спанаќ – Вистина.мк

Крем чорба од спанаќ, вкусна и здрава

Слободанка Илиева — Thu, 11 May 2023 12:50:04 +0000

Состојки: 1/2 кг спанаќ 2 компири 2 кромид 3 чешниња лук 1 јајца 3 лажици павлака малку масло сол по вкус 1 шолја млеко 1 лажица брашно Подготовка: Спанаќот исчистете го, сварете го во солена вода и исцедете го. Заедно згответе ги компирите, кромидот и лукот. Спанаќот, компирот и кромидот испасирајте ги во блендер. На масло пропржете го брашното, па истурете ја водата во која се свариле компирите и кромидот. Додадете го пасираниот зеленчук, посолете и варете околу 15 минути. Јајцето се мати со млекото, се додаваат една или две лажици чорба, се матат, па се зачинува чорбата со него. Гответе уште пет минути, па кога ќе биде готова супата, додадете и павлака и послужете. извор:курир.мк

Кој не смее да јаде спанаќ? Ако ги пиете овие лекови, може да ви направи хаос во организмот

Слаѓана Атанасова — Fri, 28 Apr 2023 11:40:21 +0000

Познато е дека зелениот зеленчук е благодет за нашето тело, а спанаќот е ултимативниот крал на тој зеленчук. Водата е главната состојка на спанаќот. Количината на липиди и јаглехидрати во спанаќот е мала, но затоа тој е еден од зеленчуците со најголема содржина на протеини. Во спанаќот може да се најдат многу минерали: калциум, железо, калиум, магнезиум, манган и фосфор. Од витамините, спанаќот содржи витамини А, Ц, Е, К, витамини од Б комплексот (Б6, Б2, Б1) и фолна киселина (витамин Б9). Спанаќот содржи и омега 3 масни киселини. Витаминот А го зајакнува имунитетот, па телото полесно се бори со инфекции и воспаленија. Спанаќот е корисен и поради неговиот минерален состав: калиумот, магнезиумот, бакарот, цинкот и манганот му помагаат на телото да се ослободи од вишокот течности. Ова го коригира високиот крвен притисок и го зачувува здравјето на срцето. Изобилството на железо го прави сојузник на сите заболени од анемија – 100 гр спанаќ задоволува четвртина од дневните потреби. Овој зелен зеленчук е на листата на „суперхрана“ поради неговите значајни антиоксиданси како лутеин, зеаксантин и бета каротен. Благодарение на него, организмот полесно се брани од токсини, бактерии и вируси. Сепак, не е за сите добро секојдневно да јадат спанаќ. Бидејќи има многу оксална киселина, способноста на телото да ги апсорбира минералите може да биде нарушена. Оттука, спанаќот може, парадоксално, дури и да доведе до дефицит на овие супстанции. Според Агенцијата за храна и лекови на САД, особено е ризично за пациентите кои земаат средства за разредување на крвта поради високите нивоа на витамин К кој може да се спротивстави на ефектите од овие апчиња. Исто така, може да доведе до дигестивни проблеми – дијареа, гасови и надуеност. Поради фактот што состојките на спанаќот може да реагираат со некои лекови, задолжително консултирајте се со вашиот лекар во врска со употребата на овој зеленчук во вашата исхрана. Извор: Курир.мк

Сарми со спанаќ: Идеални за оние кои постат

Слободанка Илиева — Thu, 16 Mar 2023 13:20:16 +0000

Ако постите, тогаш можете да направите сармички со спанаќ, кои ќе бидат повкусни од оние со зелје. Состојки: 1 страк праз 1 голем рендан морков 100 гр малку обарен ориз 4 чешниња сечкан лук сув зачин мелен бибер мелен црвен пипер масло Подготовка: На масло пропржете го сечканиот праз, додадете го ренданиот морков и потоа кафеавиот ориз, сув зачин, мелен. бибер. Изедначете сè. Изберете големи листови спанаќ, исчистете ги малку подебелите стебленца, измијте ги и попарете со топла вода. Оставете две минути и процедете. Во листовите ставете една лажица фил, па завиткајте во сармичка. Наредете ги во намрсен плех. Во тенџере сипете 200 мл сварени домати, потоа додадете една лажица брашно, па изматете со жица за да нема грутчиња. Истурете 150 до 200 мл вода, три лажици масло и прелијте. Малку протресете ја тепсијата и ставете ја во рерна која се загрева на 220 степени. Печете околу 35 минути додека да испари течноста и да ви бидат готови сармичките. извор:попара.мк

Солен ролат со спанаќ или блитва

Христина Ѓоргиевска — Thu, 04 Mar 2021 14:03:48 +0000

Кралицата на Франција, Кетрин де Медичи, им нареди на своите готвачи да служат спанаќ со секој оброк. Ова не е ни чудо, бидејќи овој зеленчук е вистинска ризница на вредни хранливи материи. Спанаќот е богат со хлорофил, протеини, минерали железо, магнезиум, фосфор и многу елементи во трагови потребни за одржување на здрава рамнотежа. Спанаќот нуди огромно снабдување со хранливи материи во однос на неговата калориска вредност. Блитвата во нејзините лисја крие многу хранливи материи, па затоа се смета за навистина моќна храна. Скоро нема витамини или минерали кои не се содржани во поголема или помала мера во овој зеленчук. Според експертите, блитвата содржи околу 13 различни антиоксиданти, од кои се издвојуваат алфа и бета-каротен, лутеин, зеаксантин и холин. Еве како да направите вкусен солен ролат со спанаќ или блитва.

View this post on Instagram

A post shared by Sanja Mijac - blog Domaćica (@domacica.sanja)

Потребни состојки:

За ролатот:

5 јајца
150 гр варен и сечкан спанаќ или блитва
2 лажици павлака
100 милилитри масло
100 гр брашно
малку сол

За полнежот:

300 гр крем сирење
2 лажици павлака
150 гр шунка или врат
сол, бибер и зачини по желба

Начин на подготовка:

Загрејте ја рерната на 180 степени Целзиусови. Поставете поголем плех за печење со мрсна хартија за печење. Направете пире од спанаќот или блитвата и додадете ги сите други состојки. Измешајте да се соедини. Истурете ја смесата во голема тава за печење, израмнете и ставете ја во рерна околу 10 минути. Печениот ролат завиткајте го заедно со мрсната хартија во влажна крпа и оставете го да се излади. Наполнете го оладениот ролат со полнежот што сте го подготвиле со ситно сечкана шунка и остатокот од состојките. Премачкајте го ролатот и превртете го. Чувајте го во фрижидер. Добар апетит! извор: кафепауза

Вегетаријански бургери од киноа и спанаќ

Слободанка Илиева — Fri, 17 Jul 2020 14:00:35 +0000

Овие бургери од спанаќ и киноа се вкусни, вегетаријански и полни со протеини и хранливи материи. Погледнете го рецептот и направете ги уште денес. Потребни состојки:

150 г неварена киноа
450 милилитри вода
4 јајца
120 г пармезан или по избор
2 китки млад кромид
3 чешниња лук
150 г спанаќ на пареа
150 г лебни трошки
1 лажичка маслинов зејтин

Начин на подготовка: Исплакнете ја киноата и ставете ја во сад заедно со водата. Гответе за 20 минути. Потоа комбинирајте ги изматените јајца, киноата, пармезанот, сечканиот млад кромид, истолчениот лук, спанаќот и лебните трошки. Оставете за неколку минути за да се апсорбира течноста. Смесата треба да биде влажна. Потоа формирајте бургери. Загрејте го зејтинот во голема тава на среден оган. Гответе ги бургерите покриени за 8 до 10 минути од секоја страна. Треба да добијат златна боја. Потоа уживајте и добар апетит! извор:кафепауза.мк

Дајте му сила на вашето тело

Билјана Цветковска — Thu, 14 Nov 2019 14:45:39 +0000

Доколку постојано се чуствувате уморни, без воља и немате енергија и за најмала работа да извршите, тогаш е време да вметнете одредени намирници во вашата исхрана. Овие намирници ќе му дадат сила на вашето тело и организам, ќе се чуствувате поубаво, поенергични, ќе бидете и порасположени за се. Банана - Богата е со калиум кој го победува заморот и ја подобрува концентрацијата. Освен тоа е и одличен извор на витамини Б6 кој е важен за правилна работа на имунитетот и мозокот, како и прехранбените влакна кои го чуваат варењето. Цвекло - Богат со со многу железо, фолна киселина и б витамин. Се препорачува да се комбинира со цитрусно овошје како лимон и портокал за да се подобри меѓусебната апсорпција на хранливи материи. Спанаќ - За секој од нас спанаќот дава неверојатна енергија. Овој зеленчук задоволува 200 пати повеќе од дневната потреба за витамин К, кој го чува здравјето на коските. Богат е и со железо, па се препорачува за оние кои имаат недостаток од железо или се анемични.

Вкусна чорба со спанаќ и ориз

Христина Ѓоргиевска — Mon, 22 Oct 2018 15:00:24 +0000

Направете вкусна чорба од спанаќ.

СОСТОЈКИ:

600 гр. спанаќ
200 гр. сланина
1 кромид
2 чешни лук
1 лажица брашно
1 шолја ориз
1 шолја кисело млеко
1 лажиче црвен пипер
2 л. вода
1 лажица масло
сол

ПОДГОТОВКА:

Се пржи сланината на малку масло и се додава сечениот кромид, па лук и се динста.
Се става брашно и црвен пипер, како и сол, па се додава вода.
Се става измиениот ориз, па на крај на варењето се става исечениот и убаво измиен спанаќ.
Се служи со кисело млеко.

Рецепт на денот: Печени домати со спанаќ и сирење

Моника Манасиевска — Fri, 12 Oct 2018 13:00:24 +0000

Одлична идеја за вечера!

Потребни состојки:

1 килограм домати
200 грама спанаќ
400 грама сирење
40 грама лебни трошки
60 милилитри маслиново масло
1/2 чешне лук
Сол

Начин на подготовка:

Измијте го спанаќот и исечкајте го на ситни парчиња. Истото направете го и со половината чешне лук. Ставете ги во голем сад сите состојки освен доматите и добро измешајте. Потоа олупете ги доматите и со лажица извадете ја средината. Наполнете ги со сосот, наредете ги во тава за печење, посипете со малку маслиново масло и печете 10-тина минути на 190 степени. Добар апетит.