сп – Вистина.мк

„Бекстејџ“ на Светско првенство во Полска заедно со македонските ракометни репрезентативци

Антонио Димитриевски — Mon, 09 Jan 2023 09:48:33 +0000

Само неколку дена не делат од Светското првенство во ракомет за мажи во Полска. Екипата на најгледаниот ТВ магазин „Бекстејџ“ секојдневно ќе не известува ов Светското првенство, директно од Краков, каде нашите ракометари ги очекува сериозен предизвик во групата против Норвешка, Холандија и Аргентина. Селекторот Кире Лазаров е задоволен од подготовките, формата, играта и резултатите на своите избраници во контролните нматпревари против Хрватска и Израел. „Подготвени сме да го доловиме ова првенство од еден поинаков агол! Заедно на уште едно Светско! Бидете со нас!“ - порачуваат и од екипата на „магазинот од зад сцената“. Ракометарите да играат, „клаваат голови“ и победуваат, новинарите да известуваат, сите ние заедно да навиваме. За кого? За Македонија!

View this post on Instagram

A post shared by 𝗕𝗮𝗰𝗸𝘀𝘁𝗮𝗴𝗲 𝗠𝗔𝗖𝗘𝗗𝗢𝗡𝗜𝗔 𝗢𝗳𝗳𝗶𝗰𝗶𝗮𝗹 (@backstage_macedonia)

Скандалозно однесување на испијанетите сопруги на фудбалерите на Велс: Протече снимка од лудата забава во Катар (видео)

Слободанка Илиева — Fri, 02 Dec 2022 12:14:30 +0000

Репрезентацијата на Велс не се снајдоа најдобро и го зазедоа последното место во групата Б на Светското првенство во Катар. Но на сопругите на фудбалерите не им е баш до фудбал, туку до лда забава. Во Велс се враќаат и нивните сопруги кои станаа главна тема во светските медиуми бидејќи постојано пиеле и правеле забави на базен во Катар. На социјалните мрежи кружат видео клипови од лудите забави на поубавите половини на велшките фудбалери, па иако фудбалерите лошо поминаа, изгледа дека жените имале одлична забава. Покрај девојките и верениците, се посрамоти и сестрата на Хари Вилсон, Ен Вилсон, која пијана се обиде да направи ѕвезда, но неславно падна.

V Welsh WAGs party in Qatar, with fun-loving group putting England's wives and girlfriends to shame (but their cartwheel skills need improving!) ======https://t.co/v9ZQaJbt7B pic.twitter.com/RzWCGD8O5e
— Επικαιρότητα - V - News (@triantafyllidi2) November 29, 2022

Ова е целосниот распоред на сите натпревари на Мундијалот во Катар 2022

Антонио Димитриевски — Sat, 02 Apr 2022 10:11:34 +0000

За првпат во историјата ќе гледаме мундијалски натпревари во ноември и декември. Следат супер-интересни пресметки, а групната фаза на светскиот фудбалски собир ќе трае од 21 ноември до 2 декември. Ќе се играат по четири натпревари дневно, во термините од 13:00, 16:00, 19:00 и 22:00 часот во првите две кола, а последното коло ќе понуди два термина, од 18:00 и 22:00 часот. ГРУПА А: 1. коло (21 ноември): Катар – Еквадор, Сенегал-Холандија 2. коло (25 ноември): Катар – Сенегал, Холандија – Еквадор 3. коло (29 ноември): Холандија – Катар, Еквадор – Сенегал ГРУПА Б: 1. коло (21 ноември): Англија-Иран , САД- Победник од УЕФА бараж 2. коло (25 ноември): Англија – САД, Поб. УЕФА – Иран 3. коло (29 ноември): Поб. УЕФА – Англија, Иран – САД ГРУПА Ц: 1. коло (22 ноември): Аргентина-Саудиска Арабија, Мексико-Полска 2. коло (26 ноември): Аргентина – Мексико, Полска – Саудиска Арабија 3. коло (30 ноември): Полска – Аргентина, Саудиска Арабија – Мексико ГРУПА Д: 1. коло (22 ноември): Франција- Австралија/Перу, Данска-Тунис 2. коло (26 ноември): Франција – Данска, Тунис – Австралија/Перу 3. коло (30 ноември): Тунис – Франција, Австралија/Перу – Данска ГРУПА Е: 1. коло (23 ноември): Шпанија- Костарика/Н. Зеланд, Германија-Јапонија 2. коло (27 ноември): Шпанија – Германија, Јапонија – Костарика/Н. Зеланд 3. коло (1 декември): Јапонија – Шпанија, Костарика/Н. Зеланд – Германија ГРУПА Ф: 1. коло (23 ноември): Белгија-Канада, Мексико-Хрватска 2. коло (27 ноември): Белгија – Мароко, Хрватска – Канада 3. коло (1 декември): Хрватска – Белгија, Канада – Мароко ГРУПА Г: 1. коло (24 ноември): Бразил-Србија, Швајцарија-Камерун 2. коло (28 ноември): Бразил – Швајцарија, Камерун – Србија 3. коло (2 декември): Камерун – Бразил, Србија – Швајцарија ГРУПА Х: 1. коло (24 ноември): Португалија-Гана , Уругвај-Јужна Кореја 2. коло (28 ноември): Португалија – Уругвај, Јужна Кореја – Гана 3. коло (2 декември): Јужна Кореја – Португалија, Гана – Уругвај Осминафиналињата во кои патуваат двете најдобри селекции од секоја група се играат од 3 до 6 декември. Четвртфиналињата се закажани на 9/10 декември. Полуфиналињата се на 13/14 декември. СП 2022 ќе трае до 18 декември, а финалето ќе се игра на стадионот „Лусаил“ во 18:00 часот. Ден претходно, 17 декември, ќе се игра мечот за третото место.

Извлечени групите за Мундијалот во Катар 2022

Антонио Димитриевски — Sat, 02 Apr 2022 10:06:09 +0000

Вчера, 1-ви април 2022 год. во Доха беа извлечени групите за Мундијалот во Катар 2022. Неколку фантастични мега дуели ќе има уште во групна фаза. На осум ултра модерни стадиони, 32 репрезентации ќе учествуваат на проширеното Светското првенство во Катар 2022 кое ќе се игра од 21 ноември до 18 декември. Во луксузниот Егзибициски центар во Доха, пред стотина познати фудбалски ѕвезди, ждрепката ја влечеа легендарниот Бора Милутиновиќ кој е првиот и единствен селектор во историјата кој со пет различни репрезентации бил на пет Светски првенства по ред (Мексико 1986, Костарика 1990, САД 1994, Нигерија 1998 и Кина 2002), Лотар Матеус кој играше на рекордни 5 Светски првенства, Нигериецот Џеј Џеј Окоча, Австралиецот Тим Кејхил, Бразилецот Кафу, Иранецот Али Даеи, поранешните фудбалерки Карли Лојд и Саманта Џонсон како и англискиот фудбалер Џермејн Џенас. Група А: Катар, Еквадор, Сенегал, Холандија Група Б: Англија, Иран, САД, Велс/Шкотска/Украина Група Ц: Аргентина, Саудиска Арабија, Мексико, Полска Група Д: Франција, ОАЕ/Австралија/Перу, Данска, Тунис Група Е: Шпанија, Костарика/Нов Зеланд, Германија, Јапонија Група Ф: Белгија, Мароко, Хрватска, Канада Група Г: Бразил, Србија, Швајцарија, Камерун Група Х: Португалија, Уругвај, Јужна Кореја, Гана На Мундијалот ќе играат сите светски шампиони кои досега низ историјата се радувале на златниот пехар освен Италија која испадна во баражот од Македонија и која ќе пропушти и второ Светско првенство по ред што никогаш во историјата не им се случило.

Македонија го прегази Лихтенштајн: Победа од 5-0 за прва радост во мундијалските квалификации

Антонио Димитриевски — Mon, 29 Mar 2021 10:55:26 +0000

Македонската фудбалска репрезентација ја оправда фаворитската улога против Лихтенштајн и ја совлада оваа селекција со 5-0 за прва победа, во рамките на второто коло на групата Ј во квалификациите за пласман на СП во Катар 2022 година Македонија во седмата минута од мечот поведе со 1-0, по слободниот удар кој што го изведе Енис Барди.Голманот на Лихтенптајн лошо беше поставен, а играчот на Леванте го виде тоа,директно биеше и го погоди голот на противникот. Во 11 -та минута,нашата селекција можеше да го зголеми водството,но ударот на Барди заврши во пречката од голот на Лихтенштајн. Нов обид во првото полувреме да го зголеми водството имаше нашата селекција преку Елмас во 20 минута кој од работ на шеснаесетникот биеше директно,но топката заврши покрај стативата. Уште една шанса беше попуштена во првиот дел ,откако Трајковски при еден центаршут несебично ја спушти за Пандев,кој шутираше директно кон средината од голот на Лихтенштајн, но гостинскиот голман успеа да интервенира . Македонија зголеми на 2-0 во второто полувреме со голот на Александар Трајковски во 50 минута од мечот по одличното проигрување на Енис Барди. На 3-0 зголеми повторно Александар Трајковски со вториот погодок во 53 минута откако му се отвори позиција и биеше необранливо кон противничкиот гол. Голеадата продолжи во 61.минута од вториот дел. откако во листата на стрелци се запиша и Елиф Елмас за предност од 4-0. Конечните 5-0 ги постави Несторовски со мајсторски изведен пенал во 82. минута од мечот, по прекршокот кој беше направен над Николов во противничкиот шеснаесетник. Оваа се први бодови за нашата селекција во Мундијалските квалификации по поразот од Романија во Букурешт во премиерното коло. Македонија во следното коло ќе гостува на фаворитот Германија во Дуизбург.

Драмата во Букурешт им припадна на домаќините: Романија – Македонија 3:2

Антонио Димитриевски — Fri, 26 Mar 2021 08:50:59 +0000

Фудбалската репрезентација на Македонија одигра рамноправен натпревар против Романија, но примивме лесни погодоци кои му ја донесоа победата на противникот од 3-2 на стартот од квалификациите за пласман на СП во катар во 202 година. Првата голема шанса ја имавме во осмата минута, Несторовски имаше двоен обид. Прво ја промаши топката, па Пандев му ја врати, но и вториот удар негов беше лош и можноста пропадна. Во 22. минута Барди брзо изведе слободен удар, додаде до Пандев кој проба да погоди со лоб но го префрли голот. Шест минути подоцна грешка на нашите фудбалери која ја казни Танасе, излезе сам пред Димитриевски и убаво пласираше за водство на Романија од 1-0. Во 32. минута Елмас влезе во голема шанса, но и тој не го погоди голот на Романците.Лошо го почнавме второто полувреме, Романците ја преземаа иницијативата, а во 50. минута по една нова наша грешка, дебитантот Михаила постигне прекрасен гол од далечина за водство на домаќинот од 2-0. Во 60. минута Барди направи соло пробив, но шутираше крај голот. Шест минути подоцна тој имаше нова можност за погодок, изведувавме индирект во шеснаесетникот на противникот, но неговиот удар беше блокиран. Во 73. минута имавме нова голема шанса, по неколку комбинации во шеснаесетникот на противникот, Адеми биеше млако во романскиот голман од добра позиција. Течеше 82. минута кога Алиоски убаво центрираше, а Адеми погоди со глава за намалување на резултатот на 2-1. Веќе во следната минута израмнивме на 2-2, Барди паметно асистираше до Трајковски кој погоди за голема радост на Македонија која не траеше долго. Само што израмнивме, во 86. минута Хаџи постигна гол откосо од 10- 11 метри и го врати водството на Романија, овој пат од 3-2, што беше и конечен резултат на оваа средба. Следниот натпревар го играме во недела во Скопје, против селекцијата на Лихтенштајн.

Реконструкција на головите од финалето на СП изведена од дечиња! (ВИДЕО)

Антонио Димитриевски — Tue, 17 Jul 2018 12:46:41 +0000

Финалето меѓу Франција и Хрватска беше необично, со многу несекојдневни елементи собрани во еден натпревар, како на пример автогол, ВАР-пенал, голманска грешка... Сето тоа беше доволна мотивација некој да се инспирира и да направи оригинална реконструкција на финалето. 22 дечиња облечени во дресови на Хрватска и на Франција направиле веродостојна реконструкција на шесте постигнати гола. Сличноста и точноста со кои си ја завршиле работата ве тера да се заљубите во нив.

Целиот свет зборува за оваа фотографија- каде Колинда го “допира“ Макрон додека неговата сопруга е до него?

Кристина Петрушевска — Tue, 17 Jul 2018 11:19:32 +0000

Колинда Грабар Китаровиќ и Емануел Макрон беа главни протагонисти на трибините на Лужњики за време на финалето од Светското првенство меѓу Хрватска и Франција. По натпреварот се прегрнаа, но излезе и една фотографија од Грабар Китаровиќ на која се гледа дека некаде го фаќа својот колега. Не се гледа убаво, но дали е на интимно место?

Направи скандал на СП па се повлече од Mундијалот – познатиот српски пејач направи селфи со Марадона и откри како изгледа фудбалерот

Кристина Петрушевска — Tue, 17 Jul 2018 09:53:41 +0000

Деновиве главна спортска тема во медиумите беше Светското првенство кое се играше во Русија, а титулата на светски првак ја однесе Фрацнија откако ја совлада Хрватска со резултат 4:2. Познатиот српски пејач Никола Роквиќ присуствувал на финалето на Мундијалот во Русија на натпреварот меѓу Хрватска и Франција. Пејачот на стадионот налетал на легендарниот Марадона и направи селфи со него. Роквиќ се пофалил со заедничката фотографија пред самиот почеток на натпреварот. – Една пред спектаклот, напишал Никола.

Пејачот во Москва отпатувал заедно со сопругата и ќерката., погледнете.

Убавина на трибините: Најзгодните и најсекси навивачки на СП (Фотогалерија)

Антонио Димитриевски — Fri, 22 Jun 2018 14:27:42 +0000

Мундијалот во Русија започна пред точно една недела, но за сега може да се каже дека големината и важноста на натпреварувањето го земаа данокот, па репрезентациите се уште не го играат својот најдобар фудбал, а ефикасноста не е на завидно ниво. Веќе кога поголемиот број на натпреварите до сега завршија со по еден или два постигнати гола, камерманите и фото репортерите и тоа како имаа што да снимат на трибините каде редовно ги „ловат“ атрактивните навивачки од целиот свет. Ова се само дел од дамите кои годинава го разубавија Светското првенство во Русија.