сп 2018 – Вистина.мк

Покрај ваква девојка секој би играл одлично – Мбапе има вистинска убавица на трибините во Русија (ФОТО)

Кристина Петрушевска — Fri, 06 Jul 2018 13:35:01 +0000

Младиот фудбалер на Франција Килијан Мбапе го изненади целиот свет на мечот против Аргентина откако на теренот остави се од себе. Фудбалерот беше речиси непрепознатлив, а според многумина тој едноставно леташе по теренот, но тоа е така поради поддршката кој ја имаше на трибините. Иако приватниот живот го крие умешно далеку од очите на јавноста, по сјајната игра на СП медиумите навлегоа детално во неговиот приватен живот. Според откритијата одличната форма на фудбалерот се должи на неговата девојка Алисија Алијас која е поранешна француска мисица и во моментов таа се наоѓа во Русија каде што го поддржува Мбапе и соиграчите, погледнете.

Во случај на отказ, Сампаоли може да добие 20 милиони евра

Слободанка Илиева — Fri, 22 Jun 2018 12:45:23 +0000

Селекторот на Аргентина, Хорхе Сампаоли ќе добие оштета од 20 милиони евра, во случај да му биде предвреме раскинат договорот. Во текот на денот беше објавено дека играчите на националниот тим по пораз од Хрватска (0:3) на Светското првенство, апелираа до раководството на Федерацијата за смена на селекторот пред последниот натпревар во групата. Договорот на Сампаоли со Аргентинската федерација е потпишан на пет години, со можност да биде прекинат по Американскиот куп-2019 година. Сампаоли на селекторското место во Аргентина дојде во текот на летото на 2017 година, заменувајќи го тогаш Едгардо Бауза кој немаше добри резултати во квалификациите. Под негово водство Аргентинците успеаја да се пласираат на Мундијалот завршувајќи ги на третото место квалификациите во Јужна Америка. Аргентина со Нигерија ќе игра на 26 јуни и се уште е со шанси да обезбеди пласман во следната фаза. Останува да се види дали до тогаш ќе има промена на селекторската позиција. извор:курир.мк

Сите ја споделуваат: Ова е најдобрата фотографија од Светското првенство во Русија

Кристина Петрушевска — Fri, 22 Jun 2018 11:05:23 +0000

Фудбалскиот сојуз на Сенегал, на својот Инстаграм профил сподели фотографија од мечот со Полска, која во голем број е споделена на светските медиуми и веднаш е прогласена за најдобра до сега на Светското првенство во Русија. Според коментарите, оваа фотографија ги претставува сите вредности на спортот, заедништвото, спортското однесување и борбата против расизмот.

Јадел трошки, а често немал ни за копачки: Тешката животна приказна на Луис Суарез…

Слободанка Илиева — Thu, 21 Jun 2018 12:44:40 +0000

Репрезентативецот на Уругвај и фудбалер на Барселона, во моментов е еден од најдобрите фудбалери на светот, но неговата животна приказна е се само не најсјајна. Тој е роден во малото гратче Салто на северозападот на Уругвај, а првите фудбалски чекори ги направил во ФК Урета кога имал седум години. Растел во сиромаштија, затоа што едноставно неговите не можеле да му дозволат повеќе. Ниту на него, ниту на неговите браќа, а ги има шест, иако работеле од утро до вечер. Се труделе на Луис и останатите деца да им пружат најмногу што можат, но во големото семејство со малите плати тоа не било секогаш возможно. Фудбалерот со ситна градба, експлозивен темперамент и уште по некоја мана едноставно не ветувал, но за среќа ги имало оние кои препознале дека има талент да стане професионалец. Неколку години подоцна сфатиле дека ова слабо момче и бунтовник ќе стане повеќе од голем фудбалер. -Неговата мајка и браќата секогаш го поддржуваа. Доаѓаа на натпревар и поминуваа цел ден тука, а потоа навечер го враќаа дома. Луис беше тивко момче, дури и потивок од неговите врсници, но на теренот секогаш беше супериорен, наведува првиот тренер на Суарез во Урета. Неговиот темперамент не можеа сите да го сфатат, ниту да го разберат. А тој само сакаше да победи, да даде гол по секоја цена, без разлика на се. На тоа може да ве научи тешкото секојдневие во Уругвај. -Некогаш стоеше пред пекара и јадеше трошки од некоја торта, гледаше се да изеде сам, да не би морал да ги дели со браќата, затоа што ги имаше многу во домот, се присетува еден од соседите на неговото семејство. -Често немаше копачки и играше со позајмени, неговото семејство се трудеше секогаш да сочува пари за да му купи копачки, кажа првиот агент на Суарез. На 12 години почна да разбира некои работи, почна да созрева во фудбалска смисла, но и на онаа другата- животната. -Во тој период се трудеше да ја сочува секоја паричка за семејството, па после тренинг наместо со превоз дома си одеше пешки. Нема многу деца кои се свесни за ситуацијата како што беше тој, посебно не во тој период, продолжува неговиот агент Вилсон Пирис. А тек менаџерите… без нив фудбалскиот свет денеска не може да се замисли, има некои кои се навистина посветени на своите клиенти и кои не сакаат само да наплатат мрсна провизија, но некои се навистина и дрски. На Суарез агентот не бил таков. -Се шегувавме со него, се обложувавме како би го охрабриле, но тој тоа го виде како можност да заработи пари за своето семејство. Тоа за него тогаш беше најважно и погодувате, секогаш успеваше, продолжува Пирис. Ретко кој верувал во него, но тој верувал, а тоа е најважно кога некој верува во своите можности и тоа толку што знаел дека еден ден ќе игра за Барселона. -Секогаш ми зборуваше дека верува дека еден ден ќе игра за шпански клуб, а јас само му се насмевнував и го прашував: „за што ти тоа зборува, кога си замена во седмиот тим на Национал, нема шанси тоа го оствариш“. Тоа е дел од неговиот карактер, даде се од себе да ме демантира, наведува човекот кој некогаш се грижел за неговата кариера. извор:курир

Судијата на полувремето го барал дресот на Роналдо- Мароканците бесни на неговото судење

Слободанка Илиева — Thu, 21 Jun 2018 12:39:56 +0000

Португалија со 1:0 славеше над Мароко во второто коло од групната фаза на Светското првенство. Мароканците не беа задоволни од судењето на натпреварот, а фудбалерот на африканската селекција Нордин Амрабат, кажа дека судијата Мајк Гејгер не ја водел совесно ситуацијата на теренот и дека дури на најдобриот фудбалер на светот на полувреме му го побарал дресот. -Неверојатно, не знам со што тој судија се занимавал порано, но очигледно денеска беше импресиониран од Кристијано. Пепе ми кажа дека слушнал како судијата го прашува за дрес во текот на паузите меѓу двете полувремиња. Луѓе, ова е Светско првенство, не е циркус, истакна видливо лутиот Амрабат. извор:курир

Избран најдобриот тим за првото коло на Светското првенство

Слободанка Илиева — Wed, 20 Jun 2018 12:16:06 +0000

Специјализираниот британски фудбалски портал „101 Great goals“ го објави најдобриот тим после првото одиграно коло од групната фаза на Светското првенство во Русија. Во најдобрите 11 се најдоа еден играч од Исланд, Хрватска, Шведска, Русија, Португалија и Мексико, додека по двајца претставници имаат Србија и Англија. За најдобар голман во првото коло е избран Исланѓанецот Ханес Халдорсон, во дефанзивата се Киеран Трипие, Хозе Марио Гименез, Андреас Гранквист и Александар Коларов, средниот ред го сочинуваат Александр Головин, Лука Модриќ, Сергеј Милинковиќ- Савиќ и Ирвинг Лозано, додека пак во формацијата 4-4-2, во нападот се Кристијано Роналдо и Хери Кејн.

Инаку, голманот на Исланд, Халдорсон, покрај фудбалот има и друга професија, тој е и режисер. извор:курир