Поранешните членки на „Хурикејн“ се подготвени да настапат заедно: „Ураганките“ ќе пеат на свадби за 50.000 евра (фото)

Слаѓана Атанасова — Thu, 06 Oct 2022 08:14:02 +0000

Поранешните членови на групата „Хурикајн“ Сања Вучиќ, Ксенија Кнежевиќ и Ивана Николиќ се подготвени повторно да настапат заедно. Нема да имаат проблем да се соберат и да пеат на приватни веселби и свадби за 50.000 евра, иако соло кариерата ја започнаа пред еден месец. - Групата „Хурикејн“ работеше многу добро, девојките беа барани во сите клубови, но и на приватни забави. Тие правеа феноменална атмосфера со песни, оро, но и флертувајќи со публиката и гостите. Бендот се распадна, почнаа соло кариера, но луѓето се уште ги бараат! Сакаат да ги слушаат, и тоа исклучиво заедно! И не само менаџерите на клубовите, туку и оние кои организираат приватни прослави и свадби - вели добро упатен извор. Според него, „Ураганите“ решиле да ја зголемат цената: - За нив владее општо бунило веќе неколку недели, но ги одбиле сите понуди, бидејќи им била понудена цифрата за која настапувале досега - 30.000 евра. Ако некој им даде повеќе пари, со задоволство ќе пеат заедно. Тие не се скарани, редовно се слушаат и се поддржуваат. Затоа не би им било проблем да настапат заедно, а единствениот услов им е да добијат 50.000 евра за тоа! Тој додава дека бендот се распаднал затоа што Сања, Ксенија и Ивана сакале да заработат повеќе. - Хонорарот им беше 30.000 евра. Меѓутоа, додека ги поделат парите со музичарите, менаџерите и другите луѓе кои работат за нив, не им останува многу. Кога сфатија дека индивидуално можат многу повеќе да заработат, решија да се разделат - вели соговорникот. Приказна ја потврди и Ксенија Кнежевиќ: -Ако некој добро плати, пак ќе се собереме да пееме на некоја прослава или настап. Заедно сме супер, често се допишуваме и не би ни било проблем да пееме заедно - вели Ксенија и открива со која членка на „Хурикејн“ подобро се согласувала: - Сања ме нервира повеќе отколку Ивана, бидејќи постојано ме критикуваше дека доцнам. Но, таа беше во право бидејќи јас ретко пристигнувам во одреденото време. Фото:Принтскрин/Марко Џоковиќ/Д.Живанчевиќ

Ниту една паметна жена не се согласува на ова: 5 работи кои не треба да ги правите за мажот кој го сакате

Христина Ѓоргиевска — Fri, 30 Oct 2020 14:15:04 +0000

Колку и да го сакате мажот со кој што сте, некои работи се едноставно неприфатливи. Паметната жена никогаш не ги прави овие 5 работи за својот партнер:

Никогаш не го издржува финансиски

Секоја жена што го финансирала својот партнер, горко се покајала поради тоа. Бидете му поддршка кога е тешко, но никогаш не се согласувајте да бидете некој кој ќе го издржува.

Никогаш не му купува скапи подароци

Никогаш не му ја покажувајте љубовта преку скапи подароци. Не се обидувајте да го импресионирате така што ќе потрошите огромна сума на пари за него, особено не на почеток на врската. Тоа ќе ја одведе вашата врска во погрешна насока. Парите никогаш не треба да бидат мерило за љубов.

Никогаш не го менува изгледот само затоа што тој сака

На жените им доаѓа речиси природно да го менуваат изгледот во согласност со тоа што им се допаѓа на нивниот партнер. Да се разбереме, нема ништо погрешно во тоа да поминете малку повеќе време средувајќи ја косата или фризурата пред романтичната вечера – тоа е можност да ја нагласите вашата природна убавина и да си ја подигнете самодовербата. Сепак, би требало да бидете подеднакво самоуверени и кога ќе се појавите пред него во маица и фармерки, како и кога ќе се појавите во фустанот што тој го обожува. Ако ве притиска да се облекувате онака како што тој сака, да носите фризура каква што тој сака или на кој било начин да го менувате телото, не е вреден за вашето време.

Не се откажува од своите соништа

Тоа што сте во врска не значи дека треба да се откажете од вашите соништа, само затоа што соништата на партнерот не се поклопуваат со вашите. Напротив – вистинскиот маж ќе ве поддржи во сите ваши намери.

Никогаш не измислува оправдувања за него

Кога тој ќе погреши, понекогаш сигурно има добро оправдување, но не треба вие да го измислувате за него. На тој начин само се лажете себеси и во суштина му давате поддршка на неговото непримерно однесување во некои ситуации. Кога е потребно, слободно удрете со тупаницата на маса – секако, мислиме фигуративно. Извор: точка.мк