солзи – Вистина.мк

„Јас тоа лично го доживеав“: Тања Савиќ заплака среде снимање, а откри и зошто (фото)

Слаѓана Атанасова — Tue, 06 Feb 2024 08:33:24 +0000

Фолк-пејачката Тања Савиќ (38) призна дека многу од нејзините песни кои ги објави во последните неколку години имаат приказна која ја доживеала во приватниот живот. Во текстот се гледа каков брачен живот имала, а, како што истакнува, песните „Сироче“ и „Сине“ се целосно биографски. За време на снимањето на спотот за втората песна, таа се расплака и тоа пред целата екипа. - И двете песни се некако биографски, морам да кажам дека сите мои песни некаде имаат примеси на биографија. Ако јас не почувствувам дека тоа сум гопреживеала во песната, не можам да ја пеам, како сите уметници. Не можам да отпеам нешто што лично не го доживувам, има некоја вистина таму - рече Тања за тоа и додаде: - Во однос на песната „Сине“ ќе ставев уште многу, но песната трае само три минути, таа граница ја имаме... Да потсетиме, Тања неодамна замина на зимување во Бугарија, а престојуваше во ски-центар. Друштво и биле нејзините синови за кои е многу приврзана, како и нејзиниот нов партнер Мухамед Муки Бешиќ и пријателите. фото: принтскрин/инстаграм/tanja_savic_private

Емотивно скршена: Илда Шаулиќ ги преработи песните на Шабан, но на снимањето на видеата пејачката заврши во солзи (ФОТО)

Антонио Димитриевски — Mon, 05 Feb 2024 12:16:34 +0000

Емоциите беа толку силни што Илда Шаулиќ не можеше без солзи да го заврши снимањето на спотови за песните на нејзиниот татко Шабан. И покрај тоа, сите кадри се снимени, а во сето тоа и помогнале членовите на семејството кои цело време ја поддржувале зад сцената. Ќерката Ема, сопругот Бојан, мајката Гордана, сестрата Санела, братучетката Уна биле покрај Илда во моментите во емоциите опасно се заканувале да ја скршат пејачката, која пет години по трагедијата, таа за прв пат направи нова верзија на песните на својот татко Шабан во чест на кралот на народната музика, како што го нарекуваат. „Беше навистина тешко, имаше солзи, но на крајот сè завршивме како што треба и верувам дека да беше жив ќе се гордееше“ - изјави Илда, која ја имаше поддршката и од долгогодишните соработници и пријатели Милош Надаждин и Душан Лазиќ Лаза. Фото: Инстаграм/ildasaulic

Милица Тодоровиќ среде концерт се расплака на сцената: Напливот на чувства и љубовни емоции си ја зедоа цената (ВИДЕО)

Антонио Димитриевски — Thu, 04 Jan 2024 11:03:31 +0000

Популарната српска фолк пејачка Милица Тодоровиќ новогодишните празници како и повеќето нејзини колешки ги помина работно. Некогашната победничка на „Ѕвездите на Гранд“ за новогодишната ноќ настапи во Белград, каде заедно со својата публика ја дочека новата 2024 година. Ден подоцна, на 1-ви јануари, таа замина во соседството каде пееше во Жмињ, Хрватска. На овој настап пејачката од само нејзе познати причини се расплака на сцената, додека ја изведуваше песната „Ти мое злато“. Дали емоциите толку ја погодија Милица, па пејачката не можеше да ги задржи солзите, па мораше да ги крие така што и го сврте грбот на публиката, бришејќи си го лицето. За среќа, фолкерката бргу го надвладеа напливот на чувствата што одненадеж ја обземаа, па успеа да се врати во ритам и колосек, а концертот да продолжи по својот вообичаен тек.

View this post on Instagram

A post shared by @milicatodorovicfanpage.off

Фото и видео: Инстаграм/milicatodorovicfanpage.off

Мирисот на солзите на жената ја смируваат агресијата кај мажот

Слободанка Илиева — Thu, 28 Dec 2023 13:10:42 +0000

Претходно беше познато и дека агресивноста на мажјаците кај глодарите се намалува кога ќе помирисаат женски солзи поради социјална сигнализација. Ново научно истражување покажува дека мирисот на женските солзи ја намалува агресијата кај мажите. Тоа ќе рече – мажите кои ги помирисале солзите на испитаничката биле 44 отсто помалку агресивни, во случајов при играње видеоигри што предизвикуваат таков одговор поврзан со активноста на мозокот и центрите одговорни за реакцијата на агресија. – Намалувањето на агресијата нам ни беше импресивно, се чини – реално. Што и да има во солзите, навистина ја намалува агресијата, истакна Ноам Собел, професор по Невробиологија на Институтот за наука „Вајцман” во Реховот, Израел. Тој ги предводел истражувањата со Шани Агрон, па нивниот заклучок вели дека кога агресивната реакција е во игра, а мажот е наведен да верува дека жената го изневерува и дека тој треба да се одмазди, испитаникот е значително посмирен кога ќе помириса женски солзи. Во истражувањето создадено со намена да предизвика реакција, се открива дека солзите на жената содржат хемикалии коишто значително влијаат на намалување на агресијата кај мажите. Испитувањето е објавено во „ПЛОС бајолоџи“ (PLOS Biology). Претходно беше познато и дека агресивноста на мажјаците кај глодарите се намалува кога ќе помирисаат женски солзи поради социјална сигнализација. Проф. Собел верува дека хемикалиите во солзите можеби го добиле тоа својство и заради заштита на бебињата. Авторите додаваат дека пронашле слично однесување кај глувците, што е спротивно со тврдењето дека емоционалните солзи се својствени само за човекот. извор:курир.мк фото:Freepik

Џејла Рамовиќ ненајавено и се појави на роденденот и ја изненади, а славеничката заврши во солзи (ВИДЕО)

Антонио Димитриевски — Wed, 13 Dec 2023 13:14:14 +0000

Победничката на музичкиот натпревар „Ѕвездите на Гранд“, Џејла Рамовиќ пред неколку дена се појавила како изненадување на една роденденска забава, а славеничката завршила во солзи откако пејачката влегла во ресторанот. Имено, како што дознавме, пријателите на девојката која неодамна го прослави роденденот сакале да ја изненадат салавеничката и ја поканиле Џејла, која веднаш прифатила.Подготвиле се во најголема тајност, а кога Џејла се појавила во ресторанот, девојката која го славела роденденот бликна во солзи. Ова видео ги преплави сите социјални мрежи, а девојката која славела таа вечер се огласи и јавно и се заблагодари на Џејла за се. „Луѓе мои, оваа девојка, не можам да ви опишам со зборови, е како ангел што оди. Глас, убавина, стас, толку е мила и убава, неверојатна“ - напиша таа заедно со видеото од прославата.Како изгледаше ова изненадување погледнете во видеото подолу.

Плачењето може да биде добро: Еве зошто не треба да ги задржувате солзите

Слаѓана Атанасова — Wed, 22 Nov 2023 13:30:48 +0000

Плачењето е исклучително здраво и помага при воспоставување на внатрешна емоционална рамнотежа во кризни ситуации. Како и да е, тоа е дел од нашето секојдневие, кое го прифаќаме такво какво што е. Според некои научни испитувања, почестото плачење е една од поважните причини поради кои жените живеат подолго од мажите, кои поради социјалните предрасуди ја избегнуваат таа навика. Следуваат неколку начини на кои феноменот кој го нарекуваме „плачење“ нè лечи како физиолошки, така психолошки и духовно: - Солзите ни помагаат да гледаме. Најосновната функција е да ни овозможи да гледаме. Тие не само што ги навлажнуваат очните капаци, туку и ја спречуваат дехидратацијата на разните очни мембрани. Без тоа навлажнување не би имале вид. За луѓето без плачење, животот би бил драстично поразличен, очите би почнале да болат, а видот би почнало да го снемува. - Солзите ги убиваат бактериите. Баш поради солзите нам не ни требаат никакви средства за дезинфекција на очите. Сите бактерии кои секојдневно доаѓаат во контакт со очите при работа на компјутер, возење со автобус, или при вршењето на домашните работи, успешно се отстрануваат со солзите кои имаат таква структура што делуваат антибактериски. Тие во себе содржат лизозим, течност која во рок од 5-10 минути убива 95% од бактериите. - Солзите ги отстрануваат токсините. Во најновите научни студии откриено е дека солзите предизвикани со негативни емоции содржат повеќе токсини од оние предизвикани со различни иритации (пр. сечење кромид). Таквите солзи делуваат многу позитивно затоа што од телото ги отстрануваат штетните работи предизвикани со стрес. - Плачењето може да го поправи расположението. Плачењето кај луѓето е поврзано со намалување на концентрацијата на хемиските соединенија кои се поврзуваат со нервозата, агресивноста, емоционалната вознемиреност и загриженост. Емоционалните солзи исфрлаат посебни протеини кои инаку служат за пренос на мали токсични молекули. - Плачењето го намалува стресот. При сите научни тестирања утврдено е дека кај луѓето што плачат се намалуваат негативните ефекти од стресот. Докажано е и спротивното, воздржувањето од солзи го зголемува нивото на стрес и го поттикнува појавувањето на болести како на пример, висок крвен притисок, срцеви проблеми и појавување на чир во желудникот. - Солзите зближуваат. Солзите не само што помагаат за добро здравје, туку и ги зајакнуваат и врските помеѓу луѓето. Со заедничкото плачење луѓето се зближуваат и стануваат потолерантни едни кон други. Солзите помагаат во побрзото воспоставување на комуникација. - Солзите ослободуваат чувства. Дури и ако во животот не сме доживеале ништо драматично, секојдневно акумулираме мали незадоволства и конфликти. Тие предизвикуваат хемиски промени во подрачјето на нашето срце и мозок. Плачењето има моќ на прочистување. Тоа од нас ги отстранува нашите мали внатрешни демони пред да се зголемат и да предизвикаат поголеми проблеми. Извор: Попара.мк

Во едната рака држи евра во другата марамче – Стоја низ солзи отпеа еден од нејзините хитови (видео)

Слаѓана Атанасова — Fri, 10 Nov 2023 08:18:11 +0000

Фолкерката Стоја Новаковиќ често настапува на приватни прослави, а сега на една пушти солзи. Таа на прославата отпеа еден од нејзините најголеми хитови, поради што гостите ја украсија со евра и пееја заедно со неа. Но, на Стоја не и беше грижа, и почна да плаче, но цело време се трудеше да ја заврши песната. Солзите ги бришеше со марамче што го држеше во едната рака, додека во другата држеше „купче“ пари.

maestralno pic.twitter.com/57hSeZxuSI
— siza iz crne gore 🇵🇸 (@nesveti_sisoje) November 7, 2023

Инаку, Стоја вчера со својата објава нападна многу колеги. - Не правам видео честитки, не пеам 2-3 песни на забави, не пеам суво во камерата на телефонот, не одам на ТВ емисии да зборувам за глупости, не се нишам во хор на новогодишните програми... #stojarules - напиша фолкерката. Фото: Принтскрин/Х Твитер

Солзи на снимањето на „Ѕвездите на Гранд“: Цеца ги расплака Ѓорѓе Давид и Вики Миљковиќ кои не можеа да се сопрат (видео)

Слободанка Илиева — Wed, 01 Nov 2023 11:12:34 +0000

Во студиото на „Гранд“ беше закажано уште едно снимање на „Ѕвезде Гранда“, а Цеца пред почетокот ги расплака Ѓорѓе и Вики, а моментот го сподели на својот Инстаграм. Имено, пејачката објави видео на кое нејзините колеги плачат и не можат да се соберат по сознанието што им го соопштила. Додека кумата и рокерот беа во солзи, Цеца низ разговорот ја откри причината за нивните емоции. - Зошто мојот колега плаче? – праша Цеца. - Затоа што си луда жена. Не ми се верува дека го пееше ова. Ми пуштивте некоја песна за филмот на Џеј што го правеше Фута. Страшна песна. Не знам што правите, но тоа функционира – рекол Давид. - О, те сакам, моја емотивна. Како плачеш и ти? - праша Светлана. - И јас плачам. Ме врати во тоа време и Марина и Џеј и ти и Фута заедно. Немам коментар – рекла расплаканата Вики. Потсетуваме, на 6-ти декември се навршуваат три години откако почина легендарниот Џеј Рамадановски. Токму на тригодишнината од неговата смрт премиерно ќе биде прикажан филм за Џеј, „Недела“, а насловната песна ја отпеа неговата колешка и пријателка Цеца Ражнатовиќ. фото: Инстаграм принтскрин/Цеца Ражнатовиќ/гранд онлајн

Милица Тодоровиќ во солзи го дочека својот роденден (видео)

Слободанка Илиева — Fri, 13 Oct 2023 09:25:33 +0000

Пејачката Милица Тодоровиќ синоќа го прослави својот 33 роденден во луксузен бар во Белград, а во еден момент се расплака. Имено, Милица го прослави роденденот во друштво на своите најблиски, а на прославата и пееше пејачката Индира Радиќ, која атмосферата ја доведе до трескавично ниво. Во тој момент за Милица пристигнала торта и шампањ што ја израдувало, па почнала да плаче, а Индира цело време ја гушкала.

За да го прослават роденденот на Милица беа и некои нејзини колеги, меѓу кои и Илда Шаулиќ, кумот и колега Стеван Анѓелковиќ и фризерот Стеван Радивојевиќ во друштво на пејачката Марина Вишковиќ. фото:Принтскрин Информер.рс

„Тешко е за личноста со оваа дијагноза, тешко е и за семејството“: Сопругата на Брус Вилис едвај ги задржа солзите кога зборуваше за здравјето на нејзиниот сопруг (видео)

Слаѓана Атанасова — Tue, 26 Sep 2023 07:42:44 +0000

Актерот Брус Вилис боледува од фронтотемпорална деменција, која предизвикува проблеми со говорот и меморијата, како и разни промени во чувствата и однесувањето на пациентот. Неговата дијагноза беше објавена, а неговата сопруга Ема Хеминг Вилис сега јавно проговори за борбата низ која минуваат како семејство. „Она што го учам со текот на времето е дека деменцијата е тешка. Тешко е за личноста со оваа дијагноза, тешко е и за семејството. И не се разликува ниту за Брус, ниту за мене, ниту за нашите ќерки. И кога велат дека тоа е семејна болест, навистина се во право“, изјави таа во емисијата „Топдеј“, пренесува „Дејли мејл“. Брус со Ема ги има ќерките Мејбел и Евелин, додека од бракот со колешката Деми Мур ги има ќерките Румер, Скаут и Талула. Ема сега раскажа како им кажала на децата за дијагнозата на нивниот татко. „Ние сме многу отворено и чесно семејство. И најважно беше да им се објасни што претставува оваа болест од медицински аспект. Важно беше да им се каже за што се работи, бидејќи не треба да има никаква стигма поврзана со дијагнозата на нивниот татко или каква било форма на деменција“, истакна Ема. На прашањето дали Брус бил свесен за неговата состојба, таа одговорила: „Тешко е да се знае“. Таа признава дека за неа веста за дијагнозата на нејзиниот сопруг била и благослов и проклетство. „Некако, конечно разбирате што се случува, па можете да го прифатите тоа. Тоа не ја прави ситуацијата помалку болна, туку само ја прифаќаш и знаеш што е Брус, па е малку полесно. Толку многу убави работи се случуваат во нашите животи. Едноставно, многу ми е важно да ги тргнам очите од тагата за да видам што ни се случува“, искрена е сопругата на актерот. Таа нагласи и дека не сака луѓето да ја гледаат како „медицинска сестра на Брус Вилис“, туку како негова сопруга. Таа исто така додала дека тој ги учи нивните ќерки на прекрасни работи.

Exclusive: In honor of World Frontotemporal Dementia Awareness week, Bruce Willis’ wife Emma Heming Willis speaks to @hodakotb about the condition in her first interview since his diagnosis.
“It was the blessing and the curse,” Emma said of receiving Bruce’s diagnosis. pic.twitter.com/VY5yhVjZIf — TODAY (@TODAYshow) September 25, 2023

„Искрено, тој е подарок кој продолжува да дава љубов, трпение, издржливост, толку многу. Тој ме учи мене и нашето семејство. Тука сум и го правам ова не затоа што ова е мојата комфорна зона, туку ова е одраз на неговата моќ“, истакна меѓу другото Ема Хеминг Вилис, цело време едвај ги задржува солзите. Фото: Принтскрин/Getty images/Ема Хеминг Вилис