согорување – Вистина.мк

4 минутен “табата” тренинг за брзо согорување на масти

Љупчо Најчевски — Fri, 16 Nov 2018 13:50:42 +0000

Сакате да го одржувате телото во топ форма, но не успевате да најдете доволно време? Методот „табата“ е вистинско решение за вас.

Наречен по јапонскиот научник Изуми Табата, овој метод за вежбање препорачува кратки тренинзи во кои ќе вложите максимум од себе. Потпирајќи се на сопствени научни истражувања, Табата открил дека интервалното вежбање со висок интензитет дава одлични резултати. Според приврзаниците на „табата“ тренирањето, 4-минутните интензивни тренинзи носат повеќе фитнес бенефиции отколку едночасовното возење на стационарен велосипед со умерено темпо.

Методот „табата“: 8 х 20 секунди вежбање + 8 х 10 секунди одмор = 4 минути

Или со други зборови, според методот „табата“, треба да вежбате со максимален интензитет 20 секунди по што да направите 10 секунди пауза и да го повторите тоа вкупно 8 пати. Една од позитивните страни на „табата“ тренингот е што имате слобода да комбинирате најразлични кардио вежби и да го прилагодувате на вашите можности, што значи дека нема да можете да се пожалите дека ви е здодевно. Можете да повторувате само една вежба во текот на осумте интервали, но се препорачува да ги менувате вежбите по секоја пауза. Исто така, можете да правите повеќе „табата“ серии во текот на едно вежбање. Паузирајте по 2 минути помеѓу сериите.

ПРИМЕР ЗА „ТАБАТА“ ТРЕНИНГ

20 секунди трчање в место со високо подигнување на колената
10 секунди пауза
20 секунди чучњеви
10 секунди пауза
20 секунди склекови
10 секунди пауза
20 секунди скокање на јаже
10 секунди пауза

Повторете ги сите вежби уште еднаш за да завршите една „табата“ серија. Не заборавајте да издвоите по неколку минути за загревање на почетокот од тренингот и за растегнување на крајот.

ИДЕИ ЗА „ТАБАТА“ ТРЕНИНГ

Методот „табата“ стекна огромна популарност и доживува бројни модификации. Понекогаш интервалите се продолжени, понекогаш за вежбите се користат тегови или фитнес справи, понекогаш аеробик вежбите се заменуваат со јога или пилатес вежби. Можете да сретнете најразлични варијации на „табата“ тренирањето. Еве само неколку идеи:

4-минутен тренинг

https://www.youtube.com/watch?v=5rL_s4HwtIM

Согорете 300 калории за 20 минути (видео)

Љупчо Најчевски — Thu, 27 Sep 2018 13:40:04 +0000

Барате едноставни вежби кои ќе ви помогнат забрзано да топите масни наслаги и да го обликувате телото, а истовремено да си ја подобрите стабилноста? Со овие кардио движења и вежби, создадени од тренерите Џејсон Черчан и Мајкл Патарино, ќе согорите 200 калории и веднаш ќе почувствувате дека вашите мускули стануваат поцврсти и подефинирани.

Физички активности со кои ќе топите многу калории

Љупчо Најчевски — Thu, 07 Jun 2018 11:30:35 +0000

Постојат многу причини да вежбате, а еден од најдобрите начини на вежбање е тој што ви помага да согорите што е можно повеќе калории. Најдобро е да ја изберете активноста која ќе сакате редовно да ја користите или можете и да комбинирате неколку активности во кои ќе уживате. Ако согорувањето калории ви е најважната цел, погледнете како се рангираат одредени активност и колку калории се трошат со нив. Имајте во предвид дека процените се дадени за жени кои имаат 73 кг и мажи кои имаат 88кг.

Пијалак за лето кој екстремно ги согорува мастите

Љупчо Најчевски — Fri, 18 May 2018 11:54:26 +0000

Сакате да се ослободите од мастите во проблематичните места што е можно побрзо? Со помош на еден магичен пијалак за топење на мастите ќе успеете без дури да следите којзнае какви ригорозни диети! Пијалакот за екстремно топење на мастите се подготвува многу лесно. Треба да се пие секој ден до постигнување на саканиот ефект. Како да го подготвите? Состојки: 1 лажичка јаболков оцет чили сокот и коричка од 1 лимон 200 мл топла вода Во топлата вода додадете го сокот од лимон, јаболковиот оцет и црвениот пипер. Измешајте го сето добро, конечно додадете и ситно рендана лимонова кора. Промешајте и пијте по една чаша од оваа волшебна мешавина по секој оброк. Зошто овој пијалок делува? Црвената пиперка го забрзува метаболизмот и на тој начин согорувањето на мастите станува многу побрзо. Во црвениот пипер се содржи антиоксиданс наречен капсаицин. Тој има моќно дејство против мастите, бидејќи влијае на нервниот систем, предизвикувајќи го да произведе повеќе топлина во телото. Зголемувањето на температурата го забрзува метаболизмот, а оттаму и топењето на мастите. Лимонот и неговата кора пак содржат друга супстанција – поликозанол, кој исто така е многу корисен во редукција на масните клетки. Јаболковиот оцет исто така има значење за организмот. Тој дури сам по себе го забрзува метаболизмот. Ако го земате во чиста форма по една лажичка на ден, исто така ќе имаат ефект. Но, во комбинација со другите состојки влијанието врз метаболизмот и топењето на мастите е неверојатно силно! Пробајте!

Скокање јаже за топење масти

Љупчо Најчевски — Tue, 03 Apr 2018 13:37:37 +0000

Скокањето на јаже е една од најефикасните кадио вежби, забавна е, не е еднолична и ги активира сите мускули од вашето тело, почнувајќи од ремениците, задникот и нозете. Згора на тоа, со 45 минути скокање на јаже согорувате дури 450 калории! За максимален ефект и удобно вежбање потребни ќе ви бидат :

Јаже за скокање со соодветна должина
Удобни и цврсти спортски патики
Спортски градник
Помек под (или изомат)

Се снабдивте со соодветната опрема? Почнете! Скокови во место – Започете со правење на скокови со место. Со погледот следете ја траекторијата на јажето, главата и грбот држете ги исправени. За почеток направете 70 скокови во место со споени нозе (пожелно е да ги направите сите 70 во една минута, но доколку сте почетник дајте си време). Потоапрескокнувајте го јажете со едната па со другата нога наизменично, со тоа што едната нога ќе биде благо подигната од земја. Повторете го овој скок 70 пати со тоа што броите едно прескокнување откако ќе го направите и со двете нозе. Скокови со движења како да трчате – Секогаш кога го прескокнувате јажето свиткувајте ги и кревајте ги колената како кога трчате. Обидете се ова да го направите 80 пати во минута. Напред – назад скокови – Кога го прескокнувате јажето потскокнете и придвижете го телото нанапред или наназад, наизменично. Ваквите скокови ќе направат чудо за тонирањето на мускулите на нозете. Кога ќе ги совладате овие три основни, и кога ќе успеете да ја направите посакуваната бројка од истите во една минута, време е да се обидете и со напредните скокови. Такви се двојниот скок и осумки. Ова подразбира дека при правењето двоен скок јажето под вас треба да помине два пати. Доколку правите осумки, со држење на рацете во висина на колковите, непосредно пред да падне на земја треба да го прекрстите јажето во форма на бројот 8 и да го прескокнете.