сок – Вистина.мк

Ана Радуловиќ доживеа непријатност: Ана Ќурчиќ во емисија во живо истури сок врз водителката (фото)

Слаѓана Атанасова — Wed, 16 Aug 2023 07:13:21 +0000

Водителката на телевизијата Пинк, Ана Радуловиќ, доживеа непријатност во студиото за време на емисијата „Народ пита“, кога поранешната „задругарка“ Ана Ќурчиќ и истури сок поради прашање од гледачите. Гледачот телефонски се приклучи на емисијата и влезе во вербален конфликт со Ана Ќурчиќ во живо во емисија. Таа не можела да ги издржи неговите зборови, па во еден момент истурила сок врз водителката и ја напуштила емисијата. Водителката била шокирана од однесувањето на задругарката. Мики соопштил дека Ана го побарала неговиот телефонски број за да стапи во контакт со него и неговата сопруга, а кога водителката прашала зошто сака да биде во контакт со него, таа го истурила сокот и ја напуштила емисијата. - О Боже. Ова е страшно! Не знам зошто сум јас виновна и зошто ми го истури овој сок, но ова е огромно непочитување и навистина останав без зборови. Овде не може да се поставуваат прашања, а безбедно е да се влезе во Задруга и да се застане до Звездан - рече водителката. - Ова е непочитување кон мене. Да ми прави насилство секоја емисија и да ме прави будала. Марш! Нема повеќе да бидам тука – коментирала Ана додека ја напуштала емисијата, а потоа се слушнало нешто како тропа зад камерите. - Не знам зошто луѓето вака се навредуваат, се плашат и си заминуваат. Доаѓаат овде да разговараат за тоа што се случило во Задруга. Таа ми го истури сокот затоа што ја прашав зошто те повика надвор од реалното шоу. Тоа беше сосема нормално прашање – изјави водителката. Фото: Принтскрин/Јутјуб/Задруга/Тв Пинк/Србија Данас

Речиси секој ден јадете домати, но сигурно не знаете за што ќе ви помогне сокот од нив

Слаѓана Атанасова — Thu, 06 Jul 2023 12:30:31 +0000

Доматот е многу застапен на нашите трпези. Но, дали знаете дека тој помага во намалувањето на крвниот притисок? Според низа истражувања, една чаша сок од домат може многу да помогне во намалувањето на крвниот притисок. Исто така, се намалува и ризикот од настанување на срцеви болести. Научниците дошле до заклучок дека луѓето кои конзумираат 1 чаша сок од домат секојдневно, имаат помал ризик од развој на болести на срцето. Исто така, се забележало и намалување на нивото на холестерол во крвта. Извор: Курир.мк

Направете си сируп од киви – може да спречи појава на тромб, згрутчување на крвта, но и ризик од мозочен удар

Слаѓана Атанасова — Thu, 23 Mar 2023 13:37:37 +0000

Сокот од киви е нешто што треба да го вклучиме во секојдневната употреба бидејќи делува благотворно на организмот и е полн со различни здрави состојки. Одличен е за оние кои имаат проблеми со песок во бубрезите и жолчката. Сокот од киви ќе ви обезбеди големо количество калиум и влакна, кои исто така можат да ве заштитат од срцеви заболувања. Треба да бидете внимателни со дневната количина на сок од киви. Не треба да пиете повеќе од 1-2 чаши сок што сте го разредиле со вода, бидејќи може да сте алергични на киви. Состојки: 1,5 килограми свежи и излупени киви половина килограм шеќер 1,5 литри вода Подготовка: Кивито излупете го и исецкајте го, ставете го во блендер и изблендирајте. Ако немате блендер при рака, можете да користите и мелница за домати. Потоа изблендираното киви поминете го низ густа цедалка за да испушти што повеќе сок. Потоа зовријте ја водата, кога водата ќе зоврие почекајте да се излади. Во исцедениот сок од киви додајте ја провриената вода што се оладила и половина килограм шеќер. Мешајте околу 20 минути додека шеќерот целосно не се раствори. Стаклените шишиња во кои ќе го истурите домашниот сок од киви стерилизирајте ги и ставете ги во фрижидер. Пред да го користите сокот, разредете го со вода. Сокот или сирупот од киви содржи: витамин А, витамини од Б комплексот, витамин Ц, витамин Е, витамин К, селен, калциум, калиум, фосфор, каротеноиди, железо, хлорофил, лутеин, јаглехидрати, флавоноиди и затоа се препорачува да се користи во исхрана за бебиња, а кивито особено се препорачува за време на бременоста. Извор: Курир.мк

Ѓумбир за здравје и круша за душа: Направете детоксикација со овој природен сок

Слободанка Илиева — Wed, 21 Dec 2022 13:40:01 +0000

Ѓумбирот е исклучително здрав за луѓе од сите возрасти, а е ефикасен и кога станува збор за детоксикација на организмот. Детоксикација на тело секогаш ни е потребна заради нездравата храна која секојдневно ја внесуваме во себе. Ѓумбирот е исклучителна намирница која може да ни помогне во тоа. Ѓумбирот е здрав корен кој го зајакнува имунитетот и ја потиснува кашлицата. Покрај ѓумбирот, во овој сок оди и круша, сочно и вкусно овошје со голема хранлива вредност, многу диетални влакна кои ќе го задржат чувството на ситост и ќе ве спречи помеѓу оброците да посегнете по нездрави грицки, како и краставица, природно средство за чистење на телото полно со калиум. Овој одличен природен сок ќе го исчисти организмот, добро ќе го нахрани и ќе ве направи сити. Пробајте го овој едноставен и вкусен рецепт. Потребно е: 3 круши 2 прстени ѓумбир четвртина краставица Подготовка: Сите состојки ставете ги во блендер. Овој освежувачки сок можете да го пиете како меѓуоброк. извор:курир.мк

Сок од компир е чудесен лек за тешки болести

Слаѓана Атанасова — Wed, 09 Nov 2022 13:17:29 +0000

Благотворните својства на компирот одамна се познати во медицината, но и покрај тоа преовладува мислењето дека компирот не смее да се конзумира сиров. Тоа е заблуда затоа што „жив“ компирот е многу здрава и повеќекратна корисна намирница. Лушпата на здрав и органски одгледан компир не содржи никакви отрови штетни по здравјето. Опасно е да се јаде недозреан компир со зелена или со наместа зелена лушпа и зелени делови. За лековитоста на сокот од компир зборуваат многу експерти кои сметаат дека тој е природно средство за лекување на гастритис, една од најстрашните болести на денешницата. Се препорачува да се зема по една лажица сок од компир разреден со малку вода, половина час пред појадокот, ручекот и вечерата. Кај луѓе со чир на желудник се советува секојдневно да пијат половина децилитар сок од компир на празен стомак и потоа по половина децилитар половина час пред ручекот и вечерата. Сокот од компир го намалува шеќерот во крвта, а помага и во лекување на болести на белите дробови дури и кај потешки болести како емфизема. Ефикасноста на компирот за сузбивање на ракот постојано се докажува и во научните истражувања. Професорот Кагамин од медицинскиот факултет во Акита, Јапонија, успеал од сиров компир да издвои супстанција која се покажала ефикасна во спречувањето на растот на туморските келии кај лабораториски глувци. Резултатите ги објавил на меѓународен конгрес на Лигата за борба против ракот одржан во Германија. Во последно време компирот се повеќе добива на важност како ефикасно средство во борбата против болести на црниот дроб и бубрезите, но и кај срцевите заболувања, висок притисок, дијабетес, ламбаго, ревматски болести… Независно од позитивните влијанија во третманот кај тешките болести, пиењето сок од сиров компир е одлично средство за зајакнување на имунитетот. Помага и кај честите главоболки и менструални болки. Ако се чувствувате слабо или исцрпено наутро и навечер испијте сок направен од еден компир со средна големина, еден морков и јаболко и во рок од две недели повторно ќе бидете во форма. Извор: Курир.мк

Најздравото освежување: Домашен сок од нане е се што ви е потребно за да закрепнете

Слаѓана Атанасова — Thu, 03 Nov 2022 13:30:18 +0000

Нането е во полн цут, а некои од вас веројатно го берат и сушат за да направат чај по потреба. Младите домаќинки веројатно не знаат дека со нане може да се направи совршен освежителен пијалок, што е идеален, пријатен и вкусен начин за разладување во топлите денови, а и за овој преоден период. Состојки: – 10 гранчиња свежо набрано нане – вода, 1 л – шеќер, 1 кг – маточина, 2 лажички Подготовка: Нането измијте го темелно, а потоа натопете го во вода со лимонска киселина. Исечете го лимонот со целата кора на парчиња и додадете го во водата. Добро измешајте и оставете да отстои 24 часа. Потоа исцедете го сокот во друг сад и додадете шеќер. Добро измешајте и оставете да отстои уште 24 часа. После тоа, истурете го пијалокот во стерилизирани шишиња и чувајте го на ладно место. Извор: Курир.мк

Правите голема грешка ако лековите ги пиете со сок, дознајте зошто

Слободанка Илиева — Fri, 28 Oct 2022 11:58:16 +0000

Пиење лекови со сокови, а особено со одредени видови, прилично може да го намали нивното дејство. Ова пред сè се однесува на соковите од грејпфрут и портокал, доколку истовремено се пијат со лекови против алергии, како и против покачен притисок. Експертите истакнуваат дека во ваква ситуација дејството на лекот може да се преполови, а за тоа е одговорна хемиската супстанца нарингин, која ја има во сокот од јаболко. Се претпоставува дека токму нарингинот го блокира механизмот кој е клучен за премин на молекулите од лековите низ тенкото црево во крвотокот. извор:курир.мк

Само додадете малку сок од лимон во овој пијалок и главоболката ќе исчезне

Слободанка Илиева — Tue, 07 Jun 2022 12:02:19 +0000

Главоболките воопшто не се безопасни. Но, што ако ви кажеме дека можете да се ослободите од нив со вашиот омилен пијалок? Главоболките се случуваат често, но понекогаш е тешко да се знаат вистинските причини. Во зависност од тоа како и до кој степен ќе се појави, може да биде сериозен здравствен проблем. Ако главоболката се појави рано наутро, дефинитивно треба да ја провери лекар бидејќи може да укаже дека се работи за тумор на мозокот, апнеја, многу висок крвен притисок. Исто така, треба да се консултира лекар ако главоболката е придружена со промени во видот, варењето или расположението и ако има напнатост во вратот или раздразливост или ако болката се појави по удар во главата. Во моменти на неподносливи главоболки, голем број луѓе посегнуваат по апчиња. Но, без нив лесно можете да се ослободите од главоболките. Само земете лимон, исцедете го во утринското кафе и испијте го. Направете го ова секој пат кога ќе почувствувате главоболка. Вашето страдање ќе заврши. извор:курир.мк

Старински рецепт кој освежува и лекува: Вака се прави сок од бозел

Слободанка Илиева — Thu, 02 Jun 2022 12:31:23 +0000

Ништо не освежува подобро во летните денови од чаша сок од бозел. Потребни состојки: - 40 цветови бозел - 5 литри вода - 4 кесички лимонтус - 4 цели лимони - 3 кг. шеќер Подготовка на сируп од бозел: Цветовирте од бозелот наберете ги само кога надвор е сончево. Ставете ги цветовите во вода. Лимонот добро измијте го во раствор од сода бикарбона, пресечете го на кругови, па додадете ги цветовите од бозел. Промешајте и ставете на ладно и темно место да отстои 24 часа. Наредниот ден процедете ја течноста, па додадете го шеќерот и лимонската киселина и измешајте. Потоа сокот ставете го во шишиња и чувајте го на ладно и темно место. извор:точка.ком.мк

Додајте го овој зачин во топла вода со лимон – напиток кој го зајакнува здравјето и помага при слабеење

Слободанка Илиева — Mon, 23 May 2022 11:49:23 +0000

Куркумата е моќен индиски зачин кој освен за подготовка на вкусни јадења, се користи и за зајакнување на имунитетот и за подобрување на здравјето. Со векови се користи како природен лек и има моќни антисептички и антиинфламаторни својства, а важи и за силен антиоксидант. Исто така, куркумата успешно се бори против слободните радикали кои можат да го зголемат ризикот од разни заболувања. Постојат разни начини на кои можете да ја користите куркумата во служба на здравјето, да ја комбинирате со мед, да подготвите златно млеко или чај. Меѓутоа, еден напиток особено се препорачува. Станува збор за комбинација од куркума и вода со лимон. Овој лековит напиток ќе го подмлади вашето тело и ќе ви даде енергија. Доколку секое утро во чаша вода додадете неколку капки лимонов сок и прстофат куркума, ќе добиете еликсир кој го регулира нивото на шеќер во крвта и го намалува ризикот од воспалителни процеси во телото. Лимонот е одличен за детоксикација на организмот и е одличен извор на витамин Ц, а еве кои се предностите на ваквата мешавина на лимонова вода и куркума: - поттикнува слабеење и детоксикација на телото - помага во разградување на мастите - куркумата го спречува високото ниво на шеќер во крвта - го стимулира производството на жолчен сок во жолчната ќеса, како и други компоненти кои поттикнуваат правилно варење - го зголемува нивото на енергија - куркумата ја подобрува функцијата на црниот дроб и му овозможува на телото да ги разгради токсините од исхраната - го зајакнува имунитетот и го намалува ризикот од настинки и грип Рецепт за вода со куркума и лимон: - цеден сок од половина лимон - 1/4 лажичка куркума - 1/2 лажичка мед - 300 мл. топла вода - прстофат цимет (по желба) Начин на подготовка: Во топла вода додајте куркума, лимонов сок, мед и промешајте. Додека го пиете напитокот, мешајте за куркумата да не паѓа на дното. Напитокот се пие наутро додека е топол. Не се препорачува за лица кои имаат проблеми со желудникот како чир или гастритис. Пред употреба на напитокот, консултирајте се со лекар. извор:точка.ком.мк