тешко да бидам свој и трпев многу за да избегнам кавга“. „Апсолутно ништо. Се венчавме млади, а осум години подоцна бевме различни луѓе кои никогаш не би разговарале доколу се сретнеле тогаш. Некои бракови не треба да траат“. извор: точка.мк

На овие начини сакате да си ја спасите врската и правите катастрофални грешки

Христина Ѓоргиевска — Fri, 22 Jan 2021 14:30:14 +0000

За да се спаси една врска или брак треба многу работа, но постојат граници преку кои не треба да се прејде и кога треба да сфатите оти треба само да го пуштите бројот кој тоне. Ова се најлошите работи кои можете да ги направите во вашата врска која пропаѓа: Се правите дека се е во ред Раскинувањето за некого е срам, па глумат дека се е како што треба. Тоа не вклучува само глума пред роднините и пријателите – паровите кои се трудат со игнорирање да го решат проблемот често глумат и кога се сами. Се одлучуваат за брак Сигурно сте слушнале барем за еден пар кој веќе одамна е несреќен, но наместо вести за раскинување, слушате дека ќе се венчаат. Стравот од осаменост кај некои луѓе е толку голем што понекогаш тие се подготвени да направат се за да не дојде до тоа. Работат на дете -Многу ни е лошо во врската, можеби работите ќе тргнат на подобро кога ќе добиеме дете – иако ова е погрешен пристап, голем број луѓе се уште така размислуваат. извор: Курир.мк

Северина ја демантира прељубата, новото „момче“ тврди дека се само пријатели, а Игор ја моли да му се врати, да го спасат бракот: Кој кого лаже? (ФОТО)

Антонио Димитриевски — Fri, 27 Nov 2020 10:22:58 +0000

Игор Којиќ тврди дека не од татко му и мајка му, туку од медиумите дознал дека неговата сопруга Северина е во наводна врска со сопственикот на винарија, Томислав Воштиниќ, па сега сака да се смират и по секоја цена сака да го сочува бракот. „Севе и Игор не се виделе веќе шест месеци, откако таа ја напушти семејната куќа на Бежанијска Коса и се пресели во Загреб. Одвреме-навреме се слушаат, па бидејќи досега никој не го покренал прашањето за развод, па Игор се надеваше дека ќе ги реши сите несогласувања кога конечно ќе се видат“ - ја започнува приказната изворот и додава дека Којиќ наводно бил многу разочаран и погоден од веста дека Севе има нова љубов во Хрватска, која го погодила како молња. „Тој се шокираше кога во медиумите прочита дека неговата сопруга му е неверна и дека летово крстарела на Јадранот со Томислав. Игор веднаш и се јавил и побарал објаснување, но Сева постојано тврдела дека Воштиниќ и е „само добар пријател“. Убеден е дека го лаже, но подготвен е да премине преку сè само за да го спаси нивниот брак. Тој и рекол: „Не ми е гајле што се случило, ти простувам сè, само врати се кај мене“. Почнал да ги посетува манастирите во Србија и да му се моли на Бога таа да му се врати и да биде повторно со Северина“. „Од друга страна, хрватската поп sвезда упорно негира дека е во врска со Воштиниќ, во чија винарија е редовен гостин. „Томислав и е само пријател на Северина. Се одржа настан во неговата винарија каде што таа беше дојдена со друштво и ние отфрламе каква било инсинуација дека двајцата се во емотивна врска“ - изјавил портпаролот на Северина. „Северина и јас сме добри пријатели и имам само пофални зборови за неа. Точно е дека таа дојде во мојата винарија, но не беше сама, имаше многу луѓе. Ништо не се случи меѓу нас двајца и сето тоа се само смешни приказни кои и јас ги читам во весниците. Разбирам дека нејзиниот живот е интересен за медиумите“ - вели Томислав, кого го поврзуваат со Северина.

Дарко Филиповиќ за влакно ја избегна смртта: „Да бев во помал автомобил, ништо немаше да остане од мене“

Христина Ѓоргиевска — Wed, 22 Jul 2020 10:00:53 +0000

Дарко Филиповиќ на 20 јули доживеа сообраќајна несреќа во која за влакно ја избегна смртта. „За валкно ја избегнав смртта, ја гледав во очи. Беше страшно“, вели пејачот и открива како дошло до сообраќајната несреќа. „Не сум виновен. Човекот возеше со голема брзина во населено место. Кога удри во мојот автомобил, ме сврте за 360 степени. Не знаев што ме снајде“, вели Филиповиќ и додава: „Да бев во помал автомобил, од мене немаше ништо да остане. Искрено, не знам како преживеав. Се уште сум во шок и трпам болки. По сообраќајката ме однесоа во Ургентен каде што пет часа поминував на испитувања“. Момчето кое ја предизвика сообраќајната несреќа се здобил со полесни повреди. Филиповиќ истакна дека неговата сопруга и ќерка се во Ниш, па на тој начин го избегнале стресот да го видат повреден.

Ова е Марија Димитријевиќ, девојката што и го запре крварењето и спаси животот по хорор сообраќајката на водителката на ТВ Пинк

Антонио Димитриевски — Sat, 09 Feb 2019 16:46:29 +0000

Марија Димитријевиќ е девојката која меѓу првите притрчала да ѝ помогне на српската водителка Деа Ѓурѓевиќ, која доживеа тешка сообраќајна несреќа, кога автобус удри во неа и ѝ ја откина раката. Марија е здравствен работник, а работи на приватна клиника како лаборант. Таа се наоѓала во автобусот кој учествувал во несреќата, а штом излегла слушнала вресок. „Излегов и слушнав некој како вреска, па дотрчав. Прво не сфатив што се случува и дека нема екстремитет, но кога погледнав празен ракав, ми беше јасно. Помисли дека раката е само скршена, но набрзо ми стана јасно. Седнав покрај неа, не знаеше што ја снашло, беше страшно“, вели таа и додава: “Мислам дека не беше свесна дека нема рака, не ѝ дозволив да се допре за ракав со другата шака. Просто ќе доживееше само шок. Тоа беше сцена како од хорор филм. Тоа ретко кој може да дојде до себе од шок. Многу ми е драго што успеале да ја спасат со операција“, вели храбрата девојка.