сонувате – Вистина.мк

Што сака да ви каже потсвеста кога ги сонувате бившите?

Христина Ѓоргиевска — Thu, 13 Jan 2022 13:30:37 +0000

Сон за некој поранешен партнер понекогаш може да биде изненадувачки, особено ако тоа е некој за кој не сте помислиле долго време. Сепак, може да ви каже некои работи за вас или за вашата моментална врска. Иако овие соништа можат да бидат романтични и понекогаш ќе ве натераат да се разбудите со призвук на носталгија, во реалноста тоа е само ментална проекција на она што таа личност некогаш била за вас. Кога ги сонувате бившите не мора да значи дека ја сакате таа личност или дека сакате да ѝ се вратите. Всушност, овој феномен воопшто не мора да биде сентиментален. Експертот Латиша Роу тврди дека ова е сосема нормална појава. „Доколку имате турбулентна врска зад вас или излегувате од врска која не ги задоволувала вашите потреби, нашата потсвест преку соништата се обидува да го поправи тоа. Во тој случај, преку нив се обидуваме да ја живееме врската што всушност сме сакале да ја имаме“, објасни таа. Потсвеста често создава „што ако“ сценарија, дури и кога станува збор за партнер што веќе сме го преболеле. Овие соништа обично имаат позитивно значење. Тие навестуваат неочекувани и добри промени во вашиот живот кои ќе ви донесат многу среќа и убави моменти. Доколку сте слободни, тоа може да значи и дека наскоро ќе запознаете некој кој ќе внесе позитивни чувства во вашиот живот, без разлика дали на приватен или на деловен план. Ако сонувате дека повторно сте се заљубиле во поранешниот партнер, тоа може да биде предупредување за претстојните настани. Можно е да се соочите со ситуација која на почетокот ќе ви изгледа позитивна или безбедна, но тоа ќе ве доведе во одредени неволји. Исто така, уште една причина зошто сонуваме за поранешни љубовници е стравот да не бидеме повредени. Многумина се плашат од нови врски поради страв да не бидат повредени, особено ако зад нив стои болно раскинување. Потоа, почнувате да се присетувате на тешки моменти, а можно е некои од нив да ви дојдат во сон. На крајот, соништата за бивша љубов може да значат и дека сте останале недоискажани во таа врска и дека треба да се објасните или да го добиете потребното објаснување, што најчесто е случај за врски кои завршиле нагло или без поздрав. извор: кајгана

Ja сонувате поранешната љубов? Еве што тоа значи

Христина Ѓоргиевска — Wed, 29 Dec 2021 14:15:34 +0000

Она што го сонувате не секогаш покажува на вашите длабоки мисли и желби со поранешната љубов, туку повеќе е поврзано со вас самите. Во зависност од тоа што сте сонувале, толкувањата на соништата можат да бидат различни, но многу често се директно поврзани со актуелните случувања од вашиот живот, отколку со минатото.

Прочитајте што тие значат:

Ако сонувате дека повторно се вљубувате во првата љубов Без разлика колку и одамна да се случувало тоа, некогаш ја сонувате таа љубов. Но, тоа не е личноста, туку е желба за оживување на тие емоции, посакуваност, страст и желба. Многу веројатно во вашата психа постојат само овие перцепции, а на личноста имате и заборавено. Но, потсвеста е тука да ве потсети и стимулира да се разбудите и да ја барате истата возбуда повторно. Сон со неодамнешен партнер Сонот за оваа личност е порака од вашата потсвест дека е време за преболување и продолжување. Без разлика што уште ви ги држи мислите кај таа личност, вие самите си помагате да преболите и да продолжите понатаму. Ако сонувате дека поранешен партнер сака да биде пак со вас Често луѓето сонуваат дека поранешниот партнер ги бара назад и во сонот тоа е толку реално, што може да создаде и илузија дека така е и во стварноста. Можеби пак сонот бил отелотворување на вашата желба? А сега, откако сте целосно будни запрашајте се дали навистина го сакате тоа? Ако сонувате како бившиот партнер ве отфрла Овој сон најчесто е разговор со себе. Она со кое партнерот ве одбил во сонот, всушност треба да си го повторите и ќе добиете одговори на многу прашања, од кои оние поврзаните со него се најмалубројни. Сонувате караница со првата љубов Запрашајте се кој конфликт со себе го имате во својот живот. Често, првата љубов во сонот ве претставува вас и битката која ја водите. На сите им е тешко, но навикнете се на тоа дека вие самите сте си и најдобар пријател и најлош критичар. извор: попара.мк

Постојано го сонувате истиот сон? Експертите откриваат зошто тоа ви се случува и како да го решите проблемот

Христина Ѓоргиевска — Fri, 08 Oct 2021 12:00:36 +0000

Дали некогаш сте имале ист сон неколку пати? Ликовите, заплетот, речиси се е исто и се се повторува. Зошто постојано го сонуваме истиот сон и истиот настан? Сонувањето на истиот сон може да значи дека нашата потсвест има порака за нас. Тоа е клучот, затоа што зависи од вас сами да одлучите што е тоа во животот што ве оптоварува дури и до тој степен што постојано сонувате за тоа. Психологот кој се занимава и со соништата, Роло Меј тврди дека човек кој не може да сонува, полесно се справува со проблемите во реалноста. Значи, се за што сонувате е одраз на она за што размислувате кога сте будни. Ако често имате кошмари, тоа покажува дека ве мачи некаква траума со која вообичаено се борите или ситуација за која се уште не сте нашле начин да ја решите. Значи, ако често сонувате исти кошмари, секој ден, еднаш месечно или неколку пати годишно, вашата потсвест сака да ги реши проблемите со кои инаку е тешко да се справите и кои ве оптоваруваат. За да се реши овој проблем од соништата, научниците предлагаат редовно да се води дневник. Запишете што се случува во вашиот живот, какви се вашите чувства кон овие настани и што сте доживеале како убава и грда работа од тоа. Може да се случи долго време да треба да постигнете решение, како и да не најдете одговор толку брзо. Но, со текот на времето дефинитивно ќе го најдете. Соништата честопати се многу турбулентни, а понекогаш и многу тешки за објаснување, а проблемите што не мачат од секојдневниот живот се појавуваат во некои други, на прв поглед, сосема обични ситуации. Од друга страна, овие ситуации може да бидат придружени со силни емоции што доведуваат до состојба на парализа во сонот и ве водат до фактот дека во сон не можете да најдете начин да се ослободите од нив. Психолозите веруваат дека кошмарите и сите оние соништа што се случуваат се всушност позитивно искуство за секого, бидејќи тие ќе се повторат додека не обрнеме внимание на фактот дека треба да го решиме проблемот. извор: курир.мк