сосетка – Вистина.мк

Милица Тодоровиќ пред камерите секогаш е насмеана и расположена, а нејзините соседи од родниот крај открија како се однесува приватно

Христина Ѓоргиевска — Sat, 29 Jan 2022 08:43:23 +0000

Пејачката Милица Тодоровиќ често оди во родниот Крушевац каде што живее нејзиното семејство во нивната семејна куќа. Мештаните на Крушевац велат дека се многу горди на успехот кој го постигнала Милица, а единствено нешто што им е жал е тоа што таа се уште не одржала настап во родниот крај. -Милица е прекрасна личност, потполно природна, ведра, насмеана, позитивна. Кога човек е со неа, не му е досадно бидејќи Милица зрачи со својата појава. Кога е дома се однесува нормално, како да не е дел од јавната сцена. Оди во продавница, сите ги поздравува...Често е во ресторанот кој се наоѓа во близина на нејзината куќа и често знае да го изнесе семејството на ручек. Потполно е природна, нормална, своја...Драго ми е што не се менува и што остана автентична, вели Арса. Една баба објаснила зошто сите ја сакаат Милица. -Во супер односи е со соседите, сите ја сакаме, кога ќе си дојде дома не и е тешко да се јави, да дојде кај нас. Соседите се горди на неа, ја обожаваме бидејќи неа не може да не ја сакате, вели првата сосетка на Тодоровиќ. Ана вели дека сите соседи се горди на пејачката иако многумина не верувале во неа. -Кога се појави во „Ѕвездите на Гранд“ никој не веруваше дека ќе стане најмлада победничка на тоа музичко шоу. Меѓутоа, таа на сите им покажа дека трудот и упорноста секогаш даваат резултат, а Крушевац има со што да се фали, вели Ана. Соседот Душан вели дека ги сака сите песни на Милица, но најмногу сака таа да одржи концерт во родниот град. -Жал ми е што никогаш не одржа концерт во Крушевац бидејќи многу сограѓани со нетпрение ја очекуваат. Каде и да пее, на плоштад, во ресторан, не се сомневам дека ќе направи одлична забава, вели Душан за ало.рс Соседите на Милица останале да живеат во Крушевац, а соседите велат дека семејството Тодоровиќ не се променило откако нивната ќерка станала јавна личност. -Исти се како и порано. Исто така, со соседите се во одлични односи, секогаш се подготвени за разговор, шега и разни случувања. Популарноста на ќерката не влијае на нив, а тие се нејзина најголема поддршка. Тие се потполно нормално и здраво семејството, вели соседот Дејан. фото: Инстаграм/милица тодоровиќ

Соседите на Јелена Розга го разврзаа јазикот и открија каква сосетка е популарната пејачка

Христина Ѓоргиевска — Mon, 10 Jan 2022 09:33:21 +0000

Зградата во северниот дел на Сплит, кој не е познат како елитен крај, сепак по својата форма и дизајн се издвојува од останатите во тој дел на градот, па на прв поглед е јасно дека квадрат е поскап. отколку зградите во нејзиното соседство. Цената е околу 2.000 евра, но е далеку помала од најскапите станови во овој далматински град, пишува Курир. Соседите од предградието на Сплит имаат само пофални зборови за својот познат сосетка. - Ја сретнувам во ходникот, обично навечер, бидејќи навистина сака да спие долго време. Многу е фина и културна, вистинска дама, воопшто не нагласува дека е популарна. Секогаш контактира со нас. Не знам дали има партнер, но додека беше со синот на Хуљиќ тој постојано доаѓаше по неа со кола, па отидоа некаде. Често го шеташе нејзиното куче, тие беа убав пар - изјавила сосетката на пејачката која не сакала јавно да се спомене неговото име, а потоа се приклучила Сања, нејзината сосетка од зградата: - Јелена е одлична жена, нема момче, живее сама. Таа е комшиката која сите би ја посакале - нема гласна музика, забави, ако ми снема некои покуќнина, секогаш можам да и се обратам. И таа знае дека секогаш може да се потпре на нас - изјави Сања. фото: Инстаграм/јелена розга

Роналдо се врати во Јунајтед, но неговата бивша сосетка од Торино раскажа како е да се живее во негова близина

Антонио Димитриевски — Wed, 01 Sep 2021 11:03:27 +0000

Кристијано Роналдо ја започна оваа фудбалска сезона како член на Јувентус, но набргу се врати во Англија, во „својот“ Манчестер Јунајтед. Навивачите на „црвените ѓаволи“ едвај дочекаа да ги видат првите фотографии на Роналдо во дресот на нивниот омилен клуб. Но додека го носеше црно -белиот дрес, Кристијано со семејството живееше во елитниот дел на Торино. А таму, нивна прва сосетка беше Елизабет Бети Борел, ќерка на Фелисе Борел, легендарниот италијански фудбалер од периодот помеѓу двете светски војни.

Во разговор за италијанските медиуми, таа откри како живеело семејството на еден од најдобрите фудбалери на сите времиња. Роналдо (36) живееше во вила со сопругата Георгина Родригез (27) и четирите деца, а Бети вели дека тие биле идеални соседи.

„Се плашев од гласни забави и врева, но Кристијано и неговото семејство беа најдобрите соседи што некогаш би можела да ги посакам. Целосна тишина, без забави и врева. Татко ми исто така беше познат фудбалер, но во други времиња. Возеше Фиат, а јас го гледав Кристијао во Ролс Ројс секој ден. Едвај го препознавав бидејќи има затемнети стакла. Гаражата беше полна со спортски автомобили, вклучително и еден Лотус. Имаа прекрасен затворен базен и мала, прекрасно уредена и одржувана градина“ - изјави Бети Борел за „Кориере дела Сера“.

Бети тогаш зборуваше за децата на Роналдо: „Имав детство како и сите мои врсници, а децата на Роналдо живеат поинаку. Често го гледав Кристијано Јуниор (11) како вози скејтборд на заштитен дел од улицата, но не можете само да влезете во тој дел од улицата бидејќи има рампа и секогаш имаше телохранители. Истото важеше и за Георгина кога, како и сите млади мајки, сакаше да прошета со своите деца кога беше добро времето. И ако улицата беше празна, кај нив секогаш имаше телохранители. Златен кафез? Па да ... Нешто слично. Мислам, Кристијано Јуниор најчесто одеше на училиште или тренираше во Јувентус како татко му. Имам четири внуци на негова возраст, а други негови врсници се во соседството. Можеше да си игра со нив, но јас го гледав тоа дете постојано само“ - рекла соседката на Роналдо, Елизабет Бети Борел.

„Душан децата ги оставаше сами, немаа другари“: Сосетка на Тања Савиќ го разрвза јазикот за сопругот на пејачката

Христина Ѓоргиевска — Tue, 10 Aug 2021 07:39:15 +0000

Односот меѓу пејачката Тања Савиќ и нејзиниот се уште законски сопруг Душан Јованчевиќ е комплициран и парот често е тема во медиумите, а сега сосетка на пејачката откри детали за Јованчевиќ. „Тој и понатаму се обидува да манипулира со Тања, но тоа повеќе не може. Најлошото веќе помина. Таа сега има адвокат, има психолог со кој се советува и не е немоќна и наивна како што тој се надева. Еден ден и се јавува да и каже дека ја сака и дека ќе дојде за да бидат заедно, а кога таа ќе каже не, тој им се јавува на новинарите им раскажува дека ги малтретира децата. Таа едвај успеа да ги смири децата после него. Тања им се посвети со својата сила и со своето срце“, тврди сосетката и додава: „Во Австралија, Душан ги оставаше сами децата со нивната баба, со никој не се дружеа, никаде не ги водеше. Само ќе им даде играчки и не му е грижа. Тие седеа по цел ден дома и се играа, а тој беше мирен и се шеташе. Затоа и децата толку се здебелија. Кај Тања нема нездрав живот, денот е исполнет, се дружат, се активни, а Душан може да ја мрзи и да лаже“, вели сосетката. Потсетуваме, во април претходната година, Душан без знаење на пејачката ги зема децата и ги однесе во Австралија. фото: ата имагес/ никола томиќ

Сосетката на Лепа Брена открива какви ритуали прави пејачката на полноќ

Христина Ѓоргиевска — Tue, 12 May 2020 10:57:53 +0000

Сосетка на Лепа Брена за „Скандал“ открива какви ритуали прави пејачката. Во една прилика ја гледала што изведува и била фасцинирана. „Освен тоа што е успешна и најголема ѕвезда на Балканот, Лепа Брена е пожртвувана мајка и сопруга“ започнува сосетката и додава: „Покрај кариерата, таа целиот свој живот го посвети на своите деца и сопругот. Знам дека верува во Бога и ги почитува сите религии. Колку и да се моли на Господ, таа во молитвата е искрена. Отсекогаш се прашував, како таа жена е толку силна, а едноставна, успешна, но и скромна која има слух за се околу себе. И сега ми јасно, тоа го постигна со љубов и верба кон Бога“ раскажува сосетката за „Скандал“ и додава: „Јас неколку пати ја видов како седи во својата градина среде ноќ. Секогаш беше во положаба како да прави јога или медитација. Гледаше во месечината и тивко ги изговраше своите молитви. Најчесто тоа го правеше на полна месечина, тогаш има најмногу енергија и таа месечина и дава уште поголема сила. Па и таа сама во интервјуата велеше дека и помага медитацијата“ вели сосетката и продолжува: „Како што читав во книги, кога е полн месецот, универзумот е полн со енергија и тоа позитивни, па тогаш се препорачуваат молитви. Таа секогаш чека Боба и децата да одат на спиење за да има потполен мир и да се посвети молитви за здравје, љубов, среќа. Подоцна пријатели ми кажаа дека во тој период Брена имала посебни молитви, не биле тоа нејзини зборови туку молитви во наоѓала мир и спас. Душата ме заболе кога видов Лукас како ја нападна дека оди кај оџа. Злобници, се и сешто зборуваат. Јас во животот немам видено подобра жена од Брена. Никогаш не се поставува над нас во соседството, ако се сретнеме, се поздравува, не прашува како сме, ни нуди помош. Нема личност во соседството на која не и излезе во пресрет. Ако на некој нешто му фали, таа прва трчи да помогне. Веднаш се јавува, нуди помош, пари, да не угости...Ако некои и забележува што има добри чувства, па нека и забележи“ завршува сосетката за скандал

Новите соседи на Вики Миљковиќ открија како пејачката се однесува приватно (фото)

Христина Ѓоргиевска — Thu, 14 Nov 2019 10:41:52 +0000

Вики Миљковиќ купи три страна во една елитна населба во Белград, а само за еден стан плати пола милион евра. Вики неодамна се пресели во еден од становите, а сега соседите откриваат што се случува во нејзиниот крај.

„Вики е наша драга сосетка. Секој ден ја гледам со работници, често влече некои кутии. Се жали што во станот има мајстори и е хаос, едвај чека да заврши уредувањето и да започне живот на нова адреса. Фина е, пристојна, жена од народ. Кога и да ја сретнам, таа зборува на телефон, често зборува со некој. За уредување на станот ангажираше архитект“ вели девојка која живее во близина на новиот дом на пејачката.

Вики е чест гост во фризерскиот салон кој се наоѓа во зградата каде што живее:

„Утрово беше на фенирање. Вики е вистинска жена, многу е фина и цврсто стои на нозе. Нема некои посебни барања. Ни се жалеше како се предолги снимањата на „Ѕвездите на Гранд“, дека има една пауза и дека е многу напорно. Посебено и е напорно сега кога енергијата ја троши на мајстори и уредување на станот. Пред некој ден беше овде со архитектот бидејќи и се допадна ѕидот во нашиот салон и бараше од архитектот да има ист таков во нејзиниот стан“ вели вработена во салонот.

Миљковиќ со синот и сопругот е редовен гост во кафулето кое се наоѓа до нејзината зграда.

„Вики често доаѓа. Љубезна е, фина, нормална, не глуми ѕвезда. Не пие алкохол, омилено пијалок и е лимонада. Некогаш доаѓа средена, некогаш ненашминканка и без фрзиура. Не е искомплексирана. Со семејството оди и во маркет“ вели вработена во кафулето.

„Вики често доаѓа. Пристојна и културна жена. Не ни знаев дека е пејачка ако не ми кажеше, не слушам таква музика“ вели вработена во менувачница.

Сосетка на Северина тврди дека пејачката го избркала сопругот од нивниот заеднички дом: „До кога мислиш да те финансирам?“

Христина Ѓоргиевска — Thu, 05 Sep 2019 08:38:59 +0000

Пејачката Северина Којиќ е во брак со Игор Којиќ веќе пет години, а парот е често во центарот на вниманието и во медиумите може да се прочитаат разни приказни. Наводно, како што пишува еден српски портал, нивниот брак повторно е во криза. Наводно, Којиќ многу се карале поради финасии и поради тоа што тој не придонесува за нивниот живот туку тој живее на нејзиниот грб, па наводно го избракала од домот. Имено, извор за хрватските медиуми откри дека Северина многу често чека такси пред зградата во Загреб каде што живее нејзиниот сопруг.

Една сосетка открива дека Северина и Игор се скарале на скалите во зградата каде што живее пејачката. Така таа вели дека наводно на Северина и пречи што таа мора да му купува карти кога некаде патува бидејќи фудбалскиот менаџер не заработува. „Често му префрлува што таа мора да го финансира. На скалите се слушаше како Северина му вели: „Па, до кога мислиш да ти плаќам се, не можеш авионската карта да си купиш, и тоа морам да ти плаќам. Тој молчеше и не и враќаше“ тврди сосетката на Северина. Инаку, на почетокот од бракот парот живееше разделно, односно на релација Белград- Загреб или Белград – Сплит. За потсетување, Северина неодамна имаше настап на „Роштиљада“, а покрај неа цело време беше нејзинот сопруг. По овие пишувања пејачката досега не се огласи.

Ги шпионирала соседите, па пукнал сеир пред целото маало (фото)

Слободанка Илиева — Thu, 06 Jun 2019 11:21:26 +0000

Една Колумбијка си ја заглавила главата помеѓу решетките од металната врата, бидејќи била премногу љубопитна. Наводно, ги шпионирала соседите во градот Перири, па ѕирнала да види дали се дома. Помош чекала цели 5 часа, а ја спасиле пожарникари. -Оваа жена сериозно била заробена цели 5 часа бидејќи била љубопитна. Ја интересирало дали соедите се дома, па ја протнала главата – соопштиле пожарникарите. Многу граѓани на друштвените мрежи напишале дека се надеваат дека жената ја научила својата лекција.

извор:курир.мк

Животната тајна на Шабан Шаулиќ: Вонбрачниот син Роберт и синот Михајло за прв пат се сретнаа на погребот на нивниот биолошки татко!

Антонио Димитриевски — Mon, 25 Feb 2019 09:53:48 +0000

Роберт Шаулиќ, вонбрачниот син на Шабан, присуствуваше на погребот на неговиот биолошки татко каде за прв пат се сретна со своите полубрат и полусестра. Иако со години не го имал видено Шабан и немал контакт со него и неговото семејство, Роберт Шаулиќ тешко ја поднел веста за смртта Шабан, кој почина на 17 февруари во сообраќајна несреќа во Германија. На погребот на легендарниот пејач тој влгол во капелата и на семејството му изразил сочувство, а според очевидци му пришол на неговиот полубрат Михајло и со насолзени очи се поздравил со него, што официјално била нивна прва средба во животот, пренесува српски Курир. Шабан Шаулиќ Роберт го добил во 1972, како вонбрачно дете со една Србинка, која тогаш работела во Германија. Неколку години подоцна, тој се сретнал со својот сопруга Гордана, со која ги има ќерките Санела и Илда и синот Михајло. Нена, мајката на Роберт работела во Германија и го оставила уште како бебе кај својата тетка во Батајница. Еден ден тетката одлучила да го однесе во Зрењанин, кај баба му и дедо му, бидејќи неговата мајка Нена не испраќала пари за неговото издржување. „Тогаш, мојот покоен сопруг и јас поминавме пред куќата каде што живееа родителите на Нена и го видовме бебето на улица. Тогаш имаше само 10 месеци. Јас веднаш го одведов во нашата куќа, и малиот Роберт веднаш ми легна на срце“ - вели сосетката радованка, попозната како баба Сека, жената која го одгледала и пораснала и со која и ден денес живее Роберт, вонбрачниот син на Шабан. „Шабан и Гоца редовно доаѓаа да го посетат Роберт. Шаулиќ ми даде златни обетки, кои ги носам и денес, и ми подари скапи вазни. Тој ми даваше пари за сè што му е потребно на Роберт, а го одведов во бањаРусанда кај Меленци на терапија за да прооди. Додека работев во градината, го носев Роби на грб и копав. Сепак, тој наскоро прооде, но и ден денес сé уште крив на едната нога“- ќе изјави Радованка за српскиот Телеграф. Таа вели дека Шабан редовно ја повикувал за да праша дали на Роберт му треба нешто. „Тој кришум доаѓаше да го видам во мојот двор. Тоа го правеше со години. Речиси половина од животот на Роби беше така. Кога го прашав Шабан зошто не му посветува поголемо внимание на Роберт, тој само молчеше“ - заклучила Радованка. Фото: Владимир Спорчиќ/Филип Плавчиќ/ Немања Николиќ

Преживеала кобна ноќ: Сосетка со нож ја нападнала Јелена Голубовиќ!

Христина Ѓоргиевска — Wed, 15 Aug 2018 11:26:21 +0000

Јелена Голубовиќ и нејзиното семејство преживеале вистински стрес, кога во понеделникот вечерта во зградата во која живеат се појавила нивната сосетка со нож во рацете. „Жената дојде со нож и ме нападна. Таа беше во притвор. Баба ми плаче цел ден. Баба ми од 94 години ми вели „Јас ќе одам со тебе секаде“. Сите плачат. Мајка ми не спиеше цела вечер, јас спиев само 2 часа. Цела зграда не спиеше. Пола од соседите се на наша страна, пола на нејзина, вели Голубовиќ за Пинк.

Јелена вели дека доцна во ноќта на балконот тивко зборува со нејзина другарка кога се појавила сосетката. Јелена и рекла да се смири, а таа и се заканила дека ќе ја убие.

„Почна да ми вика дека ќе ме убие. Таа не зборува со мајка ми веќе една година. Да не се појавеше полицијата мислам дека нејзиниот сопруг ќе ме убиеше“, вели исплашената пејачка. Јелена планирала да замине на одмор заедно со момчето, но морала да го откаже патувањето бидејќи се плаши за безбедноста на нејзината мајка и баба.