спасен сиљаноски – Вистина.мк

Спасен Сиљаноски ги откажа сите настапи: Фолкерот објави загрижувачка фотографија од болница – поради повреда заврши во гипс (фото)

Слаѓана Атанасова — Tue, 21 Nov 2023 09:06:10 +0000

Македонскиот пејач Спасен Сиљаноски вчера на социјалните мрежи сподели со фановите загрижувачка фотографија од болница. Фолкерот на неговите фанови им најави дека во наредниот период пеењето ќе го стави на одредена пауза поради повредата која му се случила. На фотографијата раката на Спасен е во гипс, а тој позира седнат на болничкиот кревет. „Драги мои фанови, поради оправдани причини жал ми е што морам да ве известам дека ги откажувам моите настапи во наредните 2-3 недели. Се надевам на разбирање од ваша страна“, напиша тој. Неговите обожаватели веднаш реагираа на објавата и оставија коментари со кои му посакаа брзо опоравување. „Господ здравје и трпение да ти даде, Со помин, побрзо опоравување. Но, некои му потенцираа дека повеќе од сигурно, барем еден месец ќе мора да го носи гипсот на повредената рака. „Со помин нека е но од искувство еден месец, гипсот е загарантирано носење“ - стоеше поточно во коментарот. Подоцна се огласи и на социјалната прежа Инстаграм на кратките приказни со истата фотографија од болницаta за да ги извести сите : „Неколку недели принуден одмор“ - напиша таму. Сиљановски освен како фолк пејач е познат и како композитор. Тој е активен на социјалните мрежи и редовно споделува фотографии од неговите ангажмани, но и приватни моменти со семејството со кое ужива во слободното време. Фото: Принтскрин/Инстагра//Фејзбук/Спасе Сиљановски

Ако може Рашковски, може и тој: Цела естрада се жали, „кука и плаче“, само младиот фолкер Спасен Сиљаноски среде криза се „поднови“… со автомобил! (ВИДЕО)

Антонио Димитриевски — Thu, 15 Apr 2021 07:35:01 +0000

Младиот македонски фолк пејач Спасен Сиљаноски беше прв од групата на оние естрадни уметници кои сметаат дека без оглед колкав е износот, парите од владината поддршка треба да се земат и искористат. Но, не заради тоа што кој знае колку ќе ии помогнат или наполнат буџетот на естрадните уметници, туку заради нешто сосема друго. „Јас ќе ги земам тие 14.500 денари и не е важно каде ќе потрошам. Можеби ќе дадам на двете деца и сопругата. Односно дали ќе ги потрошам на семејство за леб и млеко или ќе ги испијам во кафеана или ќе ги донирам на некој што воопшто нема, тоа веќе е моја работа. Но, јас ќе ги земам зашто во минатото некои милионери и функционери, како што се Мира – Дизел, Силвана Бонева и ред други, земаа стотина илјади евра за патни трошоци, односно земаа околу 150.000, а сите знаеме дека нивните примања се огромни. Како што се огромни и нивните бенефиции, кои ги имаат благодарение на функцијата. Епа ако можат Мира -Дизел и Бонева, можам и јас“ – изјави своевремено младиот пејач во времето кога се делеа првите државни пари како помош за естрадата тешко погодена од коронапандемијата. Тогаш Сиљаноски „крена прашина“ со својата изјава, а сега младиот македонски фолкер одново ја заинтригира јавноста, откако во шпицот на коронапандемијата и економската криза предизвикана од неа Спасен купи кола. Чекаќи зелено светло за настапи, пејачот си најде занимација, па деновиве на својот Фејсбук профил се пофали дека купил автомобил. До душа „застава 750“ од Бог знае од која година производство, ама сепак... Фичо си Фичо, па макар и на старо! Навидум колата изгледа „џам“, стокмена тип-топ, а како стои со моторот... е друга работа?! Е сега останаа две дилеми, недоречени, две прашања на кои чекаме Спасен да одговори? Дали „фичото“ го купил со парите од помошта од владата или што би рекле, 2бакшипш му е од Заев“ и дали воопшто автомобилот е негов и навистина ќе се вози во него или е некоја негова шега? Впрочем како велеше Спасен во изјавите пред да ги добие парите, оние 14.500 денари од владината поддршка: „Епа ако можат Мира -Дизел и Бонева, можам и јас“! Така и сега со автомобилот: „Ако може Драги Рашковски, може и Спасен“... До душа, владиниов екс-секретар во оставка џип „Волво“ од 70-80.000 евра од салон, а македонскиов фолкер едвај „Фичо“ на старо, ама тоа ти е... Не е секој „кримина...“, пардон - „генијалец“! https://www.youtube.com/watch?v=qT9E1TBqKaw&list=TLGGtzhpYSYaIx8xNTA0MjAyMQ&t=7s

Македонскиот пејач позитивен на коронавирус

Христина Ѓоргиевска — Thu, 25 Jun 2020 07:10:33 +0000

Додека на српската естрада до неодамна владееше паника бидејќи Цеца Ражнатовиќ и нејзиниот син беа позитивни на коронавирус, сега владее паника меѓу спортскиот свет затоа што Новак Ѓоковиќ и Јелена се заразени со Ковид 19. Во Македонија се уште се зголемува бројот на заразени. Македонскиот музичар Спасен Силјаноски од Кичево е позитивен на корона, а тој ова вест ја потврди преку својот „Фејсбук“. „Не е грев да се добие ковид-19, бидејќи не знаеме кој го носи, но грев е да се прикрие доколку се има и да се заразат твоите блиски роднини и пријатели. Затоа, поради моја морална и етичка одговорност ви го соопштувам ова“, напиша тој. Спасен откри како се заразил, но и како се чувствува. „Бев во контакт со инфицирано лице со Ковид-19 и одлучив да направам и јас тест, кој за жал денес покажа дека е позитивен, односно дека во моментов сум позитивен на Ковид-19. За моја среќа немам никакви симптоми и потешкотии, но како што е процедурата во интерес на општо добро ке се придржувам кон самоизолацијата се до добивањето на два последователни негативни теста. Ви посакувам здравје на сите, внимавајте на вашите контакти и со Господ напред се гледаме за 14 дена, јас пиво частам“ додава тој на „Фејсбук“. Потсетуваме, македонскиот пејач, водител, музичар и композитор Драган Вучиќ почина поради компликации со корона.

Паричната помош од 14.500 денари на владата ја подели естрадата: За едни – „ситниш“, за други – „бакшиш“!

Антонио Димитриевски — Sat, 13 Jun 2020 08:15:59 +0000

Владата деновиве на седница донесе уредба со законска сила за финансиска поддршка на естрадата за време на вонредна состојба, за уредување на условите, начинот и постапката за доделување финансиска поддршка на естрадните уметници погодени од здравствено-економската криза предизвикана од коронавирусот, за месеците април и мај 2020 година. Предмет на финансиска поддршка е исплатата на финансиски средства за споменатите месеци во месечен нето-износ од 14.500 денари. За исполнување на критериумите за користење на оваа финансиската поддршка ќе одлучува посебна комисија во која ќе членуваат истакнати естрадни уметници. Тоа е она што Владата го понуди, а естрадните уметници ги подели... И тоа уште во старат, на се' уште недоделени пари! Имено, едни се изнасмејаа на уредбата, други категорички ја одбија доделената „цркавица“, за трети тоа е ситниш, но за некои ова му доаѓа како непланиран бакшиш! Како по обичај, муабетите веднаш тргнаа, социјалните мрежи зовреа, а естрадните уметници се поделија на два табора: оние што ќе ја прифатат паричната помош и оние кои нема да го сторат тоа, иако естрадата е речиси 4 месеци без работа и никакви приходи! Прв пример на оние кои се откажаа од „непристојниот владин предлог“ е фолк пејачот Јордан Митев, чиј личен став е следен: „Срамота и нехумано е вистински естраден уметник да бара 14.500 денари помош од државата! Тој што работел добро и домаќински во нашата каква – таква професионална естрада ќе може да ја преживее оваа криза, тој што не работел добро и домаќински и пред корона кризата бил во криза и по короната пак ќе биде во криза. Таквите естрадни уметници кои што преживуваат и кои што чекаат од државата 14.500денари можеби попаметно е да си фатат постабилна и сигурна работа, а естрадата да ја остават на оние кои што можат добро да пливаат во тие води. Така ќе ни се зголеми и квалитетот и цената“ - вели познатиот пејач и додава: „Секој пејач што држи до себе, што вреди, не му е дојдено до 14.500 денари. Ако им дошло до овие пари, навистина нека се вработат на друго место. Нека не се декларираат како естрадни уметници. Ги разбирам оние музичари што зависат само од свадбите, ним треба да им се помогне. Но, естраден уметник е нешто друго, повисока категорија и таа треба да биде заслужена и оправдана“ - додава пејачот. Од друга страна пак, прв од групата на оние естрадни уметници кои сметаат дека без оглед колкав е износот, парите од владината поддршка треба да се земат е младиот и се' попопуларен фолк пејач Спасен Сиљаноски. Но, не заради тоа што кој знае колку ќе ии помогнат или наполнат буџетот на естрадните уметници, туку заради нешто сосема друго. „Јас ќе ги земам тие 14.500 денари и не е важно каде ќе потрошам. Можеби ќе дадам на двете деца и сопругата. Односно дали ќе ги потрошам на семејство за леб и млеко или ќе ги испијам во кафеана или ќе ги донирам на некој што воопшто нема, тоа веќе е моја работа. Но, јас ќе ги земам зашто во минатото некои милионери и функционери, како што се Мира - Дизел, Силвана Бонева и ред други, земаа стотина илјади евра за патни трошоци, односно земаа околу 150.000, а сите знаеме дека нивните примања се огромни. Како што се огромни и нивните бенефиции, кои ги имаат благодарение на функцијата. Тука ќе ги споменам и фирмите кои располагаат со милионски капитал, како и ресторани, кои заработуваат илјадници евра месечно, а сепак, се обесштетени со енормно големи суми државни пари. Епа ако можт Мира -Дизел и Бонева, можам и јас“ - вели Спасен. И додека се подготвуваат списоците и листите на оние уметници од естрадата кои ќе се најдат на нив, останува прашањето дали тие пари се за нив само обичен „ситниш“, со оглед на тоа колку заработуваат во нормални услови или обичен бакшиш, кој добро ќе им дојде во овие околности? Се разбира, кој, како и според кои критериуми ќе се најде на листата за владини „субвенции“ и кој ќе ги прифати, а кој ќе ја одбие понудената државна помош, останува да анализираме и коментираме откако паричната помош за естрадните уметници ќе биде поделена!