сос – Вистина.мк

Рецепт за сос од таљатели и карбонара: Многу се повкусни од купените во продавница

Слаѓана Атанасова — Thu, 28 Sep 2023 13:00:44 +0000

Таљатели и сос од карбонара се специјалитети на италијанската кујна. Многу Италијанци сакаат да ги подготвуваат дома,во домашната услови. Од друга страна, најмногу купуваме готови. Меѓутоа,кога ќе се обидете да ги приготвите во вашата кујна,лесно ќе заборавите да ги купите готовите. Ви пренесуваме рецепт со кој се подготвуваат многу брзо, но има еден трик – расукување на тестото ќе биде за нијанса потежок дел од работата. СОСТОЈКИ – 2 јајца – 200 грама брашно ПОДГОТОВКА Прво измешајте ги јајцата и брашното за да се измати тестото. После тоа,само покријте го со фолија и оставете го во фрижидер околу 30 минути. Кога ќе го извадите тестото,ставете го на површина што претходно ќе ја премачкате со брашно. Следниот чекор е тестото да се развлече со сукало и да се направи во форма на правоаголник. Свиткајте го тестото по должина и потоа само исечете го на ленти. После тоа убаво одвојте ги лентите и ставете ги лентите да се варат. СОСТОЈКИ ЗА КАРБОНАРА СОС – едно Јајце – две жолчки – 50 до 100 грама сланина -30 грама пармезан – едно чешне лук ПОДГОТОВКА Во тавата истурете го маслиновото масло и пропржете ја сланината која претходно ќе ја исечете. Изматете ги јајцето и жолчките,па додадете го пармезанот и убаво измешајте. После тоа,во сланината додајте ситно сечкан лук и таљатели. Прво измешајте,па истурете ги јајцата. Исклучете го шпоретот и гответе неколку минути на топол,исклучен шпорет. Не претерувајте, бидејќи може да се случи јајцата да се сварат. Само неколку минути. Извор: Курир.мк

Од само 3 состојки: Рецепт за најлесното, а вкусно пилешко во сос

Слободанка Илиева — Wed, 16 Aug 2023 12:30:04 +0000

Од само 3 состојки: Рецепт за најлесното, а вкусно пилешко во сос Можете да добиете одличен вкус на храната дури и кога користите ограничени состојки – на пример, само три состојки. Овој рецепт за пилешки батаци без коски во соја сос и кафеав шеќер е најдобар доказ за тоа. Состојки: 450 гр пилешки гради без коски 125 мл соја сос 60 гр кафеав шеќер Подготовка: Загрејте голема нелеплива тава на средна топлина. Во тавата додадете го пилешкото исечено на помали парчиња и пропржете го додека не добие златно-кафеава боја од двете страни. Во сад измешајте ги соја сосот и кафеавиот шеќер и прелијте го пилешкото. Гответе сè заедно додека пилешкото термички не се обработи до крај, а сосот се намали и згусне. Послужете го пилешкото со прилог по ваш избор. Добар апетит! извор:kurir.mk

Песто од тиквички е совршен летен сос

Слободанка Илиева — Thu, 10 Aug 2023 11:55:47 +0000

Без разлика дали ќе го послужите со интегрални тестенини или како сос за свеж зеленчук, ова песто од тиквички сигурно ќе ви се допадне! Лесните летни оброци кои не бараат многу подготовка се се што посакуваме овие денови, а ова песто од тиквички е токму тоа. Лесно се подготвува, не бара уклучување на шпоретот или рерната и најдобро од сè – можете да го подготвите во поголеми количини и ќе биде готов за јадење директно од фрижидер. Можете исто така да го замрзнете и да уживате во свежо песто во текот на целата година. Состојки: 200 гр тиквички 1/2 лажичка сол 30 гр рендан пармезан 30 гр пекорино сирење 125 гр маслиново масло 30 гр ореви 1 китка свеж босилек Подготовка: Изрендајте ги тиквичките и посолете ги, па оставете ги 30 минути да се ослободи вишокот вода. Тиквичките исцедете ги и ставете ги во блендер, па додајте ги останатите состојки и половина од количината масло. Измешајте ги состојките додека не се соединат, а потоа додадете го остатокот од маслото и блендирајте додека не добиете хомогена смеса. Послужете со интегрални тестенини или со здрави грицки и зеленчук. Добар апетит! извор:попара.мк

Трик за кремаст сос за Цезар салата без ниедна состојка од животинско потекло

Слободанка Илиева — Mon, 08 May 2023 12:19:55 +0000

Традиционалниот сос за салата Цезар се подготвува од жолчки, пармезан, инчуни, лук, лимон, сенф Дижон и растително масло. Сосот богато се прелива врз зелена салата, крутони, печено пилешко и рендано сирење. Доколку не јадете состојки од животинско потекло, сепак можете да уживате во кремастите и умами ноти на овој сос, кој првично го создал мексиканскиот ресторант Цезар Кардини од Тихуана, Мексико, по што салатата го добила името. Направете веганска верзија на прелив за салата Цезар која користи алтернативни состојки. Наместо јајца, користете кремаст таан или паста од сусам во комбинација со малку маслиново масло. Наместо кашкавал, заменете го ренданиот пармезан во сосот со гурмански прехрамбен квасец, кој може да се најде во продавниците за здрава храна и кој на сосот ќе му даде „сирењаст“ вкус. Состојки: 75 мл сок од лимон 65 мл таан 65 мл маслиново масло 2 лажички капери 1 лажица прехрамбен квасец 1 лажица Дижон сенф 1 лажичка рендана кора од лимон 1 лажичка течност од капери 1 чешне лук сол и бибер по желба Подготовка: Сите состојки се мешаат во блендер и се претвораат во мазен сос. По желба можете да додадете малку вода за да се разреди и полесно да ја прелиете зелената салата. Послужете веднаш или ставете во стаклен сад во фрижидер и чувајте неколку дена. Добар апетит! извор:попара.мк

Пилешко од рерна во теријаки сос: Задоволство за сите сетила

Слободанка Илиева — Tue, 28 Mar 2023 12:35:32 +0000

Теријаки сосот може да се најде во повеќето продавници, а во комбинација со мед, маслиново масло, лук и сусам, ќе добиете вкусна маринада… Теријаки сосот е јапонски сос кој традиционално се користи за маринирање и глазирање храна, а се состои од соја сос, шеќер, мирин (слатко јапонско вино) и саке (јапонски алкохолен пијалок). Еве еден лесен рецепт за пилешко печено во рерна со сос од теријаки. Состојки: пилешко филе или батаци со крабатакци (може и крилца) 1/4 шолја теријаки сос 2 лажици мед лажица соја сос лажица маслиново масло 2 чешниња лук, сецкан една лажица сусам сол и бибер по вкус Подготовка: Измешајте ги теријаки сосот, медот, соја сосот, маслиновото масло, лукот, солта и биберот во сад додека смесата не се изедначи. Земете го пилешкото и ставете го во огноотпорен сад за печење. Истурете половина од смесата со сос врз пилешкото и оставете да отстои во маринадата околу 30 минути. Загрејте ја рерната на 200 степени. Посипете го сусамот врз пилешкото и печете во рерна околу 50 минути или додека не порумени. Извадете го пилешкото од рерната и оставете го да отстои неколку минути. Послужете со остатокот од теријаки сосот како прелив и уживајте! Забелешка: Овој рецепт можете да го прилагодите на вашите вкусови и потреби, на пример со додавање други зачини или зеленчук во тепсијата заедно со месото. извор:курир.мк

Најдобар е домашен: Рецепт за сос од домати

Слободанка Илиева — Tue, 10 Jan 2023 13:30:22 +0000

Оди со сѐ. Состојки: 200 мл сок од домати 2 лажици масло 1 лажица брашно 1 лажичка шеќер малку сол малку пипер Подготовка: На загреаното масло пропржете го брашното, додадете ја пиперката, па истурете со сокот од домати и варете уште 3 минути додека мешате. Додадете сол и шеќер и варете уште неколку минути, до саканата густина. извор:курир.мк

Вечерва во СЦ „Борис Трајковски“ ракометно-естраден спектакл: Македонската репрезентација против селекцијата на ветерани и богата музичка програма

Антонио Димитриевски — Tue, 03 Jan 2023 06:34:05 +0000

Сите билети за ревијалниот натпревар меѓу македонската ракометна репрезентација и селекцијата на ветерани се распродадени. – Билетите за хуманитарниот ракометно-музички настан се распродадени. ВИ БЛАГОДАРИМЕ ЗА ХУМАНОСТА!! Се гледаме! – објави Ракометната федерација на Македонија. Овој несекојдневен спортски спектакл, има за цел да им оддаде почит на сите ракометари и ракометни работници кои оставиле свој личен придонес во колективниот учинок на ракометот како најпопуларен македонски спорт. Актуелниот национален состав за претстојното Светско првенство во ракомет, кое ќе се одвива од 11 до 29 јануари 2023 во Полска/Шведска – ќе биде противничкиот табор на ветераните. Покрај квалитетен ракомет, за време на настанот се предвидува и квалитетна забавна програма модерирана од Сашко Коцев, во која учество потврдија македонските уметници: Дац и Александар, Кики, Некст тајм и Меморија. Сите приходи од настанот „Сите ѕвезди“ ќе бидат донирани за СОС Детско село. Спортско музичкото шоу ќе почне вечер во 19 часот во СЦ „Борис Трајковски“ во Скопје.

Еве како да подготвите модар патлиџан потпечен во сос од домати

Слободанка Илиева — Thu, 16 Jun 2022 11:44:16 +0000

Модриот патлиџан во последно време е вистинска ѕвезда во кујната. Меѓутоа, кога станува збор за децата, овој зеленчук не е нивниот омилен избор. Но, доколку го подготвите по рецептот кој ви го предлагаме, и најмалите ќе го обожаваат. Кога ќе го наполните со сирење и зеленчук, па ќе го завиткате и ќе го испечете сето тоа во рерна со сос од домати, никој нема да може да одолее. Состојки: - 2 поголеми модри патлиџани - 1 главица кромид - 150 гр. спанаќ - 2 чешниња лук - 1 лажица мелена црвена пиперка - сол, бибер - 400 мл. сос од домати - 300 гр. кашкавал - 300 гр. сирење - масло - магдонос за декорација Подготовка: Модрите патлиџани исечкајте ги тенко по должина, па посолете ги и оставете ги настрана. Во загреаната тава истурете малку масло, па додајте исечкан спанаќ, кромид и лук. Сето тоа заедно се динста околу пет минути, а на крајот се додаваат наведените зачини. Тргнете ја тавата од оган, смесата ставете ја во сад, па додадете го кашкавалот и измешајте. Истурете го целиот сос од домати во тавата во која ќе ги печете модрите патлиџани. На работната површина ставете едно парче модар патлиџан, па премачкајте го со мешавина од сирење и спанаќ. На крај, врз модриот патлиџан посипете рендано сирење и завиткајте го, па ставете го на плех. Повторете го процесот додека имате од смесата. Ставете ги ролните во загреана рерна на 180 степени и печете ги 20 минути. Кога ќе бидат готови украсете ги со магдонос и послужете ги топли. На здравје! извор:кармин/точка.ком.мк

Брз ручек за цело семејство: Рецепт за тестенини со фантастичен сос од тиквички

Христина Ѓоргиевска — Tue, 26 Oct 2021 12:45:00 +0000

Вака подготвените макарони одлично се вклопуваат со некој вид на салата. Овојпат ќе ви го претставиме овој едноставен рецепт за макарони со сос од тиквички.

Состојки:

- 200 грама кромид; - околу 700-800 грама тиквички; - 1 чешне лук; - 1 домат; - 500 милилитри павлака за готвење; - на врвот од лажичката кари; - на врвот од лажичката оригано; - сол и бибер по вкус; - 4 лажици масло за јадење; - 600 грама тестенини; - магдонос; - пармезан или кашкавал; - босилек.

Подготовка:

Издинстајте го кромидот на масло за јадење, додадете го доматот и крчкајте. Потоа додадете го исечканиот лук, кратко продинстајте и додадете ги изренданите тиквички. Зачинете и варете сè додека течноста не испари. Потоа додадете неутрална павлака и уште неколку минути оставете сето убаво да крчка. Измешајте ја смесата со сварените макарони, па сервирајте во чинија. По желба додадете кашкавал или пармезан, босилек или магдонос. Ова јадење може да го подготвите и со пилешко месо, а истото да го запечете во рерна. извор: кармин.точка.мк

Сите ќе ве прашаат за рецепт: Најдобриот сос за тестенини со само 3 состојки

Христина Ѓоргиевска — Fri, 03 Sep 2021 12:45:55 +0000

Марсела Хазан, родена Италијанка, која живеела и починала во САД, била позната готвачка и авторка, а во својата книга ја открила тајната на нејзиниот најдобар сос од тестенини. Токму овој сос списанието „Делиш“ го прогласи за најдобар во светот, а потребни ви се само три состојки.

– домат
– кромид
– путер
– (сос по желба)

Во тенџере ставете половина лук, без сечкање, додајте многу путер и кратко пропржете. Додадете изгмечен домат и варете на тивок оган 45 минути. Марсела тврдеше дека лукот или другите состојки не треба да се исецкаат. Само додадете да се готви се заено и измешајте ги вкусовите.

извор: Курир.мк