состанок – Вистина.мк

Четири грешки кои ги правиме на првите состаноци, а треба да ги избегнуваме

Слободанка Илиева — Mon, 16 Oct 2023 12:20:34 +0000

Првите состаноци знаат да бидат заморни и да предизвикаат нервоза, а со себе носат и бројни прашања, што да облечете, што да кажете и како да се однесувате. Покрај тоа, дури и ако сте разговарале со оваа личност некое време, првите состаноци може да бидат непредвидливи. Но, без оглед на сите неизвесности и нервози кои доаѓаат со првите состаноци, излегувањето е најдобриот начин да го запознаете вашиот иден партнер и е всушност неопходно. Кои се четирите најголеми грешки што треба да ги знаете и избегнувате на првите состаноци? Несвесност за вашите намери Без разлика дали барате само да се забавувате или барате сериозна врска, обично е корисно да ги разберете вашите лични намери пред да одите на состанок за да имате продуктивен прв состанок со одредена личност. – Важно е да знаете што барате пред да се забавувате за да можете да внимавате на работи кои не се совпаѓаат. Ако вашиот партнер бара нешто сериозно, а вие не барате, тоа би можело да биде знак дека двајцата не сте компатибилни во моментот. И обратно. Запознавањето бара заеднички напор за двете вклучени страни, па затоа е важно да бидете искрени со себе (и со вашиот партнер) за тоа каде се наоѓате во процесот на запознавање, вели советникот за ментално здравје Вал Окерај. Запознавање со некој со кој веќе ви било непријатно Првите состаноци се природно исполнети со нервоза, па затоа не би било во ваш најдобар интерес да излегувате со некој кој веќе ве натерал да се чувствувате нервозно и непријатно. Верувајте им на вашите инстинкти и бидете свесни кои сценарија прават да се чувствувате удобно или несигурно. Го барате негативното Избегнете го нагонот да се жалите. Запознавањето бара од вас да бидете отворени за запознавање нова личност, и иако некои работи можеби не се „правилни“ во вашите очи, тоа не значи дека тие генерално се погрешни и се целосно црвено знаме. Веднаш отпишувате потенцијален партнер Според Окерај, пред целосно да одлучите дека некој не е вистинскиот за вас, размислете да бидете отворени за втор состанок пред да избрзате со какви било заклучоци. – Мислам дека е тешко добро да запознаете некого од само еден состанок (освен, се разбира, ако направи да се чувствувате непријатно). Би им дала најмалку два состанока пред да донесете одлука – вели таа. извор:курир.мк

Кој ден во неделата е идеален за прв состанок?

Слободанка Илиева — Fri, 15 Sep 2023 12:10:25 +0000

Кога мажот кој ви се допаѓа конечно ќе ве покани на состанок, сигурно имате милион работи на ум. Што да облечете, дали ви е добра фризурата, дали ќе ја забележи тремата… Но, сигурно ни на крај памет нема да ви падне да помислите на тоа кој ден од неделата го одбрал за вашиот прв состанок. Секој ден од неделата означува одреден вид на излегување: Понеделник Сте се запознале преку интернет социјална мрежа и сега не сте сигурни дали е паметно воопшто да се видите. Во тој случај немојте премногу да трошите. Најдобро ќе биде за почеток да отидете на пијалак, па да видите како понатаму ќе се развиваат работите. Вторник Истражувањата покажале дека за мажите вторник е ден кога се расположени за релаксиран состанок кој може да заврши со секс. Со оглед дека има уште четири дена до викенд, имаат доволно време да смислат стратегија како да ве шармираат и да ве одведат во кревет. Четири дена се доволни да се средат впечатоците по површното запознавање. Среда Состаноците во среда поминуваат добро и покрај тоа што сите се малку уморни од деловните обврски. Ако не можете да ги протолкувате сигналите, вториот состанок ќе ја разјасни ситуацијата. Освен тоа, средината на седмицата е добра за излегување и за мал флерт за полесно да се дочека викендот. Четврток Четвртокот е идеален за забавна предигра бидејќи викендот е блиску. Освен тоа, тоа е ден на позитивни вибрации, па повеќето состаноци поминуваат добро. Петок По напорната работна седмица најчесто следат излегувања со пријателите бидејќи сите сакаат добри забави и релаксација. Излегувањето во петок значи само едно – многу му/и се допаѓате и сигурен е дека со вас ќе му биде убаво и забавно. Сабота Ако ве повика на целодневен излет, значи дека со вас сака нешто повеќе од повремен секс или забава. Повикот на вечерен состанок можете да го сфатите како потврда дека многу и/му се допаѓате. Недела Ве повикал(a) на претпладневно кафе. Ако забележите дека е одморен(a) и убаво расположен(a), најверојатно во меѓувреме имал(a) деловни обврски, па неделното утро го одбрал(a) како совршено време најпосле да ве запознае. извор:попара.мк

Пет работи кои не треба да ги кажувате на вториот стостанок

Слободанка Илиева — Fri, 28 Jul 2023 12:52:01 +0000

Го преживеавте првиот состанок, а сега вториот ви се ближи. Иако ова е добар сигнал за вашата потенцијална врска, не треба целосно да се опуштите. Иако тие први состаноци можат да предизвикаат анксиозност, тие исто така можат да бидат навистина возбудливи. Некои се уште поисплашени поради вториот состанок отколку првиот. Обично вториот состанок открива дали хемијата што ја почувствувавте на првиот состанок е вистинска или дали виното го започнало сето тоа. Ако сакате вашиот втор состанок да помине добро, постојат две работи што апсолутно мора да ги направите. Дишете и опуштете се. Смирет се. Секако, вие сте нервозни и ги имате тие пеперутки, но ако одите на состанок со уживање како единственото очекување, ќе ви биде многу полесно отколку ако на ум тргнете во потрага по сопруг. Бидете свои и забавувајте се. Еве 5 работи што никогаш не треба да ги кажете на втор состанок: 1. „Какви се твоите родители? Мислиш дека зборуваш, тој слуша како си ја планираш венчавката. Некои луѓе се поблиски до своите семејства од другите. Не претпоставувајте дека само затоа што разговарате со мајка ви на телефон секој ден, тоа го прави и тој. 2. “Сакам бебиња!” Да. Кој не ги сака? Бебињата се сензационални. Но, вие мислите дека споделувате нешто што ви се допаѓа, тој мисли дека правите дупки во кондомите кога оди во тоалет. 3. “Со колку жени си спиел?” Да, важно е да ги знаете овие видови детали кога ќе почнете да спиете со некого. Меѓутоа, ако тоа што го барате е нешто долгорочно, а не само за забава, не му поставувајте прашања што ќе го натераат да мисли дека го проверувате. 4. „Каде се гледаш за десет години? Ова е состанок, а не интервју за работа. Секако, мислите дека штотуку се запознавате, но вистината е, таквите прашања – оние што се принудени – звучат како да се директно излезени од книга за човечки ресурси и само ќе направат да му е непријатно. 5. “Дали ти се допаѓам?” Се разбира, ова ви е на ум, особено ако мислите дека можеби ви се допаѓа вам! Тоа е сосема нормален и природен начин да се чувствувате на втор состанок. Но, тоа не е она што треба да го прашате. Мислите дека со тоа му покажувате колку сте отворени и искрени за вашите чувства кога станува збор за запознавање, онлајн или на друг начин. Тоа може да направи да му изгледате очајно. Секако дека само прашувате „Дали ти се допаѓам“, но она што тој го слуша е „Те сакам“. Ако му се допаѓате, ќе одите на трет состанок, пишува Your Tango. извор:попара.мк

Неколку причини зошто нема да ве покани да излезете на втор состанок

Слободанка Илиева — Fri, 10 Feb 2023 14:04:42 +0000

Покана за првиот состанок ви се чини дека е најтешкиот дел. Но, ја добивте поканата и излеговте заедно, а сепак тоа беше сѐ. Никогаш веќе не ви се јави, не ви пиша порака, а изгледаше заинтересирано на почеток. Вратете си го филмот и потсетете се како се однесувавте на првиот состанок. Дали направивте една од овие грешки? Зборувате за претходната врска Една од најголемите грешки што може да ги направите на првиот состанок е да зборувате за претходната врска. Може да го превртите виното на маса, да се сопнете на влегување во кафичот, и пак ќе имате шанси за втор состанок. Само не ги спомнувајте бившите. Тоа покажува дека уште не сте ја преболиле врската, дека живеете во минатото и уште полошо, дека не ја почитувате приватноста на претходниот партнер. Премногу зборувате за себе Повеќето први состаноци се како интервјуа за работа, само со храна и алкохол. Но тој раговор треба да биде двонасочна улица, односно и вие треба да поставувате прашања и да слушате. Ако предолго ја држите топката на свој терен ќе делувате самобендисано и незаинтересирано. А кој сака да седи на маса и да слуша монолог? Имате лоша меморија Оваа грешка е слична со втората, но има врска со вашата претходна комуникација со личноста со која сте излезени на состанок. Ако претходно сте размениле некакви информации (каде работи, дали има браќа и сестри, каде живее), а го поставите истото прашање, или уште полошо, два пати го прашате истото за време на состанокот, ќе оставите впечаток дека не ви е гајле. Знаеме дека имате трема, но тие неколку часа се клучни за да сака другата страна да ве покани на втор состанок. Преголема заинтересираност Стигнавме до крајот на состанокот и што сега? Нема ништо лошо во тоа да покажете интерес и да ставите до знаење дека убаво сте си поминале. Дали ќе кажете на крајот на средбата „Убаво си поминав, би сакал/а да се видиме пак“, или ќе го напишете тоа во порака, сеедно. Но, не инсистирајте на следна средба веднаш, ако другиот не го „влече“ разговорот натаму. Ако ви кажале дека ќе ви се јават/пишат, почекајте. Понекогаш може да го уништите убавиот впечаток ако сте нестрпливи и напорни. извор:попара.мк

Го изгубил интересот по првиот состанок? Ова се 9 брутални причини зошто одлучил да не ви се јавува повеќе!

Слаѓана Атанасова — Fri, 03 Feb 2023 14:30:20 +0000

Првиот состанок е возбудливо, но и подеднакво нервозно и стресно искуство кое може да ве натера да се однесувате неприродно. И двете страни се подеднакво загрижени дали ќе се претстават во најдобро светло, но ако сте сигурни дека го давате максимумот од себе, а сепак мажите како да исчезнуваат после првото гледање, можеби правите некоја од следниве 9 грешки: - Како една од темите за разговор при запознавањето го спомнувате бракот, се шегувате на сметка на веренички прстени, бурми, деца, свадбени церемонии… - Детално навлегувате во секоја ситница од вашата работа, додека мажот ве слуша и ништо не ве разбира. - Опседнати сте со секоја нотификација која ќе ви пристигне додека сте на состанокот. - Не се нудите да платите, да ја поделите сметката, да си одите сами до дома… - Не правите напори за разговорот да продолжи, па наместо тоа молчите и чекате тој да ви постави прашање. - Зборувате со бебешки глас. - Постојано наоѓате замерки за локалот каде сте, за услугата, пијалакот кој ви е послужен… - Не возвраќате на комплиментите и не знаете да ги прифатите. - Претерувате со контролирањето на секоја ситница во текот на вечерта. Извор: Попара.мк

Никогаш не закажувајте романтичен состанок на овој ден

Слободанка Илиева — Tue, 03 Jan 2023 13:33:37 +0000

Американските истражувања покажаа дека состаноците најчесто се откажуваат во последен момент, а главни причини се болеста, заморот, работните обврски и подобрата понуда. За разлика од понеделник, саботата е најпопуларна бидејќи луѓето имаат повеќе време за подготовка. За 80 отсто од испитаниците, викендот е дури четири пати попопуларен од работните денови. – Не е чудно што понеделник е најлошиот ден бидејќи луѓето се уморни од активностите за време на викендот или преоптоварени со работа – истакна Кејт Тејлор од истражувачкиот тим. извор:попара.мк

Кој треба да ја плати сметката на првиот состанок?

Слаѓана Атанасова — Fri, 09 Dec 2022 14:30:48 +0000

Порано беше едноставно – се претпоставуваше дека мажот ќе го плати пијалокот или вечерата на состанокот. Еманципацијата промени сè, па многу парови со трепет го дочекуваат крајот на состанокот, прашувајќи се кој треба да ја плати сметката. Ова е особено изразено кај нас, каде што повеќето луѓе сè уште со презир гледаат на западната навика да ја делат сметката на половина. Ако е прв состанок, ситуацијата е јасна – тој што го иницира плаќа. Дури и ако жената ја иницирала средбата, извадете го паричникот и покажете подготвеност да ја регулирате сметката. И на следните неколку состаноци се очекува машкото да плати. Од учтивост, девојките ќе ја стават раката во чанта и ќе се преправаат дека бараат паричник, но не дозволувајте тоа да ве измами. Дури и не расправајте, ќе оставите најдобар впечаток ако ја платите сметката додека е во тоалет. Ако не сте во најдобра финансиска позиција, првично изберете места што нема да бидат голем удар за вашиот буџет. Како што се развива врската, правилото е двете страни да учествуваат во плаќањето. Ако девојката никогаш не понуди да ја плати сметката, запрашајте се зошто е со вас. Извор: Попара.мк

Како да одбиете некого, а да не им ги повредите чувствата?

Слободанка Илиева — Thu, 01 Dec 2022 13:50:55 +0000

Сите сме биле во ситуација кога личноста која ни се допаѓа не отфрлила. Може да биде многу тешко, но не треба да заборавиме колку може да му биде тешко и на некој друг кога не реагираме позитивно на неговите/нејзините чувства. Дали постои фер начин да одбиете некого? Експертите за врски не потсетуваат дека асертивниот начин на комуникација е секогаш добредојден, дури и во непријатни ситуации како оваа. Кога е време да му кажете на некого дека не ви се допаѓа, можеби мислите дека е во ред да кажете што било освен онаа позната реплика: „Јас не сум за тебе“. Но, како што пишува „TheList“, оваа реченица е она што треба да го кажете. Ако на пример сте излегле со некој кој се обидел да ве освои, но цело време тој зборувал само за себе, а сте сфатиле дека така ќе се однесува и во иднина, не му давајте лажна надеж. Наместо тоа, испратете јасна порака: „Добро си поминавме, но мислам дека нема да направиме добар пар. Ти посакувам се најдобро.” Бидете јасни и љубезни, не двоумете се и не губете време на „другата страна“. Не заборавајте дека не би сакале некој да ви ги „украде“ деновите, неделите и месеците, оставајќи ве „ни на небо, ни на земја“. Ако, пак, случајно ве покани на состанок некој што воопшто не ве интересира, „Гламур“ ве советува и вие да бидете директни, но не и сурови: „Ценам што бараш да се видиме, но ништо не ме интересира на темата емотивни врски“. Но, често се случува заинтересираниот да биде упорен и да не зема „не“ за одговор. Што да се прави во таа ситуација, а да не се повредат чувствата на „другата страна“? Само бидете упорни и одлучни, велат на веб-страницата „Hellorelish“. Со тоа што некому ќе му кажете „не“, не сте направиле ништо лошо. Останете доследни, и како што Лиза Џонс пишува за Magnoful, има голем број причини зошто мажите нема лесно да се откажат. Секоја од овие причини е дополнителна потврда дека не треба да се повлечете и да потклекнете. Почитувањето на границите во меѓучовечките односи, како и учтивоста да се одбие нешто или некого, се подеднакво важни во семејството, пријателството и работата, како и на потенцијално романтично поле. извор:popara.mk

Храна која треба да се избегнува на првиот состанок

Слаѓана Атанасова — Thu, 17 Nov 2022 13:52:47 +0000

Првите состаноци сами по себе се стресни, така што нема потреба дополнително да ги комплицирате. На крајот на краиштата, сите сакаме да оставиме што е можно подобар впечаток. А, доколку за време на вечерата дојде до несакани проблеми во стомакот, тогаш ќе ви стане непријатно и многу веројатно дека состанокот нема да се одвива како што посакувате. Можеби никогаш не сте размислувале, но постои список со намирници за кои се препорачува да се избегнуваат на првиот состанок.

Зачинета храна

Постојат луѓе кои навистина ја обожаваат, но и толерираат зачинета храна. Ако вие сте меѓу нив, слободно јадете кога сакате. Но, доколку не сте, немојте да испробувате нешто ново или да се преправате дека сте храбри на првиот состанок.

Хот дог

Виршла која можете да ја пресечете со нож е многу подобро решение од било што кое морате да го гризете, а може и да ве извалка со сенф.

Шпагети

Шпагетите воопшто не се добар избор. Морате да бидете вистински уметник за да победите во битката во ваков огромен вид на паста. А, освен што може да биде незгодно, може да предизвика и непријатни паузи во разговорот. Прскањето сос насекаде околу вас е неизбежно, а вие тоа не го сакате. Ако веќе сакате да јадете паста на состанокот, нарачајте њоки.

Сѐ што содржи грав

Гравот може сериозно да ви го поремети и денот, а не само излегувањето. Колбас во грав звучи толку примамливо, но добро размислете пред да тргнете во напад на таква неодолива порција. Ваков оброк предизвикува голема надуеност и многу непривлечни грчеви во стомакот и гасови, па воздржете се од овој оброк и дома, дури и еден ден пред состанокот.

Исто јадење како него/неа

Воопшто не сте креативни доколку нарачате исто јадење како и вашиот парнер/ка. Предноста од нарачување различно јадење е што секогаш можете да почнете разговор за вашите јадења, особено доколку дојде до непријатна тишина. Ваквиот разговор потоа може да се претвори во општа дискусија за храна. Извор:Кајгана.мк

Овие лаги мажите најчесто ги кажуваат на првиот состанок

Слаѓана Атанасова — Mon, 07 Nov 2022 14:15:55 +0000

Иако повеќето од нив уште на самиот почеток пристапуваат искрено и отворено, некои едноставно мислат дека подобро ќе пројдат доколку лажат, односно „разубават“ некои работи. Ова е листа на најчестите работи околу кои мажите лажат на првиот состанок, според порталот YourTango: Сакале тоа да го признаат или не, жените често ги судат мажите по состојбата на нивната сметка и можноста да придонесуваат за семејството. токму поради таа причина мажите често имаат тенденција да лажат за својата заработка или да се фалат со своите автомобили, часовникот и сличните материјални работи, како би ја импресионирале потенцијалната партнерка. Станбено прашање Доколку веднаш на првиот состанок признае дека живее со цимер или родителите, веројатно нема претерано да ве воодушеви. Најверојатно поради таа причина ќе каже дека живее сам, а цимерот ќе го нарече пријател на кој му прави услуга да преспие неколку дена. Гледањето со други жени Ова е една од најчестите лаги на првиот состанок. Секако нема да ви каже дека ден пред тоа на ваше место била друга девојка, кој се уште сака да се претставува како женкар? Фитнес навиките Тој сигурно слушнал дека изразените стомачни мускули ви се „слаба точка“ кај мажите, па би можел да ве излаже дека баш на нив започнал да работи, пет пати неделно во теретана (во која најверојатно не е ни зачленет). Последното раскинување Доколку тој изневерил или направил нешто слично во својата претходна врска, многу е веројатно дека нема да дознаете наскоро, а особено не на првиот состанок. Вистинските намери кон вас Можеби навистина сака да започне искрена и длабока поврзаност со вас, а можеби тоа го вели само за да ве однесе до креветот. Навистина е тешко да се дознае, особено доколку не се познавате од претходно. Извор:Курир.мк