сообраќај – Вистина.мк

„Зошто толкаво нетрпение“: Екс -девојката на Игор Џамбазов се врати во Македонија (фото)

Слаѓана Атанасова — Thu, 21 Dec 2023 11:09:45 +0000

Алпинистката и уметница Илина Арсова, позната и како екс- девојката на шоуменот Игор Џамбазов, се врати во Македонија со повод. Имено, неодамна се одржа промоцијата со која веќе освојува нови врвови со нејзината сликовница наменета за најмалите насловена „Највисокиот врв“. Па така, за таа цел поранешната партнерка на Џамбазов кој и купи куфер со кој таа замина преку океанот каде започна да работи како професорка на Универзитетот Тенеси сега по долго време конечно за првпат реши да се врати дома и веројатно зажали. Откако Илина замина од Македонија таа со своите фанови не престана да контактира преку социјалните мрежи, а за нив редовно подготвуваше и споделуваше фитнес видеа од нејзиниот активен живот.

View this post on Instagram

A post shared by Ilina Arsova (@ilina_arsova)

Сепак, сега кога се врати, повторно се соочи со напнатоста која е секојдневен дел од овдешниот сообраќај, нешто што веројатно како и на многумина така и нејзе многу и пречи. Таа сподели фотографија од метежот за која напиша и малку подолг опис кој голем дел беше во прашална форма, а потоа објасни и по што се гледа културата на еден народ: „Зошто толку силеџиство, толку свирење и нетрпение? Каде ќе стигнете порано? По сообраќајот се гледа културата на еден народ“. Но, за познатата планинарка овој проблем не е само на Балканот, туку и во Америка и се јави револт со истиот интензитет. Па така за потсетување, таа еднаш напиша: -Жал ми е што ќе го кажам ова, но колеџ студентите се лоши во возење… Честитки за неколку исклучоци, но генерално се разгалени деца со големи модерни автомобили кои се паркираат на пешачки премин, се ставаат пред велосипеди и пешаци и баш им е гајле за тоа… се почувствував дека повторно сум на Балканот, револирана беше Илина. Без разлика каде и да е низ светот, веројатно секогаш ќе има и ќе владеат вакви непријатности. Сообраќајната (не)културата некако сѐ повеќе доминира, а нервозата кулминира. Фото: Printskrin/Instagram/ilina_arsova

Сека Алексиќ „уловена“ како вози – сите се шокирани од овој детаљ! (видео)

Слаѓана Атанасова — Mon, 25 Sep 2023 07:22:04 +0000

Пејачката Сека Алексиќ, позната по својата енергична музика и жив дух, за жал не била толку внимателна кога станува збор за возењето. Еден ден, додека брзала да ги заврши обврските, направила сообраќајни прекршоци. А екипата на „Папарацо лова“ ја снимила Алексиќ како прекршила дури неколку правила за возење. Прво Сека помина на црвено на семафор. Таа го игнорирала црвеното светло и забрзала, ризикувајќи да предизвика сообраќајна несреќа. Второ, ги претекна другите возила преку цела линија. Ова е особено опасно бидејќи полна линија значи дека претекнувањето е забрането поради потенцијална опасност. Сепак, пејачката не обрнала внимание на овие знаци и престигнала неколку возила, меѓу кои и пешаци кои биле на тротоар. Овие прекршоци се сериозни и може да резултираат со тешки казни, вклучувајќи парични казни, губење на возачка дозвола или дури и затворска казна. Дополнително, ваквото однесување ја загрозува и пејачката и другите учесници во сообраќајот. Важно е сите возачи да ги почитуваат сообраќајните прописи за да се осигура безбедноста на сите учесници во сообраќајот. Без разлика колку сме славни или брзи, безбедноста секогаш треба да биде на прво место. Фото: Принтсркин/Папарацо лов

Српската старлета прво гола позираше в кревет, а потоа речиси без облека го возеше и автомобилот: Станија направи хаос на социјалните мрежи, ама и на улиците на Мајами (ФОТО)

Антонио Димитриевски — Tue, 01 Aug 2023 10:20:31 +0000

Станија неодамна ги спакува куферите и повторно ја посети Америка. Позната како една од најжешките девојки на јавната сцена, ријалити старлетата веднаш по пристигнувањето ги запали социјалните мрежи кога објави фотографии на кои позира пиштол гола. Имено, Станија на Твитер објави голи пози од креветот на кои се гледа дека не носи ништо на себе, па дури ни долна облека. Таа стратешки ја постави прекривката за да го открие голото га*е, а следбениците со „остро око соколово“ дури забележаа дека на распиштолената убавица и се познава „бела штрафта“ од ленатата на тангата, среде исончаната задница. Откако го запали Интернетот со голите фотографиите од креветот, старлетата повторно е во центарот на вниманието! Иако овој пат Станија не е гола, туку во минијатурно бикини. Она што многумина ги изненади е тоа што Добројевиќ тргнала на плажа, зашто дента таков и бил планот, ама уште од дома облечена само во минијатурен тигрест костим за капење, па така разголена седнала и зад воланот! Коментарите за нејзиниот стајлинг при возењето беа многубројни, меѓу кои немаше негативни за нејзиниот изглед, освен оние за безбедноста, кога зад воланот ќе седнат разголени дами... Зашто разголената Станија направи хаос во сообраќајот во Мајами. Фото: Инстаграм/stanijadobrojevic

Родители внимавајте, во сообраќајот вие сте примерот кој го следат вашите деца!

Антонио Димитриевски — Fri, 24 Sep 2021 11:21:01 +0000

Ги учиме децата да бидат воспитани и културни, да ги почитуваат и поздравуваат повозрасните, да бидат добри ученици и да ја чуваат животната средина. Ги учиме децата странски јазици, компјутери, математика, итн. Знаењето е богатство и секое знаење е добредојдено. Но , се поставува прашањето, дали доволно ги учиме децата за тоа како да се однесуваат во сообраќајот, како безбедно да ја поминат улицата, како да ги препознаат ризикот и опасностите во сообраќајот? Секое незнаење има своја цена, незнаењето во сообраќајот чини загубени човечки животи. Почитувани родители! Да ги научиме децата како безбедно да поминат улица, да ги научиме безбедно да користат јавен превоз. Да не ги оставаме малите деца од предучилишна возраст сами на улица, а исто така да се погрижиме и за нивнта безбедност додека се вклучени во сообрајќајот! Децата треба да користат детски седишта, појаси и заштитни шлемови, а децата до десетгодишна возраст да не возат велосипед на јавен пат или улица! Исто така , не дозволувајте деца да седат на предното совозачко седиште! Родителите пак, на повозрасните деца кои се подготвуваат да станат возачи би требало одговорно да го запознаат своето дете со сериозноста од вклучувањето во сообрајќајот како возач. Би можеле , заради поголема безбедност на младите возачи, почетници, да се погрижиме да им обезбедиме дополнителни часови за обука, со возач инструктор или со друг искусен возач кој ќе им даде насоки за тоа каков треба да биде односот на младиот возач кон децата во сообрајќајот, кон пешаците и велосипедистите. Обуката би можела да опфати обука за вешто возење во услови на дожд, магла, замрзнати коловози и во услови на ноќно возење. Родители! Грижете се за безбедноста на вашите деца во сообрајќајот! Секое ваше однесување, децата го прифаќаат како свое. Затоа да се погрижиме да имаме безбедни деца кои ќе бидат безбедни учесници во сообрајќајот.

„Просто се шокирав“: Живкица Каленикова не очекуваше вакво нешто да и се случи во сообраќај додека чекаше на семафор

Слободанка Илиева — Fri, 12 Mar 2021 08:10:46 +0000

Во секојдневието и сите случувања и нешта кои не опкружуваат, сигурно сте помислиле дека добрите постапки станаа многу ретки, па кога ќе се случат просто сме изненадени. Веројатно многупати сте коментирале дека има многу лоша сообраќајна култура, па наместо да се поправаме, станува полошо. Па така, токму некои едностави гестови кои треба да бидат наша одлика, не ги очекуваме кога се случуваат. Со една ваква ситуација во сообраќајот се соочи ТВ и радио водителката Живкица Каленикова која на својот Фејсбук профил напиша: -Една непозната девојка денес ми го стопли срцето и баш ми го направи денот , имено на семафор излегува на дождот се фаќа за задната врата од мојот автомобил јас благо изненадена и само ми вели отворена ви беше вратата , просто се шокирав , не ми свиреше , мафташе да ми укаже како што обично сите правиме не мислеше на себе да не наврне туку едноставно помогна . Девојко алал ако се прочиташ , пиши едно кафе честам. Дечки можеме многу убаво да живееме. Да бидеме љубезни- пишува Живкица. Нека ова биде само еден позитивен пример за да ги промениме лошите навики со оние кои треба да се основа на однесувањето, бидејќи доброто со добро се враќа – нели?

Летна кампања на МВР и РСБСП да ја зголемиме безбедноста во сообраќајот

Антонио Димитриевски — Thu, 23 Jul 2020 12:13:32 +0000

Секторот за внатрешни работи Скопје при Бирото за јавна безбедност во соработка со Републичкиот совет за безбедност на сообраќајот организира сообраќајно превентивна кампања за безбедност во сообраќајот „Летна кампања“. Целта на кампањата е едукација и подигање на свеста за одговорно учество во сообраќајот во летниот период. Изработени се едукативни материјали за потребите на кампањата и по успешно организираниот вчерашен настан на наплатна станица Петровец, денеска (23.07, четврток) на просторот помеѓу трговските центри „Бисер“ и „Капитол мол“ во општина Аеродром – Скопје, беше реализирана уште една акција за дистрибуција на едукативните материјали.

„Главата не служи само за фризури и шишање“: Сара Мејс „распали“ по несовесните возачи – вклучи камера и ги сними (видео)

Слободанка Илиева — Sun, 31 Mar 2019 09:00:24 +0000

Пејачката Сара Мејс е активен учесник во сообраќајот како возач, ама во скопскиот собраќаен метеж и владеење на постојан хаос, таа едноставно не може да си ги поштеди нервите. Сара не од оние возачи кои креваат тензии, па кога некој непрописно им стои во лета, газат на сирената до оглувување.

Сара Мејс, наместо да го прави тоа кога веќе лентата и беше блокирана, реши да го вклучи мобилниот и времето додека чекаше, реши да се снима и да ја покаже ситуацијата, но и да укаже што се прави и како не треба. -Нема да е лошо некои луѓе некогаш да го уклучат мозокот. Главата не служи само за фризури и шишање, се мисли со неа од време на време, стои во описот на видеото. Откако го кажа своето и си олесни себе си, колоната возила се придвижи, но за жал таа повторно мораше да чека на црвено.

Кампања на РСБСП за поголема безбедност на децата во сообраќајот

Антонио Димитриевски — Fri, 31 Aug 2018 11:29:28 +0000

Подобрување на безбедноста на децата во сообраќајот и на сообраќајното поведениe на учесниците во сообраќајот е целта на новата кампања на Републичкиот совет за безбедност на сообраќајот на патиштата (РСБСП) што ќе се реализира во наредниот период. Мотото и пораката на РСБСП во оваа кампање е „Секоја грешка и секое незнаење имаат своја цена, но незнаењето и грешките во сообраќајот чинат загубени човечки животи. Крајно време е, сите ние како заедница и секој поединечно, да го преземеме својот дел од одговорноста и да го дадеме својот придонес за поголема безбедност на децата во сообраќајот.“ Традиционално со почетокот на секоја учебна година, РСБСП реализира сообраќајно-превентивни активности за помалку настрадани деца во сообраќајот. Во 2015 година девет деца на возраст до четири години го загубиле животот во сообраќајни незгоди и 13 деца на возраст од пет до 18 години. Во 2016 пет деца на возраст до 14 години и девет деца на возраст од 15 до 19 години го загубиле животот во сообраќајни незгоди. Во 2017 пак четири деца на возраст до 14 години и 14 деца на возраст од 15 до 19 години го загубиле животот во сообраќајни незгоди. – Тоа значи дека за период од само три до четири години Република Македонија губи цел еден клас деца што е ненадоместлива загуба за семејствата и за општеството во целина, се вели во соопштението од РСБСП. Во рамки на кампањата за поголема безбедност на децата во сообраќајот ќе бидат реализирани едукативни предавања и јавни сообраќајно-едукативни настани во училиштата и градинките, предвидена е изработка и дистрибуција на сообраќајно-едукативни материјали со креативна содржина, едукација преку јавните и социјалните медиуми… Во соработка со Триглав Осигурување ќе бидат обезбедени флуоресцентни елеци за поголема видливост на децата – учениците во сообраќајот.

Додека Заев со музика го пушташе новиот автопат, неговата кумашинка Љупка Митрова и без трубачи го блокираше патот за Валандово! (ФОТО)

Антонио Димитриевски — Tue, 24 Apr 2018 08:27:38 +0000

Додека владеачката елита на СДС на чело со премиерот Заев китејќи се со туѓите перја со блех музика го пушташе новиот автопат Демир Капија - Смоквица, сообраќаен застој се случуваше на едно друго место, во непосредна близина.

Имено, неговата кумашинка, модната блогерка Љупка Митрова киниса на пат... веројатно преку Валандово и Валандовско Брдо за родната Струмица! Арно ама, згодната кумашинка по пат почувствува потреба да застане... Неее, не е тоа што мислите!

Струмичката убавица почувствува потреба да направи нова фотосесија во природа, па го запре автомобилот и излезе да се прошета и да позира среде стариот пат за Валандово!

Облечена во тесно припиен црн комбенизон со длабоко деколте и црни чизми до коленици со високи потпетици, сексапилната Љупка тргна да чекори среде афалтното џаде, кое само што не почна да се топи, што од врелото сонце, што од жешкиот призор.

Нога пред нога, чекот по чекор, а на секој чекор по една нова фотографија... во нова поза! А кога Љупка среде пат позира и сообраќајот се стопира! И подобро... Зашто наместо во патот, во сообраќајните знаци и означената регулатива, возачите опиени гледаа во нејзината задна перспектива.

Па иако може да се претекнува, зашто линијата е испрекината, сите стојат во колона, зашто никој не сака убавата глетка да му биде прекината.

Се додека кумашинката не се паркира на лединката, каде престанува претекнувањето, ама не и гледањето... на нејзината природна убавина пред следната кривина!

РСБСП: Управување моторно возило под одвлечено внимание, ризик-фактор што ја загрозува безбедноста во патниот сообраќај

Антонио Димитриевски — Tue, 06 Feb 2018 11:26:09 +0000

Патниот сообраќај претставува извор на многу опасности од кои произлегуваат сериозни последици – загубени човечки животи, голем број повредени лица, огромни материјални загуби. Во Република Македонија, годишно, околу 160 лица го губат животот во сообраќајни незгоди, а околу 6000 лица се повредени во сообраќајни незгоди. На светско ниво, бројот на лица кои го губат животот во сообраќајни незгоди изнесува околу 1.3 милиони, а до 50 милиони секоја година се здобиваат со повреди од сообраќајни незгоди. Причините за сообраќајните незгоди се различни, но најчесто се сведуваат на еден заеднички чинител – грешка на возачот. Современиот начин на живот наметнува силна динамика, многубројни обврски и постојана трка со времето да се биде присутен секаде и во секое време. Возачите многупати се нервозни и нетрпеливи, не ги следат внимателно случувањата во сообраќајот, а како последица на нивната деконцентрираност и дефокусираност, прават грешки. Лошите навики и одвлеченото внимание кон друга секундарна активност за време на возењето, во науката се дефинира како „возење под одвлечено внимание“. Одвлечено внимание претставува пренесување на вниманието од безбедно управување со возилото, кон некоја друга активност. Во ваква ситуација, вниманието на возачот е привремено поделено меѓу две задачи, примарна задача (возење) и секундарна задача што не е поврзана со возењето. Во втората категорија ги вклучуваме сите активности што се случуваат додека возачот управува со возилото и го пренасочуваат или намалуваат неговото внимание од сообраќајот и патот: разговор на мобилен телефон, пишување СМС или допишување на Вајбер, играње игри, фотографирање, јадење, пиење, козметичко средување, слушање премногу гласна музика, набљудување на околината и природата, гледање по билборди, реклами, користење запалка за цигара, пушење итн. Постојат четири типа одвлечено внимание:

ВИЗУЕЛНО (кога вниманието е одвлечено од патот поради работа која не е поврзана со управување со возилото – гледање билборди, пејзажи, архитектура, реклами)
МИСЛОВНО (кога возачот првенствено мисли на исходот од телефонскиот разговор, а не на ситуацијата во сообраќајот)
ФИЗИЧКО (возачот не управува со двете раце, туку се занимава со мобилниот или со едната рака бара станица на радиото, а со другата управува со воланот)
АУДИО (ѕвонењето на телефонот има толку силен звук што го покрива звукот на амбулантната сирена или возачот слуша премногу гласна музика).

Во пракса, во поголем дел од ситуациите, одвлеченото внимание кај возачите е комбинација од сите четири типа. Одвлеченото внимание претставува закана за возачите, но истовремено и за сите учесници во сообраќајот, првенствено за пешаците. Токму затоа, РСБСП им препорачува и ги советува возачите, пешаците и останатите учесници во сообраќајот, секогаш да бидат концентрирани и внимателно да ги следат случувањата во сообраќајот. Моментот на одвлечено внимание може да биде кобен и да заврши со смртни последици или со тешки последици по здравјето на учесниците во сообраќајот. Во Република Македонија не постои прецизна статистика за тоа колкав процент од сообраќајните незгоди се случуваат поради одвлечено внимание кај возачите, но во Австралија тој процент изнесува околу 11% од сообраќајните незгоди, а во САД околу 25% од сообраќајните незгоди. РСБСП со апел до учесниците во сообраќајот: Оставете ги мобиилните телефони додека учествувате во сообраќајот, бидете внимателни, фокусирани и концентрирани, следете ги внимателно случувањата во сообраќајот и почитувајте ги сообраќајните правила и прописи и почитувајте ја сообраќајната сигнализација.