соколовски – Вистина.мк

Илина и Ева Соколовски – двете сестрички кои ги собраа сите можни медалји во ритмичка гимнастика во Германија, конечно ќе ги бранат боите на Македонија

Антонио Димитриевски — Mon, 06 Mar 2023 13:08:22 +0000

Сонот на Илина (16) и Ева (13) Соколовски стана реалност! Двете наши девојчиња, кои ги собраа сите можни медалји по ритмичка гимнастика во Германија, сега конечно ќе ги бранат боите на Македонија! Илина и Ева под македонско знаме ќе се натпреваруваат на европското првенство по ритмичка гимнастика, кое ќе се одржи во Будимпешта! И двете се пресреќни, бидејќи сите овие години, колку што се натпреваруваат, иако се со македонски пасош, се натпреварувале за Германија, родени се и живеат таму со семејството. -Конечно ми се исполни сонот1 Уште кога почнав посакував еден ден да застанам под македонското знаме. Кога ќе настапувам за Македонија ќе ме подржат моите тренерки од Германија, со кој веќе работам 10 години. Во Македонија не постои овој спорт и нема тренери, кој ќе ја исполнат нормата за интернатионални натпревари. Се радуваме со мојата сестра што ке ја представуваме Македонија на балканските, европските и на светските натпревари, ни рече Илина. А додека да се случи овој натпревар Илина и Ева стартот на новата сезона го почнаа, секако со медалји. Во јануар Ева имаше пријателски традитицонален натпревар во Боркен, каде го освои првото место. На 11. фебруари во Гутершлох се одржа првата квалификација на сезоната и Ева повторно беше прва, додека Илина го освои второто место. На 19. фебруари Ева се натпреваруваше во Бохум републички традиционален натпревар и повторно го освои првото место. А вака е и деценија наназад, колку што двете се натпреваруваат на републички, државни и интернационални натпревари по ритмичка гимнастика во Германија. Многу медалји ги красат витрните на нивните клубови, недостасуваше само натпревар за матичната земја, бидејќи на секој Македонец желбата е да си ја претставува државата. -Навистина сонот ни се оствари да ја представувме Македонија. Веќе се изработуваат потребните документи и пресреќни сме со Ева што ќе бидеме репрезентативки на Македонија! Следува напорна работа, напорен тренинг, но тоа нас не не плаши, вака функционираме уште кога почнавме. Мотивот сега ни е поголем, Македонки сме, со македонски пасош и под македонско знаме ќе се обидеме да ја претставиме во најдобро светло татковината на европската спортска сцена, вели Илина. Песната „Кога падна на Пирина“ од „Некст тајм“ беше инспирација на Илина Соколовска за настап на Интернационалниот натпревар по ритмичка гимнастика во Германија и се закити со вицешампионско место. Илина и Ева се скопјанки, кои се родни во Геманија, но со семејството живеат и победуваат за Геманија.

Македонските девојчиња Илина и Ева Соколовски повторно се закитија со медали на натпревари по ритмичка гимнастика во Германија

Антонио Димитриевски — Wed, 23 Mar 2022 12:11:38 +0000

Илина и Ева се натпреваруваа во Швеацер, во близина на Дортмунд, Вествалија каде едната го освои четвртото место, додека другата второ. Четвртото место на Илина е исто како да освоила златен медал, бидејќи, прв пат се натепреварува со постарите гимнастичарки. Таа има само 16 години, но беше рамо до рамо со наптпреварувачка од 30 години, односно со сениорките. -Овој натпревар беше на републичко ниво. Го освоив четврто место ама со многу мала разлика во поените, со многу мала предност, вели Илина. Ева, пак, го освои второ место, а тоа што претходно беше позитивна од корона и веднаш замина на натпревар не и претставуваше никаков проблем. Со овој резултат Илина и Ева влегоа во поуфиналето, а потоа ќе се натпреваруваат за финале, кое ќе се одржи во јуни, градорт Даан, на француска граница. -Среќни сме. Не е лесно да се натпреваруваш со сениори. Јас бев четврта од вкупно 17 натпреварувачки, а бев најмала, вели Илина. На сите професионални спортисти периодот на пандемија беше многу тежок, па така и Илина и Ева имаа проблеми со тренинзите. -Овие две години ми беше многу тешко, не можев да ги видам баба и дедо и братучетка ми. Не можевме да тренираме, беше забрането поради короната, а јас бидејки сум во тимот за Бундес лига, нам како професионалци ни дозволија да вежбаме само три пати неделно, што не е доволно. Навистина проблем е короната за сите, па и за нас спортистите. Но, ете, иако чудно, сепак, сестра ми Ева се зарази, а јас не. А постојано сме заедно, објасни Илина. Илина и Ева паралелно со спортот ги завршуваат и училишните работи и тоа со голем успех. Двете се доказ дека се што се сака се може и нема ништо тешко. -Тешко е, јас или учам или тренирам, ама многу го сакам спортот и затоа не ми е ништо тешко. Тешко е сега што поради пандемијата не се тренираше, а сега, пак, покрај војната со Русија и Украина многу од гимнастичарките кои не тренираа мораа да си заминат. Така и јас и Ева моравме да го смениме клубот, бидејќи еднаш се затвори поради корона, а сега сме со нов тренери во друг град ис екој ден патуваме околу 20 километри на тренинг. Ама не е проблем тоа, нас веќе сите не знаат,а тренерите не сакаат и многу се израдуваа кога додјовме во тој клуб, додава Илина. Илина во својата кариера може да се пофали и со интернационални натпревари, на кои постигнувала големи успеси. Таа пред неколку години во Украина беше прогласена за принцеза на гимнастиката и овој спомен, колку што и го топли срцето, толку и ја растажува со оваа ситуација. -Многу ми е жал што вака се случи во Украина. Имам убави спомени, бев на натпревар и бев прогласена за принцеза во Харков. Имам и слики пред зградата, кај што се натпреварувавме, а која сега веќе ја нема, додава тажно Илина, која уште од мала ги гледала денешните успешни гимнастичарки во Германија, а сега веќе се натпреварува заедно со нив. -На натпреварот им кажав дека одсекогаш сум сакала да се натпреваруваме заедно и ете ми се исполни желбата, вели Илина

Сестрите Соколовски и оваа сезона се едни од најдобрите во ритмичка гимнастика во Германија

Антонио Димитриевски — Tue, 16 Jul 2019 11:01:36 +0000

Сестрите Илина (13) и Ева (9) Соколовски со прво и трето место ја завршија сезоната на натпревари по ритмичка гимнастика во Германија и се едни од најдобрите во овој спорт. Ева во завршниот турнир го освои првото место, односно златниот медал во нејзината категорија, додека Илина го освои бронзениот медал, односно третото место. Завршниот натпревар, кој е традиционален летен турнир за летен пехар се одржа во Минстер и по големата победа Илина и Ева заминуваат на заслужен одмор, кој секако ќе биде исполнет со тренинзи бидејќи од есен ги чека нов предизвик и нови победи.

„Илина и Ева досега од ниеден турнир не се вратиле без пехар. Ева досега има 12 натпревари и од сите 12 се вратила со прво место. Илина иако има 12 години од последнава сезона поради големиот талент се натпреварува во категорија на спортисти во групата од 15-16 години. Таа минатата година имаше и еден интернационален настап во Украина, каде го освои првото место и беше прогласена за принцеза за ритмичка гимнастика. Овој пат го освои третото место, но со многу мала разлика во поени. Иако и двете се со македонски пасош, сепак, Германија многу вложува во нивниот талент и во клубот каде тренираат доаѓаат светски тренери да им ги покажат вештините во овој спорт“ - вели нивниот татко Горан Соколовски.

Дека македонските девојчиња Илина и Ева се гордост на Германија покажува и фактот што после секој турнир и награда медиумите не штедат зборови за пофалба. Годинава Илина на турнирите четири пати била прва, додека Ева од три натпревари сезонава три пати се вратила со златен медал. Затоа и германските медиуми за нив велат дека каде и да настапуваат се враќаат со награди и дека станатите натпреварувачки треба да се плашат од нивниот талент и успех. „Од секој турнир се враќаат со награди.

Браво за Илина која поради големиот талент и умешност се натпреварува во категорија на спортистки кои се поголеми д неа и на Ева која знае само за прв место“, пишува меѓу другото во медиумите во Германија. Колку Илина и Ева се познати и признати покажува и фактот што дел од фирмите веќе ги ангажираат за заштитни лица за рекламирање на нивните производи.

Илина и Ева заминуваат на летен одмор во Македонија, каде секој ден со наши тренери ќе вежбаат по неколку часа на ден. Од есен ги очекува нова сезона со нови успеси.