сообраќајна незгода – Вистина.мк

Ѓорѓе Давид учествувал во трагичната сообраќајка кај Табановце во која загина жена

Слаѓана Атанасова — Sun, 21 Jan 2024 11:29:49 +0000

Српскиот музичар Ѓорѓе Давид учествувал во сообраќајната несреќа во Македонија на автопатот Куманово - Табановце во која едно лице загина. Несреќата се случи вчера, 20 јануари, околу 20 часот, најверојатно поради густа магла, а во несреќата учествувале три автомобили во близина на границата. Давид се враќал од Гевгелија каде имал деловни обврски. Музичарот не одговарал на повиците на новинарите. - Во сообраќајката учествувале патничко возило „фолксваген поло“ со кумановски регистарски ознаки, управувано од Б.Т.(24) од Куманово, патничко возило „фолксваген голф“ со скопски регистарски ознаки, управувано од В.П.(45) од Куманово и патничко возило „опел инсигниа“ со српски национални ознаки, управувано од Ѓ.Н.(59) од Република Србија. Во несреќата, од здобиените повреди починала Љ.Т.(49) од Куманово, сопатничка во возилото „поло“, а смрт констатирал лекар од Итна медицинска помош Куманово, информираше полицијата. Српските медиуми објавија дека возачот на инсигнијата е српскиот музичар Ѓорѓе Николиќ, чие уметничко име е Ѓорѓе Давид. фото: printskrin/istagram/djordje_david

Слоба Радановиќ повторно спаси човечки живот: Момчето лежеше покрај патот, а никој не застанува да види дали е жив!? (ФОТО)

Антонио Димитриевски — Wed, 04 Jan 2023 10:49:45 +0000

Пејачот Слоба Радановиќ важи за еден од најхуманите луѓе на естрадата, па на своите следбеници на социјалните мрежи им откри дека повторно спасил живот, со тоа што му помогнал на момче кое доживеало сообраќајна несреќа и лежело покрај автомобилот на автопатот. Радановиќ откри дека помогнал на луѓе кои кои доживеале несреќа, но и испрати и силна порака за сите луѓе кои истата вечер поминале на истото место, но паднале на „тестот за хуманоста“. Како што напиша во својот статус, додека момцчињата лежеле повредени покрај автомобилот, поминувале луѓе кои не ги ни погледнале, не им било грижа за нив. „Вечерва метеж на автопатот кај аеродромот, автомобил излетан од патот, а до друга кола покрај патот лежи момче... Поминуваат луѓе и никој не застанува да види дали се живи“? - напиша тој и додаде: „Жал ми е што го споделувам воздухот со сите што поминаа сношти овде и не застанаа. Никој не е нормален“ - објави револтираниот пејач на социјалните мрежи. Фото: Инстаграм и Твитер принтскрин/slobaradanovic

И Ана Севиќ некогаш имаше сообраќајна несреќа, а најголема поддршка и беше Дарко Лазиќ

Христина Ѓоргиевска — Mon, 29 Oct 2018 10:50:16 +0000

Помина една недела од сообраќајната несреќа на Дарко Лазиќ кој се уште е во болница и во лоша здравствена состојба. Покрај него цело време е неговата поранешна сопруга Ана Севиќ со која се раздели, но не се официјално разведени. Меѓутоа, Лазиќ не е единствен, исто така и Ана имаше сообраќајна несреќа, а тогаш за неа се грижеше Дарко. Имено, Севиќ била во автомобил со колегите Вања Мијатовиќ и Стефан Петрушиќ. Стефан возел со автомобилот кога дошло до сообраќајна незгода. Ана и Стефан се здобиле со лесни телесни повреди. „За среќа, таа вечер успеав за секунда да реагирам и да го избегнам столбот, инаку исходот ќе беше фатален“, изјави тогаш Петрушиќ.

Ана мораше да носи шансова крвата поради повредите, а бидејќи во тој период се забавуваше со Дарко, тој цело време се грижеше за неа.

Водителот Марко Новески револтиран по сообраќајната незгода која му се случи на пешачки!

Слободанка Илиева — Thu, 05 Jul 2018 08:09:52 +0000

ТВ и радио водителот Марко Новески преку социјалната мрежа Фејсбук раскажа што му се случило на пешачки премин во центарот на Скопје. Марко за малку ќе бил удрен од такси возило, па паднал на земја и го оштетил својот велосипед. Иако за време на случката била присутна и сообраќајната полиција, водителот вели дека службата била летаргична и со став дека си има друга работа. Освен тоа, негативно настроени кон познатиот велосипедист биле и останатите таксисти кои застанале во одбрана на својот колега.

При обид да го поминам пешачкиот премин(кој е обележан со велосипедска патека) кај ХОЛИДЕЈ ИНН за малце ќе бев удрен од ТАКСИ возило при што паднав и го оштетив велодипедот, во истиот момент се собраа негови колеги кои пробаа со физички закани да ме "убедат" дека нивниот колега бил во право... Сведоци на се ова беа и припадници на полицијата кои изреагираа-цитирам: ај доста се расправате си имам јас друга работа!- и само си отидоа Во целата оваа ситуација еден од таксистите си дозволи да ми рече (иако беше паркиран на самиот пешачки, а јас пробав да му посочам) дека нема закон кој му забранува да биде таму паркиран (алудирајќи дека него никој ништо не му може)... Сега ќе посочам, а следниот пат ако МВР не реагира и не го земе законот во свои раце ЈАС ЌЕ ГО ЗЕМАМ, напиша Марко. Ваквиот статус наиде на доста реакции и коментари на социјалната мрежа, пред се со револт кон целокупното однесување на инволвираните кој ТВ и радио виодителот ги посочи. фото:фејсбук