сол – Вистина.мк

Додавањето сол во секој оброк може да го зголеми ризикот од сериозни срцеви заболувања

Слаѓана Атанасова — Wed, 30 Aug 2023 10:29:14 +0000

90% Од возрасните лица внесуваат повеќе сол од што им е потребно и со тоа го зголемуваат ризикот од кардиоваскуларни болести, бубрежни нарушувања, а со тоа и од дијабет. Статистиките во однос на заболувањата од дијабет се сè позагрижувачки. Бројот на заболени секојдневно расте, во светски рамки, но и кај нас во Македонија. Пред сѐ ова се должи на лошите животни навики, стресот, начинот на исхраната и физичката неактивност, факти поткрепени од СЗО и други здравствени организации. Но, кога станува збор за исхраната, тука проблемот е посложен. Повеќето од нас купуваат процесирани производи, подготвени за долготрајно чување и „збогатени“ со адитиви, едвај читливи. Сепак мора да ги прочитате за да знаете што купувате и дали одредени состојки штетно влијаат на вашето здравје, особено при нивна почеста употреба. Една од нив е и солта! Солта ни е неопходна, но во ограничени количества! Основна состојка на солта е натриумот. Организмот на човекот има потреба од мали количиства на натриум, бидејќи е значаен за пренесување на нервните импулси, за контракциите и релаксирањето на мускулите, како и за одржување на правилен баланс на вода и минерални материи во организмот. Дополнително, солта е јодирана, односно има солидни количества од неопходниот минерал за нашето здравје – јодот. Според Светската здравствена организација препорачан дневен внес на сол изнесува до 4g. Но, со денешниот вообичаен начин на исхрана, невнесувањето на повеќе од 4g сол преку исхраната, претставува вистински предизвик. Според одредениистражувања на американскиотCDC, дури 90% од возрасните лица внесуваат повеќе сол од што им е потребно. Кога натриумот е внесен преку исхраната во доста поголеми количини, може да создаде проблеми како што се покачен иливисок притисок,заболувања на срцето исрцев удар. Исто така, може да предизвика губење накалциумот, кој најчесто се губи од коските со што доаѓа до зголемен ризик од различни заболувања на коските. Каква е релацијата помеѓу дијабетот и солта? Претерувањето со солта иако не води директно кон дијабет, сепак индиректно влијае и тоа преку: Зголемен ризик од кардиоваскуларни болести Натриумот е одговорен за контролирањето на балансот на течности во организмот, што е многу важно и за регулацијата на крвниот волумен и притисок. Претерувањето со солта води кон флуидна ретенција (задржување на течностите во организмот), што неминовно го покачува крвниот притисок, а високиот крвен притисок е директно поврзан со зголемениот ризик од повеќето кардиоваскуларни болести. Лицата со дијабет имаат значително поголем ризик од срцеви болести, во споредба со здравите лица. Одредени истражувања велат дека лицата со дијабет, имаат дури 4 пати поголем ризик од смртност од некаква кардиоваскуларна болест, во однос на лицата кои го немаат ова заболување. Ова е случај, бидејќи пациентите со дијабет тип 2 најчесто имаат барем еден од следните здравствени проблеми: метаболeн синдром, обесност, покачен крвен притисок, нарушен липиден статус (покаченитриглицериди и холестерол),физичка неактивност и слично. Овие силни ризик-фактори за дијабет, во исто време се поеднакво силни и во однос на зголемувањето на опасноста од срцеви заболувања. Така, кај лицата што страдаат од дијабет, самото постоење на дијагнозата веќе претставува проблем. Заради овие причини, тие треба да бидат посебно внимателни, односно максимално да ги избегнуваат другите ризик-фактори за срцеви болести, особено оние кои можат полесно да бидат контролирани, помеѓу кои и консумирањето на солта.

Зголемен ризик од компликации со стапалата

Зголемениот притисок поттикнат од прекумерната употреба на солта, може да води кон отоци на стапалата. Секоја повреда на овој дел од телото претставува сериозна опасност за лицата со дијабет. Зголемен ризик од бубрежни нарушувања Дијабетот е всушност една од најчестите причини за бубрежните болести. Речиси ¼ од дијабетичарите развиваат некакви бубрежни заболувања. Дијабетот подразбира покачени нивоа на глукоза во крвта кои помеѓу останатото можат да предизвикаат одредени оштетувања во крвните садови на бубрезите. Таквите оштетувања ги спречуваат крвните садови во вршењето на својата задача, па бубрежните ткива остануваат без крв и неопходни нутриенти, што значи на подолг рок и тие се оштетуваат. Оттука, можеме да заклучиме дека ако постојат дилеми околу тоа дали здравите лица треба строго да го контролираат внесот на солта и околу тоа која е точната строга граница на максимален внес на солта, можеме да кажеме дека кај заболените од дијабет ситуацијата е ,,почиста”. Тие дефинитивно треба посериозно да ја сфатат потребата од контролиран внес на солта. Како да го намалиме внесот на сол во организмот? Наједноставниот совет од кој можете да почнете е: Почесто јадете храна која самите ќе ја подготвувате дома и максимално избегнувајте процесирани прехранбени производи. Истражувањата покажуваат дека огромниот процент од прекумерно внесена сол најчесто доаѓа од јадењето ,,купечка” односно храна од маркетите, а не од че стото употребување на домашниот соларник. Ова не значи дека не треба да внимавате и на соларникот! Внесувајте од половина, до максимум лажичка сол дневно (тоа е веќе над 5g!). Солта е силен појачувач на вкус, па затоа честото и пообемно користење на различните зачини (исто така појачувачи на вкусот) кои најчесто се и доста здрави, може да води кон драстично намалена потреба од сол! За да ги искористите бенефитите на јодот од солта, односно тој да не испари или да не сублимира, не купувајте премногу сол која ќе ја складирате и додавајте од солта при крајот на готвењето, а не на почетокот. Дополнително, исто така многу битен аспект од контролирањето на внесот на солта е и препознавањето на храната со т.н. скриена сол.Дури до 80% од солта која ја внесуваме е скриена во секојдневните производи. Добри примери за прехранбени производи со скриена сол се:

Лебот – една резенка содржи и до 0,5 g сол. Тоа би значело дека само со неколку парчиња леб, внесуваме доволно сол за целиот ден!
Најразлични видови сирења, но и млечни производи.
Каков било вид на храна во конзерва.
Кисели краставички.
Месни производи.
Различни сосови.
Брза храна.
Замрзнати оброци.
Пици
Сендвичи
Лиснати теста
Гранола мусли и колачиња.
Саламурени производи.

Извор: Попара.мк

Внимавајте со солта: Зголемениот внес е опасност за развој на атеросклероза и кај луѓе со нормален крвен притисок

Слаѓана Атанасова — Tue, 09 May 2023 09:53:15 +0000

Зголемениот внес на сол во телото е значаен фактор на опасност за развој на атеросклероза, дури и кај луѓе со нормален крвен притисок, посочува ново истражување спроведено во Шведска. Солта е штетна и пред развој на висок крвен притисок, вели написот објавен во интернет-журналот „Јуропијан харт“ (European Heart Journal Open). Испитувањата опфатиле 10.788 испитаници на возраст меѓу 50 и 64 години. По заклучоците, научниците велат дека зголемениот внос на сол преку храната го зголемува ризикот од развој на атеросклеротични лезии во коронарните и каротидните артерии, дури и кај луѓе со нормален крвен притисок и без претходно познати срцеви заболувања, објасни главниот автор на истражувањата, д-р Јонас Вуопио од Институтот Каролинска и предавач на Универзитетот во Упсала. – Ретко кој обрнува внимание на врската меѓу промените во артериската калцификација и врската меѓу појавата на атеросклеротични наслаги и вносот на сол. Со оглед на тоа што ги имавме овие ексклузивни податоци од претходните истражувања, ги искористивме за да ги комплетираме претходните сознанија, вели Вуопио. Научниците потсетуваат дека дневниот внос на сол, како што е препорачан и од СЗО, не треба да надминува една кафена лажичка дневно. Зголемувањето на крвниот притисок поради вносот на натриум, дури и под нивото коешто ја дефинира артериската хипертензија, е важен фактор во односот меѓу вносот на сол и атеросклеротичниот процес. – Со оглед на тоа што забележавме поврзаност кај луѓе со нормален крвен притисок, едно од можните објаснувања за ваквите наоди е дека штетните патолошки процеси почнуваат уште пред да се развие хипертензија. Истражувањата што ги спроведовме потврдуваат дека вишокот сол не е добра работа, но фактот дека е поврзан и со развој на атеросклероза, дури и во отсуство на хипертензија, за нас беше мало изненадување, изјави д-р Вуопио. Исто така, се препорачува крвниот притисок да се одржува на помалку од 120/80, бидејќи веќе при крвен притисок од над 117/75, опасноста од развој на атеросклероза значително се зголемува. Извор: Курир.мк

Солта е вашиот сојузник за убавина, еве како можете да ја искористите

Слаѓана Атанасова — Fri, 24 Mar 2023 12:22:33 +0000

Солта е убедливо најпопуларниот зачин за храна, бидејќи во суштина ги подобрува сите нејзини природни вкусови. За вас, избравме неколку совети за тоа како да го користите стариот добар NaCI за цели на здравје и убавина. 1. Направете пилинг на кожата Солта е совршен и прекрасен пилинг за нега на кожата на телото и лицето. Откако ќе се истуширате и додека вашата кожа е уште влажна, посипете малку сол на рацете и нежно втријте ја во кожата. Ќе ја отстрани мртвата кожа и ќе ја стимулира циркулацијата. Морската сол е најдобра. 2. Смирете го чешањето на кожата Потопувањето во бања со солена вода може да биде одлично за смирување на чешањето на кожата. Само додадете една шолја морска сол во водата за капење за да ја омекне вашата кожа и уживајте. 3. Исчистете и тонирајте Тонерите за лице со морска сол се многу популарни, а вие можете да ги направите сами дома. Потребна ви е една лажичка сол и една лажичка маслиново масло во мала чинија. Масирајте ја смесата на лицето и вратот, но внимавајте да избегнете контакт со очите. Потоа измијте го лицето со обичен сапун. 4. Избелете ги забите Не плаќајте за скапи избелувачи на заби – направете сами од морска сол. Солта е природен абразив, па затоа е нежен во отстранувањето на дамките од забите. Еднаш неделно натопете четка за заби во сол и со неа измијте ги забите. Толку е едноставно, а резултатите се феноменални. Извор: Курир.мк

Оваа лековита мешавина за 10 дена ќе ви ги сопре болките во телото

Слободанка Илиева — Mon, 31 Oct 2022 13:20:19 +0000

За овој неверојатен природен лек се вели дека ги ублажува болките кои се последица од остеопороза и остехондроза, но и дека по употребата нема да чувствувате болка следните неколку години. Оваа мешавина за масажа се приготвува со нерафинирано растително масло и сол (можете да користите морска сол). Лековитата мешавина се приготвува веднаш за целиот тек на лекувањето. Ќе ви требаат 10 лажици сол и 20 лажици масло (маслиново, сончогледово). Постапка: Солта и маслото измешајте ги добро во некој стаклен сад. Затворете. После неколку дена ќе добиете посветла смеса. Примена: Секое утро треба да се мачкате со енергична масажа на вратните пршлени и на местата каде што чувствувате болка. На почеток масирајте се по 2-3 минути, секој ден додавајќи уште по 2-3 минути, за на крај масирањето да трае до 20 минути. По завршетокот на масажата, вратот избришете го со влажна, топла крпа. При спроведувањето на оваа процедура може да дојде до мала иритација на кожата. Затоа, по завршувањето на масажата, избришете ја кожата со сува крпа и нанесете малку детска пудра во прав. Со десетдневната терапија се стимулира циркулацијата на крвта и се подобрува мускулната регенерација на ’рскавичното и коскеното ткиво. Со оваа постапка се обновува протокот на крвта во вратниот дел на ’рбетот, исчезнуваат главоболките и се подобрува видот. Тоа се објаснува со прочистување на телото од токсини и нормализирање на метаболизмот. За време на овој процес, може да чувствувате блага поспаност или вртоглавица. Но тоа е ретка појава. По правило, лекувањето на остеохондозата на овој начин поминува без споредни ефекти и дава одлични резултати. извор:курир.мк

Совети за нега на кожата со шеќер и сол

Слаѓана Атанасова — Wed, 21 Sep 2022 12:31:09 +0000

Шеќерот и солта се незаменлив дел од готвењето, но според познавачите, може да се користат и во домашната козметика. Имено, од нив се прават пилинзи кои го чистат лицето и телото, како и мелем за испукани петици и лакти. Морската сол се става во креми и течности за мачкање кои ја навлажнуваат, негуваат, чистат и омекнуваат кожата. Сепак, морската сол обично се препорачува за телото, бидејќи кристалите се поголеми и можат да ја повредат кожата на лицето, која е почувствителна. А, и ако има раничка или мозолчиња на кожата, попрепорачливо е шеќер за правење на домашниот пилинг. Постојат многу лесни рецепти за пилинг со морска сол. Може, на пр., да се измеша со малку лосион за тело. Советот потоа гласи – под туш, тријте ја кожата со движења на масажа, за да стане мазна и нежна. И обичната кујнска сол дома може да се претвори во одличен пилинг, што во умерена количина, може да се нанесе и на лице, претходно убаво исчистено… Се меша помала количина со масло од бадем или дрвото арган и потоа нежно се масира. Ова ќе ги отстрани црнките од лицето. Друг рецепт со иста намена е – мешање половина лажичка кујнска сол, сода бикарбона и лажица масло. По напорен ден, бањата со морска сол го опушта телото. Во неколку платнени ќеси се става 1-2 кг. морска сол. Тие се редат во кадата и се потопуваат во неа пред човекот да легне внатре. Бањата трае 10-15 минути. На крајот на летото многу луѓе имаат проблем со испукани петици, поради носењето сандали или отворени чевли. За омекнување на кожата тука се препорачува шеќер. Потребни се три лажици шеќер и две лажици маслиново масло. Тоа се меша и се нанесува на испуканата кожа. За сѐ тоа да биде поделотворно, се масира пет минути. Потоа кожата се мие со топла вода. Ова се повторува неколкупати неделно. Шеќерот, исто така, помага за суви лакти. Следниот рецепт гласи – измешајте две лажици шеќер со две лажици органско кокосово масло. Се меша сѐ додека не се формира еднолична погуста смеса и потоа се нанесува подебел слој којшто се трие со нежни движења на кожата. Оставете да делува 20 минути, потоа избришете го тоа, измијте со топла вода и исушете со крпа. Оваа постапка се повторува двапати неделно. За сјај на косата, пак, повторно е тука шеќерот на помош. Потребна е мала количина шампон, неколку капки етерично масло по ваш избор и две лажици шеќер. Ако косата е сува, се додава масло од портокал, грејпфрут или лимон. За чувствителен скалп, склон кон брзо мастење, советот гласи – користете масло од чајно дрво. Смесата се нанесува на влажна коса, се масира пет минути, па оставете уште пет минути и на крајот добро измијте со топла вода. Се препорачува ова да се користи еднаш на две недели.

Солта го намалува животниот век

Слободанка Илиева — Tue, 30 Aug 2022 12:56:21 +0000

Додавањето сол во храната може да придонесе до пократок животен век и поголема можност од рана смрт, потврди ново истражување на британски и американски научници, што опфатило повеќе од 500.000 луѓе во Обединетото Кралство. – Националната здравствена служба на Обединетото Кралство препорачува возрасните да го ограничат внесот на околу една лажица сол дневно. Постои долга евиденција на научни истражувања што покажуваат дека исхраната богата со сол е штетна, но овој труд ја нагласува потребата за дополнително ниво на претпазливост, рече водечкиот автор на испитувањата Лу Чи, инаку професор по епидемиологија на Универзитетот „Тулан“ во Њу Орлеанс, САД. Испитаниците одговарале на прашалник меѓу 2006 и 2010 година за нивните навики за јадење сол и колку често го додаваат овој секојдневен зачин во храната. Истражувањето е објавено во журналот „Јуропиан харт“ (European Heart Journal). Солта ја зголемува опасноста од рана смрт, а овошјето и зеленчукот го намалуваат, тврдат стучњаците. Истражувачите ја анализирале здравствената состојба околу девет години и откриле дека колку повеќе луѓето додаваат сол во оброците, толку се поголеми нивните шанси за рана смрт. Сепак, оние луѓе кои консумираат големи количини на сол би можеле да ја намалат опасноста со јадење повеќе овошје и зеленчук, се вели во трудот. Американското здружение за срце препорачува возрасните да консумираат не повеќе од 2.300 милиграми сол дневно – но забележува дека идеалната граница е 1.500 милиграми дневно. Јадењето премногу сол може да го покачи крвниот притисок, што пак, може да предизвика срцеви заболувања, мозочен удар и бубрежни болести. Но, дури и ако не се додава премногу сол во оброците, може да дојде до прекумерна консумација на натриум. – Потребни се повеќе докази, особено од клиничките испитувања, пред јавноста да може да преземе какви било мерки. Сепак, нашите наоди се во согласност со претходните истражувања што постојано укажуваат дека високиот внес на сол е негативно поврзан со различни здравствени исходи како хипертензија и кардиоваскуларни болести, додаде д-р Чи. Готовата и преработената храна често содржи сол за вкус или за конзервирање. Според Управата за храна и лекови на САД, на пр., повеќе од 70 отсто од солта што Американците ја внесуваат, е додадена сол во преработената храна. – Иако повеќето мои пациенти не додаваат сол во храната, не сфаќаат дека печивата, конзервираниот зеленчук и готовите пилешки оброци се меѓу најлошите виновници за прекумерниот внес на натриум, вели д-р Стивен Јурашек, од Харвард. Карли Ноулс, регистрирана диететичарка, препорачува да се готви дома, каде што се има поголема контрола врз соленоста и подготовката на оброците, читањето состојки на купените производи, како и околу зачините со можност без сол. Според неа, така има поголема можност за подобро обработена и поздрава храна. извор:курир.мк

Како да се спаси пресолената манџа?

Слаѓана Атанасова — Wed, 13 Jul 2022 13:00:56 +0000

Секому, веројатно, му се случило барем еднаш да пресоли јадење, па тоа да мора да биде фрлено… Сепак, има неколку трикови, коишто може да го спасат оброкот. Морков, кромид или компир Ако манџата, супата, сосот или чорбата е пресолена, во садот се додава еден цел кромид, морков или излупен компир кој ќе ја собере вишокот сол. Јаболко Според умешноста на искусните готвачки – нашите баби, и јаболкото може да послуж за истото тоа. Само што, кон крајот на готвењето, овошјето се вади и се фрла. Вода Може да се додаде и вода, а ако потоа јадењето треба да се згусне, ставете малку згуснувач или скроб, или пак, бешамел-сос.

Овие 5 работи му се случуваат на вашиот организам кога внесувате премногу солена храна

Христина Ѓоргиевска — Wed, 12 May 2021 13:00:05 +0000

Солта е неизоставен зачин кој ѝ дава на храната подобар вкус, но нејзиниот претеран внес може да има катастрофално влијание по здравјето. Експертите препорачуваат внес од 1500 до 2400 милиграми сол дневно. Најлошо е ако солта во најголема мера ја внесувате преку процесирана храна бидејќи тоа дополнително го зголемува ризикот од здравствени проблеми, со оглед на тоа што таквата храна содржи многу малку нутриенти и многу калории. Еве што може да се случи во вашиот организам ако внесувате премногу сол:

Проблеми со бубрезите

Исхраната со висок удел на натриум го зголемува ризикот од создавање бубрежни каменчиња бидејќи ја зголемува количината на калциум во урината, што е клучен фактор за нивно создавање. Колку повеќе сол, толку повеќе телото задржува вода, обидувајќи се да го растопи натриумот и доаѓа до зголемување на крвниот притисок. Тоа може да предизвика проблеми со работата на бубрезите бидејќи, како што се зголемува притисокот поради вишокот сол, се зголемува и притисокот на артериите кои одат до бубрезите.

Зголемен крвен притисок

Зголемениот крвен притисок се случува затоа што солта поттикнува задржување на вода, што го тера срцето да работи побрзо, при што се создава голем напор и притисок на органите. Ваквата работа може да доведе до срцеви болести, мозочен удар, деменција, кардиоваскуларни болести и други сериозни проблеми.

Надуеност

Една вечер внес на премногу сол веројатно нема да предизвика силна надуеност, но со текот на времето, задржувањето на водата предизвикано од исхрана богата со сол сигурно ќе резултира со хронична надуеност.

Послаби когнитивни функции

Чувството на тромавост и недоволна концентрација е обично знак за воспаленија предизвикани од премногу сол. Исто така, луѓето кои внесуваат премногу сол обично не пијат доволно вода, а дехидратацијата може да биде причина за бројни когнитивни нарушувања.

Остеопороза

Со мокрењето, телото губи калциум, а со зголемениот внес на сол губите повеќе калциум бидејќи повеќе мокрите. Кога во крвта нема доволно од овој минерал, организмот го „влече“ калциумот од коските што може да доведе до остеопороза. извор: точка.мк

Солта може да штети за имунитетот, еве колку треба дневно најмногу да се внесува

Слободанка Илиева — Tue, 04 May 2021 11:45:49 +0000

Покрај проблемите со срцето и крвниот притисок, истражувачите велат дека премногу сол може да штети и на имунитетот. Неодамна спроведена студија открила дека количината сол која ја јадете може да направи да бидете почувствителни на болести предизивикани од бактерии и болести предизвикани од вируси. Студијата објавена во списанието „Circulation“ настојува да го надополни откритието од 2015-та година. Во таа претходна студија, истражувачкиот тим открил дека зголемени количина на натриум во крвта влијаат на тоа како одреден вид на бели крвни зрнца се подготвува за реакција кога ќе почувствува заболена ќелија. Но, дури и на крајот од таа студија научниците се уште не знаеле што се случува со ќелиите. Новата студија открила како реагираат ќелиите кои биле изложени на висока концентрација на сол. Се создава пореметувањње на дишниот синџир поради што ќелиите произведуваат помалку АТП и трошат помалку кислород, објаснува истражувачот Сабрина Гајсбергер од Берлинскиот институт. АТП или аденозин трифосфат е дифиниран како универзално гориво кое ги покренува сите станица во телото птужајќи енергегија. Ова значи дека ако високо ниво на натриум во телото влијае на недостаток на АТП, тоа пак има влијание на начинот на кој белите крвни зрнца созреваат и колку ефикасно може да функционираат. Според студијата се препорачува кај возрасните лица дневните количини да се ограничат на внес од најмногу пет или пест грама, вклучувајќи ја и солта скриена во преработената храна. извор:курир.мк

Знаете ли зошто е добро во кафето да додадете малку сол? Ова е одговорот…

Христина Ѓоргиевска — Fri, 02 Oct 2020 13:50:24 +0000

Доколку сте одлучиле да се откажете од млеко во кафето или пак едноставно сакате да го истакнете вкусот на омилениот напиток, тогаш пробајте го овој трик. Кога ќе дојдете на работа, а зад вас сте имале „напорен викенд“, на брзина треба да се разбудите и да се освестите, нема подобра работа од кафе. Пиењето горко кафе, за моногумина не е омилено, но за среќа може да го „поправите“ тој вкус и тоа со - сол. Освен што така ќе ја намалите неговата горчина и со самото тоа нема да имате потреба да посегнете по шеќер или пак млеко, кафето ќе има подобар вкус. Совршена мерка според Алтон Браун е четвртина лажичка сол и две лажици мелено кафе со една голема шолја вода. Секако, доколку неговата препорака е голема количина кафе за вас, тогаш треба да ја прилагодите според вашиот вкус. Сè што ви треба е кафе и сол. Ставете ја солта во горкото кафе и помешајте. Солта неверојатно се поврзува со работите кои што ја детектираат горчината и кафето го прави попријатно за пиење. извор: точка.мк